خذ بيدي

.........البارت السادس والعشرون .........

محاجه تكولولي البارت قصير لان ادري بي وحقكم عليه اتحملوني هليومين الوالد صار يومين طلع من العمليات واختي اليوم دخلت للعمليات وحرت وحتاريت وثنينهن بلوه مكدرت مااكتبلكم اليوم حتى لو بارت عنوني بس اروحلهم ومن ارجع ابلش كتابه من جديد يومين انتضروني وادعولهم حبايب 😔

يتراب النجف مابيك

فزعه وبالخذيته تعود

رنا......مره ٣اشهر على موت عمه بده الحزن يخف شويه شويه بس ماانكر يذكروهه وغرفتهه الي عمو ميقبل احد يدخللهه حتى ينضفهه وكل منكله
يكول لا عوفوهه ريحتهه بيهه اما حسن صار انسان ثاني لا يحجي ولا يشاركنه الحديث وعلى طول بغرفته يدرس كل يوم نفس الروتين دوام
وبيت ماما قررت تطلع تقاعد بس بابا رفض كالهه صغيره بعدج خلي البنات يتخرجن للجامعه واخذي تقاعد كوه قنعهه لان تحس نكسر واهسهه جانت عمه بلنسبه لماما اختهه وصديقتهه مرات
اشوف ماما بلمطبخ وتبجي من اسألهه تكولي تذكرت عمتج مره شافت رغد واحمد يتعاركون
كالت شوكت اشوفهم عرايس واشوف اطفالهم
منحس اله صوت طبه بلكاع درنه لكينه رغد
متمدده بلكاع يمكن سامعتنه من حجينه رحنه ركض عليهه وطلع من الاستقبال عمو وبابا وبيبي
شالهه عموو خلاها على القنفه
علي.....بابا حبيبتي اكعدي شصار وياج ياروح ابوج
طارق......رنا جيبيلي قياس الضغط خاف هابط ضغطهه
رنا....رحت ركضت جبت قاسه لكا هابط كوه كعدناها سويناها عصير شربت منه شويه
ومارادته
اميمه.....هاج هاذ اكل ياامي علمود ضغطج
رغد...ماريد مومشتهيه
الحجيه.....اكلي بيبي شو تعالي نطيني اني اوكلهه
رغد.....بيبي تنطيني معلاك بلا صمون تكولي بس علمود يرجع الدم بوجهج
احمد.....مشتاقلهه خابرت رنا سألت عليهه كالتلي
متخربطه وضعهه موتمام الولد كالو روح احنه يومين وننزل خطيه احتارو وياي هم خلف الله عليهم وصلت بليل بل١ خابرت احمد يفتحلي الباب خطيه ماريد اكعدهم من النوم نزل خطيه فتحلي الباب سلمت علي ونطيت السويج يدخل السياره وصعدت فتحت الباب على كيف لكيتهم
نايمات تقربت منهه
رغد.....احس جسمي تعبان نمت من وكت ماحسيت كم ساعه فزيت على شخص يمي كعدت لكيته احمد فتحت عيوني باوعتله لكيته لازم ايدي ويباوعلي دمعت عيوني لان اخر فتره بعدت عنه كلش بحيث من شفته يمي كلبي نبضله من جديد
احمد....من فتحت لكتني يمهه رادت تبجي كتلهه
ااش  ماريد دموع ابد من اليوم ورايح ماريد تنزل ولا دمعه ابد اريد ترجعين مثل قبل واحسن كافي حزن ترى لوتضين لعمر كله تحنين وتونين ماراح ترجع
رغد.....اسمع كلامه وابجي لان صدك لراح مراح يرجع وتعبت اني وتعبت البيت كله وياي قررت ارجع انتبه على نفسي وافرح امي بنجاحي
كمت عدلت كعدتي
احمد....هاا هسه تمام اتفقنه
رغد....هزيت راسي بلموافقه
احمد.....هه حبيبتي هيه اريدج قويه ميكسرج شي
جريتهه لحضني يلا تعالي بحضني مشتاقلج والكعبة وصار كم شهر ميت بلاج ومن اشوفج هيج اتعذب اكثر تدرين كالولي متخربطه لولد اخذو مكاني ونزلت علمودج والله
رغد....رفعت راسي كتله يعني حتروح
احمد....ههه لا ابقه هنا رجعت راسهه بحضني يلا نامي علمود تصحين مرتاحه واريد من باجر الصبح الابتسامه موجوده بوجهج
رغد....تنهدت بقهر شلون اضحك وهيه عافتنه وراحت
احمد....هاا هم رجعنه
رغد...خلاص انسه
احمد....يلا نامي وارتاحي خليتهه على فراشهه وغطيتهه وطلعت رحت بدلت ونمت الصبح
فزيت على صوت الجهاز يدك شفت ندى رفضته
استغفر الله هاي ماعدهه احساس رجعت دكت مره ثانيه جاوبتهه
الوو خير ندى ماكافي خلاص كتلج خلي ننهي كولشي بيناتنه
ندى.....احمد صدك تحجي صار اكثر من ٤اشهر انته مجافيني ليش هيج موكتلك اني ماكدر بدونك تعال الله عليك
احمد......ماكدر ندى اني ماريد اخسر حبي وانتي تدرين كولش زين اني احبهه بابا احبهه وهيه هسه
دتمر بحاله صعبه ماريد ازيد عليهه ولشي لبيناتنه انسي ماريد تدري وتبتعد عني مره ثانيه
ندى ......يعني هيج صارت موو بسيطه احمد عود اذا صارت الك بأحلامك تصير لغيري
احمد.....اي هيج اني جنت واضح وصريح وياج من البدايه بس انتي الله يسلمج عاجبج الوضع بعدين شنو تهدديني حتى صوتهه ماريد اسمعه
سديتهه منهه نزلت لكيتهم كاعدين سلمت عليهم وكعدت وياها اليوم جمعه وكلهم ملتمين والله شتاقينه لهاي لجمعه بس ناقصنه عمتي مكانهه فارغ اباوع عمو ضعفان ولحيته طولانه حسن هم نفس الشي خطيه كملنه ريوك اخذتهم للحلاق ماقبل عمو بس منطيتهم مجال يرفضون من كملنه لكينه عماتي عدنه ولبيت هوسه
اميمه.....يووم فدوه لكلبك جيبلنه سمج اني طابخه دجاج وطبكت تمن بس بعد جيبلنه ٥سمجات
احمد......اي يمه ماشي ادللي 
صعدت فوك اجيب فلوس جاي انزل لكيتهه على الدرج تريد تصعد كتلهه رايح اجيب اكل تجين خفي من هاي الهوسه شوي
رغد.....مالي خلك حنام
احمد.....جريتهه من ايدهه كتلهه يانوم هاذ دتعالي
رحت لمي كتلهه مطلعهه وياي كالت موتتأخر يلا تجي اخذتهه والطريق كله صافنه تباوع من الجامه تردين شي مشتهيه شي
رغد....لا بس ذاك لطفل ياكل موطه اريد
احمد......ههههه ادللي بنيتي هسه دقايق واجيبلج
نزلت سألت الطفل كال من هاذ المحل رحت اخذتلهه ٢ورجعت صعدت بلسياره هاج حبيبتي هيج احبج من تشتهين وتاكلين وتكليلي اريد فلان شي
رغد....ههه علمود اصير فيل وتعوفني موو
احمد....معاش الي يعوفج ابد لتتصورين اعوفج
يلا باله ضوكيني اشوفهه طيبه
رغد....هاك افتحلك هاي الثانيه اني كافي عليه وحده
احمد.....وين موداسوق شلون اكلهه
رغد....اني اضل لازمتهه الك وكل فتحتله الثانيه وكل شويه اخليهه اله بخده ويضل يحجي عليه بس صدك ضحكت من شفته هيج تذكرت اول مااجيتهم احمد تتذكر حالتك هاي بيمن تذكرني
احمد.....هههه اي اتذكر بلتوت
رغد.....ههه بوكتهه صدك اذيتني
احمد.....ماجان قصدي بس جنت كد مامشتاقلج ومن عفتوني واني صغير ردت اطلع حركت كلبي بيج ههههه
رغد....ههه هاك هاي كلنكس امسح
احمد.....لا شكلي عاجبج ابقي اضحكي هيج ضحكتج عندي تسوه الدنيا ومابيهه
رغد....ههه لا شوتعال مسحت خده بس بقه شويه بي
احمد......هههه ولج لوادري هيج ما جايبلج
يلا ابقي هنا هسه اجي جبت لاكل واخذت بطل مي غسلت ونطيتهه تغسل ورجعنه
رنا....هاا شوتأخرتو
رغد.....لا هستونه رحنه
اميمه.....يلا ماماتي تعالن وياي صبن
رنا....كملنه اكل واخذنا للولد يفرشون السفره كملنه اكل للعصر يلا خف البيت رغد من اجه اجمد انتبهنالها متنام هواي وتكعد وتسولف ويانه عادي حتى عمو انتبه عليهه كال هسه حسيت الروح رجعت ببنيتي
الحجيه......يمه لفضل لاحمد بس شنسوي الله كريم
رغد.....شديت حيلي بلمدرسه وخلصتهه بس ادرس كمل نهايه السنه ومتحنه وراها بسبوعين نتائج مارحنه هلمره صديقه عمه خابرت عليهه وكالتلهه لبنات ناجحات هم اجتمعنه كلنه وطلعنه تونسنه بيومهه ومرت العطله روتين عادي بس قبل الدوام بكم يوم جنت بليل احجي ويه صديقتي اجاني مسج فتحته شفت رقم غريب
مكتوب عبالج تاخذينه مني والله مااخليج تتهنين بي
صحت رنا هاذ رقم منو بالله شوفي تعرفي
رنا.....لا بس شنو هاذ ومنو هاذ
بالله خابري
رغد.....تصلت على الرقم مغلق يطلع
مرت كم يوم بلصدفه شفت احمد تذكرت الرقم
احمد هاذ اجاني المسج قبل كم يوم
احمد.....بالله جيبي اشوفه
شفته منو هاذ اخذت الرقم دونتهه بجهازي وحذفتهه من جهازهه كتلهه لتردين على ارقام متعرفيهه صادف التحاقي ونطيت الرقم للولد جابولي عنه معلمومات عرفتهه منه جنت شاك بس هسه تأكدتخابرتهه انتي وين كالت بلبيت وحدي كتلهه جايج
خليت الولد يسدون مكاني ورحت اخذت الطريق كله فاير الف مره ردت اسوي حادث وصلت اول مفتحت الباب مثل كل مااجيهه ملابس والمكياج عبالهه لسواد عيونهه جاي هيه فتحت الباب وجريتهه من شعرهه شمرتهه بلكاع دك راشديات لللج كللبه عباالج مااعرفج خااي سوالفج موعلليه
تردين تلعبين على الحبلين هاا
ندى .....شكو احمد شبببيك شسويت
احمد.....متدرين شسويتي مو مراسله رغد برقم غريب حتى تكوليلهه لصار
ندى......اااخ كاافي موواني ممراسلتهه وين اعرفهه
احمد....صدكتج كلش وحق الحق وعيون رغد اذا درت ونزلت دمعه من عيونهه بسببج اله احركج وانتي عايشه كلبه
ندى....شبيه اني ماتحبني مثلهه شو كلشي حلو نطيتكيا
احمد....يابنت الناس ماريد منج شي بس عوفيني بحالي ندى اخر انذار الج ان صار شي لرغد وعرفت انتي سببه تكون نهايتج على ايدج وكولي احمد كال عفتهه وطلعت رجعت الدوامي حتى اهلي مامريت عليهم
رغد.....خلصت العطله ملل وكل فتره نروح للنجف نزور امي ونرجع بس عبالك هسه ميته
حسن ومحمد مرحله ٣ وارنا راحت للخامس واني للسادس يعني هاي اخر سنه الي بلاعداديه حابه اطلع معدل قوي لان الخامس هملته وكمت اجاوب على كد النجاح امي حلمهه ادخل تمريض حابه اكون كدهه اروح جامعه تمريض اريد اروح بيدي الشهاده وحسن هم حاب ياخذ صور تخرجه هواي خططنه لهيج سوالف اني وحسوو نريد نفرح ماما بينه بس ياريت الفرح يدوم

يتبع
انتضروني في احداث اجمل
متابعه شيقه❤