خذ بيدي

مساء الخير
#خذبيدي
#البارت #الثالث
#بقلمي ضہٰ۪۫ي ﺂلقہٰ۪۫مہٰ۪۫ر

اميمه...احمد كوم ماما دوام حبيبي
احمد...اي ماما كايم
اميمه ..بدلنه ونزلنه لكيتهم يتريكون
صباح الخير خاله
الحجيه ..صباح الخير يمه
وفاء..صباح النور
اميمه..يلا طارق وصلنه تأخر احمد على دوامه
طارق ...ماشي يلا نروح
احمد..خلي اشوف رغد قبل ماروح هسه بسرعه انزل
علي..لك عموو نايمه خطيه 
وفاء..عوفه يوميه متعلم يكعدهه يلا يروه
احمد...هاج عمه نزلتهه
اميمه..لك سالب راحتهه يوميه عليمن
احمد ... غير احبهه ياماما
طارق...يله وين رحتي
اميمه... جايه
علي...يله حبيبتي رايح محتاجه شي
وفاء..سلامتك كلبي آلله وياك
اميمه..شهر وره شهر وجان احمد كل نهايه سنه اول حبيبي وكل سنه نسوي عيد ميلد وميخله من الهديه لمميزه لرغد احنه هسه سنه ١٩٩٦ احمد صف رابع وحسن ومحمد ٦سنوات اعمارهم ورغد ٤سنوات ورنا ٣ سنوات
علي...يمه مدام لكل موجود بعد كم سبوع احنه مسافرين
الحجيه..ماتنازلت وتضل تعوفني وحدي يمه وتاخذ لجهال
علي ...يمه وروح ابوي ماضل لعمر كله هناك بس اامن شغلي ومستقبل لجهال ارجعلج
الحجيه ..تجي تلكاني ميته يمه يجوز ماشوفك بعد
علي..يمه لا تبجين لتخليني اروح واني روحي هنا واني مااعوفج كل فتره اجيج والله
الحجيه...الله يسهلك يمه كل مره تكسر بيه من تنوي علي شي جنك ابوك يموت وماينسه
علي..يمه وعد اجيج كل كم شهر بست اديهه بس ادعيلي يمه
طارق..شوكت بلضبط تسافر
علي ...بس ارتب اموري ماعندي شي
اميمه..والله ونشتاقلكم ولبيت وحشه
علي...بس وفاء رتبي غراضج لتاخذين هواي بس لشغلات لتحتاجينهه
اميمه ...امشي اساعدج
وفاء...امشي يله واخذت كم قطعه الي وللجهال
علي ..طارق وين احمد 
طارق...احمد..احمد
احمد..ها بابا
طارق...نطينياها هم شايلهه موكبرت
احمد ....بابا هيه ماتقبل تمشي اله اشيلهه
علي.. تعال عموو حبيبي انت صرت رجال جبير وتفهم كلشي
اني وعمه وفاء راح نسافر
احمد...عمو وين تسافرون
علي...نسافر لمكان طريقه طويل مانكدر نجي كل يوم نشوفكم
احمد..اي عموو خلي حسن ورغد هنا مو
علي..لا عمو ناخذهم ويانه
احمد..ضليت اباوع على عمو ماجنت افهم شنو يعني نسافر مجنت متوقع يروح سنين عبالي كم يوم ويرجع
علي..عمو شبيك صافن باوع حبيبي انت لرجال هنا بمكاني من بعد ابوك انته تضل بالك على بيبيتك واخوانك وامك واريد كل شهر ناجح ومحمد راح يصير وياك بلمدرسه بالك علي لتخليهم يأذونك وصير رجال قوي لتضعف ابد ليأذيك وياخذ حقك اخذ حقك من عين لسبع واريد ارجع افتخر بيك واريد كلبك طيب على اهلك على لناس وحتى نفسك لتصير قاسي وهاذ ابوك بالك علي اذا تمرض احد من اهلك داريهم ولاتأذيهم
احمد ...عمو لتاخذ رغوده
علي..ميصير حبيبي امهه تروح اني اجيبهه الك كل مااجي
احمد..عمو بعدني مامحفظهه الاحرف كلهن
الحجيه ...بسك يمه كسرت كلبي
علي.. يمه بالج على نفسج واهم شي صحتج ولتبجين عليه وتخلصينهه مناحه كل متضوجين اتذكري اني هناك مرتاح وماخذ راحتي
طارق...يله احمد هاك وديهه هناك تلعب
احمد ...اخذتهه وهيه ممفتهمه شنو لسالفه اصلا اني ممفتهم شنو لسالفه اباوع عليهه كلامهه مكسر من هسه متكدر تحجي عربي شلون تروح على المانيا العب بشعرهه هم بعد ارجع اشوفج هيه بس تباوع عليه شلون اكدر افارك برائه لدنيا كله بعيونهه وبياضهه لناصع وشلون تضوي جنهه لشمس محد يكدر يركز عليهه رغد
رغد..هاا
احمد ..راح ترحون
رغد..لوح بيبي ونوني وانت عان (اروح بيبي وحسوني وانت بلساره)
احمد..تحبيني
رغد..اي
احمد...شكد
رغد ....بدد لدنيا (بكد لدنيا)
احمد..اباوع عله ركبتهه شلون مزينتهه لسنسله
ابقي هنا لترحين هسه اجي
ماما وينج
اميمه..شبيك ماما
احمد...اكلج ماما وين صور مالاتي
اميمه.. شتسوي بيهن
احمد ..اريدهن
اميمه ...روح تلكاهن بلمجر لجوه
احمد..عمه وين صور رغد
وفاء ..شبيك عمه شتسوي بيهن متشوفنه نحضر بلغراض
احمد...شبيج عمه نطينياهن
وفاء....هاك ذني
احمد...اخذتهن واخذت  لصور  ورحت للمطبخ اخذت مقص واجيت لكيت رنا ورغد متعاركات على لعابه جبتلهن لعابه ثاني وسكتن شفت لصور كلهن اختاريت احله ثنين وكصيتهن ناعم ونزعت لسلسله من ركبتهه وخليت كل وحده بدائره وقفلتهه ولبستهه رجعت لصور للمجر مارجعت لعمه لصور خليتهن ويه صورنه علمود تنساهن ومتاخذهن وياهه
ومر اسبوع وكل يوم انومهه يمي علمود اشبع منهه
علي ...سلام عليكم
الحجيه ..عليكم السلام يمه
طارق ..هلا علي
علي..باجر نتوكل ان شالله
الحجيه .. خير ان شاء الله تروح وترجع بلسلامه
طارق..علي محتاج شي
علي..لا والله بس مااكدر مخنوك
طارق..خويه هاذ اختيارك محد جابرك
الحجيه..خلوني انام اريد ارتاح شويه
علي...يمه بعد وكت خلي نتعشه سوه باجر اروح واريد اشبع منج
الحجيه...طارق يمه سد الباب وراك ولتكعدني باجر لصبح خليني نايمه
علي ..خنكتني لعبره يمه فدوه لتسوين هيج بيه وتخليني اروح مامرتاح كومي يمه كومي
طارق...علي كافي خليهه ترتاح شوي كوم خويه كوم
علي..اني طالع يمه بس تدرين احبج ومااعزلج طلب وعد مني الج ياكلبي بس أمن شغلي وارجعلج وغلات عيونج ولتنسيني بلدعاء اني صاعد انام طارق حاول تخليهه تاكل
طارق..وانته هم تنام بلا عشه
علي..طارق مخنوك كلش مااكدر
طارق... امشينه للحديقه نطلع بره
رحنه للحديقه وكعدنه على لمرجوحه
علي...مااكدر بلاها ومااكدر اروح وهيه زعلانه ومااكدر اضل خويه حرت واحتاريت وثنينهن بلوه
طارق...شكد سفرك يطول
علي...والله ياخويه مادري حسب شغلي
طارق ...تقريبا يعني شكد
علي...ماطول اكثر من ١٠ سنوات بس اخذ المقاضا وارجع
طارق ..بس هواي والله موهيج خفف علينه ترى اذا امي لفت راسهه ونامت موعبالك هينه  عليهه وعبالك مامهتمه
علي....ادري وحاس بيهه وخوفهه ولشي لمخوفتني منه هاي لكلمه احسهه تهددني بيهه
طارق ....شنو
علي....تكولي خاف اموت واني ماشايفتك واريدك انت تدفني بيدك اني هم موهينه عليه والله بس شسوي بعد
طارق...الله كريم تروح وترجع بلسلامه وبيومهه مانمنه ضلينه بلحديقه ولبنات فوك ولجهال هم سوو اضراب عن النوم واحمد صار سبوع رغد يمه صارت ساعه ٣لفجر رحنه لغرفه امي لكيناها نايمه
علي ...يمه يحبيبه حجيه ام طارق كومي اني رايح اذا متردين اتشوفيني اني اريد اشوفك اريد اشبع منج قبل لااروح هاي كومي ذبي مي وراي مثل مجنتي تسوين قبل يمه كومي شوفي رغوده حسوني ماردين تبوسيهم
وفاء..طارق كومه واخذو لغراض بلساره
علي..بستهه براسه وطلعت بس روحي يمهه
وفاء...عمه حاسه بيج واعرف شلون دتفكرين واعرفج انتي راضيه عنه وتدعيله بكلبج بس ادري بيج علمود يحن ويرجع واني اوعدج يرجع
جان ترفع راسهه
الحجيه ...حفلي بروح ابيج ترجعين وليدي سالم غانم وديرين بالح عليه وعله اولاده
وفاء..حجيه بعيوني اخليهم بس ادعيلنه تسهل امورنه
الحجيه ..روحو مودعين بالله ونبيه
نطينياهم ابوسهم
يمه رغيدان ماشبعت منج بيبي اذا جنتي قران عد ربج رجعيلي وليدي سالم غانم
اميمه ...حجيه لتأذين نفسج ان شاء الله يرجعلج بخير وسلامه
الحجيه ...يمه ارد اوصيج وصيه للموت تخلينهه بذنج
وفاء...كولي عمه ماريد وليداتج يرحون للغريب اريد خيرهم مايروح لغيرهم ولا لغريب جمعنهم على حب الله
وفاء...فهمتج حجيه لتفكرين بهلموضوع الله لكاتبه يصير
الحجيه..ونعم بالله
اميمه...نطينياها حجيه احمد يبجي بلغرفه اوديهه اله
الحجيه ...هاذ هم مصيبته مصيبه خليتنه يتعلق بلبنيه وهاي نتايجهه
اميمه...خاله سالفتهم سالفه هوه من صغره تعلق بيهه وهسه خلي اخذهه اله
علي..دخلت لكيت رويحاي كاعده صفنت عليهه وشمرت روحي بحضنهه وابجي
الحجيه...بسك مردت كلبي والله روحي خلصت
علي.. يمه خفت خاف اروح وماشوفج نورج ولااسمع صوتج
الحجيه ....كوم اني اناطرك ١٠ سنين واذا ماجيت ماارضه عنك واموت وتبقه بحسرتك
علي...حجيه ارجعلج والله كوني يمه وصليني لباب بيتج وادعيلي ارجعله بخير وسلامه
طلعنه وشمرت مي ورانه روح مودع بالله ياابن بطني عسه لعين لتنضرلك بحسد مردوده عليهم عسه ربي يحفظك ويرعاك من عالي سماه
علي...بست ايده وراسه كتلهه توني ارتاحيت اني انطيت رقم الارضي لطارق شوكت ماتردون خابروني
وفاء...بوست اميمه واحمد كتله حبيبي راجعين بالك على نفسك حبيبي ولتعذب اهلك
احمد...عمه لتخلينهه تبجي ولتكصين شعرهه احبه هيج
علي....حبيب عمو بس تكبر اجيبهه هنانه ماشي
احمد ...وعد رجال..
علي....وعد شرف وعد رجال عمو هه
يله ام احمد ماوصيج
اميمه ....بعيوني ليضل بالك
بوست وفاء ولجهال وراحو
وصلنه للمطار وطارق ويانه  خطيه توادعنه ورجع
مر مدري شكد وقت لمهم وصلنه على شقتنه لقديمه لجهال تعبانين وتنحسو من لطريق كوه نضفنه لشقه من لتراب وغيرت لفرشات ونمنه يومين احنه نكعد على كد الاكل ونرجع نام علي اشوفه مو طبيعي  اعرفه واحس بي هوه ضايح على اهله ماالومه
اميمه...اخذت اجازه سبوع ولااحمد الي مااعرف شبي فجأه نتكست حالته وصار يصخن وبس نايم حتى الاكل تقريبا تركه ومحتاره بينه وبين لبيت وبين اخوانه وبين الحجيه
مااكذب واكول مامهتمه فراكهم صعب علينه كلنه وعلى لبيت اما لحجيه خلصتهه صلاه وتقره قرأن وعلى كد تطلع تاكل وترجع لغرفتهه واما طارق فهنا تسكن العبرات ليل ميكدر ينام قليل لكلام اطفاله ممهتم بيهم بس يروح ويرجع للدوام مر سبوع احمد بده حالته تسوء اخذنه اكثر من طبيب مكام يصخن ولا يشكي من شي بس محتاج طبيب نفسي وبلفعل هاذ لمطلوب كال سولفنه للدكتور حالته وشرحناله للسبب وسأله كم سؤال والدكتور نطا كم جلسه يحاول يسولف ويا ويخلي هوه احمد يسولفله عن رغد بلذات
الدكتور ...لتخافون ابنكم مبي شي بس مستفقدهه لبنت عمه مرور الزمن ينسه وانتو لتخلون اي شي يذكرهه بي اغراضهه صورهه العابهه وحاول لتحجون كدامه طلعو خلو يغير جو لتضغطون علي شهرين ثلاثه بلاكثر يرجع طبيعي
طارق...ان شاء الله دكتور هوه احنه لكبار لهسه ممتعودين على غيابهم
الدكتور...وهاذ اهم شي لازم تغيرون انفسكم وتبينوله ماكو شي ورجعو لوضعكم لطبيعي يرجع واذا ضليتو هيج متكأبين هوه يحس وميتحسن وانتو بكيفكم بعد
اميمه ...ان شاء الله دكتور
بعد مرور ثلاثة أشهر صار تحسنت حالته بس ماانكر ميتذكرهه ومرات يبجي ومرات ينطق اسمهه الاكثر من مره بلغلط واحنه ويا ويا نطلعه نونسه حاولنه نعلقه باخته رنا بس للاسف مكدرنه على هلشي بس احسه نضج زياده ودائما ملتزم السكوت اخذه للدوام وارجعه يدرس او ياكل بس حسيته ودع الطفوله بعمر  ١١سنه صار قليل الكلام ميختلط اصدقائه وشهر بعد شهر صار هاذ طبعه مابي اذيه ومبتعد عن الكل ومره من المرات دخلت لغرفته ارتبهه لكيت جوه لمخده صوره اله ولرغد اول عيد ميلاد الهه من لبسهه لسنسله ومكتوب عليهه بضهرهه تاريخ ميلادهه جان يدخل وفجأه شاف بيدي الصوره وضل يعيط ليش لتعبين بغراضي اني جاهل وترتبين غرفتي موكتلج بعد لحد يدخل غرفتي حتى حسن نطو غير غرفه
اميمه..ماما شبيك غير اني امك
احمد ....حتى لوامي متلعبين بغراضي اني موبعدني طفل وتعمليني مثل الاطفال كبرت ولحد يدخل بيه
اميمه...خلص اني اسفه ماما حبيبي طالعه بس اذا احتاجيتني اني يمك
احمد...ضجت من نفسي لان صرخت على امي اعرف مالهه ذنب بس موبيدي نار تجويني احس بدخلي شي يحترك ومااعرفه شنو دخلت بيبي عليه للغرفه
الحجيه...بيبي ترى صبرنه عليك هواي صار اكثر من سنه كلنه يعقل ومعقلت انته تاذي نفسك ليش يابيبي
احمد...بيبي مااكدر كل يوم يتعبني اكثر
الحجيه ...انته احسبلهم كم سنه ويردون وكون اريدك قوي رجال كلمته مسموعه وهيبه مثل عمك
احمد ...بيبي ساعديني مااكدر اطلعهه من بالي
الحجيه ....نام يمه ولتفكر اهم شي تفكر شلون تكبر وتأمن مستقبلك وتهتم بروحك وتجيبلي لشهاده وترفع راس امك وابوك ترى لتشوفهم ميدخلون بيك ترى معاحبهم وضعك بس اني من يمي مانعتهم يتقربولك ومخلينك على راحتك
احمد..بيبي تدرين شنو ليوم
الحجيه...شنو
احمد ..١٩٩٨ يعني ليوم صار عمرهه ٥سنوات وليوم عيد ميلادهه
الحجيه ...بيبي ليش ماتنساهه علمود تكدر تكمل اذا اجت على بالك اطردهه من خيالك كول هيه مرتاحه واني هنا علمودهه متعذب
احمد...بيبي هناك هم اكو جهال يكتلونهه تتأذه تبجي خاف ميسولهه عيد ميلاد
الحجيه...بيبي لتخاف اهلهه هناك واكيد اهلهه احرص منك عليهه
احمد ...كمت من حضنهه وطلعتلهه من لكنتور بيبي شوفي
الحجيه ...شنهاذ
احمد...فتحيهه وشوفيهه
الحجيه...فتحتهه شفت قراصه على شكل ورده حمره تتخله بلشعر
احمد....حلوه مو بيبي تصير على شعرهه تخبل من تجي انطيهه الهه
الحجيه ...يمه تضل هيج كل مايصير عيد ميلادهه جايبلهه هديه وضامهه يجوز من تجي حتى متعرفك بيبي هيه صغيره وماتتذكر شي مثل ماانت متذكر كلشي عنهه نطيهه لختك
احمد...بيبي شبيج جبتلهه وحده
الحجيه ...انه اروح احسن اضل يمك لواجلطك لوتجلطني
علي...وفاء وينج
وفاء...ها حبيبي
علي...بدلي للجهال خطيه انطلعهم صار مده ملتهين عنهم
وفاء....ماشي ساعه ونكمل
بدلنه وطلعنه وصلنه لمطعم تفاجأت دخل ابو المطعم كيكه مكتوب عليهه كل عام وانتي بخيرومخلين شمعه رقم 5 وجوه مكتوب رغد بلاجنبي طبعا ياااي حبيبي شنو هاي والله كلت مشغول ومومهم انسويلهه فماكتلك وماحبيت اضغط عليك
علي..شلون كم رغد عندي اعذريني حبيبي لان مقصر وياكم تكدرين تتفهمين لوضع لاني بي دراسه صعبه وكوه يخلص يومي وصار هاذ لحال اصعب شي عندي
وفاء.....حبيبي لتهتم اهم شي انت يمنه ونشوفك كافي علينه
ضلو يلعبون بلنفاخ وكصينه لكيك وطفينه لشموع ورجعنه للشقه وكل عاده دوام وحسن صعب علي الدراسه بس كدر خلال هلسنه يحجي اجنبي عذبنه واحنه ندرس بي واتفقنه اني وعلي بلبيت كلامنه عربي وبره لبيت اجنبي علمود الجهال تسهل عليهم لغتين رغد دخلناها روضه وحسن مدرسه واني شغل صارت مسؤليتنه اكثر كوه مرهميهه بس اي شي صعب بلبدايه وبعدين يسهل
اني ثاني سنه الي بلقانون
وعلي مستمر يدرس علمود يحصل لمقاضا كونه جان محامي ورغد بدت تحجي كلام بس صعب تنطقه الاجنبي واما العربي احاول اكثر من ساعه احجي ويتها علمود متنسه وحسن صار مرحله ثانيه وبلش وضعنه هيج مستمر بين مده من الزمن نتصل على الحجيه ونحجي وياها ونطمن عليهم ويطمنون علينه وهيج ماشي حالنه وبلعطل نروح لاهلي بعد ٥ساعات عنه بس هم متاركينه احنه نروح وهمه مرات يجونه رغد صار عدهه بعمره وحسن بعمره اصدقاء شويه ساعدوهم هم بطريقه تعلمهم للاجنبي وهم يتونسون وياهم مره جنه راجعين من الدوام تلفون رن رفعت السماعه الوو شنو منو مات.......

يتبع
انتضروني في احداث اجمل
متابعه شيقه❤
بقلمي #ضہٰ۪۫ي ﺂلقہٰ۪۫مہٰ۪۫ر