وجه اخر
البارت 28
ابو ثائر: روح ابني اخذ مريتك وتفاهم وياها
قدر: طلعنه للحديقه صح يمشي بس بصعوبه
كعدت وكعد بصفي
ثائر: شلونج
قدر: الحمدالله
ثائر: ليش هلكد ضعفانه
قدر: مضعفانه نفسي بس عيونك بيها خلل
ثائر: هههههه اي ماكو مشكله باجر اروح افحصهن
اسمعيني قدر صح اذيتج بس جان شي خارج ارادتي مجنت اكدر اقتربلج
قدر: بس اني مماذيتك بشي انت جنت دووم تجرحني بكلامك
ثائر: تكدرين تسمعيني بدوم متقطعين كلامي
اني احبج واعشقج وانتي كلش زين تعرفين هذه الشي ميحتاج احجيلج شكد احبج
قدر: بس اني مشفت حبك دائما كلامك وتصرفاتك غير بعيده كل البعد علئ الحب
ثائر: شكللتت اني خليني احجي واسمعيني للاخير
انتي اذا شغله تحبيها وتتمنيها من زمان وهيه يمج تكدرين تصبرين نفسج ومتاخذيها
قدر: بقيت اباوع عليه لا ماكدر
ثائر: زين انتي تعرفيين شيصير بيه وشلون صراع عايش من اشوفج كاعده يمي بس ماكدر اقتربلج ولا اكدر احجي وياج تدرين شنو احساسي
ومن اجي اريد اقترب منج اكو شي يمنعني
مداتخيل اكو شخص غيري نايم يمج لاعب بشعرج كايلج كلمه احبج قبلي
تدرين العذاب العايشه شنو تدرين شون اتعرك ويا نفسي
انتي ذبحتيني قدر خليتني اصير مثل المراهق
ولج ايام جنتي انتي نايمه بحظنه واني بس الله يعلم بحالي
اني مداكدر اقترب منج شغله مو بيدي
من احجي وياج احس هذه الحجي كله حاجي الج غيري وسامعته منه
من اريد اقترب منج احس ايد غيري بجسمج
قدري ضروفي شغله اببد مو سهله عليه
قدر: اني غلطت اعترف بس ماريد اعيش باقي حياتي ادفع ثمن هل غلطه
اذا تتقبلني هلشكل احجي وطلع هل افكار من راسك الله شاهد الانت تفكر بي ابد ميجي ابالي واذا اجه ابقه ادعي عليه لائن دمرني وانت تعرف كلشي ميحتاج احجيلك
واذا متكدر تتقبلني وتطلع هل افكار من راسك شوف حياتك واتمنئ ربي يسعدك
بقه يباوع عليه اني مشاعري اختلفت اتجاهه ثائر من ابتعد منه احس مضيعه شي وماشتهي اكل احس بروحي حيل اتعب
صح مشايفه منه لحد هسه كلمه حلوه بس
احس بي سند الي
كام يدك بلعوچيه الشايلها بلكاع
ثائر: اسالج سوال وجاوبيني بصرراحه
قدر: هزيتله راسي واني خايفه من السوال شراح يكوول بقيت اباوع بوجه
ثائر: انتي تحبيني؟ لو ترديني علمود ضروفج
حيانًا الطريق إلى الله يبدأ بشخص يكسر قلبك ،
وصديق يخيب ظنك ، وصاحب نفوذ يظلمك ، حتى تيأس فيما عند البشر وتلجأ لله وحده فيغنيك عن العالمين ✋
