خذ بيدي

خذي بيدي

مساء العسل
#خذبيدي
#بقلمي
#ضہٰ۪۫ي ﺂلقہٰ۪۫مہٰ۪۫ر

.........البارت العشرون .........

احمد.....خابرت ندى طلعت احجي وياها حسيت
شخص واكف وراي التفتت لكيتهه رغد
كملت كلامي طبيعي ونهيت المكالمه
باوعتلهه هاا رغد شو هنا تردين شي
رغد...اشرت براسي بمعنى لا ردت اروح جرني من ايدي 
احمد.....شبيج شو ضايجه
رغد....مابيه شي
احمد.....احجي شكو
رغد....يكولون نجلاء تحبك صح
احمد......ابتسمت ورفعت حاجبي
منو كلج
رغد.....هيج سمعت يكولون
احمد.....مدامهم يكولون خليهم انتي شكو
رغد....ها اني شكو
عفته ودرت وجهي ردت اروح بس التفتت علي كتله بلمناسبه اني بلمستقبل مااحب واحد متاح للجميع عفته وطبيت بس احس وجهي ناار ماعرف ليش
احمد.....ههههههه يابا ضحكت عليهه من كل كلبي ولج رنا هاي سوالفج اعرفج والله يارغد وكعتي ومحد سمه عليج كتلج اتحبيني واني عند كلمتي بس اشو عجبتني هلفكره دخلت جوه وشفتهم
كاعدين رحت كعدت يم نجلاء كتلهه
اي نجلاء شلونهه الدراسه وياج
نجلاء.....تمام زينه
اي شناويه تصيرين
نجلاء.....الله كريم منا علما اخلص
هسه رابع اني
احمد....اي يعني ويه رغد بس ولا جنج رابع
عين لحاره بارده جنج مرحله اوله
هبه.....هههه عمه ياهو ليجي يكلي بنتج ضخمه وحليوه
احمد.....عمه ياسعيد الحظ لياخذهه
اباوع عليهه صافنه علينه ومخنزره
ههه
رغد.....هاذ شبي من كل عقله
اكلج رنا جهازج وين
رنا....هاذ شتسوين بي
رغد.....جريته منهه
طلعت رقمه دزيتله مسج كتبت بي كعدهه بحضنك بعد
احمد....وصلني اشعار رساله من رنا
اني عرفت الجهاز بيدهه شفتهه من اخذته منهه
بس سويت نفسي ماادري هيه رغد
كتبت ولج رنا حني على اخوج دشوفيهه شلون
تنكرط نجلاء ماتسويلي خدمه وتصعديهه فوك بغرفتج شويه اخذ راحتي هاي هنا هوسه
رغد......قريت الرد مال الرساله بس عيوني صارت بكصتي
فرت ماعرف ليش
كتبتله
نسونجي عينك زايغه
حذفت المحادثه ورجعت لجهاز لرنا
بقت عيني علي للعصر وهمه نفس الكعده ودك سوالف
احمد.....بداخلي متت من الضحك بس شسوي
ماتجي اله هيج
للعصر راحو عماتي اني رحت للولد ورى العشه رجعت
رغد.....ملل اليوم كوه خلص عبالك سنه
حتى عشه متعشيت
صعدت لغرفتي وحاولت انام
رنا.....كملنه عشه ونضفت المطبخ
صعدت لكيت حسن بلصاله
حسن.......اني اريده وماريدهه لهسه ما متأكد
من مشاعري
بس اليوم ولد عمتي مويشاقونهه وتضحك وياهم
نرفزتني كلش
كعدت بلصاله لفوك مالي خلك محمد طلع كلي تعال وياي ماقبلت ضليت وحدي شفتهه صعدت
رنا......هاي انت هنا شعجب مطلعت ويه محمد
حسن.....عطت بيهه وانتي شدخلج هاا
رنا.....ااسفه بس ليش تصيح
حسن......تعالي اخذيلج راشدي بعد
رنا....كمت اباوع علي صفنت بوجهه شبي هاذ ليوم
حسن.....خير شو تباعين بوجهي مضيعه شي
كمت عليهه جريتهه من ايدهه
شوفي رنا سوالفج ويه لولد بطليهه
موعبالج مامنتبه عليج ليوم بطوله انتي كاعده
وياهم كركركر مامليتي ماتعبتي
رنا......ااه حسن وخر ايدك
حسن....دفعتهه وطبيت بلغرفه
شنو معقوله هاذ تصرفي لان احبهه
اي اي ماكو غيرهه ماضوج اذا مااحبهه
ااخ خليت ايدي على راسي تعبت تمددت