وجه اخر
البارت 19
قدر: كتلج مستحيل البس هذه لا تخليني انزل بل بجامه +
لينا: لعد تعاي لبسي هاذ السمائي هم كولي فاضح
قدر: اي دشوفي دلعه الصدر شكبرها
لينا: امشي لبسي قدر كافي خليني ارتبه عليج
هدئ: هاي بعدج ولج وصلو كاعدين جوه
لينا: يلا بسرعه
قدر: اخذت الفستان لبسته هوه مستور من الردن وطول بس الصدر فضيحه طالع نصه
رتبته لينا
هدئ: ولج طالعه گمر شنو هل حلاوه
صلوات علئ النبي
قدر: خايفه مادري ليش
لينا: يلا ننزل شهل جمال راح تجلطي للرجال
قدر: نزلنه ساره وامينه وخالتي واخت خاله ومرت اخوها جانو كاعدين بصاله رحت سلمت عليهم وخاله وماما بس يصلون علئ النبي
امينه: شهل جمال ناويه علئ اخوي اليوم
مشتاقتلج
قدر: ههههه اني اكثر والله
بقينه كاعدين نسولف شويه وبابا صاح ماما
ام قدر: يلا بنتي لبسي المحرم خلي يعقدولج
قدر: صعب كلش صعب احساسي ماعرف اشرحه لبسته وكفت يم الباب نفس الوكفه بس فرق العريس غير طردت الافكار من راسي وبقيت اردد هذه ثائر قدر مو عبدالله الحقير
ام قدر: وين صافنه بنتي ديسالج الشيخ ردي عليه
قدر: رجع سالني وقبلت
ثائر صار زوجي الهلاهل شگت اذني
الكل باسني بس اني احس فاصله مو وياهم
لينا: شبيج ولج
قدر: صرت علئ ذمته
لينا: قدر حبيبتي كافي لا تفكرين الله يسعدج والله يجي يوم وتحبي وتكومين تتنفسي
قدر: ان شالله بقيت كاعده نسولف اني وامينه العرفته منها اصدقاء ثائر هم جايين
امينه: قدر بابا ديصيحج
قدر: فدوه امينه بس جيبيلي شال
امينه :هاج هذه
قدر: اخذت الشال لفيته علئ جتفي وصدري
ورحت بست راس بابا وباركلي بعدها بست راس عمو وباركلي ابد مباوعت علئ ثائر
ابوثائر: كعدي باباتي هاي كدام ابوج ماريد يجي يوم وثائر يشتكي منج واذا شفتي شي ضوجج منه تعاي وحجيلي اطلعلج حقج من عيونه وانسه هوه ابني
قدر: تسلم عمو متقصر
وان شالله ميصير هيج شي
ابو ثائر: كوم ابني اخذ عروستك وروح اخاف عدكم سالفه سوه ساعه ونرجع للبيت
