خذ بيدي

البارت الثاني والثلاثون

أحبك وكأنك قد وضعت أمانة في عنقـي وكأن أمـك قد أستودعتـك في قلبـي ومضت مطمئنـة ، وكأن الكـون كلة قـد أوصـاني عليك ❤

لويش تفاعلكم قليل اهل الواتباد

احمد.......شنو بكيفكم تقررون جاهل كدامكم اني والله لوتنطبك السمه على الكاع مااتزوج غير رغد ومتصير لغيري
طارق.....لك كلب رغد تاج راسج ميشرفني انطي بنت اخوي لسكط مثلك
احمد......بويه ماريد ذيج وابني الي بس مااتزوجهه لويذبحوهه
رغد.....عفتهم وكمت ردت اصعد حسيت بدوخه وفقدت
احمد....من شفتهه وكعت ركضت الهه حطيت راسهه بحضني كوومي رغد حبيبي كومي كومي سانديني مثل مساندتيني من عرفتي وماعفتيني كوومي رغد
علي......بابا حبيبي يرووح ابووج اكعدي فتحي عيونج
اميمه......شيلوهه راح يصير شي بلبنيه من وراك احمد شكول عليك
رنا.....عمووو عفيه كعدهه لتخليهه يصير شي
ضلينه نبجي عليهه اني احتار عليمن ابجي على رغد لمدده بلكاع لو على احمد حاطهه بحضنه ويبجي مثل الجهال جره ابوي وخره من ياخته وضل كاعد بلكاع ودموعه تنزل حسن شال رغد قاسلهه الضغط بابا طلع هابط علكلهه مغذي نص ساعه وصحت
رغد.....اباوع لكل يمي اله هوه ماكو دعيت ربي بوكتهه يطلع حلم بس من درت وشفته منتجي على الحايط وحاضن رجله دموعه اكدتلي لشي لصار حقيقه مكدرت احجي ويه احد بس روحي ناار اريد اصرخ بس مااكدر معقوله لهسه اني عايشه بصدمه ومصدكه
طارق.....كوم ابن الكلب نطيني رقم ابوهه
احمد.....ماعندي
علي......كافي احمد لتسوي بنفسك هيج بعد ميفيد شي الفاس وكع بلراس وانت مالك نصيب يمي ورغد موالك ذيج ام جهالك وجيبهه يمك
رغد....اي هنا طلع صوتي ولسبب ابوي ورفضه هلمره
لاااا بابا موومرته ولاا ام جهاله احمد كلهم البارحه نتفق شنلبس وشكد يصرو جهال عدنهه احجي ليش ساكت
احمد....فقدت ضلت تبجي وتحجي واني ماكظر ارد عليهه بقيت نفس الكعده بس روحي يمهه اسمعهه ودموعي تنزل
طارق.....تقربت منهه كافي عموو لتسوين بنفسج هيج ولج دكتورتنه لكل يتمنه شعره من راسج كاافي بويه
رغد....لا عمو انت متدري غير اني احبه الابنك
وهوه هم عموو حتى يريد ٥بنات عموو تدري البارحه تفقنه بلعرس ميلبس رسمي يلبس بدلته
علي.....شفتهه فقدت عتيتهه وعطت بيهه كااافي بااابااا كاافي لتحلمين بشي مووالج
الحجيه......كاافي بيبي الله يصبرج على مابلاج
رغد....من وعيت على نفسي شويه ستوعبت الصار بقيت بحضن بابا اباوع علي مكسور وشكله يكسر لكلب اعرفه تورط ورط الناس ويا كمت من حضن بابا رحت قريب علي كعدت بمستوى كعدته كتله لهنا واعذرني احمد سبق وكتلك اذا ماصير الك ماصير لغيرك بس انت حتصير لغيري زوج واب
فعذرني اني هم موانانيه لهلدرجه ابعد اب عن ابنه تكدر تنساني وتعيش حياتك ويه زوجتك وابنك الله مكاتبلنه نعيش سوه الله يهنيكم عفته وباوعت لكل الدموع بعيونه خطيه شنو ذنبهم تورطو بورطه مالهم دخل بيهه والمشكله ثنينه نخصهم يحتارون يصيرون بصفمن وماانسه حفيدهم جاي بلطريق
احمد.....راسي احسه يريد ينفجر مجرد مااتخيل ارجع لحياتي ويه ندى اني ساعات مااتحملهه افكر شنو ذنب رغد  وشنو ذنب الطفل الله ياخذج ندى ويخلصني منج خربتيلي حياتي اسمع كلماتهه تحجيهن كوه والدموع موكفت بس كل هاذ ممستوعبته تحجي شي وتحول على شي
رنا.....اصعب يوم بحياتي كلهه هوه هاذ اشوفهم جنهم طيور مذبوحين ولكل مابيده شي
رغد.....بابا يلا نريد نفرح شوكت تصير الخطوبه
اميمه......بنتي كافي رنا اخذي اختج خليهه ترتاح
رغد....لا ابد معندي  شي يلا موتردين تشترين ملابس النه للخطوبه اخذيلنه بس نشتري للعروس شغلات حلوه
احمد......كاافي رغد
رغد....ليش غير مناسبه وتصير حفله لو شنو
علي....جريتهه للغرفه ونطينهه مهدئ ومنوم خليتهه ترتاح بنتي حتتخبل بقيت يمه لحد مانمت طلعت لكيت طارق هاد على احمد عطت بيهم كاافي صدك تحجون قسم بالله اذا صار على بنتي شي يوم واحد ماابقه هنا
الحجيه......هاي لعرفتهه ولك احمد ارتاحيت ولك ابني راح يعوفني مره ثانيه
علي.....يمه اخر كلام عندي باجر الخطوبه وتعزمن الناس والكرايب وتكولن لكينه عروس الاحمد وكلمه زايده ناقصه ماريد ومحد يجيب سيره الصار ابد واليسألكم عن رغد كولوله لبنيه تريد تكمل وابنه جبير وزوجنا
احمد....عمو فدوه موهبج
طارق.....انت تنجب وتسكت يلا كوم ويانه نروح على اهلهه ونتفق وياهم الخطوبه يومين وتتحدد
احمد.....رحنه بس بلا رضاتي ومااكدر ولاالي الحق حتى احجي هناك صار مشاحنات بين عمامهه واحنه اتفقنه يصير لعرس هاذ الاسبوع وبس تولد اطلكهه لان ابني اربي عندي وخلي هيه تحتار بروحهه طبعا اهلهه قبلو لان بس يسكتون العالم قبل لينفضحون شكلك بتنه تزوجت وطلكت ولا حبلت وهيه ممتزوجه
من رجعت لكل هلكان يومين وعزمنه
رغد.....من بعد يومين مااحجيلكم عن العذاب لبداخلي واشوفهم لكل يحضر بس بدون نفس وبابا انطه كلمه للكل كال تسوون خطوبه مثل اي خطوبه ماريد بيهه نقص حجه بابا وياي ليله كامله
هوه يقنعني انو الله لكل بشر خله قدر بحياتي واحمد مو قدري ولا نصيبي كلي ميفيد الحزن كومي طلعي كدام لكل وبيني انتي قويه وكدهه ولتخلين بشر يحس بضعفج لان ساعتهه انتي تتأذين ويعرف شلون يأذيج والبنيه من تجي لازم تتحملين وجوده بلبيت واذا مكدرتي بويه اني مستعد اعوف البيت واطلع حتى متحسين بلعذاب كتلهه لا خلينه هنا واني فعلا راح اشيل احمد من كلبي ومن حياتي الله ميريدنه ننجمع سوه وماريد اعترض على امر الله من يومهه كلت لازم اصير قويه وما بين ضعفي الاحد كعدنه الصبح على صوت هلاهل نزلت الكه عماتي والكرايب كلهه جايه ناس فرحانه وناس تسأل شعجب موجان رايد بنت عمه ويكون عذر بيبي وعمه لا لبنيه زغيره تريد تكمل ولولد جبير وخطبناله بس من اسمع هيج جرحي ينزف بداخلي كمت اسمع واغلس
احمد....صارت يوم الخطوبه ولكل اجه ولكل فرحان ويبارك بس اني احس بيهه طير مجروح فرحهه متصنع اخذوني الولد بيومهه اشترينه ملابس ورحنه للحلاق من الصبح لحد الضهر رجعت طبعا هاذ قرار عمو اله اني لوعليه كولشي ماجيب ولاالبس كل مااتذكر دموعهه لو ضحكه من نتفق شنلبس اختنك كوه كملت الحلاقه حتى ملابس لولد اختارو وخطيه مصطف وعزيز وياي طبعا رجعنه للبيت لك جاي ومليان لبيت ناس
رغد....رناشتلبسين هاا
رنا....ماريد اروح معندي شي مال مناسبه
رغد....لحضه عفتهه وطلعت لكيت عموو بلحوش صحت علي اجاني
طارق.....هاا عموو حبيبتي
رغد.....عمو اريد اروح اني ورنا نشتري ونروح صالون لان معدنه شي نلبسه
طارق.....بس عمو هسه بل١١ونص وين تلحكن
رغد....لا نلحك
طارق.....لحضه هسه اصيح واحد من الولد ياخذجن لان عمتج محتاجهه هنا
رغد....ماشي شويه واجه محمد كال يلا امشن وكتجن والله طاحت رجلي من ل٦نفتر بلعريس لهسه رجعت وتلكاني بابا عليجن امشن
شويه حزت بصدري كلمته بس بتسمت بوجهه ورحت بدلت اني ورنا وطلعنه لكيت حسن ويانه يروح
حسن.....حبيبتي جان حجيتي من البارحه حتى اخذج على راحتج
رغد.....نسيت موعلى بالي
محمد....امي كالت هاذ خوش صالون بي ملابس يأجر ويسوي مكياج اذا معجبهن شي عنده اخذهن للسوك ورجعهن اله
رنا.....يلا خلي ننزل وكف السياره ومحمد انطه فلوس لرغد كال هاي من بابا شتردن اخذن اول مدخلنه شفنه لبنات يمكيجن واكو عرايس لان يوم جمعه البنيه العامله كالت شنو حاجزات
رغد....لا احنه محاجزين بس عدنه خطوبه فجأه وممحضرين وكالو عدكم ملابس ايجار وترتبينه شويه
العامله.....حبيبتي هسه اصيحلج ام الصالون لان معدنه وقت
رغد....راحت شويه وجابت مره بكد عمه حلوه رغم كبرهه كالتلهه ذني كالت مشالله ثنينجن حلوات متحتاجن وقت اصلا كافي عليجن تلبسن فساتين خطيه اخذتهه للطابق الفوك كله بدلات بس اكو كم نفنوف عجبني واحد احمر قصير وضيق من لخصر لحد فوك الركبه اني متقصده اخذ شي فاضح حتى ماخلي احد يحس رنا اختارت فستان بيجي طويل وضيق رحنه قسناهن بس شنو يجنن لبسته صار فوك لركبه ومابي اي عرض حتى من امشي كوه افتح رجليه هوه ساده كوله وبي فتحه من وره ولردن مالته مثل التعلاكه تول عريضه تنزل للزند يعني مابي اكتاف هيج شي ورنا حلو بي لؤلؤ على طوله يلمع وردانه كيبور  المره قتنعت كالت يجنن عليجن بس ينراد كعب اسود ثنينجن كتلهه كم ساعه كالت ساعتين كافي نزلت طلعت للولد كتلهم ساعتين وتعالو بس من تجون خلي عمه تنطيكم الاحذيه السود بلخانه
كال حسن هاج جبتلجن لفات خاف تحطن حمر وتجوعن هههه وكلي ذيج ام كرش اخذتهن منه وراحو دخلت اكلنه لان مماريكين ولمره خلتنه تلبس لفساتين كالت لبنيه اشرت على رنا نزليلي شعرهه وعليه كالت نزلي ولفيلهه كم خصله برميهن الهه على خفيف واني عليه المكياج صدك بسرعه لبسنه وكملن شعرنه اجت هيه نفسهه لمره شتغلت لرنا حاجبهه خففته الهه ورسمتلهه عيونهه ولحمره وردي صارت تجنن
بعدين اجت عليه كتلهه اني كوله خفيف ماريد شي صارخ كالت انتي كلج جمال مراح اسويلج شي سلمتهه نفسي واتخيل ليوم خطبتي بسرعه نزلت دموعي كالتلي هاا ممتفقين هيج عاد بلشت رنا تسولفلهه وهيه تسمع وصافنه حتى راوته الهه بلجهاز شوفتهه احمد كالتلي نصيحه ياامي مدام صار كل هاذ من هسه ابتعدو لان تتعبون بحياتكم خلي هوه يقبل بقدره وانتي وراج حياه طويله كتلهه هوه هيج بعد ستسلمت كالت اله اخليج تكسرين حتى العروس والخفيف الغي وحسابج واصل عليه كالت رنا لعد اني شنو  كالتلهه يابا هم واصل لخاطر هعيون وهلدموع ولو اخوح ميستاهل كتلهه لا خطيه شنو ذنبه كافي رجال ويبجي كالت نوب دافعله يلا مراح احجي علي بس اله احرك كلبه وكلبهه وانتي دموع ماكو وقهري لكل بلشت حاجبي طيرته كله وترسم بعيني ساعه حتى مخلتني اشوف من كملتني يلا رفعت راسي شفت شنوهاي هاذي اني اباوع لحمره حمره بلون لفستان ورسم العين اسود حتى معرفت نفسي
رنا.....من بلشت برغد اجت لمره شاورتني كالت فتحيلهه فيديو وصورهه لحد متكمل وراويهه اله هناك اني هم مقصرت كل شي خلته الهه صورته اخر شي سبحان الخلق من كامت فستانهه قصير ولفتحه مطلعه الزر كله وهيه بيضه صوفرت دارت عليهه وفتحت شعرهه لمره بس شنو صار اطول من الفستان يمه ولج شنو هاي تخوفين من الحلا
رغد....هه كافي رنا نزلي التصوير ماريد كالت المره  ام الصالون لا حرامات شعرج ضيع الفتحه مال فستان عاد رفعتلي نصه وهوه نازل ومبروم صار احله بهواي خابرناهم كنالهم جيبلنه شي نطلع بي شويه واجوي من دنطلع اجت المره خلتلي مثل الخرزه زركه على شعري صارت مثل التاج ناعمه وحلوه مقبلت تاخذ فلوس خطيه بس الفساتين ترجع خطيه طلعت جابتلنه العبي لبسناهن ونصدمت احمد بلسياره حاولت ماابين نفسي اله
احمد....للضهر كال بابا روح جيب خواتك اذا تلحك  لان خطيه لولد تعبو وراحو يبدلون من كملنه الغده ماعندي شي ومبدل اخذت الساره وامي نطتني علاكه كالت هاي الاحذيه والعبي رادنهن طلعت المره اخذتهن مني شويه وطلعن كولشي مينشاف منهن
رغد.....مبروك  ياخطيبي
احمد.....كافي رغد روحي من الدنيا طالعه لتزيدين عليه
رغد....موزين اباركلك يا وجعي ابارك لحبيبي بمناسبه خطوبته من ام ابنه
رنا....رغد كافي لتخربين كشختج بلدموع وهيج سالفه كافي راح ندى وعشيرتهه تكره نفسهه من تشوفج
احمد.....والله اذا مكرهتهه بنفسهه اخليهه تتندم على ليوم لعرفتني بي وعيونج رغد ماعديهه سلامات
رغد.....وشيفرق هاا موكافي حتنامون بنفس الغرفه موكافي كدام لكل هيه زوجتك موكافي هيه ام ابنك محد خسر غيري احمد محد
رنا.....لج شبيج كاافي دموع قهرتني خليتهه تنام على الكشن وفتحت العبايه كتله نطيني كلنس هاي خربت نفسهه
احمد.....سحبت كلنس ودرت عليهه  شفتهه شنو لابسه احمر ولوجه جنه كمر ولحمره حمره لصدر مبين ولشامه ولسنسله لابستهه من هيه صغير زايدتهه جمال
لج لتكفريني شلاعبات شمسويات
رنا.....مووكتك احمد
رغد.....ههه اخذت الكلنس منه شويه قويت عيوني مقويت نفسي لان نفسي تعبانه مسحت دموعي رنا ورجعت طبيعيه كتله شنو شبيك شو وكفت السياره وتباوع
احمد....عفتهه ونزلت خليتهن بلساره وكمت افور حتاريت شسوي كمت ادخن رجعت صعدت اني موكتلج لبسج موفاضح رغد ترى والله تعبت منين اتلكاها
رغد....اي صح بس بخطوبتنه اني وياك كتلي ولتنسه هاي موخطوبتنه  ومتكدر بعد تتحكم بيه عندك زوجه تحكم بيهه
احمد....شلون تريد تكفرني وطلعني من طوري رغد مسحي وجهج وهاذ ينزع تلبسين غيره لان امه الثقلين عدنه موجوده بلبيت
رغد.....ماامسح ولاانزع هاذ الموجود اني بداخلي اريد اعذبه صح لشي لصار تعبه ومقابل بي بس هم هوه مسؤل عنه
رنا.....اهووو يم عود حرك عدوهه على خير
احمد.....ماشي حسابي وياج بعدين موهسه ونتي لاخ شمسويه شعدجن
رنا.... والله عدنه حفله خطوبه شتريد نسوي يعني
احمد .....اخذتهن للبيت مكدرت ادخل السياره وكلهه موجوده كتلهن لفن نفسجن شلون مطلعتن من الصالون صحت على الولد اجوي واحد منا واحد منا مشيت كدامهن سويتلهن طريق فاتن
رغد....اول مطبينه نزعنه العبي لكل ضل صافن
الحجيه.....صلن على النبي يحميجن الله
اميمه......ولج يمه شنو هاي بسم الله عليجن وين اضمجن من عيون العالم
رغد...فتنه والبنات كولهن مبدلات شغلت رنا  ديجي وكامن يركصن صعب امثل القوه بس اول مره احس نفسي قويه وبهاذ اليوم ماسمحت الأي دمعه تنزل
احمد......صارت روحي بيهه احس لبيت كله شباب ويباعون عليهه حاولت ادخل للبيت شفت امي كتلهه صيحيلي رنا من يمج شويه واجت رنا هاا كلبه شطالعه
رنا....اجتني امي واني اركص كالت احمد يريدج رحت للمطبخ شفته كلي كلبه شطالعه اجيت اعوفه وادخل بس جرني
احمد.....خب عايزج اني بقيتي بس انتي عليه اكلج شويه اصعد ومن تشوفيني اصعد حاولي تصعدين رغد محتاجهه شويه
رنا.....احمد عوف لبنيه كافي عليهه هاذ ليوم
احمد.....لج لتخليني اعيط منا الناس
رنا.....ماشي فوت يلا
شفته صعد رحت الرغد كتلهه جيبيلي جهازج خلي نصور لان حديث فدوه يطلعن حلوات الصور
رغد.....جيبي انتي
رنا.....والله ماكدر اصعد رجليه توجعني من الكعب لابسته
رغد.....ماشي لحضه اني هم اريد اشوف شكلي صعدت وصلت للصاله شفته بلقاط كاعد حسيت بخيبه امل بس حلفت عيوني متنزل ادموع حتى لوبس اليوم
احمد.....نتضرت شويه وصعدت بس احله واجمل مره شفتهه بحياتي اتحده بنت بجمالهه يمكن الله خلقهه وماخلق اربعينهه الفستان يكتل والشعر موج ورافعينه والباقي نازل صاير بطول الفستان والحمره حمره والجسم كيمر
رغد....احمد
احمد.......اي صخام عود شيسموهه هاي هاا
رغد.....شنو
احمد......تقربت منهه وجريتهه للغرفه مالتهه فتخت كنتورهه هاذ لخراكين كلهه ومالبستي اله هاذ لج انتي شنو نوعج من البشر
رغد.....باوعت علي هاذ من كل عقله يحجي
باع احمد انت واني نتهينه لاالك سلطه عليه ولاالي سلطه عليك كلمن يعيش بلجحيم لبداخله ماشي
احمد.....رغد صدك تحجين
رغد.....اي احمد صدك احجي بعد كم ساعه اتصير ملك غيري وبعد كم سبوع تصير زوج غيري وبعد كم شهر تصير اب لابن من غيري احمد اني اتصنع القوه بس لودورني متلكه قطره قوه بيه وتلكاني مليانه ضعف فلتحرك مشاعري لان ماريد انهار هليوم
احمد..... يعني تخليتي عني بسهوله رغد
رغد.....متخليت عنك بس اكو من يستحقك اكثر مني واكو من يحتاجك اكثر مني وهوه ابنك
احمد......بس ابني من يجي نربي سوه رغد اكيد حتحبي وتصيري انتي امه
رغد......وشذنب امه هاا كولي
اسفه احمد مستحيل اسويه روح انزل وكمل حياتك من دوني كافي عليك من اشوفكم سوه اله انت شيهمكاحمد.....اني شيهمني شتقصدين باله
رغد.....متعرف شقصد احمد لللك كااافي حتعيشون سوه كاافي شالت اسمك وكافي نطتك ابن وسوتك اب وتجي تكلي هلكلام لك اسألني الي شلون حعيش وانت كدامي وتكلك احبك لو تسويلك اكل لواشوفهه تصعد وراك وتتلكاك من تجي احمد كافي بعد كم يوم تكلك ابنك تعبني
هنا فقدت السيطره على نفسي كعدت على الجربايه وختنكت اريد اجر النفس مااكدر جنت ارتاح من تنزل دموعي هسه احس دموع معندي وتبقه لخنكه بصدري
احمد.....حبيبي بيج شي رغد حاجيني جبتلهه مي شربت وهيه بعدهه مختنكه اااخ كله مني حقهه بكل كلمه كالتهه بس موبيدي شسوي لشويه كمت اهفيلهه رتاحت
رغد......اطلع احمد بس قبل لتطلع من هلباب للزم اطلعني من حياتك
احمد......باعي راح اطلع من هلباب بس ماطلعج لا من كلبي ولا من بالي ولا من حياتي بس قبل لااطلع كومي حبيت بهليوم اهديج شي جنت جايبه الج من نجحتي بس مصارت الصدفه انطي الج ومن صارت المشكله وقررنه الخطوبه فرحت اكثر كلت البسهه الج بيوم الخطوبه وهاي اني حتى لوموخطوبتنه بس راح البسجياها واسويهه
رغد....اخذ ايدي وصلني للمرايه
احمد......قربته من المرايه طلعت العلبه من جيبي فتحتهه وخرت شعرهه ولبستهه
رغد.....عيونه مكدرت افتحهن حسيته كمل ورجعلي شعري
احمد....فتحي رغد هاي اخر ذكره مني الج وحتى لواموت لتزعينه لا هيه ولا لابستهه
رغد.....فتحت شفت مكتوب دكتوره وقلب وداخل القلب حرف A كتله شن معناها
احمد.....معناها دكتوره قلب احمد مودائما اكولج دكتوره كلبي هاي معناها هيج لقلب هاذ قلبي خليته قريب على قلبج وبي اول حرف من اسمي حتى متنسيني
رغد.....ومنو كال احتاج شي يذكرني بيك اصلا مراح انساك اصلا روح احمد موفق بحياتك
احمد.....لهنا وحسيت نهايتنه لان اقنع بنفسي اذا اكول تصير الي ممكن طلب
رغد....شنو
احمد....بس اخر مره ضميني رغد
رغد.....احجي بكلبي اي اني قبلك محتاجه هلشي لان حضنك وطني وعن قريب حيستحلون وطني حضنته بكل مااملك من قوه
احمد......ااخ ياحضنج يردلي روح لميته ررربي اااختبارك صعب
رفعت راسهه بسته بين عيونه ونزلت بس هسه لو يملكوني ندى اله انهيهه واطلع قهر كلبي كله بيهه
رغد.....وهنا تسكن العبارت من بعد مانزل مكدرت اسيطر نزلت وحده وره الثاني لهنا ونتهيت بعد ماكدر اكمل
رنا......شفته نزل بس وجهه احمر ولعيون دم صعدت اول مدخلت الصاله وصوت بجيهه وشهكاتهه اسمعهن الله ليوفقج ندى دنيه واخره دخلت عليه
ولج رغد ميستاهلون هاي الدموع كاافي عاد
رغد......ولج اااااه يااارنااا ااااه كلللبي يوجعني والله يااااناس موووجوعه لييش محددد يحس بناار كلبي
رنا......حضنتهه وكتلهه والله كلنه حاسين بيج وعيونج كاافي يلا كومي خربتي المكياج ولج كومي خلي ارتبه الج كوه قنعتهه تسكت اباوع عليهه اصلا البجي زايدهه جمال بس قليل رتبتلهه شويه وصاحو علينه بسرعه نزلن نزلنه اجه حسن كال ابقن لتطلعن احمد يكول خليهن بلاخير من يطلعون يلا يصعدن وياي بلسياره
رغد..... طول الوكت ادعي الله يصبرني واهم شي متنزل ادموعي الناس كولهه طلعت بقينه بلحوش
احمد....هاي امه الثقلين مكلوبه وكلهه تريد تروح
دزيت حسن عليهن شويه الناس حركت دخلت للبيت شفته كاعده على المرجوحه بس منضرهه يجنن الله لاينطي الجان السبب تحسرت واجيت يمهه كتله يلا كومي لبسي
رغد.....بس تجي رنا تجيب بيبي وعمه تروح ويانه
أحمد......هاا اوك
اني صاعد بلسياره منتضرجن شو شويه واجت عمتي هبه هيه و بناتهه كالت مخلولي مكان اصعد وياك بعد ستحيت اكلهه متكفي
رغد.....من طلعنه شفت عمه وبتهه كاعدين وره يبوو هاي وين تكفي اني من طلعت ملبست عبايه بس كوت اسود طويل لان بارده وصل جوه لركبه قفلته بس من شافني ضل بس يخزر مهتميتله صعدت بيبي بلصدر وعمه اميمه ورنا وعمه وبناتهه كلهن وره مضل مكان اصعد
احمد......عبالي تلبس مثل مطلعت من الصالون شو هاي لابسه كوت عود طويل مغطيه فستانهه ولكعب والشعر لوماعيب من عمتي جان نهديت عليه كلهن صعدن وهيه ضاله عطت بيهه لج يلفاااهيه صعدي منااا الناس
رغد....فشلني كدامهن عاط بيه كتله متشوف ماكو مكان وين اكعد اشو وحده بحضن الثانيه
الحجيه......بيبي رجليه يوجعني جان خليتج بحضني شو جنج فرخ جاهل شكدوتج
اميمه........يمه اني حنزل وانتو روحو
احمد......صدك جذب اباوع جماعتي  بعدهم ممتحركين منتضريني نزلت باوعت عليهن صدك وحده بحضن وحده مايكدرن يتنفسن وبيبي مومال اخليهه بحضنهه جريتهه من ايدهه شو تعالي
رغد.....وين احمد
احمد......لجهنم الحمره معرفتي تحطين عبايه على راسج شوفي العالم شلون تباوع اشرلي مصطفى شكو اشرتله ماكو شي ابقه صعدت وجريتهه تعالي يم عوده بس فضيني خليتهه على رجلي وكعدت حركت السياره وطلعنه طول الطريق هيه على رجلي اصلا هيه ناااعمه ومحسيت بثكلهه
رغد......خلاني على رجله والبنات يضحكن عليه كلهن درت عليهن خير اكو شي يضحكجن لو هسه تخففن اكل جان كفالنه المكان ضوجني كلش
احمد.... ههه  كافي هسه شبيج ضاغطه اعصابج كاافي سكتن شغلت اغنيه وسكتتهن
رغد......كعدتي غلط وكل شويه توكف السياره وازدحام قافله حاوطت ركبته بايدي وايد الثانيه كامشه الباب احمد حتى لعبت نفسي
رنا.......ههههههه هسه تتقئ عليك وتخرب كشختك وتروح للعروس ريحتك تلعب النفس
احمد.....طبهه طوب هاذ الموجود واذا تريد اخليهه
تتقيى على بدلتهه اكلج انتي بس هناك تلعب نفسج كوليلي حتى افتحلج بدلتهه وتقيئي عليهه
رغد.....هههه صدك ضحكت والله دااتخيل شكلهه
احمد....همستلهه شعندي غيرج يابعد كلبي ودكاته بس وخري شعرج على ذيج الجهه راح اسوي حادث وتنعلين والد والديه
رغد.......باوعت عليه صفنت بوجهه شلون محدد لحيه والوجنات صايرات حمر والحاجب محدد صاير يخبل تنهدت بحسره

وين سارح
چنك إنسيت العمــر
گاعد انته وحزنك الماينتهي

احمد.....رغد رحمي بحالي وديري وجهج عني
رغد......بس يهمس حتى ستحيت لايسمعنه وخرت  شعري ودرت طبعا بعد معانا يلا وصلنه من كثر الازدحام
احمد.......اوكفي لتنزلين انتي
يمه نزلي لبيبي خاف متكدر
اميمه......اي يمه
رغد.....اباوع نزلت عمه ونزلت بيبي وكلهن نزلن
هااا انزل
احمد....باعي من كلهه تطلع ادز عليجن يلا تجن ماشي
رغد....ماشي
احمد......نعله والديج ركبتي راحت ولج جنج حضنت عدو
رغد......احمد ماريد انزل ماكدر اخاف دموعي تفضحني وتنزل
احمد.....لا رغد نزلي وبيني للكل انج مومهتمه اذا خطبت او تزوجت ولج كافي كلبي الج ويبقه الج عصرتهه من خشمهه وكتلهه والله لوتخففين هلحمره موشعلتيني بيهه يلا نزلي
رغد....نزلت لكيتهن داخلات اخذني من ايدي ودخلني جوه مباقي بس جماعته بره عفته ودخلت صاح عليه موطلعين اشرتله اي
احمد......همزين مباقي كلهه جوه بس جماعتي لقريبين عليه ولد عمتي بس سجاد موجود احس الفرح بعيونه ضحكت علي عباله خلص مني اجاني مصطفى
مصطفى......لك شنو صارت سيارتك طوابق همزين مابنجر التاير
عزيز.......لا ميبنجر لان الحب خفيف ومحس بي
احمد.....كافي مونهديتو يلا دخلو
عزيز.... بداعتي شسويتو بلطريق لان كل ماافوت منكم الكاها حاضنتك اني منك هسه بمستشفى الكسور اذا ممسوي حادث
مصطفى....  هههههه يلا خلي يم عود حتجي وجه البومه وتكعد بحضنه
احمد......خب تخسه هاذ مكانهه ومحد تكدر تاخذه
عزيز......احم دفوت لتحمه علينه بيمن نطفيك
احمد......دخلنه وبدت العادات واني روحي خلصانه نجيب هيج ونحط لحد ماكالو دخلو حتى يثبت العقد دخلت وشفت .....

يتبع
انتضروني في احداث اجمل
متابعه شيقه ❤