خذ بيدي

يسعد مساكم بالخير
#خذبيدي
#البارت #السادس
#بقلمي#ضہٰ۪۫ي ﺂلقہٰ۪۫مہٰ۪۫ر

وفاء....حبيبي بيك شي
علي.....لا مابيع واني بكلبي اكلهه اي بيه مااكدر اشوفهه شلون متغيره على غيابي تقويت ودخلت نفس كعدتهم على ميز الطعام وقوري الجاي لمهيل يمهم ويتريكون
فتحت الباب انتبهو على صوت الباب شافوني وبقو صافنين بوجهي واني هم ماكدرت رجلي تتحرك خطوه بين نضراته واذا صوتهه لردلي روحي وفززني من صفنتي
الحجيه ....يمممممه ولييييدي حبيبي
علي .......طفرت من الباب الهه  ابوسهه واحضن بيهه واشم عطرهه الي هوه مصدر راحتي وقوتي
الحجيه...ضناي يمه حمد الله على سلامتك
علي.......تحضن بيه وتبجي وتبوس هنا وهنا
يمه لا تبجين دموعج غاليه واني اتعس منهه عيوني ماوكفت من الدمع نزلت لرجليهه ابوس بيهه رفعتني كومتني
الحجيه.....يابعد كلبي ياروح امك ولك يمه علو كلت اموت وماايشل نعشي
علي.........كافي يمه لاتبجين وامسح دموعهه
طارق.....ماخلصت لدرامه مالتكم شوكت يجينه السره حجيه ترى هم النه حق شويه
علي....كمت حضنته لك يول مشتاقلك شلونك شخبارك
طارق......اوي خنكتني بعد عني
علي......ههههههه بعدك على سوالفك
اميمه.......هلو ابو حسن نورت العراق عيني
علي...... اي عيني شعبالكم هسه تورتو
الحجيه ......غير وليدي كمر ١٥
طارق........ لا يمه على بختج جنه بياع قواطي
الحجيه......خاب ول ابو كرش
علي......لك عموو تعال شلونك شخبارك هاذ منو احمد
محمد  ......ههههه لا عمو محمد
رنا......جنت نايمه سمعت صوت هوسه نزلت بكفشتي وشعري كيرلي نزلت على سريع نصدمت رجال ويسلم ولك بعيونهم الفرح والدموع عرفته عمو علي
علي..... هاي منو لبزونه لفوك ليش ماينزل يسلم على عمه
رنا ......هلو عمو الحمد لله على السلامه ونزلت حضنته بس متت بدمي لان شكلي يضحك
الحجيه .....يمه وينهم
وفاء.....خليته يدخل وبقينه اني وحسن ورغد كلت يسلم على اهله براحته كعدنه على المسطبه ورغد تفتر معاجبهه الوضع بس متحمله علمود ابوهه بنتي واعرفهه شخصيته قويه متبين على نفسه ومحد يكدر يقراها اله الي معاشرها وخصوصا ابوهه يقراها ثواني
رغد تعلي ماما
رغد ......نعم ماما
وفاء....احنه هنا بلد عربي موكلنالج تنسين لكلام لاجنبي ومتحجين بعد
رغد.....وك 
وفاء......ماما اي تصرف منج ينعكس على ابوج واحتمال تتصرفين تصرفات بلنسبه الج مبيهه شي بس غيرج لا
رغد.....ماما لتعبين نفسج اني فاهمتكم بس داحس مختنكه ومن هسه بلشت اشتقاق لحياتي هناك
علي.....صح يمه والله نسيتهم بعدهم بره
الحجيه......يااا يمه طارق صدك جذب روح دخلهم زحمه عيب
علي.......اني اروح يمه
طلعت لكيتهم بلحديقه وفاء تحجي ويه رغد وسمعت كلامهم عرفت بنتي متخربط وضعهه وتريد جرعه مني لحتى  تعرف تتصرف
علي....حبيبتي ليش هنا دخلي جوه الحجيه تسأل عليكم
وفاء......اي حبيبي جايين كمت اني وحسن  ورغد ندخل
علي....عصفورتي
رغد التفتت علي نعم بابا
علي. ..تعالي شوي وفاء دخلي جاين وراكم
وفاء.....يله حسن
رغد .......اخذني من ايدي وكعدني على المرجوحه وصار يدفع بيه برقه اروح وارجع بلمرجوحه
علي....قلقه صح
رغد.....محد بلكون يفهمني غيرك
علي.....من تكبرين تعرفين لسويته كله لمصلحتكم
رغد.......مااشك بهلشي
علي.......طيب ليش قلقه
رغد.........ماعرف اخاف مااتأقلم 
علي............مدامني وياج واني راسي يشم الهوه كلمت اخاف ماريدج تكوليهه ولا تعرفيهه اصلا
رغد.....اجه مقابيلي وكف المرجوحه وكعد عصفورتي مستحيل اخلي اي بشر يصيدهه ويخليهه بقفص اله للي يستحقهه وساعتهه اذا لكيت الي يستحقهه يخليهه بقفص من ذهب وشفت عيونهه تلمع ساعتهه انطيهيا
رغد....ههه ياحبيبي وحضنتي مسح على شعري
علي.......هاا هسه جاهزه دخلين للبيت اهل حبيبج
رغد.....جاهزه
علي......دخلتهه لكيتهم ديسولفون لتفتو النه
عصفورتي روحي سلمي هاذي بيبي
رغد....خله ايده على ضهري وتوجهت للحجيه مره كبيره بلعمر بس مو كولش لابسه اسود وبيدهه مثل لخشبه جبيره اول مره اشوفهه ولبروش بلحجاب مالتهه يلمع زايدهه جمال وايدهه محبس شذرته زركه مثل تصميم البروش تقربت منهه اخذت اديهه وبستهه
الحجيه....اللهم صل على النبي بارك الرحمن ماخلق شلونج بيبي
رغد.....الحمدالله بيبي
الحجيه....نورتيني يمه..
رغد....نورج بيبي
علي......وهاذ عمو طارق
طارق......لك هلا بهلغزال هاذ
رغد.....ههه
طارق .......تعالي عمو حبيبتي
رغد .....اخذني الحضنه
طارق.......وهاي مرت عمج يعني الحب مالتي 
رغد........ههه
اميمه .....تعالي حبيبتي سلمت وعرفتني على شاب يمهه بعمر حسن كالتلي هاذ ابني محمد
محمد.....هلا بنت عمي الحلوه
رغد.....هههه هلا بيك
واكو بنت يمهه تطلع بعمري عرفتهه رنا مدبدبه وشعرهه نازل لاجتافهه كيرلي ومنكوش لونه جوزي ولعين نفس لون لشعر وبيضه بكل الاحوال حلوه تشبه امهه  سلمت عليهه وكعدنه كولنه على الطاوله وبابا بحضن بيبي شكلهم يوجع بين تبوسه واتشمه وهوه نايم بحضنهه
اميمه .....ماما رنوش اخذي بنت عمج  لغرفتكم خلي ترتاح تعبانه
رنا..... حاضر ماما يلا كومي نصعد
رغد....وك
صعدت وياها لغرفتهه فتحتلي الباب غرفه حلوه جبيره بيهه جربايتين كل جربايه يمهه كنتور حلوات
رنا.....رغود هاي غرفتنه اني وياج اي مكان يعجبج اخذي واذا معجبج خلي احمد يرتبلج غرفه وحدج
رغد...... لا حياتوو مومشكله 
الحجيه......يمه شبيهه بنيتك
طارق......يمه عوفيهه مامتعوده بعدهه
علي....... يمه هاذ طبعهه
الحجيه........هااا ان شاء الله خير
اميمه.....ابو حسن غرفتكم جاهزه روحو ارتاحو
وفاء.....ليش تعبتي نفسج اني ارتبهه
اميمه.......ولو حبي عادي
الحجيه .....كوم يمه كوم نام بغرفتك
علي.......خليني يمه هنا مرتاح بحضنج
الحجيه ........تشبع مني بعد ماتركك تهدني وتروح
علي........لا يمه ماصدكت تنورت بيج بعد ماكو وداع
الحجيه ......يحفظك الرحمن ويحرسك كوم ارتاح
علي.....كمت وصحت على اميمه
كتلهه لتكعدنه على الغده اذا جنه نايمين
دخلت وتفاجأت بلغرفه هههه والله ياسوالفك يخوي
وفاء.....الله باعي الغرفه اكول حبيبي خاف،غرفه موالنه هاذي
علي.......لاالنه شو تعالي
وفاء.......هههه ورحنه بعالم ثاني
طارق.....محمد كوم بابا اخذ حسن يريح شوي
محمد..... صار بابا ورحنه للغرفه خطيه نام بسرعه
الحجيه .....يمه اميمه سويلنه على العشه لاكل ليحبه علي اكلج اني ماسألتهم اولاده شيحبون
طارق......اني اجيب من بره عشه
اميمه......لا اني اسوي تلكاهم مشتاقين الاكلنه  ومالين من المطاعم
الحجيه .....هم صدك يلا نروح نحضر
طارق.....يمه كعدي انتي اميمه تسوي
الحجيه......لا يمه اني اطبخله بيدي اكيد مشتاق الاكلي
اميمه........احمم اشوفج رجعتي بت ١٤ ههههه
الحجيه....بسكم عاد وكوم جيبلنه مساويك
طارق.....كايم يمه كايم
اميمه....خلي اكتبلك شمحتاجين
طارق...يلا بسرعه
اميمه....ماشي
نطيته القائمه وراح حضرت الغده وهمه نايمين ماكعدناهم اجه طارق خلصت الغده وبلشت العشه اني والحجيه سوينه كبه بورك وسنبوسه وجدريه دولمه وفنكر وكنتاكي وزلاطه وطرشي وحلاوه جوكليتيه صار المغرب
الحجيه...يمه كعديهم صار الاذان
اميمه...اي خاله بس اكمل لبيدي
طارق.....هااا ابن الحلال بذكره كعدو
الحجيه...هلا بلنور يمه صح النوم يعافيتي
علي....بست راسهه واديهه يعافيتي ونبض كلبي يايمه
اميمه....بستهه براسهه يمه شلونج كعدت بين رجليهه جانت كاعده على القنفه كتلهه يصير اصيحلج يمه لان احس بيج حنان امي كله
الحجيه....بسج لاتبجين يمه انتي واميمه وحالجن حال هبه ورشا ومايوم فرقت بيناتجن يشهد عليه ربي
كومي يلا وعتبريني امج واني يمج شتردين شتحتاجين موجوده وهاذ مكاني
وفاء.....الله يخليج ويحفظج
رحت يم اميمه خطيه مكمله ومحضره اشكال
ليش تعبتي نفسج يم عوده والله ممتعودين ياكلون بلعشه وخص رغد تاكل كله خفايف
اميمه......اي كتلنه ذني امهات رجيم
وفاء.....ههه.
رنا.......اي عيني مثل حضي اتعشه ٣مرات
وفاء.....تخبلين عمه بكل حالاتج
رنا.......عيونج عمه وبستهه
اميمه.....امم ماصدكت احد كالهه حلوه
رنا.......ها يمه شنو يعني موحلوه اني وبرطمت
علي.....ومنو يكول على بنت اخوي موحلوه
رنا..... درت لكيته واكف بابا لمطبخ عمو ورحت حضنته غير هاي مرت اخوك لأيمه جمالي معاجبهه
علي....هاا اميمه تعيبين عليهه هاي لكمر بلكاع
اميمه.....يم عود لتكبر راسهه علينه هيه ابوهه ناطيهه عين زياده ونته ان شاء الله حتكملهه عليه وتفلت لبنيه من ايدي
وفاء....  هنه لبنات دلوعات يصيرن وبلاخص من الاب ينطيهن مجال
اميمه....يلا رنا روحي كعدي اختج ولولد خلي ينزلون حصب لعشه
رنا.....اووك ماما
وفاء....نطيني اساعدج
اميمه....هاج ودي زلايط على طاوله والعصير والبن
وفاء.....ماشي نطينياهم
رنا.........صعدت شغلت الضوه كومي يلا يلا يلاااااا
رغد.....لكي نايمه تركيني شوي
رنا......صعدت على بطنهه وهيه نايمه يلا ثار العشه كاتون كومي ناكل شلون طبخ امي طابخه
رغد......اااااه بطني لج قبيحه وخري خنكتيني
رنا......يلا كمت بسرعه كومي غسلي
رغد......هف هف كايمه
رنا......لتضلين تأفأفين بسرعه
رغد ....وين الحمام اريد اروح
رنا......امشي اني اوديج
رغد....... مواني بيبي كدامج دليني وروحي يلا
رنا.......بلصاله بابا تلكين يم لكرويته هوه الحمام
رغد.....رحت اريد افتحه ميفتح اووف بابا
رنا.....وجع ولج موهاذ وشبيج تصيحين بابا تردينه يخلقلج حمام ههههههه
رغد.....لكي وينه بسرعه
رنا.....هاذ بابا غرفت احمد هاذ لحمام
رغد......دوخري دخلت للحمام حلو جبير وبي لنواع الشامبوات وشغلات حلوه امم ميفرق عن حماماتنه ماشي حاله بي بانيو وتواليت غربيه ومغسله ومرايات مليت البانيو وكعدت بي ارتاح لهيج حاله متعلمه هناك شويه وندك الباب صحت منو
رنا......بربج رغد صار ساعه يلا خستي بلحمام
رغد.....خست شنو داسبح
رنا......طلعي يم عوده حيبلشون بلاكل منتضريج الحجيه زهره متقبل ياكلون اله تشرفين حضرتج واحنه كاتلنه الجوع
رغد......لبست البرنص ولمنشفه لفيت بيهه شعري ماعرف مال منو بس نضيفات وغير عطرهن حلوو
فتحت الباب شكد تحجين متكوليلي
رنا......فتحت رغد الباب نصدمت بقيت فاتحه عيوني
رغد.....لكي شو واشرتلهه بيدي
رنا.....هاا لا لا ماكو شي بس من تردين دخلين للحمام اني انطيج منشفه وبرنص
رغد.....لويش
رنا......ذني مالات احمد محد يستخدمهن
رغد.....واذا شصار يعني اصلا نسيت اخذ اغراضي قبل لاادخل مجنت ناويه اسبح دوخري ودفعتهه ورحت
رنا.....يلا يم عوده
رغد.....شصار يارنا غير اغير ملابسي وامشط.
رنا.....بس لبسي عوفي شعرج بعدين ماشالله ثلاثه ساعات يلا تخلصينه
رغد.....اي هم صدك ماما جوه منو يمشطلي
رنا.....ليش متمشطين انتي
رغد .......لااا ماما او بابا يمشكولي ومرات حسن لان مالي خلك امشط
رحت طلعت تشيرت ابيض وبي رسم اسودوبرموده اسود وبيهه خطين ابيض  ولبست ولفيت شعري كعكه ونزلت
وفاء......واخيرا نزلتن
رغد .....هاي بابا هاي ماما
حسيت ماما خزرتني
الحجيه......تعالي ليه بيبي
رغد.....رحت جان تلزمني من اذني
اااخ بيبي
دتوجعيلي اذني اااه بابا
علي.....يمه شبيج وي طيرتي
الحجيه ......غير افهم شحجت سبتنه مدري شحجت علينه
رنا..... هههههههههه
الحجيه ...... وجع شبيج انتي الثانيه لازم هم تردين جره
رنا .......لا بيبي بس هيه سلمت يعني كالت اهلا بابا اهلا ماما
رغد.......صايره مترجمه وعوجت حلكي
الحجيه.....يااا صدك عود هيج كلتي
رغد ......اي بيبي هيج كلت
الحجيه .....حتى توبين متحجين اله عربي
رغد.....وك بيبي عوفي اذاني وجعتيني
الحجيه.....يله هنا كعدي يمي واكلي
رنا......كعدت يم رغد وماما صبت اكل
رغد....رنا
رنا......هاا
رغد اكلج ليش هلكد اكل على الطاوله جايين اقاربكم
رنا.....ههه لا ولج بس غير حجيه زهره تعبر اشتياقهه الكم بلاكل
رغد....هه ومنو ياكل هلكد اصلا من شفت الاكل شبعت اني
رنا....اني اكله
رغد.....هااا صدك
رنا.....اي شبيج هههه
اميمه......حضرنه الاكل كله على الطاوله ونتضرنه البنات ينزلن تأخرن يلا نزلن شفتهه نازله كلت بكلبي ماشالله الله يحفظهه موجمال طبيعي شعرهه رطب ولافتهه كعكه ولجسم يضوي ويه الابيض ولاسود ولشفه والخدود ورديات والعين سحرهن خاص بحيث انس استحيت اباوع عليهه بسرعه اجه ابالي احمد وهوه منا شلون فزيت على صوت طارق
طارق.....شنو اميمه شبيج صافنه متاكلين
اميمه ....اي حبي
الحجيه.......بيبي انطيني ماعونج اخليلج دولمه
رغد.....بيبي بس فنكر وقطعه وحده كنتاكي ماريد اكثر مااكدر اكل هلكد
الحجيه .....ياا وين تخليهه القطعه تضلين ميته من الجوع اليل كله وانتي ماماكله النهار كله انتي نايمه
رغد.....بيبي ممتعلمه اكل هواي اكل مااحب وزني يزيد
الحجيه......بيبي شوفي روحج شكدوتج تعلمه من هلدبه شلون تاكل
رنا.....بيبي شبيج وياي ترى ازعل
الحجيه....لا بيبي بس غير اخيتج اريدهه تصير مثلج
رغد.....بيبي ترديني مثل رنا اصير حتى ماكدر اصعد الدرج ولااتحرك
رنا.....شبيكم وياي تره وزني كله ٥٥
الحجيه ....بلعافيه بيبي اكلي لتردينه حتى لويصير وزنج ١٠٠
رنا....ضلو يضحكون عليه كلهم
رغد .....كافي بيبي خلاص
الحجيه....اي بيبي هيه كم قطعه اكليهن كلهن
اميمه .....احس صار روح برجعتهم بلبيت جنت احس شي ناقص بس من اجو عرفت جان النقص همه شكد جنت احاول مابين لطارق ولا لخالتي الحجيه غيابهم بس مجنت اكدر وطول لسنين همه فاقديهم لحد هلحضه حسيت بعيونهم فرحه متنوصف بقه بس احمد وتكتمل سفرتنه كملنه وشلنه السفره وكعدنه بلصاله وبقينه نسولف
رنا....يلا رغد اكلج كومي للمطبخ وياي
رغد......اي كايمه
اميمه......يمه عوفي لبنيه تعبانه
رغد....لا خاله خلاص ماكو تعب اتونس وياها
علي.....باباتي جاي من ايدج الحلوه
رغد....ادلل حبيبي
رحت ورى رنا للمطبخ مطبخهم جبير كولش ومرتب باغراض حلوه صبيت الجاي وديته الهم ورجعت يم رنا هيه تغسل واني اشطف
اكلج رنا تعالي اني اغسل وانتي شطفي لان مااندل وين تخلين المواعين
رنا.......امرج ست رغيدان
رغد.....عووع شنو هلقب محلو بعد لتكولين هيج
رنا.....اني شدخلني همه هيج يكولون
رغد......ديلا وخري
رنا.....تعالي يلا كملنه المطبخ ورحنه بلصاله كعدنه يمهم
رغد....رنا بليزز مشط نزليلي
رنا......اي خوش واني امشطلج
رحت نزلتلهه مشط وكعدت على القنفه وهيه كاعده على الكاع فتحت الكعكه مالتهه شعرهه طاح بلكاع بديت امشط بيهه
رغد....اااه لكي شعري ااخ بابا
رنا.....اوي شبيج غير امشطلج شعرج طويل
رغد.....اااه بابا
علي.....شو تعالي عصفورتي
رغد .......رحت لبابا ومشطلي شويه شويه وموجعني مدري اني متعوده على بابا وماما
  احب من يكمل تمشيط شعري يضفره الي
علي......صفح لوعدله
رغد....راخيه بابه وصفح
رنا.......يلا كملتي خلي نصعد نرتب اغراضج
رغد....وك يلا
صعدنه اول مره انتبه صاله جبيره بيهه تخم اسود ويه بياض الحايط صار حلو البرده هم اسود ولتول ابيض وتلفزيون وبيهه ابواب هوايه
رغد....رنا
رنا.....ها حبيبتي
رغد .....غرف كثريه هنا مال منو
رنا.....هاذ لباب مال غرفه محمد وحسن
وهاذ باب الحمام وهاذ باب الصطح وهاذ بابا غرفه احمد وهاذ هم غرفه احمد وهاذ غرفته
رغد.....يعني احمد شنو متزوج وغرفه الاطفاله هاذي
رنا......لا ولج هاي غرفته ينام بيهه وهوه ممتزوج وهاي الغرفه بيهه اغراض خاصه مالاته
رغد......هم طيب هوه وين هسه ماكو من الصبح
رنا.....اي عنده دوره تدريبه
رغد.....شنو وضيفته
رنا......درس كليه العسكريه ضابط يصير
رغد....هم اوك
شوكت ينزل
رنا.......باجر ان شاء الله
رغد.....يلا تعالي نرتب
رنا......ماشي يلا
دخلنه للغرفه وفتحنه الجنط كلهن نصفط ومخلصانات
اكلج عفيه شعندج خرعه مال ملابس حته خانتج متكفي
رغد......شسوي جبت بس الاحتاجهن
رنا......هاي عود بس لتحتاجيهن لوجايبتهن كلهن شلون
رغد.......اكلج ترى انزل يم بابا وماما جوه
رنا....لج خبله اشاقه وياج بسرعه تضوجين
رغد...مليقه وعوجت حلكي
رنا......نوب شنو هاي عليقه مدري مليقه
رغد....... هههههه لكي مليقه يعني مغثه تضوجيني اكولك مليقه
رنا.....هممم زين ليش متكدرين تلفضين حرف ج
رغد .....شلون يعني
رنا......يعني تكولين لكي او اكولك كولي لج ولج اكولج
رغد.....ترى اني مااتكلم عربي قليل بس وصايا امي وابي مااتكلم بلبيت عربي فقط ومن اجينه لهنا منوعني ابد من الانكلش فقط عربي متشوفين شلون ماما وبابا ضاجو من كلت كم كلمه اجنبي المهم اني همات اريد اتعود عربي وانسه الانكلش
رنا.....صدك يكولون ٤سنوات عمرج قبل مااهلج يسافرون شلون عرفتي لغتين
رغد.......امم ماعرف بس اتذكر جان ممنوع بلبيت اله عربي وخارج البيت انكلش
رنا.......ليش عود
رغد......علمود نتعلم لغتين مننساهن وفعلا لوما هيج جان اني مكدر اتكلم عربي
رنا......هسه ليسمعج يكول تعرفين عربي ونتي نص الاحرف بالعتهن
رغد......لااعرف بس كم حرف ماكدر الفضه
حسن........هااي شديسون الحلوات
رنا.......مثل متشوف ملابس اختك كومه
حسن..........بعد هاي رغد لوتشوفين هناك حياتهه ملابس نكعد على ملابس مو فراش
محمد......ها ولكم مجتمعين هنا واني ادور اكول ماكو
رغد.....صدك ناسينكم اصلا هههه نسينه واحنه نرتب بلملابس
حسن........يلا ننزل جوه مدام كلهم مجتمعين
محمد........بس بل١نصعد لان يبدي فلكم حلوو
رنا.......ها شكلتو
رغد........اوك
حسن........بس متحله الكعده اله حب واجباس وحبشكلات
رنا........يلا روحو جيبو من المحل قبل ليعزلون
محمد....يلا حسن امشي
حسن .......صدك اني هم اريد اطلع اشوف بغداد
رغد......حسو اخذني وياك ملل
رنا......خلي يجي احمد ونطلع كلنه سوه
رغد......وك
رنا.......نزلنه وحسن ومحمد طلعو ورحنه للصاله اني ورغد لكيناهم يسولوفون بيبي مخليه راس عمو بحضنهه وتلعب بشعره ويسولفون ويه بابا وعمه وفاء ويه ماما مندمجه تسولف
علي.......ها عصفورتي تعالي
رغد....بابا جان نايم وعدل نفسه ورحت بحضنه رجع نام على رجل بيبي وفتحلي ايده ونمت ويا وبقو يسولفون صارت بل١اله ربع واجه محمد وحسن جايبين موطه واجباس وحب وفستقيات انطه الهم قسم
محمد.......هاج رنا هاذ صعدي
طارق........ها ولك وين موديهن
رنا...........بابا عدنه سهره شبابيه انتو نامو وارتاحو
اميمه.........ها ولج شفتينه طايحه سنونه كولي سهره زعاطيط موشبابيه
علي......ههههههه يم عوده عوفيهم روحي عمو روحي
حسن......يلا رغد كومي
رغد.......اوك
بست بابا وماما وبيبي وعمو وعمه يلا كد مورنك
الحجيه......شنهاي عود
رغد......تصبحين على خير بيبي وكرصتهه من خدهه
وفاء......موتسهرون للصبح
محمد.....عمه هوه لفلم يخلص ب٣
حسن........يلا صعدو يلا
رنا......صعدنه نركض وخليناهم جوه رحنه للصاله محمد شغل تلفزيون وحسن فتح لعلاليك
رنا.....تعالي رغد
حسن....وين
رنا ......حضرو لكعده هسه نجي
محمد.....ولجن لفلم حيبدي وين موليات
رنا...... يابا دقايق
رحنه عدنه بلاصاله مثل الترك جبير مرتبين بي مطبخ صغير حلو مرات نحتاجه او بلاكثر احمد يحتاجه لان دوام وشي عدنه نتريك فوك ونبدل وننزل
رغد....دخلنه لغرفه صغيره صح ضيكه بس طويله بيهه طباخ وسنك وثلاجه وكاونتر صغير وبلاخير ميز طعام حلو على طول الغرفه ترتيب حلو
رنا........اكلج طلعيل جدريه هيه وقبقهه بسرعه لا يبلش الفلم
رغد.....شدسون وشنو هاذ لبيدج
رنا......وج خبله ذره اريد اسويهه شاميه
رغد.......اممم اي بس كثريلهه ملوحه
رنا.........موتدللين بس اخذلهم كاسات للحب والكرزات
رغد.......اخذت كم كاسه كلولي جيبي كلاصات للبيبسي ورجعت جبت الهم
رنا......عفيه يمج سلات صغار طلعيهن خلي بيهن الشاميه
رغد.....هههف ترى تعبت
رنا.......اوي عيني وانتي شمسويه ديلا ستوت طفيت النار وقسمت الشاميه ورحنه للصاله لكينه لفلم هستوه بادي بقينه نباوع علي وناكل ونسولف بلاعلان ونضحك لحد ساعه ب٣ضبط خلص الفلم ومنمنه
محمد......والله لو الحجيه زهره تكدر تصعد جان كسرتنه بلعصه مالتهه
رغد.....هههههههه اي واتخايلهه متكدر تركض ورانه واحنه نطفر منهه
رنا..........ههههههههههههه لا ولج توكف باب لصاله وغصبن علينه نجيهه وكلمن ياخذ نصيبه
حسن........هههههههه باع الصاله شصار بيهه خطيه هسه طيح بروسجن
رغد......لا صدك وانتو هم مشتركين بلجريمه
محمد.....اكلكم انيراح ازوع كد مااكلت
رنا......حتى اني خبطت معدتي
حسن.......اذا انتو ماخليتو شي يعتب عليكم
رغد.........عووووع كافي اكلكم خلي لصبح نشيل الزبل احس نفسي طفيت ماشوف حنام بمكاني لحد يكعدني
رنا .......اي عفيه خوش خطه خلي لصبح نضف اهم شي اخذلي غفه
حسن.....اكلك محمد رحمه الله طفي لضوه وتعال نسوي قيلوله
محمد .......ولك كوم بلغرفه ذني توثن ونامن هنا
حسن.....لا بربك شلون نومه والجو بارد
محمد.......اي والله هم خلي انام يمكم على واهس بس وين انام ذني نطمرن وكل وحده اخذتلهه قنفه نامت بيهه
حسن ......دتعال هنا تكفيك هاي بس طفي الضوه شلعت كلبي صارت بل٥الساعه واحنه مانايمين
محمد.......طفيت الضوه ونمت يم حسن
احمد.....ادري بيهم بيت عمو اليوم يجون واني باجر اجازتي انزل صار موليل كل ساعه بسنه معولت يطلع الفجر بقيت مانايم صار الفجر وطلع الضوه ونزلت وتوجهت البيتنه وصلت ساعه ٨لكيت كاعدين ويتريكون بيبي وامي وابوي وعمو وعمتي
علي....لك هلا ابن اخوي شهل جمال شهل شخصيه ولك صاير رجال وماادري
احمد........ههههه اي عمو شعبالك عليك طالع
وفاء.............ها عمه حبيبي شلونك ماشالله عليك كلبي يحفظك الله
احمد......هلا بيج عمه شخباركم
علي.....الحمد لله تعالي تريك
احمد......لا عمو اريد اسبح واغير ملابس وانام شويه من اكعد اتريك تعابان مااشتهي
الحجيه..........روح ارتاح يبعد هلي روح
احمد.....هههههه الله يخليج ست الكل صعدت تعابان ومنايم وشلون وشيخلص هليوم هاذ صعد اول موصلت للصاله ضلمه وبارده ثلج والتلفزيون مشتغل اوووف شهلريحه هاي حب وشاميه تقربت عليهم اباوع محمد نايم ويمه ولد بعمره اعتقد حسن بس لتفتت على القنفه واشوف ملاكي .......

يتبع
انتضروني في احداث اجمل
متابعه شيقه ❤
#بقلمي #ضہٰ۪۫ي ﺂلقہٰ۪۫مہٰ۪۫ر