خذ بيدي

#خذبيدي
...........البارت الواحد والثلاثون..........

#بقلمي

#ضہٰ۪۫ي ﺂلقہٰ۪۫مہٰ۪۫ر

لست بخير !
قلبي يؤلمني💔😪

رنا......هاا خير شبيج جنج خفاش اليل بس تفترين
رغد.......اكلج احمد كال عندي واجب من المغرب لهسه اتصل يطلعلي مغلق
رنا......اي غير واجب اكيد يغلقه دنامي باجر الصبح يخابرج
رغد.......كلبي يوجعني حتى معندي ارقام أصدقائه مليت اخر شي غفيت محسيت على نفسي اله صوت صرخه جوه نزلت اني ورنا مرعوبين ولولد طلو من غرفتهم نزلنه لكينه عمه دك على راسهه وبيبي كاعده ولازمه راسهه خفت حتى اسأل بس من سمعت بيبي تكول مابي شي يمه احمد مامات طاارق وينك جيبلي حبيبي بعد محسيت بنفسي اله اني بلمستشفى اباوع عمه اميمه ورنا يبجن كدامي صحيت بس بلساني ماات موو عاافني مثل معافتني ماما ااحمد ووينك
اميمه.......يمه مابي شي بس صاير حادث بيهم هوه وجماعته من راجعين من الواجب
رغد.....وينه عمهه اريد اشوفه
رنا......ياعيني وين ترحين بقسم الكسور هوه
رغد.....كوميني عمه فدوه اروحله
طب حسن وينك حسووو فدوه خذني اله اريد اشوفه الله عليك بروح ماما
حسن.....ياحبيبتي كل جماعته بلردهه يمه
رغد.....واني شكو ويه جماعته اريد حسو فدوه
حسن.....دكومي يلا انتن ابقن هنا شويه واجيبهه وارجعجن للبيت
رغد..... اخذني حسو اله وصلت لممر مليان كله جنود والضباط وكلهم يخوفون كلمن رتبته وسلاحه  وجوهم مطمن عرفت بس ثنين منهم اهل الشقه واحد واحد مره لكينا ويا بلسياره واني امشي وختلت وره حسن اجو
عزيز ومصطفى لك حسن ليش جبتهه هنا هسه بس يدري احمد والله يخبصنه
حسن......شسوي غير هيه لحت
مصطفى.....خويه انتي اجابج بنص الزلم روحي وبعدين تعالي
رغد.....ماا بس شويه
عزيز.....ددخلهه يم عود ضلو بس يباعون
مصطفى.....دفوتي فوتي
رغد....فتحلي الباب دخلت اشوفه مدد ورجله بافيهه وايده حتى راسه هوه نايم موحاس على شي وجهه مجرح كعدت يمه نزلت دموعي خفت لاافقده لان اي شي حلو بحياتي اتعلق بي افقده لا مراح افقده ولااسمح لاي شي يخليني اخسره تلمست شعره
احمد.....من طلعنه بليل واجب رجعنه نص اليل بس بلطريق معرف شلون نملبت بينه السياره بعدهه محسيت بشي بس صوتهه وهيه تحجي وتشهك فتحت عيوني مغوشه من وضحت عندي الروئيه شفتهه هيه ااااه رررغد
رغد.....من شفته تحرك نطق اسمي معرف ضليت اضحك ودموعي تنزل اااي رغد ااحمد تسمعني
احمد...ااحبج
رغد.....ههه اني هم احبك بس كووم احمد لتخوفني عليج
احمد.....لتخافين ماااموت ررغد لليش هناا
رغد....احجي ويا وابجي غير خفت عليك كووم احمد يلا نرجع للبيت
احمد.....روحي ررغد لتضلين هنا جماعتي هسه يجون
رغد....كلهم بره بلممر بره
احمد......وانتي مريتي من يمهم موو ررغد شاافوج
رغد....ااحمد لتعيط أهدئ موزين عليك
احمد....اااخ لوبس اكدر اتحرك اله اكسر رجلج لجابتج لهنا
رغد....ماشي بس طيب وكسر براحتك
احمد.....خلي يجون ياخذوج روحي يلا
رغد....بس اريد ابقه يمك مااروح
احمد.....كاافي لطلعيني من طوري هسه كلهه تدخل
شويه ودخل ابوي تحمدلي بلسلامه ودخل ويا محمد وحسن حتى عمو ومصطفى وعزيز كتلهم انتو موتدرون جماعتكم كلهه سكط اخلونهه تفوت منهم ليش
مصطفى.....هاذ اخوهه وجابهه
عزيز....اخوه شدخله غير هيه تلح ماشفتهه من كنالهه ارجعي مقبلت
احمد....هسه طلعونهه منا واحد ومنا واحد لتخلون يشوفونهه بسرعه يلا قبل ليدخلون
وانتي حسابج بعدين
علي....عمو بس اسكت انت بياحال
مصطفى....يلا خويه امشي
رغد....طلعت وياهم اخذنه عزيز ومصطفى وحسن بس صدك نفذو لطلبه منهم واحد يمشي منا واحد منا حسيت نفسي سجين عدهم اخذنه حسن ورجعنه للبيت اني ورنا وعمه خطيه لكينه بيبي قلقه طمناها عنه وكنالهه بس كم يوم ويطلع مرن يومين كالو حيطلعو بابا جابله طلي اول مدخل ذبحوهه جوه رجلي بس خطيه بعربانه جابو ميكدر يمشي خلصنه كم يوم ناس تروح وناس تجي ولخطار ميروح لان اقاربهم فيبقون لليل اني ورنا من التعب عمه تكولنه روحن نامن واحنه منصدك اول منصعد نام فبيوم بليل صعدت هلكانه بس سبحت واجيت انام شفت جهازي يرن احمد رفضته دز مسج اذا كاعده نزلي مشطت ونزات لكيته كاعد هوه محمد وحسن ينامون يمه بلاستقبال لان الناس والخطار متكدر تصعد فخلو جوه تقربت منه هاا محتاج شي
احمد.....من سويت الحادث ولكيتهه بلغرفه مال مستشفى نجنيت عليهه لان جماعتي واعرفهم ومن رجعت للبيت مشفتهه اله قليل وبيوم شتاقيتلهه دزيتلهه مسج تنزل شويه ونزلت كالت محتاج شي كتلهه اي محتاج طبعا نحجي بصوت ناصي لان لولد نايمين  كتلهه تعالي واكلج شريد
رغد......تقربت منه عبالي صدك يريد شي جان يجرني من شعري
احمد.....شعبالج نسيت من فتي من نص الزلم هاا
رغد.....ااه احمد غير علمودك نجنيت
احمد......ولج لواموت وجماعتي موجوده متجيني مفهوم
رغد....اي بس عوف شعري
احمد....بعدين ليش صار كم يوم عايفتني هنا مثل الكرن
رغد.... لا بس من يرحون الخطار اتعب فأنام واكعد الكاك هم خطار يمك شسوي
احمد.....مشتاقلج حيوانه
رغد....هه خوفتني عليك
احمد.....اي كلولي من سمعتي تخربطتي
رغد....وتلومني لان اجيتك لواني يصير بيه مثلك متجي
احمد.....غير احرك الجو عليج
رغد.....ههه لعد لتلومني
احمد.....تدرين حضي مصخم واعرفه من قربت الخطوبه صار حادث هسه لو خاطبج وصاير حادث جان ارحم على اقل انومج هنا يمي
محمد.....اي حتى ثاني يوم الصبح نلكه جهالكم نايمين يمكم
احمد.....دخيلك ياارب ولك شنو منايم
محمد.....والله من وراكم ماكو نوم
رغد.....ههه من شوكت كاعد
محمد....من شفته يحوس سويت نفسي نايم علمود ياخذ راحته بس شو ماجاني نوم
احمد.....هههه الله يكطع رزقك كون
حسن....وتالي ليوم منام منرتاح
رغد.....هههه هاا حسو انت هم كاعد
حسن......اي ليش انتو تخلون لواحد ينام
احمد.....وانت هم كول جنت كاعد
حسن.....لا بس لحكت على مشتاقلج حيوانه
رغد.....ياا هههه
حسن.......اكلج ماتولين نريد ننطمر
احمد.....ليش ماتولن انتو تنامون وتعوفونه كاعدين انته موجاينه نوم
محمد......خب خفتن وراحه شايف نفسك من تريد تكوم كوه نشيلك خلي تبتلي بيك
حسن......يلا اودعناكم هسه تجيكم حجيه زهره بلعوجيه بس شوفكم ثنينكم سوه
احمد.....الله وياكم ولكلب داعيلكم ههههه
رغد.....اشو ذوله صدكو عافو فراشهم وراحو بغرفتهم ينامون
احمد....هاا شو تباعين
رغد....همم لااا هيج
احمد....اي شوكت اطيب حتى اسويلج احله خطوبه اعلكلج الجو علك
رغد....ههه بس طيب وكولشي ماريد
احمد.....رغد
رغد....همم
احمد....اذا متت شتسوين
رغد.....ليش تحجي هيج اسم الله عليك اني اموت بلاك ماكدر اخسر عزيز
احمد....زين اعتبريني فقدت شي بجسمي ايدي او رجلي او حتى رجولتي تقبلين ترتبطين بيه
رغد.....صفنت بوجهه دوعي لاارادين نزلن
احمد....باعي حبيبي مجرد سؤال ماريد دموع خلاص لتجاوبين
رغد.....لا اجاوب اني من حبيتك محبيت لا وجهك ولا شكلك ولا اي شي حبيتك كروح حبيت خوفك عليه حبيت حبك اليه اذا راد القدر واخذ ايدك او رجلك بس مدامك تشم الهوه تلكاني اول وحده واكفه بصفك ولتفكر اتخله عنك
احمد.....بس بقت وحده مجاوبتيني عليهه
رغد....شو هيه
احمد.......حلم كل امرأه يصير عدهه اطفال واذا اجيت من البدايه كتلج اني مااكدر يصير عندي اطفال تقبلين
رغد.....ليش تحجي هيج وياي دتخوفني
احمد....لتخافين ماكو شي بس حاب اسمع جوابج
رغد......اكيد طبعا موكولشي حلو بلدنيا نحصل علي اهم شي انت الي واني الك هاذ لشي يكفي
احمد....حبيت اختبر حبهه الي خوفتهه بشغلات بس جانت احله جواب تنطينيا
رغد.....شبيك صافن
احمد.....تعالي تقربي اكثر
رغد.....هياني قريبه احجي
احمد.....الزواج موسهل ولا لعبه ولا يوم يومين شريك حياتك من ترتبط بي اكثر الناس تريده كامل المواصفات واذا بي خلل بغض النضر عن المرأه او الرجل احتمال ميكفون حياتهم سو احتمال ينفصلون او اذا بلبدايه بعدهم هلشي سهل اكثر حتى حتى لو الحب لبيناتهم كولش جبير ينفصلون
رغد....طبعا لحب موكولشي بس وين تريد توصل
احمد....اذا يعني سألتج سؤال يعني سؤال واريد الاجابه مويعني شرط تجاوبيني
رغد....فهمت كول
احمد.....مستعده ترتبطين بيه
رغد....وعندك شك همم
احمد.....ولا واحد بلميه بس اذا كشف عليه الدكتور وكلي انت فقدت رجولتك ساعتهه تقبلين بيه لو ترفضيني
رغد.....احمد دتخوفني بيك شي احجي
احمد....كولشي مابيه هاذ اني كدامج
رغد....احمدمدام كلبك وروحك الي ماريد اي شي منك وصلك الجواب ختنكت من كلامه مكدرت اسيطر على دموعي بس بنفس الوقت محبيته يشوفهم حتى ميفهمهه بغير طريقه عباله ماريده او شي عفته وكمت بس ايدي نجرت
احمد.....هوايه ضغطت عليهه وحرجتهه هم رادت تكون جريتهه وين رايحه تعالي وليش هلدموع
رغد.....لااامااكو شي
احمد.....كافي ماريد اشوف دموعج اتخبل والله
رغد وغلات عيونج مابيه كولشي من ذني لكتلج عليهن بس ردت اختبر حبي لبداخلج بس وكفي هلدموع
رغد..... شنو اغله شي عند البنيه هاا جاوبني او الشاب يحب يرتبط اله بنت كامل المواصفات
احمد....وانتي كامله مناقصج شي
رغد......فكر اذا اني فقدت عذريتي او هم ميصير عندي اطفال او عندي خلل بيه تقبل بيه او لا
محسيت بس نجريت من زندي وايد تخلت على علكي
احمد......من كالت افقد عذريتي فقدت تخيلتهه بغير صوره ابد محبيت سؤالهه
بسرعه جريتهه وسكتته محبيت تكمل كلامهه جريتهه قريب عليه حتى وجع ايدي نسيته كتلهه شتقصدين بكلامج هاا
رغد.....ليش هيج اخذت كلامي بغير طريقه مومهم شتفكر بعقلك بس اريد جواب
احمد.....معندي جواب رغد كاافي روووووحي بسررعه منااا قبل ماااذيج
رغد.....سحبت نفسي منه ردت اروح بس حزت بكلبي التفتت علي كتله من كتلك افقد عذريتي مومعناها اغلط ويه شخص اني احب انطيك وعد اذا موانت تتقربلي بلحلال يحلم غيرك يلمس شعره من راسي بس الدنيا بيهه اقدار واذا اجه قدري وفقدت اغله شي عند المرأه ساعتهه هم تتقبلني مثل مااني متقبلتك عفته ورحت حتى منطيته مجال يحجي صعدت بغرفتي تمددت وكلامه يرن بعقلي اي احمد احبك لوتبقه بس جثه هم احبك واقبل بيك مدامك متحب غيري وكلبك وروحك الي خلاص اني الك وماصير لغيرك ابد بس اذا شفت روحك وكلبك عند غيري ساعتهه تعذرني واخلف الوعد نمت بس بروحي نار ثاني يوم الصبح كعدت لكيتهم كلهم يمه كاعدين صبحت عليهم كانو ماكو شي
محمد....ليش هيج عايفنه همزين ممسويهه على نفسهه ههه
رغد....هااا مونعست وصعدت انام
الحجيه....بيبي غير تكعدين واحد يبقه يمه
احمد....لا اني معندي شي كتلهه روحي نامي تعبتكم وياي اباعلهه عيونهه وارمه من البجي
عذبتهه هوايه وياي دائما افكر ليش هيج قاسي وياها واجرحهه هواي بس جوابي دائما يكون من حبي الهه
اميمه......اي ماما شكد انطوك اجازه
احمد.....اجازه مفتوحه لحد مااطيب
طارق.....باجر نفتح الصبه البرجلك وايدك
احمد....الله كريم
الحجيه.....اكلج يمه دخذي لبنيه صالون تصبغ تكص تحف
احمد....لاااااا لتتقربن يمهه شعرهه مينكص ولونه حلوو متغيره ابد واذا تريد ترتب وجهه بكيفهه بس لتخفف حاجبهه
اميمه.......اي اني هم عاجبني شعرهه احفلهه بس حاجبهه واخليهن يرتبن وجهه
الحجيه.....بقت بس جيبلهه بدله اخذهه هيه تختار ليعجبهه
رنا.....اي واني هم
طارق.....بويه انتي هم شنو لبنيه عروس انتي شنو
رنا.....غير اختك العريس اني
احمد.....اباوع عليهه صافنه تشرب بلحليب وابد متعلق سالتهه رغد بالج شي تسوينه محتاجه شي احجي حتى يجيبولجيا
رغد....لاا ابد موبالي شي
علي.....بابا حبيبي اذا تردين شي كولي
رغد....ابد بابا كولشي ماريد
طارق.....خلاص بعد باجر ترحن تجيبيلهه شتريد وتجين
رغد.....مره ليوم ابد محلو ثكيل وضوجه لليل لكل نايم بس الولد بره يم جماعتهم  واني ناسيه جهازي بلاستقبال نزلت ردت اجيبه شفته كاعد ويكلب بلجهاز مالتي
احمد.....جهازج جان هنا وشتاقيتلج وداباوع على صورج
رغد....اي ناسيته
احمد.....شبيج شو ضايجه تعالي يمي
رغد....لا ماكو شي بس اجيت اخذ لجهاز
احمد....هاج اخذي بس تعالي احجي وياج
رغد.....رحت كعدت قريب منه
احمد.....شتحبين تلبسين بلخطوبه ابالج شي
رغد.....لا اي شي اشوفه حلو اجيبه
احمد....ماكو داعي تشوفينه حلو اصلا انتي لتلبسينه تضلمين حلاته وتكسرينه بجمالج
رغد....هه
احمد.....اضحكي بويه اتأذه من اشوفج ضايجه
رغد....احمد
احمد.....روحه وكلبه
رغد....ليش هلكد احبك
احمد.......ااااااااخ بووويه وااخيراااا كااالته شوو عيديهه
رغد.....اش احمد الناس مناااا لتكعد
احمد.....خليهم اني اريد الكل يكعد ولج شو عيديهه شنو نزل عليج الوحي لو صار بعقلج
رغد....ههه لا بس كلبي نطقهه قبل الساني
احمد....عيديهه بداعتي
رغد.....تقربت من اذنه وهمست
I LOVE YOU
احمد....اشتعلت عشرت احمد بويه تستغلين ضعفي انتي شنو ههه بستهه بين عيونهه وجريتهه لحضني لج انتي بنيتي قبل لا تصيرين حبيبتي
رغد....احب كلمتين تكولياهن
احمد....شنو هنه
رغد....احبج والكعبه والكلمه الاخ من تكولي بنيتي
احمد.....كافي رغد لتعذبيني بتعدي عني هليومين ههه تردين تموتيني
رغد....اوك رايحه بس بلخطوبه البس عسكري احبه اشوفك بلبدله ونجماتك
احمد.....لاا بلخطوبه البس رسمي ومن يصير عرسنه من تخلصين جامعه اني مترقي ان شاء الله والبسلج البدله حتى اتصير احله بس كون عندج بخت واترقه قبل عرسنه
رغد....ههه اوك
احمد.....وانتي شنو حتشترين ماريد تأجرين اريدج تشترينه شرايه لان الشي لتلبسينه ماريد احد يلبسه لا قبلج ولا وراج
رغد.....هههه تمام حضرتك
احمد.....ههه بس بداعتي لتجيبينه فاضح اخاف عليج انتي منا البسج كونيه تصيرين حلوه مو تجيبينه خلاعي وكولشي يطلع
رغد....لا لهنا وخليهه عليه بس اكولك فستان العرس مناك من المانيا اوصي علي
احمد.....ههه حتى ابطل ماسوي عرس
رغد....هاا ليش
احمد.....يابا قاعه والفلك والامه مشتعله وتجيبيلي مناك فستان
رغد.....ههههه اي ونروح شهر عسل الالمانيا اوديك الاحله اماكن اشو شقه هناك عدنه بعد منرجع
احمد.....هههه لا اني منيتي على ايدج
رغد.....ههههه شويه واجوي لولد
محمد.....هاا طيور لحب شعدكم شتسوون
احمد....شعليك سكط دنتفق انت شكو
حسن......اي وشكد اتفقتو تخلفون
احمد.....والله اريد اني ٥بنات وكلهن مثل امهن حتى ليجي يطلبهن طلقه براسه واخلص منه
رغد.....هههههه حيل شدعوه ٥ومتريد تزوجهن تبقيهن على كلبي بس اني اريد بنيه ولد فقط واحد يطلع مثلك والبنيه دكتوره
حسن.....اي وابني يكوم يحب بنتج ويتخبل عليهه وتخضر عندي احمد ورغد من جديد
محمد.......ههههه اي واني اخلف واحد مثل سجاد وينهه عليهه لان هوه ابن عمهه وتصير مشابك
احمد.....طاح حضك اي والله مثل سجاد لك سكط اله اتجيب اسمه بلنص
محمد.....غير من حبك اله حبيت اذكرك بي
رغد.....هههه احمد خطيه الولد ليش هلكد تكرهه شمسويلك
احمد.....شمسويلي موحاط عينه عليج حتى نافسني وممخليني ارتاح وياج
حسن......اي يرادله عوذه اسم الله عليك
رغد.....هههه يلا اني حنام باي
احمد......بااي تصبحين على خير ياام نيران ونرمين
رغد.....ههههه هاا حتى الاسامي محضرهن
احمد....ههههه  اي والباقي مفاجأه
رغد....ضحكت عليهم ثاني يوم كعدت كلي طاقه
صبحنه عمو وبابا اخذو احمد للدكتور وعمو انطه فلوس لعمه كالهه اخذلهن وشتريلهن حتى باجر يعزمون الاقاريب وبعد بومين الخطوبه
بلشنه تنضيف علما هلكنه للضهر كملنه الغده اجوي خطيه يمشي بس توجعه على كيفه رحت سندته
احمد......همستلهه ااخ ياقربج مني يشعل جدي الثاني عشر
رغد.....ههه كرصته من ضهر سكت مكدر يحجي اشويه كعدنه اني صعدت ابدل لان ملابسي من اشتغل ماعرف اله ابللهن سمعت صووت جوه احس سامعته هلصوت بدلت بسرعه ونزلت
احمد......ندى صار يومين تتصل عليه بس مااجاوب دزتلي مسج كالت موضوع عندي وياك بلدوام انت كتبتلهه شرايده اني بلبيت كتبت مر عليه اذا تكدر لان موضوع كولش ضروري ومااكدر احجي بلتلفون كتلهه مسوي حادث وماكدر اتحرك وبعدين خطوبتي من رغد بعد يومين وملتهي مااكدر اجي غلقت الجهاز وعفتهه من رجعنه من الدكتور جنه كولنه كاعدين بس فجأه ندك الباب قوي راح محمد يفتح الباب شويه واجه كال بلباب رجال هوه وبنيه شابه يسألون عليك يابا  امي ورنا طلعن بقينه بلاستقبال طلع بابا دخلهم اباوع لا ياالله هاي شجابهه هناا ندى هيه وابوهه كمت مافكر بشي غير بس خوفي لارغد تدري
ابو ندى........اني هناا جايكم طالب شرف ولشرف عند ابنكم
علي......خير اذا الك حق عدنه فحقك مردود الك  زايد
ابوندى......اني ابو ندى وهاي بنتي اريدكم تسمعوني لااخير ابنكم احمد وبنتي متزوجين
طارق......شننننوووو شتحجي انت
علي......طارق خلي نفهم بس لحضه
اي ابو ندى كمل
ابو ندى.......متزوجين من اربع سنين واحنه مندري بس بنتي المصون حتى مكلفت نفسهه تجي تكلنه بس فجأه نتكست حالتهه ومن اخذناها للمستشفى طلعت حامل اني صح ناطيهه مطلق الحريه بس هاذ شرف رادو عمامهه يكتلوهه بس بعدين اعترفت كالت مغلطانه اني وهاذ ابن حلال وابو موجود عاد اخذت جزاتهه وهاي هيه كدامكم
طارق......بس فهومووني لللللك  احمد شمصخم صدك هلكلام
احمد......الصراحه تفاجأت شنو حامل اني صار كم شهر مشايفهه واخر مره شفتهه قبل ٤اشهر من طلكتهه
الحجيه.......كول يالله يمه خلي الولد يحجي
احمد...
..عمي كلامك صحيح بنتك كلت كلبي لحد ماوافقت وهيه تدري كولش زين بلشروط لمخليهن
ندى......اي ادري بس شنو اسوي طفلك بطني ليش يكتلوني ويكتلون الطفل انت ابو
احمد.......شتخربطين انتي اني طلكتج قبل ٤اشهر من صار ابني روحي شوفي من مني حبلتي وتردين تذبينه براسي
ابوندى ......لهنا وكافي هاي اوراق الدكاتره واحنه منتبله عليكم وابنكم عمره ٤اشهر قبل لاالناس تدري خلي نحل الامور بلسكته احسن من الفضايح انتو واحنه ناس معروفين وهيج شي يشوه سمعتنه مدامهه زوجتك فتعال اخذهه كدام الناس
احمد.....عمي ياازوجهه اني طلكتهه وماريد بنتك وتدري هيه كولش زين واني خطوبتي بعد يومين من كل عقلهه ازوجهه
ابو ندى.......ابني اولا زواجكم باطل لان حامل ولبنيه تكول اخر مره تقربلي ورمه عليه اليمين وانت ياابني طلاك باطل اني رايح وبقت يمكم حتى لو تخلونهه كزوجه لابنكم كم شهر وتاخذون ابنكم وطلكوهه لان مامستعد اخسر سمعتي بسبب ابنكم رايح اني
رغد.....من نزلت صوتهم واضح اااخ كلبي كل كلمه اسمعهه احسهه خنجر بصدري كعدت على الدرج عمه واميمه بس يباعن ومحتارات وعمه دك ع خدهه وتباوع عليه بس يمكن النفس كوه اجره كل جسمي باد وحيلي راح ممسوعبه الصدمه
احمد.......فكري كله يمهه اي هاذ هوه نهايتنه قربت من طلعو اجاني ابوي هد عليه بس ابد مدافعت عن نفسي حتى بلكلام كلهم ادخلو جرو من عندي
طارق......شوهت سمعتنه يلسكط لك حلال كتلك ولك بنات الناس لعبه مفكرت عندك اختك لك وفوكاها تريد تخطب والله حلو تلعب على الحبلين اااحمد
علي... .  خويه كول يالله متنحل بهلطريقه بس اكعد خلي نتفاهم
طارق......شنتفاهم هااا كلي لبنيه حامل بحفيدنه وابو لمصون ٤اشهر مايدري بي وعايش الحضه ابن الكلب ويريد يخطب ولك ااحمد تجلطني تريد موو
الحجيه......كااافي حلوهه بهدوء ميفيدكم الصياح
اميمه.......ليش هيج يمه هاا شوف البنيه شلون حالهه
احمد.......من كالت هيج رحت ركض طلعت من الاستقبال شفتهه كاعده على الدرج وصافنه بس حتى دموع ماكو بعيونهه كتلهه
رغد حبيبي بس سمعي كولشي اله حل
رغد.....اله هلمشكله ماالهه حل انتهينه احمد خلاص هههههه البارحه مو ردت طفل اجاك بس مومني
علي.......اباوع لبنتي موطبيعيه تضحك وتحجي عبالك مصاير شي احمد كووم وخر منهه
احمد.....عموو كلله حاجيهه
طارق......شيكلهه هاا يكلهه ابن عمج الزين لجان يحبج متزوج وحيصير عنده طفل وانتي متدرين
احمد..
...كككاااافي سكتو اي مزوجهه وبتليت بس مااريدهه كووه هيه وحده ساقطه ولزكتلي شلون تورطت رغد فدوه مثل متعدينه المشكله القبلهه نتعداها بعد غلطه وصار طفل رغد فدووه احجيلج كلمه
علي.......هاذ هو طارق اعزم على عرس ابنك من ام ابنه وجيبهه كدام الناس حرام طفل شنو ذنبه
الحجيه.......يايمه تسودنت شبيك خلي تجيبه وناخذه منهه وخلاص
علي......لا موخلاص يمه اني بنتي بعد ماانطيهه خويه تعذرني عملت بنتك دمرتني ودمرت بنتي بس من اشوفهه هيج تتعذب بعد اعذرني تدري ياخويه احنه ندري وساندت بنتي وايدتهه وكوه رجعت المي المجاريهه بس هسه طفل صار بلنص تعذرني
طارق........يعني لكل يدري بيك اااحمد لاابارك الله بيك ولك خزيتني كدام الناس ولك حتى متستاهل بنت عمك هاذ هو خويه التريده يجرالك وحقك عليه وعذرني ياخويه
احمد.......شنو بكيفكم تقررون جاهل كدامكم اني والله لوتنطبك السمه على الكاع مااتزوج غير رغد ومتصير لغيري
طارق.....لك كلب رغد تاج راسج ميشرفني انطي بنت اخوي لسكط مثلك
احمد......بويه ماريد ذيج وابني الي بس مااتزوجهه لويذبحوهه
رغد.....عفتهم وكمت ردت اصعد حسيت بدوخه وفقدت

يتبع
انتضروني في احداث اجمل
متابعه شيقه❤