خذ بيدي

#خذبيدي

..........البارت الثامن والعشرون ..........

#بقلمي

#ضہٰ۪۫ي ﺂلقہٰ۪۫مہٰ۪۫ر

إستبدالي هو بالشيئ السهل جداً ، ولكن إيجاد من هي مثلي أو الأفضل مني ، هذا بالشئ المستحيل ، أعدك !

احمد......رغد لتجفصين بمصاريني لج انتي تردين هيج تنتقمين مني بلخيانه يعني من احجي ويه وحده تحجين ويه واحد هيج رغد موو
رغد.....مسحت دموعي اي هيج وزايد والله اذا طلعت تعرفهه اندمك تخسرني وبحياتك متشوفني
احمد.....اني حكلج الحقيقه بس اريد مره بنت ابوهه تعوفني وتروح بعد مابيه مجال ندى وحده كلبه ومتجوز وماريد هاي لخبله تسمع منهه تصدك بسرعه وذيج تزيد متنقص بلكلام خلي اكولهه وشيصير يصير بعد مااكدر اتحمل ضام بكلبي تسمع مني مومن غيري اخذت الجهاز خابرت مصطفى دكيت علي رفع خط
الوو ها ابو الصوف نايم
مصطفى.....لا عادي خير تونه وصلنه ولك شرايد
احمد.....بعد اخوك اريد مفتاح الشقه شويه محتاجهه
مصطفى.....يم عود شتسوي بيهه لتجيب شبهه الي
احمد....خاب انجب بس محتاجهه شويه جايك بلطريق سديته منه رحت قريب ١٠دقايق واوصل
رغد....نزلني احمد
احمد......اسكتي رغد
رغد.....داكولك نزلني حخابر بابا
احمد.....جريت الجهاز منهه غلقته وغلقت جهازي وشمرتهن بلكشن وره
رغد.....هاي شسويت بابا ليقلق عليه
احمد.....يدرون بس سدي حلكج شويه
رغد....وين ماخذني نزلني
احمد.....دكيت على الستيرن لج كااافي موتردين تعرفين منو هاي حكولج بس الصمي
رغد.....فوك ماضربني ولخنكه بصدري متحمله عياطه سكتت شويه وصلنه لعماره نزلني وصعدنه لوحده من الشقق دك الباب
احمد....وصلنه دكيت باب الشقه فتحه مصطفى
باوع عليهه نصدم خدهه احمر ولخشم والعيون من البجي حمر
مصطفى.....خير احمد شصاير
احمد.....ماكو شي بس اريد احجي وياها وماعندي مجال بلبيت درت عليهه كتلهه طبي جوه جايج
مصطفى.....لك تعال شبيهه شمسويلهه هيه هاي رغد موو
احمد.....اي هيه هاي وجع كلبي 
مصطفى.....لك ضاربهه احمد وجايبهه هنا ليش
احمد.....ولي يسلمك مصطفى اني من اجيت لهسه مسطور وتلكتني هاي خلي افضهه وياها وشيصير خلي يصير
مصطفى......يم عود خطيه موكلت كم يوم متحانات وسادس هيج حتى تأثر عليهه
احمد.....ماكدر مصطفى ماكدر بس شسوي كلي ابقه ساكت ذيج الكلبه تفضحنه احجي ابتلي تعبت والكعبه تعبت
مصطفى......براحتك خويه بس اكلك لاتدخللهه بلتفاصيل لتأذيهه زايد مبينه مقهوره كولهه تعرفهه من زمان وتركتهه يلا اني رايح لطلعون اله اجي ساعه كافي تجيبلكم عشه
احمد....الله كريم كافي هاي اذا بقت اكثر من ٥دقايق يلا الله وياك
رغد....دخلت للشقه حلوه ونضيفه ولا جن عزابي بيهه مرتبه كعدت على القنفه شويه ودخل احمد
باوعت بوجهه احجي احمد بس كلبي يوجعني خايفه منك احمد ماريد انصدم بيك دمعت عيوني بس كوه لازمه دموعي كافي ضعف يمه
احمد....شو تعالي جريتهه وكعدنه باعي يابنت الناس كل بشر مامعصوم من الغلط وكلنه عدنه اغلاط الي راح اكوله صعب بلنسبه الج بس ردت اتسمعين مني مومن غيري
رغد.....كلبي نقبض اكثر وخوفني اكثر
اباوعله من يحجي يجر بلكلمه جر وعيونه دم
احمد....سمعيني للنهايه وماريدج تقاطعيني من اكمل كلامي الج حق تحجين
رغد.....امم كمل
احمد ندى جانت طالبه جامعه وياي ومن تعرفت عليهه جنت مرحله اولا وهيه هم بس جانت متزوجه ضلينه سنه ونص اصدقاء معدنه شي واشكيلهه وتشكيلي بس فجأه اجت كالت انفصلت عن زوجي مع ذالك بقينه اصدقاء سنتين بلسنه الثالثه كامت تعزمني وتحب نطلع خارج الجامعه يوم من الايام كالت اهلي مسافرين تعال ندرس بلبيت نطتني لعنوان ورحت الهم طبعا هيه واهلهه متحررين زياده عن الزوم حتى بوكتهه خابرهه ابوهه كالتله زميلي يمي وندرس درسنه وبقينه ٣ساعات دندرس بس كل شويه مقدمتلي شي وتروح وترجع اني اول بدايه ستصعبت الامر بعدين صار عادي من كملنه عشه كالت احمد اريد اكولك شي كتلهه احجي
كالت اني احبك من زمان وحتى زوجي من جنت ويا هملته وكمت افكر بيك ومهتميت حتى بحياتي ولا بدراستي اني بقيت صافن عليهه كتله اي كملي كالت اريد منك نرتبط كتلهه شنو اني ماناوي ارتبط اصلا ومنو كلج اني احبج كالت لا مومثل متتصور اعرفك تحب بنت عمك ومنتضرهه ترجع وتتزوجهه بس اني قصدك زواجنه بلسر محد يدري بي بيومهه طلعت منهه وبقيت سبوع تتصل ماجاوب شكد من مره مرخصه نفسهه تجيني بلجامعه وهم مااحجي وياها اخر شي دخلت كم ولد اعرفهم اجوني شبه قنعوني ضلت شهرين تتوسل وتعزمني على اكل وتجيبلي شغلات للجامعه تكولي هاذ طبخي بديت اقتنع وخليت كدامهه شروط انو زواجنه فقط عقد سيد واطفال ماكو واحب واتزوج متدخل بحياتي اقتنعت ورحنه للسيد عقد عليهه
رغد.....استمعله بس دموعي مكدرت اسيطر عليهن ينزلن وحدهم من وصل لهاذي لكلمه ستصعبت عليه طلعت شهكه من كلبي حسيتهه شكت صدري شك غطيت وجهي بأديه وكمت اشهك
احمد.....خليني اكمل رغد من اشوفج هيج ماكدر اكمل وماكدر اأجل كلامي غير مره واجرحج كل يوم
رغد.....رفعت راسي هه كمل كمل
احمد.....اي عقدت من احنه سنه ثالثه  وبقينه فتره متزوجين
رغد.....كم مره تقربتلهه احمد لتكذب
احمد......باوعت عليهه خلصت من البجي بس من كالت هيج حسيت بيهه وشكد صعب اكولهه
موهواي ينعدن على اصابع
بس وغلاتج من اتقربلهه اشوفهه انتي
عاد هنا نهارت كامت تشهك وتحجي
رغد...الله يااخذك ااحمد كااافي لك انت شنو متحس احجي واضرب بصدره اباوعله دموع عيونه تنزل بسكته
لييش هيج ااحمد لييحب مييخون
احمد....ماخنتج رغد بس افهمي
رغد....شفهممم هااا انت واحد خاين ونكس وخررر مني وخرررر مارريد ااااخ يايمه
ليش هيج احمد مجنت متوقعه منك الخيانه احمد انت متزوج تعرف شنو متزوج
احمد.......كاافي رغد مومثل مامفكره انتي كل لسويته موبيدي والله
رغد.....ههههه تهسترت كمت اضحك وابجي مجنت متوقعتهه منك يعني حبك الي كوله كذب بكذب
احمد....وربي بس انتي بكلبي رغد كافي لتعذبين نفسج هيج
رغد......كااافي اننت كااافي مووواني صار كم سنه وياها هاا
احمد....تقريبا ٤سنوات
رغد......لك يعني حتى من اجينه من السفر موكفت بعينك
احمد.....والكعبه كن اجيتي لهسه يمكن ٣مرات رايحله
رغد.....خلاااص كااافي كااافي دتحجيهه برود يعني انت معندك احساس
احمد....وعيونج نهيتهه وياها بس لخاطرج
رغد.......مااريدك بعد وخررر  انت خنتني وانت تحبني خنتني وموكفت بعينك تريد اامن نفسي عندك ووخرررر لتكمشني انت قذر احمد اعتبر رغد ماااتت بلنسبه الك واعتبرك متت بلنسبه اليه واحب واتزوج واحجي واطلع اياني واياك تدخل
احمد.....اباوع عليهه ماتت كدامي مجنت اتوقعهه هلكد تحبني وتصتصعب الامر وتغار هيج اخر شي
كعدت بلزاويه ولمت رجليهه لحضنهه ولخلت اديهه فوك راسهه وتبجي وكلماتهه يكطع الكلب
كرهت نفسي وكرهت ندى بوكتهه ندك الباب كمت فتحته دخل مصطفى شافني مسحت دموعي
مصطفى.....هااا احمد شكو شبيك حاجيتهه
احمد.....اي يااريت يامصطفى محاجي ياريت ممسوي لسويته لك ماتت كدامي ومكدرت اسويلهه شي
مصطفى......كم مره نهيتك يااحمد وكتلك ندى ادمرك والله دمرتك بسحرهه قبل عملهه تتذكر من كلتلك ناس شايفينهه
احمد.....اي
مصطفى......دزيت ناس ثقه على العرافه وحجت كولشي وعتذرت وكالت لحل يمي جيبو للولد واني انهي كولشي
احمد....هه رفعت راسي ليفوك كتله وبعديش بعد ماوكع الفاس بلراس
مصطفى......كوم احمد جيبهه خلي تاكل صار دنيا ليل ترجعهه لهلهه ليحسون اكو شي
احمد.....كمت رحت يمهه نفس كعدتهه تقربت حطيت ايدي على راسهه نكتت ايدي وعاطت وخررر ابد لتحااول اطخني وخرر
كومي غسلي وكومي اكلي مااستاهل تعذبين نفسج علمود
رغد.....بعديش احمد من بعد ماعلقتني بيك وخليتني ماشوف غيرك ٣سنين هاا شويه عندك من رجعنه لهسه واني حبيتك من كلبي صح ماابين الك بس اشوفك ملاك كدامي بس هسه وروح ماما الي الله حرمني من شوفتهه بعد لاريدك ولاريد شوفتك انت نتهيت بلنسبه الي وصرت مثل لغريب بلنسبه الي هه هاي انت ياابن عمي اول حب حبيته واول شخص غدرني انت شكول على الغريب دخل صديقه للغرفه
مصطفى.....كولي يالله خويه ترى مهمه الشي السوا احمد ماضي وخلاص الماضي ومامن حقج تحاسبينه علي الشي الفات وله ومات ليش تعذبون نفسكم وانتو واحد يحب لاخ
رغد.....لفات ماات موو اي صح لفات مات واحمد مات ويه الفات انت صديقه وحقك دافعله اصلا انتو كلكم خاينين بيكم مرض اسمه الخيانه عفتهم ردت اطلع ركض احمد ورايه
احمد......ووين رغد لج دتعالي غسلي واكلي واوديج هسه يشوفون حالج ويشكون
رغد.....ههه احمد كل عقلك لك انت صار ٤سنوات تخون بينه كولنه شتبرر لواحد لثنين
مصطفى......ترى احمد طلكهه لندى حلو اموركم بدون مدخلون احد وتصير اصعب عليكم ليش دمرون نفسكم ودمرون لبيت وياكم باعي خويه ماانكر جنت اعرف بعلاقت احمد بس يشكي منهه شوكت متخابره يرفض يروح وحتى كل اشهر يشوفهه مره
رغد.....خليت ايدي على اذاني كااافي خلاص بشر اني ياناس حسو بيه
رفعت راسي على احمد هوه كاعد قريب مني لزمته من قميصه كتله شلون كدرت تتقرب منهه هاا زين شحسيت من تقربتلهه كوولي احمد لتمووتني
احمد......وعيونج ماادري بنفسي كل مره اتقربلهه اتندم اكثر من القبلهه
رغد.......من تقربتلهه هم شميت عطرهه هم اخذت شعرهه تلعب بي وتشم بي هم تتغزل بعيونهه للللك ااحمد اااكرررهك ااااكرهك الله يااخذك
مصطفى.......احمد لبنيه منهاره شلون حترجعهه لهلهه معرفت اله هسه تكلهه
احمد.....كومي رغد قابل بأي عقاب تعاقبينيا بس كافي
رغد......مراح اعاقبك تعرف ليش لان اريد الزمن وحده يعاقبك كافي عليك مراح اصير الك كافي عليك مراح تتدخل بحياتي كافي عليك اتشوفني
انزف لغيرك
احمد.....لج اله هااي والله اكتلج واكتل الياخذج
مصطفى....دتعال شبيك جريته للمطبخ هيه بدون وعي هسه تريد بس تحرك كلبك هسه انته غرت من كلامه ترى لبيهه يكفيهه دمرتهه يااخي وضيعت لبنيه من وراك
احمد.....اااخ مصطفى امووت والله اكتلهه واكتل روحي اذا صارت لغيري
مصطفى......هاذ هوه خلاص انت خلصت من اهم مشكله وبقت رغد بمرور الزمن تنسه وان شاء الله ترجعون طبيعي ويرجع حبكم
احمد......ان شاء الله طلعت لكيتهه بعدهه كاعده بمكانهه كلهه مصطفى كومي غسلي حتى تاكلين شويه مقبلت بس كوه كومهه تغسل اجت على الميز شافتني كاعد ادخن بس اشوف بعيونهه تحجي كولشي
رغد.....كمت غسلت ردت اروح مقبل لولدخطيه هم ابتله اسمعه يحجي على احمد ويجي يبررلي
شفته كاعد على الميز ويدخن بس عيوني تحجي الانكسار والخوف والقلق احجي بكلبي اذا ماندمتك يااحمد اذا ماحركت كلبك مثل محركت كلبي بسيطه كوه كاعده راسي يريد ينفجر كل ماارفع عيوني الكا يباوعلي بقهر ادير وجهي منه كارهته كولش خطيه مصطفى جاب الاكل كولشي جايب من بره بس ولا واحد كدر ياكل شكد توسل مصطفى هوه يكله خلي تاكل لتتخربط عليه اني طبني مرض حجيت بكلبي ليسمعك يكول تحبني وتخاف عليه اصلا اني غبيه صدكتك وحبيتك رجعن نزلن دموعي مسحتهن لكيتهم يباعون عليه موحسيت بدوخه مبين ضغطي هبطاخذت بطل مال لبن رحت للمطبخ ادور علبه ملح ملكيتهه طلعت كتله مصطفى رايده ملح خطيه اجه اخذ البطل مني وخلا بكلاص وخله ملح ونطانيه شربته وطلعت هوه بعده نفس كعدته ويدخن حاجيت مصطفى كتله وصلني للبيت احس نفسي تعبت اريد بابا حتى لوتخابرليا
احمد......كمت تقربت منهه كتلهه اني اوديج يلا اكلي اشويه وخلي نرجع
رغد......لهنا حدك لتتقرب مني ولا اتقرب منك اطلع وارجع وحدي وياي احد بكيفي عندي اب واخ فقط مسؤلين عني انت اصلا متت بنضري اطب من غريب ومااطلب منك وانت اخر واحد بلدنيا بعد افكر التجأ اله
احمد.....تحجي بس صافن عليهه بس كلبي يريدهه كلبي يبجي دم عليهه اتمنه اخذهه الحضني واكلهه سامحيني صح غلطت بس اني احبج كتلهه كافي ترى كلامج يوجعلي كلبي ليش شنو نسيتي حبي الج
رغد......ههه هاذ اذا جان اكو حب بعد انت كسرت كولشي وماالي عندك شي ومالك عندي شي كلمن يروح بطريقه وراح تبقه ابن عمي الي ماعرفه اصلا وعرفته من فتره قصيره فتحت الباب ونزلت اني ماندل ولا عندي فلوس اخذ تكسي كولشي مشايله وياي حنى كتبي اخذهن مني تذكرت جهازي بسيارته اول مفتحت الباب ردت اخذه اجه
احمد....نزلت اركض وراها لكيتهه فاتحه باب السياره وبيدهه الجهاز جريته منهه وصعدتهه كوه طول الطريق هيه ساكته وصافنه محجت ولا حرف اني هم من ردت انزل وراها مصطفى جرني كلي عوفهه براحتهه لتضغط عليهه هسه هيه مجروحهه وخليهه للزمن شوكت متهدأ تقرب منهه وحاجيهه سويت مث مكلي محجبت وياها بس طول الطريق كلبي يدك ياخوفي من الايام الجايه وصلت للبيت تقريبا بل١ بليل
رغد.....نزلت عفته يريد يدخل السياره حسيت روحي بقت يمه ردت امشي لتفتت علي كتله بقت روحي يمك بالك عليهه بس بركان انفجر من عيني طبيت للبيت لكل نايم فتت من باب المطبخ لكيت بابا كاعد من شافني كام رحت بحضنه
علي......وين جنتي بابا وليش هيج شصار وياج
رغد.....رفعت راسي اله كتله بابا نومني مثل قبل محتاجتكم انت وماما اريد امي بابا
علي......ياروح ابوج روحي للغرفه جايج
رغد......رحت دخلت بغرفتهم هنا احس بلامان تذكرت صوت امي وضحكهه اباوع للجربايه اشوفهه متمدهه تكولي تعالي بحضني هيج جانت قبل متموت من ادخل عليهه اااخ يووم وينج شمرت نفسي على الجربايه وضميت وجهي بلمخده
احمد......دخلت لكيت عمو كاعد
هلا عموو
علي......تعال اكعد
احمد......تقربت منه وكعدت اعرف متفوت سلامات هاي لبوه مال عمو ليتقرب منهه شبر يفترسه بس اني شسويت هاا جرحتهه واذيتهه وخذلتهه شلون يأمن بيه بعد فززني صوته
علي......اي احمد احجي ولتحاول تلف ودور بنتي شفتهه اول مره بيهج حاله شصاير وين جنتو
احمد.....ستصعبت الامر اول شي بس تقويت وحجيتله الصار كله وكتله طلكتهه
علي......احمد لشي لصار موشويه وبنات الناس مولعبه بين اديك تحب شوكت متريد وتزوج وطلك شوكت ميعجبك لهنا عمو تعذرني جرح بنتي كلش جبير وما يطيب واحاول ارجعهه لحالتهه الطبيعيه هاي اذا مارجعت لحالته لنفسيه اريدك تبتعد عن بنتي وقبل متفكر تتقرب منهه تلكاني اول واحد واكف بوجهك كافي دمرتهه ودمرت مستقبلهه بنتي منخلقت علمود تلعب عليهه لوتلعب بأعصابهه بنتي لكل يتمناها بس انت لان حبك وخوفك عليهه حتى اكثر مني اني بس بهاي سوايتك انت دمرتهه ودمرت نفسك
احمد......عمو بس اني احبهه ومستعد ليوم قبل باجر اتقدملهه بس خلي توافق
علي.......واني ممستعد انطي عصفورتي لواحد مثلك تعذرني عمو واحب اكلك فقره بنتي اذا كرهت واحد متشوفه حتى باحلامهه وهيه هيه مجروحه وكارهتك ودواها متشوفك ابد لتحاول تتقرب منهه ولشي لصار راح اعتبره مصار بس بنتي خليهه الي وانت عيش حياتك وهاا لبيت هسه هدئ لتحاول تحجي بلشي لصار انت موكلت طلكتهه خلاص كأنو مصار شي لتخلي ابوك يتأذه بسببك
احمد......عافني وراح عموو لا ااااامستحيل يعني شنو شيقصد كلام عمو رحت اخذت السياره مكدرت ابقه بلبيت اختنك منه لكيت نفسي راجع لمصطفى دكيت لباب فتحه تفاجأه خطيه دخلني وفرشلي نزعت لبدله جهازهه عندي اجه تمدد يمي اني مكدر انام فتحت جهازهه لكيت رنا كومه متصله عليهه ومسجات فتحتهن هم رنا خطيه مبينه قلقانه شويه وتصلت من فتحت الجهاز
حجيت وياها كتلهه بلبيت هيه جوه بغرفه ابوهه
رنا......بقيت قلقه ولبيت توتر لان تأخرو والاجهزه نتصل يطلع مغلق لنص اليل منايمه اجاني مسج نفت الخط تصلت طلعلي احمد كلي هيه جوه سألته اذا اكو شي كلي لا نامي وهم انت وين كال يم صديقي نايم سديته منه وعرفت اكو شي صاير ضليت بقلق حتى منمت
مصطفى..... متنام شجاك ليوم
احمد......ماكدر مصطفى سولفتله كلام عموو
مصطفى......حقه يم عود تدري اني اذا بنتي هيج احد يسوي بيهه طلقه براسه واخلص منه بس انت لان ابن اخو يستحي من اخو وميريد يخلق مشاكل
أحمد........عفته وفتحت لمسجات بجهازهه كمت اقره بيهن ودموعي يصبن لحد ما وصلت اول لمسج كلت المصطفى هاك اقره شوف هاذ من حجيت وياها مقبلت شوف شكاتبه شلون اني احجي وياك هيج خرجت رحت للصور شفتهه كومه صور الهه ضليت اكلب بيهن ودموعي نزلت اول مره احس نفسي خسران
شوف مصطفى شوف صورهه لك هاي من كل عقلهه تريد اعوفهه امووت والله شفت الصور كلهنحتى وهيه بالمانيا وهيه صور الهه من طفله شلون تلعب حتى الهه اول مسجلت مدرسه مبينه باجيه اخر شي مصطفى جر لجهاز مني وقفله كلي  صدك جذب ليش هيج تعذب نفسك كافي الوكت يحل كولشي نام هسه كوه نمت
رغد......من بعد ماشبعت بجي واتذكر كل كلمه من يكولهه واتخيل ندى من اجت للبيت عقلي بيومهه وكف ميفكر بغير شلون تقربلهه وشنو جان احساسه كلبي يكلي صدكي كلامه وعقلي يكلي لا هوه خاين ومتزوج حسيت اليده مال الباب نفتحت تقرب مني ويمسدلي على شعري
علي......عصفورتي كومي يلنفس حاجيني يروح ابوج ليش تأذيني وتأذين امج وياج
رغد.....من كلي هيج مكدرت ضلت شهكاتي تعله ويطلع صوتي شمرت نفسي بحضني
علي.......كافي يروحي ميستاهلج الصار كله اريدج من هاي اليله تنسينه وترجعين شلون مارجعنه من المانيا كلبج فارغ
رغد......شنسه بابا احبه والله وروحي بي عودني علي وراح طلع خاين يابابا
علي........باعي بنتي صح الصار مارضيت علي بس اني طبيعه شغلي ولتعلمته من هاي الدنيا مااحكم على البشر من طرف واحد
رغد......رفعت راسي وكتله شلون
علي......باعي واسمعي ياروح علي الصار اني ماراضي عنه ابد وليمسج بورده يحسب الله ماخلقه بس الشي لصار ولسوا احمد ميعتبر خيانه
رغد......لعد شنو
علي......الزواج موخيانه وهوه متزوج هاي وحده
ثانيا. هاذه ماضي وكلنه عدنه ماضي ومامنحقي وحقج نحاسبه علي
ثالثا. الولد نعرفه يحبج ومجنون بيج من صغره لهسه وبعد ولشي لصار بلعكس ماقلل حبه الج انتي المفروض تفرحين لان اجه بنفسه وكلج الحقيقه جان بأمكانه يكدر يضم عنج ويمشي حياته بينج وبينهه بس هوه للامانه يحلف ميريدهه وهيه مجرد نزوه وزواجه منهه علمود يصير حلال قربه منهه
رغد....بابا يحجي ودموعي تنزل بسكته كتله بابا شلون الشخص اذا حب يكدر يحب مره لاخ
علي.........موكتلج يابابا ميحبهه حجالي هواي عنهه هيه جبرته والرجال مومثل المره اله احتياجه الخاص للزواج هسه يابنتي الولد متعذب اكثر منج الاريده منج تعوفين هاي السالفه كلهه وبعد اسبوع امتحان وهاذ السادس محتاج درجات زينه علمود تحققين حلمج وحلم امج يابا الخاطر امج اطلب منج طلب تلتزمين بدراستج ومتفكرين بغير شي يلا تعالي نامي حبيبتي وحاولي تفكرين شغلات حلوه شلون تنجحين وتفرحين الكل واولهم امج يلا بنتي نامي
رغد.......هم صدك فكرت بكلام بابا لازم مااضعف كدامه وانسه الصار كعدنه ثاني يوم حاولت رنا تعرف شكو بس مكدرت احجي كتلهه اجليهه
مر يومين وهوه اجه بس سلم عليهم ورجع التحق بعد احسن شوفته توترني ماانكر بليل اختنك وكت اتصالاتي ببي هيج وكت كلي نامي وهيج وكت دز مسج يبوو صرت نص عقل
رنا.......هاذ جهازج نطانيه احمد ذاك اليوم من اجه اخذته منهه اول متفتحته لكيت داز مسج مكتوب
اسف  على كل دمعه نزلت واني سببهه
اسف على كل شي صار
راح ابقه احبج وتبقين انتي حب طفولتي ويبقه هاذ الحب لحد مماتي
وهيهات تدخل لكلبي غيرج
ولصار موبأرادتي اعرف ميفيد الاسف بس اتمنه تسامحيني .........احبج والكعبه
رنا.......شكو المن هلدموع
رغد......شمرت الجهاز وضميت وجهي بأذيه وكمت اشهك اريد اصرخ يارب بس كون محد يسمعني يارب احبه وماكدر بدونه ليش هيج جازاني بلخذلان والله لوكايلي قبل لااحبه جان سامحته بس صعبه كذب عليه وخاني
رنا.......لج احجي منو هاذ بعدين ليش متسولفيلي
رغد........سولفتلهه واني اشهك لللج ندى طلعت زوجته الاخوج اجت تسأل عن زوجهه واني مثل الطفله عرفت طعم الحب منه
رنا........دكيت على صدري شنوووو شتكولين انتي ومنو كلج
رغد........سولفتلهه كولشي خطيه هم تبجي ضلت وياي
رنا.........لج هاذ كله ضامته بكلبج ليش هيج احمد اااخ باعي رغد احمد ميستاهلج تنسينه عليج بدراستج يلا كومي كافي دموع اصلا ميستاهل دمع منج ولج انتي صيري قويه وخلي هوه اليتعذب موانتي هسه دتعذبين
رغد....... خلي بس شويه انسه الصار رناوي محتاجه وقت حتى انسه ماريد بلحضه ضعف اتخذ قرار صعب نمنه وثاني يوم كعدت نزلت تريكنه
الحجيه..........اكلكم كلبي قابضني احس اكو شي
طارق........ماكو شي يمه لتوهوسين
الحجيه.........شواحمد ليش كطع اجازته
اميمه.........خاله كال عندي واجب ويمكن يردون يرقونه مراح ينزل يطول يله ينزل
الحجيه........اي بيهه الخير
رغد......اعرفه ميريد ينزل علمودي ويطلعلهم اعذار
بلشت اروح كل يوم للمدرس سبوع وامتحنه وتعبت حاولت انسه بس يجي ليل وتهيج المواجع
جهازي قفلته طول فتره الامتحان مرات اسمع رنا تحجي ويا وتلومه بس يبقه اخوهه وتحبه متكدرعلى فراكه اسمعهه تكله شتاقينالك والبيت وحشه ومن تنهي الكلام ويا ماشي يوصل انت بالك على نفسك وكل متسده منه تكلي يسأل عنج ويسلم عليج هيج كل يوم الصبح بلامتحان والعصر عند المدرس وخلص سبوعين هيج نفس الروتين خلصنه الامتحانات احس نفسي زينه ومجاوبه بقت بس الدرجات كالو سبوعين تطلع وهيه عطله نص السنه سبوعين يعني نبقه بقلق لحد مايبدي الدوام انت متعرف نفسك ناجح راسب بيوم من الايام تصل عليه رقم تقريبا بل١ بليل بعدنه منايمين فتحت خط سمعت صوت بنيه
الو
رغد.....الو نعم منو انتي
ندى...... اني ندى شلونج عيني احمد شلونه
رغد.........لج انتي شكد رخيصه لعد
ندى.............اي ارخص نفسي للاحبه وخاف عبالج اتخله عنه بسهوله فتحلمين احمد الي وميصير لغيري
رغد......لج انتي شنو نوعج من البشر انتي اصلا مجرده من الاحساس ومعندج كرامه اله شلون تقبلين عن نفسج ترتبطين بشخص يحب غيرج
ندى.......اهم شي اخذه ومااخلي الج
رغد........باعي اسمعي اني احمد لويخلقو من ذهب ماريده بلعافيه عليج اخذي الج اني ماريد زبايل مثلكم سديته منهه بس جسمي كله يرجف
رنا......  لج اهدي هاي تريد تستفزج وتخلق مشاكل بيناتك لتسوين بنفسج هيج
احمد........قراب الشهر اني مانازل للبيت تعبت بدوامي وكرهت نفسي جنت انام على صوتهه والصبح من اكعد على صوتهه شتاقيتلهه كوومه كم مره اتصل ومتجاوب مره بليل كتبتلهه جاوبي حتى لو بس تفتحين خط
رغد.من يوم الخابرت بي ندى ورجعت حالتي تتعب وصار النوم عندي هروب من الواقع بيوم بليل ردت انام وتذكرت كلبي وعيوني شتاقله اتذكر قربه مني وصوته وشكله شتاقيت لكولشي بي بدت دموعي تستسلم تبقه مكانهه ضلت تنزل وحدهه بلصدفه دك جهازي غيرت اسمه جنت كاتبته أماني بس من بعد المشكله كتبته عذابي
رفضته بعدين دز مسج مكتوب جاوبي حتى لو بس تفتحين خط دك مره لاخ فتحت خط

يتبع
انتضروني في احداث اجمل
متابعه شيقه ❤