خذ بيدي

مساء الخير
حيكون النشر بارت واحد فقط بليوم بدون انقطاع ويكون النشر بليل فقط ان شاء الله
بس اريد منكم تنطوني توقعاتكم حتى استمر وتفاعلكم الحلو مثلكم ينطيني دعم واهس للكتابه
#خذبيدي
#البارت #الخامس
#بقلمي#ضہٰ۪۫ي ﺂلقہٰ۪۫مہٰ۪۫ر

علي...احنه بسنه ٢٠٠٦  تعبنه من الغربه وقررنه نرجع بس الصعب حسن ورغد مامتقبلين هلشي تعودو على حياتهم هنا
رغد....جنت راجعه من المدرسه وبابا وماما كاعدين ويحجون بلسفر
رغد....هااي أبي هاي مام
بسته بخده وبس ماما
علي.....بابا كم مره كلنه بلبيت ممنوع كلام اجنتبي تحجين مثلنه
رغد.....برطمت وك أبي
علي.....ههه لا اله الا الله ميفيد وياج
رغد....عفتهم واني ادخل لغرفتي اكيد ميفيد طالعه على حضرت القاضي
وعلي....ههههه
وفاء......علي
علي....نعم
وفاء....داحسك هوايه ناطيهه مجال لرغد يعني مدللهه زياده
علي......شنو تغارين عصفورتي وكيفي
وفاء.....احممم لاعيني مااغار بس اني اخاف عليهه  انت منطيهه مطلق الحريه باجر ياخوفي متتعود تعيش بلعراق وتحس بفرق وهاذ دلالك ينكلب عليك
علي....ليش ينكلب  عليه مااخلي ينقص عليهه شي مثل معايشه هنا تعيش هناك واكيد دلالي يبقه مثل مهوه الهه
وفاء.....بس لتنسه الفرق بين حياه لهنا  وحياه العراق يعني هنا انت مسؤال عنهه ولشي لتريده تنسه عدهه ام واخ تروحلك بسرعه وتطلبه وانت اوامرهه مطاعه
علي ....حبيبتي وين تردين توصلين احجي بلا لف ودوران
وفاء.....مو يعني ااه
علي...شبيج احجي
وفاء....اسمع حبيبي انطيكياها من الاخير
رغد هنا تطلع وتدخل براحتهه وأصدقائهه مختلط وحفلات ونسنه وممتقيده بشي لا لبس ولا عيب ولا حرام
علي.....وليش تحسسيني احنه مومسلمين وراح ندخل الاسلام
وفاء....نطيني سبب مقنع من نروح هنك وبنتك تبقه نفس سلوبهه لهنا متغيره هناك
علي...اسمعيني للاخير ولاتقاطعيني تتذكرين اول مااجينه هنا معدهم لا صديق ولا صديقه بمرور الايام تعرفو على أصدقاء وتعودو على الوضع والجو وكولش هنا صار عادي بلنسبه الهم هناك هم هيج ننطيهم وكت يتعلمون بي حياتهم هناك
وفاء....واذا متوالمو ويه الاجواء لهناك
علي.....يتوالمون بس شيلي هلتفكير والقلق لبراسج
وفاء.....حبيبي نطيني وعد محد يدخل بحياتهه اله انت
علي....شتقصدين ؟
وفاء.....يعني زمن من جانو صغار راح واجه هاذ الزمن يعني صار الانسان يختار حياته بكيفه
علي.....وفاءاعرف شنو قصدج وفهمته بس ارتاحي وبعدين لتنسين منو هناك ومنو لجان يحاف عليهه من الهوه كولي خاف هوه الي ميتقبل هلشي
وفاء.....شلون يعني
علي....يعني كومي سويلنه اكل لان عصفورتي جاعت وغمزتلهه
وفاء....اي غير الموضوع ترى خليهه ابالك اني موضدك ولا ضد عاداتكم بس باجر عصفورتك تخليك مواقف محرجه وساعتهه ياخوفي
علي....روحي حبيبي روحي اني احجي وياها بعدين وافهمهه واكيد هيه متاذيني ومتعصيلي امر مثل ماطلباتهه مجابه اوامري بلنسبه الهه مطاعه
وفاء.....ان شاء الله خير
رغد.....اممم طيور الحب شدتحجون
وفاء.....ماكو شي سلامتج
رغد .......نمت بحضن بابا
اي سولفلي علي
علي....انتي سولفيلي شسويتو والبارحه تونستي لا
رغد.....اكيد طبعا ولعرس جان اجمل مايكون
علي...اكيد عصفورتي اجمل مايكون
وفاء.....احم احم  نحن هنا
رغد ....ماما هناك صح عندي بنت عم
وفاء.....راح تبلس الاسأله اكوم احضر الاكل بين ميجي اخوج
رغد......ماااام تعالي هنا بليزز
علي....بابا حبيبتي هناك من انروح اكو شغلات لازم نتركهه هنا ونتخله عنهه
رغد....مثل شنو
علي....يعني هناك بيبي الحجيه الهه احترامهه وكل فرد من العائله اله احترامه الخاص
رغد .....كمت من حضنه وركزت ويا
علي....انتي تحبيني
رغد...وتشك بابا بحبي الك
علي....لا طبعا بس اريد اعرف غلاتي عندج من بعد هلكلام
رغد....اممم كول تكلم حضرت القاضي
علي.....احجيلج دخل البيت الي نعيش بي
رغد....اممم
علي...الحجيه بيبيتج الهه هيبه موطبيعيه وبوجودهه نحس بلحب والحنان هيه اب وهيه ام وهيه اخ ومن نكعد يمهه نحس احنه بأمان وكلمتهه هيه وحده متصير ثنين ونحاول نفذهه وطبعا شكد ماطلباتهه وامرهه صعبه نفذهه لان هلشي لمصلحتنه ونعرفه بمرور الزمن
رغد.....ياالاهي حبيت
علي....اما عمو طارق رجال محبوب ودائما يضحك الاشخاص ليمه
رغد....كمل
علي.....نجي على اميمه زوجت عمو طارق بنت خالتنه كلبهه طيب متكره احد ومثل عمج بلضبط وتشوفين جو البيت حلو بوجودهم لان دائما مشاهنات بيناتهم
رغد.....هههه حلوو
علي...عدهم احمد ومحمد ورنا  احمد حاليا عمره ٢٢سنه ودراسته الانضباطيه وهاي السنه اخر مرحله اله يعني يصير ضابط اما عن شخصيته حسب مسمعت من اهله شخصيته حاده شويه يكول ابو خضر عندي علي الثاني واتعس منك
رغد ....ههههههه
علي.....ومحمد بعمر حسن  بعده يدرس وشخصيته مثل عمج  بلضبط
رغد....زين يعني اكو ضحكه هناك
علي....اما رنا اصغر منج بسنه وبعدهه تدرس ماعرف شخصيتهه شنو
باعي حبيبتي اي شي بلبدايه صعب بعدين مرور الزمن كولشي سهل اني نطيتج نبذه مختصره عن اجواي المكان الي نعيش بي وبلنسبه للاقارب الباقين هناك تتعرف عليهم واحد واحد
رغد ....وك وخارج البيت
علي...... هنا شويه ماعرف بقت يمج لان احنه كولنه صار فتره بعيدين ومنعرف وضع الحياه هناك بس انطيج كم نقطه
رغد....وك احتمال يفيدن
علي....حبيبتي هناك شويه ماكو اختلاط اول شي
رغد ....يعني شلون
علي....يعني هناك بره لبيت اختلاط بحدود اما بلبيت اخذي راحتج عادي حيكون عندح ٢ولد واخوج  وبنت عمج يعني صيرو شله تعبانه بس بره لا ومن تكبرين او ترحين هناك تعرفين ليش
وبلنسبه للبس هم شويه طولي ملابسج مااقيدج بشي متحبي بس لخاطري هاذ لشي سويليا لبسي لتحبي بس مناسب
رغد....تمام احاول
علي..... وممنوع ممنوع تحجين اجنبي
رغد .....بابا هيج هواي وعكدت حاجبي
علي.... لخطري كتلك ماعندي خاطر يمج
رغد......وك تمام كمت لغرفتي ماانكر ضجت بس لخاطره كولشي يهون ومدام هوه يمي مااهتم
حسن....هلوو شلونكم
علي....هلو حبيبي
حسن ....مااااماااا وينج جوعاان
وفاء... بلا سلام على بطنك تجي
حسن ....اي مواني رغد  صدك وينهه
وفاء.....يله كوم غير ملابسك وصيح اختك تجي تاكل
حسن .....رحت لغرفتي بدلت ورحت لغرفتهه فتحت الباب وخرعتهه
رغد....عابتلك غبي لك رعبتني متبوب من طبعك ادخل لباب حتى تدخل
حسن....مواني داخل على كوندريزا رايز
رغد.....مالي خلكك حسن وخر
حسن ....شبيهه وج لبومه
رغد......ماغيرك بومه
حسن.....لا صدك شبيج
رغد شبيه يعني قلقانه من سفرنه وكلام بابا خوفني
حسن....ومن شنو تخافين هناك نعيش وهنا نعيش شبيج مهتمه هلكد
رغد.....مدري احس نفسي موجاهزه لهلشي
حسن ....هسه كومي متت جوع ومنتضرينه
رغد...وك جايه
نزلت واكلنه ومر كم شهر خلص بابا اجرائات سفرنه بقه بس نمتحن ونسافر
الحجيه....يم طارق تعدل لبيت تخلي الغرف الجوه الك ولخوك ولفوك لغرف تخلي لكل واحد غرفه
اميمه...خاله حسن ويه محمد ورغد ويه رنا
الحجيه .....يمه خاف ماتكفيهم ومتعودين كلمن بغرفته
طارق....لا يمه علمود ميحسون بفرق وهم واحد يتعود على الثاني
الحجيه....خوش هسه بلش غرفت احمد تصعد فوك وغرفتك تنزل جوه
احمد....سلام عليكم
الحجيه...هلا بيبي تعال يمي
طارق واميمه .... عليكم السلام
احمد.....خير بيبي شكو
الحجيه.....يمه نريد نرتب البيت ونصعدك فوك بغرفت اهلك واهلك ينزلون جوه
احمد....وليش ينزلون جوه اكو غرفه جوه وياخذوهه ليش غرفتي
الحجيه.....مو بيبي انريده غرفتك محتاجينهه
احمد.....بيبي هاي غرف خير من الله لحكتوني على غرفتي اخذوهه ماريده عفتهم وطلعت بيبي صاحت وراي وشبيك تصيح شحاجيناك
احمد...ماكو شي بيبي جاي اطلع وصوت بابا وكفني
طارق.....ااااحمد 
احمد......رجعت للغرفه خير يابا
طارق....كم مره كنالك اتحكم باعصابك وافتهم لشي يلا تتصرف
احمد.....موقصدي يابا اصيح سووي لتردونه بس اني مشغول هاي سنه اخير ومااكدر انتقل انطوني مجال
اميمه .....يمه ماعليك اني انقلهه ويه لولد ادز عليهم
احمد.....قبل لتنقلين كوليلي اكو غراض اني ارتبهم
اميمه .....ماشي
طارق.....بس انت متريد تعرف ليش محتاجين غرفتك
احمد....هسه يحنن ويونن عليه امي وامك تزوج ونت خلصت دراستك وامك تكول اريد اشوفك غريس واشوف اولادك شلي بهلدوخه من الاخير زواج مااتزوج ولا يفتح وياي هاذه الموضوع
الحجيه .....خايب انت شو حتى احترام ماتحترم امك شنو كول بيبي
احمد....ماشي بيبي زهره هسه رتاحيتي
طارق....لا موهاذ لموضوع
احمد....اي لعد زين عبالي لعد ميهمني الباقي
جاي اطلع
طارق....اي مودااكول علمود متكول ليش ماكلتولي واني ماادري
احمد....رجعت ليش شكو بعد
طارق....ماكو شي روح بابا واهتم بدراستك ماريدك تضيع هاي السنه ونته عاشك ولهان
اميمه .....هههههه راح يوكف كلبه للولد
احمد....يابا احجي شكو ياعاشك ياولهان غير عندي كلب حتى احب
طارق......هااا كلتلي كلب
اميمه......والله طارق لعبت باعصابه
احمد.......اهووو غير افتهم شكو ويكلولي لتغصب
الحجيه......تعال بيبي انه اكلك
احمد.......اي صدك كولي بيبي زهره
الحجيه......جريته من اذانه تحجي عدل لومااكول
احمد.....اللهم طولج ياروح وهسه يطلع شي تافه
الحجيه.......عمك
احمد.......شبي 
طارق.....يريد يزوج رغد بس كال خاف تريدهه للولد لان هناك ابن خالهه يريدهه كوه حابس الضحكه حبيت العب باعصابه وهم اتاكد بعد كلبه يريدهه لو حب طفوله
احمد......احس واحد وضربني على راسي لا ماصدك صدمت عمري مستحيل لا ابد
طارق.....اي وكتله لا محمد صغير بعده
واحمد ماهاوي لزواج يريد يكمل ويصير ضابط ويستقر ويصير ضابط ياله
احمد......؟؟
اميمه .....شبيك يمه شو سكتت احجيلك شي
احمد.....صدددك جذب يابا يزوجهه شنو وينهه وين الزواج بعدهه طفله وشنو هان منو ابن خالتهه يتزوجهه بعدين ليش تكله نطيهه
طارق.....وشبك تصيح شسويك كتلك خلي نزوجك ما تقبل 
الحجيه......بسك يمه شوف وجه لولد صوفر
طارق......هههههههههه يمه بس صوفر صار جنه وج طاوه
الحجيه....بيبي يجذبون عليك عمك كم شهر ويرد النه وبعد ميروح ونريد لغرفه مالتك لابوك ونضف غرفته ونحضرهه اله والفوك حسن ويه محمد ولبنات بغرفه زنت بغرفه
احمد......كولي والله بيبي لتجذبين عليه مالي خلك والله كولي صدك  عمو يجي ويستقرون هنا
الحجيه ....خايب انه يايوم جذبت ماتولي من خلقتي
احمد....هه هه خير ان شاء اللهيله يمه اذا تردين باجر بلشي
اميمه......احمممم اكلك طارق شبيهن عيونك يلمعن وسنونك طالعه
طارق.... حبيبتي من الفرح هاذ
احمد....يله يمه اني رايح للحلاق
الحجيه...خايب يمه موهسه يجون بعد وكت
طارق..... روح حفحف كطكط بلكي يصير بيك شوفه
احمد.....شلون يعني محد يحلق والله يالله وهاا مويجون وتبقون هيج تضحكون عليه والله اعوفلكم البيت واهج طلعت ورحت للحلاق حلاقت ورجعت للبيت سبحت ورحت لغرفتي ماكدرت انام طلعت بلحديقه وطلعت الجكاره ورثتهه وكمت اسحب نفس واحس بصدري شي يخنكني ليش هسه يله هاا ليش هسه فكرت ياعمي تجي بعديج بعد ماكبرت بديار الغرب شلون تجينه هنا وبأي صوره تكدر تتأقم ويانا ياخوفي ماتكدر ويرجعهه ابوه ااااخ ياكلبي ااااخ ساعتهه نفس الجرح صار سنين يرجع ينفتح
محمد.....رجعت للبيت تقريبا ٢ونص بليل جنت يم جماعتي نقره هيج متعودين نقره ومرات نضل للصبح لكيت احمد بلحديقه كاعد على المرجوحه جانت مرجوحه ومسطبه بلحديقه ومخلي رجله على المسطبه ومرجع راسه وره ويدخن 
محمد...الله بلخير
احمد.....؟
محمد .....ها  اجتك الحاله
احمد.....اااخ ياكلبي
محمد......راح تجي شبيك بعد
احمد..........خايف
محمد........من شنو خايف
احمد........خايف لا ترجع خايف لا تكسرني مره ثانيه خايف ليكون احد بكلبهه ولك محمد خايف لا ماتعرف عني شي وماتتقبلني
محمد.....احمد اريد اكلك شي بس لتزعل
احمد......كول شنو
محمد........ياخويه ماتحس نفسك مصختهه شوي
احمد......عدلت نفسي وذبيت لجكاره ودستهه برجلي لك محمد شلون وشنو لمقصود من كلامك
احمد.....اي والله ياخويه هيه تحاجيلك بشر مخبل هم ميستوعبهه طفل وتعلق بطفل من الصغر هاذ بالله يتسمه حب
احمد....لك محمد تدري بي موطفل اني وحبيتهه من هيه بطن امهه وحبي وخوفي عليهه لهسه بكلبي
محمد......ياهسه يااحمد هسه لبنيه عمره ١٤سنه وجانت عمره٤سنوات متعرف شي ويادوب تتذكر شي بسيط ويجوز هم ماتتذكرك اصلا جاي هسه تريد ترجع حب طفولتك عبالك سهله لك يااحمد لبنيه الهه حياتهه يجوز متتوالمون شوفهه شوف طبعهه تصرفاتهه عيش وياها فتره بلكي هيه تباظلك نفس الشعور  وبذاك الوكت عمي يمك واطلبهه خو ماشالله العشيره كلهه تدري بيك تحبهه
احمد.....هوه من هاذ خايف ماريدهه تحس بهلشي واصغر كدامهه اريد تحبني من كيفهه مويكولولهه هاذ جان سهران للصبح علمودج وخلص ١٠ سنين يبجي ليل علمودج
محمد......انت لتهتم ماشالله انت ما مقصر والف وحده تتمناك وهيبه وشخصيه ومتمكن
احمد.....واني ماريد من هذني الالف بس هيه
محمد......صدك دورتك شوكت
احمد.....شهر بعد
محمد...... اي حتى تروح وترجع ولنجوم على ضهرك ساعتهه شلون متعجب بيك
احمد......هه والله عليك سوالف هسه هيه تعوف لحلوين لهناك لشكران تجي عليه
محمد........مويكولون القلب وما يهوى
احمد.....الله كريم روح نام وشد حيلك بدروسه وهاذ اخر همك
محمد......ماشي يله تصبح على خير بس جره نفس وحده واروح
احمد.....تولي لالطفيهه بعيونك هذني
محمد....يابا شنو حلال علينه وحرام عليكم
احمد......موتدري بيه طايح حظ حتى بهاي لاطش روحك
محمد........ماشي عيني روميوو
احمد......دنجب ولي يله
علي .......صار كولشي جاهز بقه بس امتحانات حسن ورغد تخلص
وفاء.... حبيبي اريد اروح لاهلي وازور امي قبل لنسافر
علي.....اي حبي ادللي باجر نروح نزور امج بعدهه يخلصون امتحانات وبطريقنه نمر على اهلج نودعهم ثاني يوم اخذتهه للمقبره
وفاء......قريت الفاتحه وكم تحجي وياها  يمه اعذريني راح اروح وهاي اخر مره ازورج بيهه وابجي يمه سامحيني اذا قصرت وياج بشي يمه اعذريني اذا اذيتج بلا قصد سامحيني يايمه وراح انفذ وصيتج واتخله عن كولشي بس علمود ترتاحين بكبرج سامحيني ونمت على لكبر اريد اشبع من ريحتهه
علي.....خليتهه تبجي وتحجي وياها كلت  خطيه هاي اخر مره يجوز متصحلنه فرصه نكدر نجي بس حسيتهه تعبت هوايه تقربت منهه وقريت الفاتحه وكومتهه كتلهه وفاء كافي عادي هيج تأذيهه ترى بلا متحسين
وفاء..... علي ميبرد كلبي والله ميبرد مشبعت منهه شوف راحت وعافتني
علي.......شو كومي ياعيني اخذتهه ورجعنه للبيت بلشنو امتحانات وخلصو بقينه ننتضر درجاتهم واسويلهم وثيقه نقل سبوع طلعت نتائج حسن ورغد امتياز سوينه النقل وروحه ورجعه وكلشي صعب لمهم خلصنه وتوجهنه لهلهه شافت اختهه واخوهه اقاربهم ودعتهم ورغد مطنكره بدت طنكورتهه من هسه ودعت  جون ابن خالهه وحسن ودعهم وتوجهنه للمطار ركبنه الطياره بعد معاناه وصلت لريحت هلي احنه طبعا يدرون بيه اجي بس محددت يايوم كل ميخابرون انطيهم عذر علمود اسويهه مفاجأه الهم نزلنه مطار بغداد بعد شق وعناء وصلت بس احس طفل شم ريحت امه اي هاذ وطني احتضني وطني مثل امي شكد مانبعد عنك منجازيك ياعراقنه الحبيب والغربه تذبح لحد يكول مرتاح بديار الغرب اي يمه وصلتلج فتحت لباب شميت ريحت جاي وصلنه ٩لصبح دخلنه جان باب الحوش مفتوح دخلت الحديقه مثل ماهيه والورد زايدهه جمال والمرجوحه شكد احمد وكعت من عنده رغد وتأذت بسبهه ولهسه ممغيرينهه اعرف هاذ احمد لهسه عايفهه تذكار ومرتبهه ومحافظ عليهه فتحت بابا الصاله ومكدرت ادخل
وفاء....  حبيبي بيك شي
علي....  لا مابيه واني بكلبي اكلهه اي بيه مااكدر اشوفهه شلون متغيره على غيابي تقويت ودخلت نفس كعدتهم على ميز الطعام وقوري الجاي لمهيل يمهم ويتريكون فتحت الباب ونتبهو على صوت الباب وشافوني..........

يتبع
انتضروني في احداث اجمل
متابعه شيقه❤
#بقلمي#ضہٰ۪۫ي ﺂلقہٰ۪۫مہٰ۪۫ر