وجه اخر
البارت 13
قدر: بقيت ساكته مجاوبتها مر اليوم بين خواتي وماما وبابا مكابلتهم وكاعده احس مداشبع منهم
ثاني يوم العصر رحنه للسوك
اني وماما والبنات
مجنت شايله فلوس بطبيعتي اخجل اخذ فلوس من اهلي لائن قبل لا اتزووج ممسويتها اجي هسه اسويها جان راتب المختبر مكفيني وزايد عليه بس هسه صايره بحسره الفلس
ضيعت نفسي من ماما وخواتي رحت يم الصايغ بعت اسوار اشتريته ويا النيشان
صح نزل نص سعره بس مو مشكله
المهم ماحتاج احد
طلعت من الصايغ واتصلت بيه ماما
ام قدر: وين اختفيتي بنتي
قدر: بعدكم يم محل الفساتين
ام قدر: اي تندلي
قدر: اي ماما جايه
رجعت. لنفس المكان هدئ جانت طايره من الفرح ربي يتمملها علئ خير
اختاريت فستان بنفسجي طوخ. طويل كلش حبيته اخذت ويا شال بيجي وشال بنفسيجي فاتح كلت اليرهم ويا اكثر البسه
خلصنه من تعب السووك رجعنه للبيت
هلكنه بعدها سوينه العشا ويا ماما
ونضفنه البيت لباجر طبعا هاله بزر الكعده
حته بابا ميقبل تشتغل دلال مو طبيعي
ثاني يوم كعدت علئ صوت موبايلي ضليت. صافنه علئ الرقم جانت عمتي كلت يمكن حنتلي وبطلت سوالفها والله حته الحفله اعوفها وارجع
فتحت الخط كلت الوو لو نزل عليه مو لسان دكولون رشاش الله وكيلكم
ام عبدالله: انتي الدايحه ام الولد الگح.....
الساق..... صارلج يومين عايفه البيت الله العالم تلعبين شاطي باطي
قدر: بقيت فاكه حلكي صدك نصدمت بيومها مطلع بيدي غيرت سديت الخط كلت شحاجيها وهيه اكبر من امي
هدئ: واخييرا كعدتي يلا كومي نرتب الصاله
اكللها ميحتاج قابل همه غربه اهلنه بس ميفيد
هوب هوب وين صافنه قدر داحجي وياج
قدر: لا يمج
هدئ: سمعتيني شكلت
قدر: اي صدك دكول ماما
امشي خلنعدل البيت خاطر نصعد تمكيجين نفسج واسوي شعرج
بقينه اليوم كله ملتهين بين البيت والملابس والترتيب واني بالي كله مو يمهم لا بس دائما اسال نفسي ليش ورطت نفسي بهيج ورطه
يمكن حووبه ثائر
وكلام امينه دووم يرن بذني من كالت
ثائر يحبج ونفسه وراج مراح تنسعدين طول عمرج اذا تزوجتي غيره
حضرنه نفسنه ونزلنه هدئ طالعه گمر بحاله صلووات الله يحرسها من كل شر
شويه وصلو بيت عموو واخووان مرت عمي
