خذ بيدي

مساء العسل
#خذبيدي
#البارت #التاسع
#بقلمي
#ضہٰ۪۫ي ﺂلقہٰ۪۫مہٰ۪۫ر

توقعاتكم للاحداث القادمه حبايب
طلعت للحديقه كعدت على المرجوعه
اميمه.....سويتلهه عصير برتقال ولكيته ماكو يم عمهه صعت على رنا رغد يمج فوك كالت لا تلكيهه بلحديقه
نزلت لكيت امي بيدهه لكلاص كالتي اذا طالع هاك اخذه ودي رغد عدهه هبوط خطيه اني شيطلعني للحديقه بدربك اخذه الهه
احمد.....طلعت لكيتهه كاعد على المرجوحه ومغمضه تقربت عليهه وهيه ماتحس ضليت صافن بوجهه شعرهه بلشمس ايصير لونه فاتح ولرمش والحاجب بلون الشعر بس عليهه عكده مال حاجب جنهه عمو اني اباوع وهيه فتحت
عينهه
رغد.....حسيت اكو شخص تقرب مني فتحت لكيته واكف بيده كلاص عصير
عدلت كعدتي
احمد.....تفضلي امي دزته تكول علمود يوازن ضغطج
رغد....اخذته منه وبديت اشرب بي
احمد....ممكن اكعد
رغد....؟؟
مجاوبته بس سويتله مكان يكعد بي لمرجوحه جبيره بس مستحلتهه اني
احمد...كعدت وحبيت افتح موضوع وياها ينسيهه اخر موضوع بيناتنه
اي رغد يامدرسه تحبين اداومين
رغد....مومهم يامدرسه لاهم اكدر اتوالم ويه وضعكم ودراستكم ولمناهج مالاتكم
احمد....اي هم صح
بس شي اكيد امي موجوده وتساعدج بهلشي
لان مدرستهم مختلط متوسطه واعداديه تفيدج الج والرنا
رغد...اي ماما هيج كالت
يلا اترخص اني 
كمت
عفته ورحت اني روحي مطايقتهه وقربه يوترني
احمد.... كامت ودخلت للبيت
اخذت جكاره ونتجين على المرجوعه واخذ نفس
اجه محمد وحسن
عدلت كعدتي وذبيت الجكاره لان ماريد يتعلمون على هيج شغلات همه صغار وشباب طايشين اكيد اذا اجه باله شي يسوي
حسن.....اكول شباب ليش منطلع نغير جو وتعرفوني على عالمكم
محمد....اي نروح ليش لا
احمد....روحي انتو اني تعبان
حسن .....يم عود غير علمودي اول مره اطلب طلب منك تعوفنه نروح وحدنهه
احمد...اوك بس موهسه بليل نروح
محمد....وافق شنن على طبقه
حسن .....ههههه
احمد.....يلا اني اروح انام شويه
دخلنه للبيت وصعدت للغرفه تمددت
حسن...رحت للمطبخ اشوف رنا
هاا الدب شيسوي بلمطبخ متشبعين اكل
رنا.....التفتت علي شنو شايفني اكل هوه دانضف المطبخ  باوعت على صفح واخذت الماسحه امسح
حسن .....دخلت للمطبخ كلاص مي شفت رنا حبيت اشاقيهه
شو معجبهه كلامي وهيه تمسح وجان تزلك بلمي
رنا....يقهروني من يعيبون علي واني امسح زلكت وماحسيت اله هوه لزمني من وره
حسن....هلا هلا شبيج يابا غير تنتبهين
رنا.......خجلت كلش منه بلحضه حسيت اذا حجه كلمه وياي ابجي
عدلت نفسي وخرت من حضنه وكمت عفت حتى الماسحه وطفرت
بسرعه الغرفتي
رغد.....هاا خير شبيج وجهج اصفر
رنا.....دخلت فحطانه والهث كعدت على الجربايه
ااخ لزمت ضهري لان وجعني
رغد....شبيج خرعتيني شصار وياج احجي
رنا.....عفيه هاذ اخوج دمه خفيف
احجي بعصبيه
رغد......شبي حسو شسوالج
رنا...مسوالي شي بس يضحك عليه وخلاني اوكع
رغد....ياا صدك وين وكعتي
رنا.....اسكتي يم عوده دامسح بلمي وزلكت بلمطبخ
رغد....اي موزين موجود جان تأذيتي
رنا....ولج لو ماموجود احسن اوكع واتأذه واكوم لا احد شاف ولا سمع
رغد.....خبله شتحجين ههههه
رنا....والله غير اني هسه الفشله تقره عندي الف
اااه خرب حضي لمهتلف
رغد......هههههه
دكومي خلي ننزل نسوي كيك
رنا......ولي ماانزل اخوج هاذ بس انزل يضحك عليه
رغد.....دكومي ميضحك يلا
نزلنه رحت لكيت بيبي ومحمد وحسن كاعدين بلصاله
كتله محمد جيبلي مواد مال كيك اريد اسوي 
محمد.....وشنو المانسبه حتى تسوينةكيك
الحجيه.....كوم جيبلهه لا اجسرك بلعصه
رغد .....باوعت علي بمكر وابتسامه خبيثه
الحجيه.....كولي بيبي شنو تردين كتبيله بوريقه وخلي يجيبلج
رغد....اممم فداوي لبيبي كرصتهه من خدودهه وبستهه
الحجيه....يااا ولج فداوي ياهو
حسن.......ههههههههه بيبي فداوي يعني فدوه الج
الحجيه....هااا هلكول كومو يلا جيبولهه لتريده خلي اكل من ادين بت الغالي
راح حسن ومحمد جاب مواد كتبتلهم بورقه
وجابولي
رنا.....اشغلج الفرن
رغد...اي شغلي
اكلج بس تعالي مسحي وجهي احس صار كوله طحين
رنا.....لا حبيبي مبيج شي
طبعا اني جذب صايره فلم بس حبيت اضحك عليهه هههه
رغد .....كملتهه ودخلتهه الفرن
وفاء.....لج هاي شمسويات ريحت الكيك ماليه البيت
رنا......اي عمه اني سويتهه
رغد.....هااا انتي سويتيهه
اميمه.....دخلت للمطبخ انصدمت لمطبخ كل غراضه متوصخه وهوسه
ولجن شنو هاي الهوسه
رنا .....ماما شبيج هاي رغد سوت كيك وهيه صاحبت هاذي الهوسه
رغد....لعد منو قبل شويه يكول اني سويتهه
رنا....ها اا هههههه اي غير اساعدج بيهه نعتبر اني وياج سويناها
حجيت بصوت ناصي اني الج غبيه فشلتنيني كدام  عمه
رغد....تستاهلين
رنا.... يلا ماما جريتهه وكتلهه اطلعي انتي وعمه واحنه نضف المطبخ طلعتهن وسديت الباب
لج حيوانه فشلتيني
رغد..... محد كلج كذبي
احمد....نزلت لكيت ولا واحد رحت للمطبخ فتحته جان اشوفهه هيه ورنا تتجادل بس منتبهت عليه اني شفتهه وضحكت شعرهه نازل نصه على شعرهه ومدمره بوجهه شويه طحين صاير تضحك
عفتهه وطلعت لكيتهم بلحديقه كاعدين
كلهم كعدنه شويه واحمد جاب نركيله لبابا وعمو
بقينه نسولف شويه واجن
رغد....ستوت الكيك وحضرنه مواعين للكيك وشوكات على عددهم وكلاصات عصير سوت رنا
رنا.....يلا اروح اودي الصينيه وانتي جيبي الكيكه
رغد......لحضه بس اكمل تزيينهه
كتبت على الكيكه كل عام وانتي بخير
وكتبت جواها زهره ههه
لان عيد ميلاد بيبي حبيت اسويلهه مفاجأه
اخذته طلعت للصاله رتبنه الميز ونزلنه نفاخ من غرفتنه نافخي اني ورنا وملينه الصاله نفاخ
وخلينه شموع واكو حلويات هم طلعناهن
طفينه الاضويه
رنا.....يلا اروح اصيحلهم
رغد....اكلج حاولي بيبي اول وحده تدخل
رنا....يعني شكلهم
رغد.....حضرتي النشره من تدخل نفجرهه هههه
رنا....والله اعتقد نحصل كتله اليوم من وراج
رغد...نجبي مدخلج بس روحي كولي لبيبي تعالي رغد تريدج وجيبيهه
رنا....ماشي طلعت للحديقه
الحجيه....هاا بيبي استوت الكيكه
رنا.....اي بيبي ستوت تعالي جوه ناكل
طارق.....بابا دجيبيهه هنا
رنا.....لا بابا ماكدر رغد كصتهه شجيب وحده ثنين
كتلهم هيج علمود يكومون ههه
يلا بيبي كومي
الحجيه.....تعالي سنديني
رنا......كومتهه وامشي بيهه
وهمه اجو ورانه
اول مدخلنه ضلمه الغرفه بس ضوه الشموع
الحجيه .....بيبي ليش ضلمه طافيه الكهرباء
رنا......دفوتي يابيبي هسه تجي
رغد......رنا دخلت بيبي من وصلت للصاله شغلت الاضويه وفجرت النشره عليهه صار صوت قوي ههههه
هبيبه زي تو يو  سنه حلوه ياجميل
ههههههه
رحت اخذتهه من ايدهه بوسته
كل عام وانتي بخير يااحله زهره بلدنيا
الحجيه.....يابعد كلبي يابيبي فرحتيني
ولج منين عرفتي اليوم ميلادي
رغد....بلصدفه بيبي هههه تعالي كعدته على الكرسي وضلينه نصفكلهه ونكولهه هبيبه زي تو يو
سنه حلوه ياجميل
يلا بيبي هاج سجينه وكصي الكيكه وكلينه منهه
الحجيه......شجاج بيبي انتي كصيهه هههه لا تخجلين
علي....فديت التخجل كل عام وانتي ست الكل
احمد...شفت شلون ترتيب حلو وسوت مفاجاه لبيبي طبعا مو ساعه صارت فرحه عمر واني اشوف شلون يباركولهه وبيبي فرحانه وبلاخص عمو علي موجود خلتهه تكص الكيكه وكالتلهه وكليهم عاد بيبي اول وحده هيه وكلتهه اباوع
لابتسامه بوجهه وكلهه كيك ههه كعدنه كلنه وناكل
وهاذ كله هيه بحضن بيبي عبالك طفله عمرهه ١٠سنين مو عمرهه ١٤سنه بس هيه ناااعه كولش ممبين عليهه
رنا....شنو بيبي اني هم ساعدتهه ترى موبس هيه
اني هم كعديني بحضنج
حسن.....شنو مارايدين بيبي تخلي عجل بحضنهه حتى تفطس بسرعه
محمد....ههههه لا حسن ماارضه تحجي على اختي
رنا....يمه فديت اخوي ليدافعلي
محمد....اي مااقبل يكول عليج عجل لان انتي دب
مو عجل هههههه
رنا.....ايا نذل واني عبالي دافعلي
طارق....عوف اختك ولك خلينه كاعدين متونسين
رغد.....كمت من بيبي لتغارين ها هسه ارتاحيتي
ههه
علي....تعالي بعد ابوج وكلبي بحضني هنا
وفاء.....احم عمه رنا موبس انتي غرتي ترى حتى اني اخذو مكاني هههههه
احمد....عمو علي كاعد بصفي واجت هيه من صاحلهه عمو وصارت كعدتهه بيني وبينه شعرهه نازل وهوه طويل شمرته على ضهرهه صار نصه بوجهي بلعت ريكي خليت وكمت ردت اطلع جان
حسن....وين رحت غير نطلع سوه
احمد.....ها صدك نسيت يلا حضرو نفسكم شويه واجي طلعت لصديقي ساعه ورجعت للبيت لكيتهم منتضرين بس استغربت رنا هم تروح
هاا خير شو مبدله انتي
حسن...يرحن ويانه
احمد...منو هنه
الحجيه.....يمه لبنيات يرحن وياك
احمد....بيبي وين يرحن ماخذهن بهليل
طارق...شكو بيهه بابا ضايجات طلعهن غير انت وياهن شكو عليهم
علي.....عموو حبيبي رغد متعوده تطلع يم صديقاتهه وتحب تطلع مولات واسواق ومنتزهات يعني تحب الطلعه ومتحب الخنكه واني ماريد تحس بفرق وتلكاها حجه وتريد ترجع لهناك
الحجيه....سمعت بيبي يلا رنا روحي صيحي لاخيتج تنزل
رنا .....اي بيبي لحضه
صعدت طبيت للغرفه لكيته تلبس ترانشوز مالتهه
بسرعه احمد اجه وبيبي قوه قنعته
رغد....على شنو حضرت جنابه لاخوج كوه يقبل والله ياالله
احمد.....من كلولي يرحن اني معندي مانع اطلعخن ومن نوع اتشدد بهيج شغلات بس هيه تجذب النضر ومن طريقه لبسهه خوفتني اخاف مفضوح واني افكر نزلت رفعت راسي وهيه تنزل اني اباوع على ملابسهه لابسه برموده للركبه اطول من الشورت حبريه وتشيرت اسود وترانشوز اسود وبي حبري  والشعر ضفيره صفح راخيه ونازل شعرهه على وجهه جيب ليفهمهه تغيرهن عرفت اذا احجي اكل خره خليني ساكت احسن لان لكل مأيدهه
باوعت صفح على بيبي اشرتلي بعيونهه يعني اقبل بلوضع
يلا طلعو للسياره
رغد.....طلعنه بلسياره احمد يسوق وبصفه حسوو واني مباشره وره احمد ورنا ومحمد بصفي شغل اغنيه حلوه وصلنه لمكان على شط ومنتزه حلو
نزلنه عالم هوايه شباب بنات مختلط
اكلج رنا هاذ شيسمو لمكان
رنا.....ابو نؤاس
رفد....هممم حلو
رنا....اي حلو
رحنه كعدنه على مسطبات مقابيل الشط والجو حلو
احمد....تعالن هنا كعدن اني احاول اكعدهن مكان مبي شباب وفارغ ماكو زدحام بس ماشالله اليوم العراق كله طالع
حسن ..... شنو نبقه بس كاعدين خلي نتمشه
رغد....اي حسو ياريت
احمد....كمنه نتمشىمحمد وحسن
مثل لثولان مايهتمون وحدهم يمشون وعافو لبنات
يلا تعالن منا
رغد....عفيه عاذ شبي اخوج قلقني حتى مشيتي كمت اتعثر تعلن هنا وروحن منا
رنا.....سكتي يم عوده ليسمعج
رغد....هف واذا سمع عوجت حلكي
يمشي كدامنه مااحس اله وكف 
احمد.....سمعتهه شحجت درت عليهه
كتلهه عدلي حلكج لا اعدله بطريقتي وكافي لغوه زايده وامشن كدامي يلا
مشيتهن بس هم مامرتاح طلعت طلعه من عيوني باع شلون يباعون عليهه كل شويه اريد اكتلي واحد بس ليش اجذب على نفسي هيه تجذب وفوك هاذ كله ملابسهه موطبيعيه رنا هم لابسه جينز وتشيرت بس ماعرف احس هيه غير شي بعيوني عبالك ملابسه ملابس
اخذت الطريق كله اخزر بهاذ وذاك
رغد....احمد
احمد...نعم
رغد....جعت
رنا...اني هم والله
احمد.....تردون لفات سفري لو مطعم
رغد.....لا بليز مطعم شنو لفات
احمد....باوعتلهه صفح
لحضه خلي اشوف مكان فارغ
لك حسن محمد صحت عليهم
اجوي هاا
احمد...يابا شبيكم مطايه انتو ماتكولون وياكم احنه
محمد .... خير غير انته وياهن
احمد....هم انعم الله لان تذكرتو اني وياهن
فوتو لهاذ لمطعم جاعن البنات
حسن....اي يلا
احمد....دخلتهم بس هم ازدحام يلا شتردون
رغد....اني ماعرف على ذوقكم لان ماعرف شنو موجود عدكم
رنا....جيبلنه تكه
محمد ....واحنه كباب
احمد...اشرت للولد اجه كتله نفرين تكه ونفرين كباب ونفر معلاك
التفتت عليهم بيبسي لو ميرنده
لا ببسي
رغد...اني ميرنده
احمد....٣ببسي و٢ميرنده
كعدتهه بصف الحايط واني يمهه وبصفهه رنا ومن هاي الصفحه احمد وحسن
جابولنه الاكل كعدنه ناكل اباوعلهه متاكل
موجوعانه ليش متاكلين
رغد...برطمت وعفته
رنا....خير بيج شي
حسن ....عوفوهه اضاهر ماعجبتهه التكه سويتلهه لفه صغيره هاج ضوكي هاذ كباب 
احمد....اخذ من اخوهه واكلت
كلهه ها طيب اشرتله يعني موهلكد
اباوع لحضه حسيت اخوه ممهتملهه بس هسه اشوفه شلون طفله ويقنع بيهه او بلاحره حافضهه شنو تحب وتكره
عوفه هاج جربي هاي نطيته معلاك
اخذتهه من ايده اكلته
رغد....امم طيب مثل هاذ لعدنه بس هاذ مستوي
ضحكنه عليهه
كتلهه لا باعي هاذ لحم مشوي
وهاذ يسمو معلاك بس واحد يختلف عن لاخ
رغد.....اممم ماعرف بس حبيته
يلا سويلي بعد
احمد...كمت اسويلهه لفات صغار وانطيهه
بس منتبه على شباب ٤كاعدين بس يباعون على جهتنه كم مره خزرتهم ومافاد وياهم
رغد....اشرتله بيدي الوو لويش متاكل بس صافن
احمد.....ماريد بس كملو
رغد.....هاك هاذ لمامستوي اكله انته
احمد...ضحكت على عقلهه جيبي بابا جيبي اكلت بس كوه عيني على ذولاك لولد 
رغد...اني شبعت اكو ماغاسل هنا
رنا.....اي هناك امشي نغسل
احمد...راحن بس عيني عليهن اشو بس كامن واحد من الولد كام وراهن واني شطت عيوني بكصتي ماحس اله كايم ورى
رنا....دنغسل ماحس اله واحد بصف رغد
مممكن اغسل شوي
رغد....اووي متنتضر نكمل يلا تغسل
علكيفك ابو عيون اروح فدوه للاوي اتمنه اني الاوي واصير بلسانج خف علينه يلحلو ترى كلبي وكف من شاف عيونك الحلو
رنا...ماحسينه اله احمد..........

يتبع
انتضروني في احداث اجمل
متابعه شيقه ❤
#بقلمي
#ضہٰ۪۫ي ﺂلقہٰ۪۫مہٰ۪۫ر