وجه اخر
البارت 23
لا والمصيبه شفت گصتها مشكوكه ومبين الجرح مو مال هسه
ردت افتهم منها السالفه وليش هيج يسوي وياها مهما يكون ابقه ابن عمها وسندها
بس رجعت وطلعتني من دائره حياتها
وجرحتني بكلامها دائما تحسسني شامر نفسي عليها
ابتعدت كلش عنها هل فتره وبيوم جنت كاعد ويا اصدقائي خابرني سلمان كال قدر تخربطت وهسه احنه بلمستشفئ
حسيت الدم وكف بكل جسمي
رحت بوجهي للمستشفئ وشفت حالتها گلبي نعصر شعور غريب بوكتها لو جان هل سگط گبالي والله جنت ادفنه ابمكانه ومايرفلي جفن
رحت يم صديقي مثل اخوي هذه واكثر ويعرف كلشي عني طلبت منه يجيبلي النذل من جوه الكاع وفعلا جابه بيومها طلعت حرگت گلبي ونار گلبي بي لو عايفني جنت امووته خلاص
بيوم عمي خابر الوالد كال اريد امشي بجرائات طلاق قدر
الوالد رفض وكال ماعدنه بنيه تنفصل ومن هل سوالف بس عمي قنعه
بيوم اجوي بيت عمي لبيتنه والوالد كال القدر متاكدده من قرار الطلاق جنت مركز بوجه كلش بيومها صدمتني من نزلت دمعه من عيونها حبيت افگس عيونها بعد كل السوا بيها وبعدها تريده
رفعنه دعوه طلاق ومشه كلشي طبيعي ونفصلوو
فرحتي جانت چبيره مو لائن احبها لا
بس اريد اذوگها شويه من العذاب الذگته
اريد اشوفها الوجع الشفته
اريدها تشووف شويه من العذاب الشفته
كلت بعد كم شهر واخطبها بيوم خابرتني علمود شغلها حاجيه ويا عمي وررافض
متعرف اني ضد الشغل اكثر من عمي
وره اسبوع او اكثر ماتذكر جانت ضهريه تفاجئت عمي جاي البيتنه
وكال اريد احجي وياك.اليهسه اتذكر كل حرف كاله بيومها
ابوقدر: ثائر الله شاهد اني اعتبرك ابني مو ابن اخوي
ثائر: الله شاهد عمي نفس الاحساس انت بغلا ابويه
ابوقدر: ابني اني جاي واريد منك طلب ورجاء
ثائر: تامرني امر عمي
ابوقدر: ابني اني اب وگلبي ديحترك علئ قدر داشوفها ورده وتذبل كدامي واني مابيدي شي لو بيدي انطيها حريتها وارجعها لشغلها وارتاح بس اعرف حجي الناس مراح لا يرحمها ولا يرحمني
اجيتلك مره وطلبت منك نفس الطلب رديتني
وصار الصار
ثائر: عمي اني هم جانت الي اسبابي
ابوقدر: اي بعد ابوك اني مجاي اعاتبك
جاي واريد اكلك محد يطلع قدر من حالتها ⠀غيرك
بنت عمك محتاجتلك
