خذ بيدي

مساء العسل
#خذبيدي
#بقلمي
#ضہٰ۪۫ي ﺂلقہٰ۪۫مہٰ۪۫ر
البارت الرابع عشر

‏انا ألغلطان دآم ألسّالفهَ توُصل مَدامعها ..

رغد.......بللت ملابسي والحوش مانضفته عافته عليه ودخلت جوه
اووف اني مبلله كلت اكمل  تنضيف يلا اغير ملابسي
نضفت الحديقه ورشيت الاشجار صارت عبالك ماطره الدنيا
طلعت الاوراق مال اشجار بلحوش وغسلته وصلت للباب فتحته وكمت اغسل ذبيت الزبل بلحاويه اليم الباب
مااحس اله طبك السياره وبسرعه نحسيت احد جرني
ضربني راشدي ماحسيت الا عيني طفت
بحياتي محاسه بهلوجع هاذ من قبل
حسيت بحراره نزلت من شفتي
باوعتله احمد.
اي احمد بس ليش وشكو شنو ذنبي
احمد.....رجعت للبيت الضهر
لكيته الباب مفتوح كله ولملابس لطش كلهن مي
حتى الداخليات مبينات والجسم كله طالع اباوع
شباب واكفين يم لمحل شويه عن بيتنه ويباعون عليهه شطت للستار
نزلت اخذتهه من ايدهه وركعت الباب اول مانطينه راشدي ضلت بس تباوع واني فقدت على صوتي
طلعو كلهم
علي......اااااحمد
طارق....رحتله اركض شبيك شكو باوعت رغد عيونهه دم ولشفه نازله دم ولوجه احمر
فرت سويت شي اول مره مسويه بحياتي
ضربته راشدي بدون ماافتهم شي
كل الي فهمته ضارب رغد واهلهه موجودين وخلاني بموقف صعب
احمد.....شربني ابوي كدام لكل ماكدرت احجي عفتهم واخذت السياره وطلعت كبل
علي.....كومي بابا شكو احجي حبيبتي
رغد.....؟؟؟
طارق......حبيبتي عموو احجي شصار ليش ساكته
الحجيه .....عوفوهه اني يمهه
اميمه.....شكول عليك احمد ليش هيج
امهه واكفه مصطكه وابوهه وعمهه يريد بس يكومهه لبنيه متفاجأه من الصار حتى دمعه مطاحت من عينهه
رغد.....يحجون وياي مكدرت ارد عليهم
عفتهم وكمت صعدت بلغرفه وسديت الباب
كعدت ورى الباب ولازمه خدي واتذكر شلون
انجريت منه ونضربت احس نهانت كرامتي
محسيت بلضربه
منو هاذ وليش هيج يتصرف وياي ساعه احسه
يخاف عليه وساعه احسه مجرم بحقي
رنا......حبيبتي رغد فتحيلي الباب بس اني اريد ادخل محد وياي
رغد.....كمت فتحت الباب ورحت فتحت الكنتور
اخذت تراك وغيرت ملابسي
تمددت ونمت
علي......طارق ليش هيج سويت موصغير وتضربه كدام لكل
طارق......من يتربه ويصير رجال ويحترم ساعتهه مامد ايدي علي
علي.......اي لصار صار سد الموضوع
اني شفت رغد مضروبه بس روح ماضلت بيه
كلولي اموت واندفت بس بنتي لا عصفورتي
خدهه احمر وساكته متحجي
والاذاهه يحلف ويتحلف ميأذيه
ليش يااحمد شو انت اول بشر اذيتهه
بس طارق من ضربه ضيع حق بنتي
بعد مااكدر احاسبه لان اخذ جزاته من ابوه
وفاء.......علي بنتي فدوه لكلبك شوفهه شبيهه
علي.....باعي وفاااء واصله لهنا واشرت على خشمي
لتزيدين عليه اكيد ماضربهه بدون سبب
وفاء......كتلك اني من البدايه متتوالم والله متتوالم
علي .....وتالي شلون هاا كليللي
طارق......اني واميمه بغرفه امي
يمه شوفي شسوه يافشله من اخوي بنته تنضرب كدامه
اميمه......شسويت يااحمد ماتكلي
ااخ منك وين راح هسه
الحجيه......كومي صبي غده وخليهم ياكلون
كافي ابنج مرمرهم
انه عرفت تاليهه هيج
طارق....يمه على كيفج ويه نفسج ليصير بيج شي
اميمه......اني  كايمه اصبلكم غده
طلعت لكيت وفاء تحمي بلاكل
وفاء حبيبتي اعذريني ترى احمد كلبه طيب بس مادري شجا كلبه صاير قاسي
وفاء.....انتي شدخلج يا اميمه قابل انتي كلتيله روح اضربهه
اميمه.....يلا عيوني خلي نصب وبعدين نحجي
حضرت الاكل واخذنه كعدو كلهم
علي.....وين احمد
اميمه....هااااا بعددده بره
احمد.....عفتهم وطلعت رحت لمصطفى حجيتله
كولشي هم لاماني ولولد يمه شبعت رزايل منهم
شكد حاولو يوصوني اضبط اعصابي بس اعرف دوم اطلع خسران
خابرني عمو كلي انت وين صبينه غده كتله
اكلو بلعافيه اصر اجي 
الصراحه اني كوه حجيت ويا بلجهاز نوب احط عيني بعينه 
اخذت سيارتي وصلت للبيت اول مدخلت
لكيتهم مكملين غده ويشربون جاي
طارق.....هاا اجيت يلعاقل بالله ماتكلي وين وليت
تسوي لمصيبه وتطلع
علي.....عوفه طارق تعالي احمد اكعد
وحاجيني الي ماكو مشكله بدون سبب احجي
احمد....عمو اعذرني اني غلطت من مديت ايدي عليهه بعد ماتنعاد
طارق......هااا وليكون مفكر  تعيدهه
احمد.....يابا غلطت كلتلكم اني اعتذر من عمي
علي......احمد الاعتذار مو الي اذا ردت تعتذر من الشخص لغلطت ويا
وهسه كلي ليش هيج سويت
احمد....عمو اجيت ولكيتهه بلباب ولملابس مبلله وتغسل ولباب مفتوح كله والشباب كلهه يم المحل تباوع عليهه شتردون اصفكلهه مثلا
طارق.....يعني تضربهه
علي.....كافي طارق رحمه للوالد
باوعلي احمد اني بنتي لهسه طفله واني ممأذيهه
بكلمه تجي انت تستخدم وياها الضرب لا هنا اني اتصرف هلمره مااحجي بس مره لاخ اذا سوت غلط تجي تكلي واني اتصرف وياها
احمد.....ان شاء الله خير عمو اني اصلا رايح باجر ملتحق ارتاحو مني
الحجيه.....يمه طيب خاطرهه تضل زعلانه منك
احمد.....اي ان شاء الله بيبي
صعدت دكيت الباب
فتحته رنا
كتلهه وين رغد كالت جوه
فتت واشرت لرنا تطلع
كعدت مقابيلهه 
باعيلي رغد
ماكلج غير كلمتين
اني السويته غلط
وانتي هم غلطتي
رغد....اني اسمعله بس ميبدري مني اي كلمه فقط نضرات عيوني تلاكي عيونه اباوعله من يحجي
بس مااشاركه الحديث فقط صاامته 
احمد....رغد اني بشر وانتي عرضي يعني شفتي ولد الفرع كله يباوع عليج وانتي ملابسج كلهه
مبلله عيب هلشي عدنه بي عيب شويه مومثل هناك لان تقبلين احد يحجي على ابوج وعلينه
يكول محد منهم كدر يستر بناته
باعي رغد اني لهسه كلبي يوجعني وثقي بالله من تكبرين حتعرفين ليش هيج حريص عليج وليش بهلطريقه اتعامل وياج بيهه
رغد....لتباعيلي هيج كومي الله يخليج رحميني
اني باجر ملتحق احتمال ارجع واحتمال ماارجع
لتخليني اروح وانتي زعلانه منه
رغد....اكرهك احمد
احمد......موكلمه كالتهه زرفت كلبي بيهه عبالك طلقه وبنص كلبي
هاذ لخايف منا صار ولكل حذرني منه هلصار ارتاح احمد
رغد....ليش ساكت اكرهك اطلع منا
احمد....كومي يلا اجيبلج ملابس للمدرسه  موتردين كومي بدلي انتي ورنا وشتردن اجيبلجن
رغد....كولشي ماريد منك
احمد....موبكيفج شو كومي جريتهه وصحت رناا
وينج رناااا
رنا.....هاا احمد
احمد.....يلا بدلي انتي وياها موتردن ملابس مدرسه
رنا.....هاا مووو
احمد.....شنو لمو رنا خزرته
رنا.....اوك بس ترى احنه ممتغدين
احمد.....وهم غداجن باحله مطعم وشتحبن نزلن
بس يلا
رغد......اني مردت اطلع بس هوه كدر يفر عقلي وخلاني اخذ كلامه بدلنه وطلعت ويا ورنا ويانه
نزلت
لكيت بابا كاعد
علي.....هااا وين يابا رايحين
احمد......رايحين نراضي
طارق.....عمو ماوصيج خوش خسري خساره لتخلين شي متجيبينه
رغد.....ههه  
علي......هاج بابا فلوس خاف تحتاجين
احمد.....لا عمو صدك حذب اكله ماخذهه اراضيهه
علي.....ههههه يلا بس موترجعون متعاركين
الحجيه......شوف حميد اذا سويتلهه شي ترى حسابك يمي
احمد.....يابا حجيه زهره امري امر
يلا رايحن
الله وياكم
رغد.....رحنه لمطعم تغدينه وطلعنه للسوك اخذت شغلات كوه عجبتني للمدرسه
وبوتينات حتى داخليات اخذنه كولشي
صار لمغرب رجعنه
احمد....خليتهن براحتهن يشترن رغم هواي بلعت شغلات بس علمود مااحط نفسي بقائمه الكراهيه
تردن تتعشن
رنا.....لا بس عصاير موطه
احمد....ادللن شربتهن عصير وكلتهن موطى وجبتلهم علبه موطه للبيت ورجعنه
حسن.....ماخذتونه وياكم اشو ممخليات شي مجايباته
رنا.....متروح وحدك انت
حسن .....حجت ام كفشه

وفاء....شو ماما شجبتي
رنا....راويناهم الغراض وصعدنه قسناهن ورتبناهن
نزلنه تعشينه ونضفنه المطبخ وصعدنه
احمد....يلا اني اترخص
علي....باجر رايح
احمد.....اي والله عمو رايح
علي.....شوكت تجي
احمد....ماعرف بعد
طارق......ليش مو سبوع بسبوع
اميمه....يمه احضرلك الجنطه
احمد.....لا يمه رنا فوك
يلا تصبحون على خير
لكل وانت بخير
صعدت دكيت الباب رنا تعالي بس حضريلي الجنطه
رنا.....لحضه جايه
خطيه نقهرت علي حضرتله الجنطه وكويتله البدله
وطلعت
احمد....للفجر مانايم صار نهار شطوله
طلعت من غرفتي فتحت باب الصاله يطلع على السطح كعدت وكمت ادخن
رغد....نامت رنا واني ماجاني نوم ردت اروح للحمام طلعت  بس لفت انتباهي باب السطح مفتوح تقربت من الباب شفته كاعد ويدخن

يتبع
انتضروني في احداث اجمل
متابعه شيقه ❤