خذ بيدي

مساء الخير
ليش تفاعل ماكو بنات  اني اتعب واكتبلكم وانتو حتى متسوولي واهس للكتابه اذا محبيتوهه احذفهه
#خذبيدي
#البارت #الثامن
#بقلمي
#ضہٰ۪۫ي ﺂلقہٰ۪۫مہٰ۪۫ر

احمد... صعدت ورجليه اخذتني لباب غرفتهه لكينهه وكافه تباوع على ايدهه بلمرايه فتت للغرفه وكفت بلباب هيه حست عليه ندارت كامت تباوعلي بخوف وعيونهه مدمعه من شافتني
احمد.... اذيتج مو
رغد....؟؟؟؟
احمد....تقربت يمهه وهيه رجعت على الحايط جريت ايدهه وهيه دارت وجهه مني
اباوع اديهه مزركه خطيه
همست باذنهه
ترى موقصدي بس لان اضوج من هلشي
رغد.....اني اسفه متتكرر
احمد....كام نفسي يصعد وينزل من حجت حطيت
اصبعي على شفايفهه
لا تكولين اسفه اني غلطت بحقج
اني الي اكول اسف
لزمت وجهه بثنين اديه
خلي عينج بعيني
رغد باوعتله اول مره انتبه اله وجهه ضخم حواجبه سود وثخان ومعكودات وعيونه كحليه ومسحوبات ورمشهن كثيف واسود
خشمه طويل وعنده شارب ولحيه وشعره اسود رافعه ليفوك بس موطويل كلش بياضه طبيعي بس وجهه بي سمار شويه
احمد....حسيتهه تباوع لكل تفاصيل وجهي
اني هم شبعت نفسي من شكلهه وذبت بانفاسهه ماحسيت اله نزلت ايدي وطلعت بسرعه رحت لغرفتي بس احس نفسي نار سحبت باكيت الجكاير دخنت احرك بلجكاره بس كلبي الي حترك
مامصدك لصار وقربهه مني توترت كمت احجي ويه نفسي
ليش هيج احمد ليش اجتت ناوي اتسوي
هاا تريد تفضح نفسك
اااخ لسمت راسي وعصرته متحملت اضل بلبيت
اخذت السويج ولجهاز ونزلت
الحجيه.....هاا بيبي موتعابن اتريد ترتاح
طارق....صدك احمد وين رايح
احمد....خابرني صاحبي رايحله شويه وارجع
كوه طلعت مني اريد بس اتنفس هوه ختنكت
عفتهم وحركت السياره لمكاني المعتاد
نزلت دنيه ليل وضلمه بس ضوه خفيف جاي من بعيد اباوع للشط اخذت جكاره واتذكر عيونهه من جانت تباوعلي لو اتذكر من اذيتهه لو دموعج يارغد
ليش هيج حرام عليج طفله ولعبتي بحالي لعب يارب انت وحدك تعرف الصراع العايشه بداخلي
اني نار وهيه ثلج بس تقربت ثواني يمهه اذيتهه معقوله كرهتني معقوله بعد متباوع بوجهي
اي حقهه طفله ومتعلمه على دلال واني حركت الاخضر واليابس  وخفوفي لااكحله اعميهه ردت ابرر موقفي كدامهه طحت بموقف اكبر من القبله
شتكول عني بعد
اذا هيه عرضي واباعلهه بغير نضره
بس اني مومن هنوع لا اني بنيت حبي الهه وهيه بطن امهه ولاكثر شي من اجت للدنيه ومن اول يوم واول نضره حبيتج
ومن عفتيني صح بتعدتي عني جسد بس روحج
ضلت بداخلي ضليت اصارع بين كلبي وبين عقلي
عقلي يكلي انسه وضعك موطبيعي انت طفل وملبي يكلي لا انتضرهه يوم يوم سنع سنه هنه عشر سنوات ولج لوتدرين حبيت نفسي من وراج
حتى كونت مستقبلي وانتي بداخلي عايشه اااه
ياوجع كلبي صحاني صوت الجهاز يدك
رفعته
الوو
الحجيه....لناس نامت ونت وين
احمد.....جاي بيبي
الحجيه ......اني مانام اله تجي اريد اشوف وضعك ليش هيج رجعت لحالتك
احمد....بيبي ماكو شي سلامتج نامي شويه واجه
الحجيه....مانام منتضرتك
احمد.....سديته منهه وصعدت بلسياره ورجعت للبيت
رغد....... صعدت من الغشه ضايجه كوه ابلع الكمه بس لان مردت احسسهم اكو شي
وخصوصا من بابا سألني شبيهه اديج
اضطريت اكذب علي لاول مره بحياتي
شكد اضوج منك احمد كله بسببك ماحسيت
اله واكفه بابا الغرفه
ودخل بس شنو الي يذبحني ميلكه قطره دم بيه
كمت حتى اخاف قربه
دخل وكلي وجعتج
اصلا مطايقه اجاوبه اكتفيت بلسكوت شكد مليق هاذ نوب جاي يسأل وجعتج لا بس كركرتني عوجت حلكي واكتفيت بلسكوت
بعدين رفع وجهي باثنين ادي باوعتله تمعنت بي وكل تفاصيله
عيونه تقره غير شكل ليشوفه ولا يكول هاذ لجان جوه عبالك غير واحد
تمددت ردت اغفه واجت رنا
رنا.....هااا خير ان شاء الله شنو نايمه
رغد....اممم اريد انام
رنا....دكومي يانوم هاذ بيش الساعه هسه
رغد.....كمت على اعصابي اي اريد انام عندج مانع نعسانه واريد انام
رنا.....وجع شبيج تعيطين دنطمري صوجي اني اريد اسولف وياج
رغد...هف اروح احسن
رنا ....وين موليه كلهه نامت
رغد....مدخلج جوه انام يم بابا وماما
رنا... اخذلج مميه خاف تبجين بليل يسكتونج بيهه ههههه
رغد....نزلت واشوفه كبالي ضلي يباوع عفته ودخلت لغرفه اهلي
علي....هلا بعصفورتي هلا
وفاء....ها لازم اليوم طاكات فيوزاتج واجيتي يمنه
علي...عوفيهه وفاء شنو تغارين تريد تنام يم ابوهه تعالي بعد ابوج وروحه
رغد....رحت بحضنه ونمت
اهلي يعرفون نقطت ضعفي من اضوج لو موجوعه لو مجايني نوم اروح يمهم لو همه يجون بغرفتي
وفاء...واحنه مالنه مكان
علي....هههه شتغلت الغيره
وفاء... شو دنو
رغد... نمت بنصهم وثنينهم حضنوني
ماما تلعب بشعري وبابا يلعب بخدي واذاني اعشق هاي الفقره حتى لوجنت منعسانه انام واني ممصدكه اريد انام وماكدر عاد نمت ومحسيت على شي
احمد.....رجعت للبيت فتحت الباب ردت اروح للحجيه اعرفهه متعوفني
اشوفهه نزلت من فوك ماباوعتلي اصلا راحت
لغرفه اهلهه حتى مدكت الباب عليهم فتحت الباب ودخلت اضاهر متعلمين عليهه
احتمال تريد منهم شي بليل خفت لابيهه شي لان حتى من فاتت موباوعتلي حسيتهه بعدهه ضايجه
وحتى كرهانه شوفتي
دخلت للحجيه
مثل العاده لكيته كاعده ومن تنتضرني تقره قرأن
شفتني صدقت
رحت بس ايدهه وراسهه وطيت راسي بحضنهه
الحجيه.....تربايتي واعرفه من يضوج
حميد ولك جنت اعرف سبب علتك
وهوه بعدهه عنك واعرف تفكر بيهه
بس هسه شجاك ماتكلي اجت يمك وتشوفهه بلطبه والطلعه شبيك يابعد بيتي
احمد....حجيه اذيتهه  وبجيتهه
الحجيه....يااا يمه ليش خطار لبنيه لبارحه اجت
شسويتلهه
احمد....اليوم العصر هيه ورنا كاعدات ياكلن توت ومدمرات ومن رجعت اني ولولد نصبنه عليهن
هاي لادبسز ماكعدت راحه رنا ضلت تركض وره الولد ويشاقون ويضحكون واحد دمر لاخ
واني كلت اروح ادخل قبل ميوصلني السره
الحجيه.....ههه اي
احمد....وشفتهه كدامي معترضه طريقي واكفه وبيدهه توت دمرتني بس بيبي جانت تضحك ومحيت حتى الضحكه من وجهه
الحجيه....شسويتلهه حميد
احمد... بيبي مادري بنفسي وعاصر اديهه واعيط بوجهه هيه ستغربت من تصرفي وماخسيت على نفسي اله من كالتلي اذيتني
الحجيه.....لا يمه موهيج اني صح احبك بس مارضالك هاذ تصرفك غلط وهيه مواقل منك احبهه اكثر منك جي بنت الغالي ومدلله وبس هلوحيده تروح تعتذر منهه
احمد....جا غير من صعدت من العشه رحت ردت اكحلهه عميتهه
الحجيه....شسويت
احمد....هاا لا ماسويت شي
الحجيه ....تضم عليه ولك حميد
كضيته من اذنه وجريته
الحجيه...ااخ بيبي صدك تحجين ماسويت شي بس اعتذرت منهه بس من رجعت لكيته نازله وحتى مابوعتلي ودخلت بغرفه اهلهه
واني اجيتج
الحجيه....شوف ولك تضبط نفسك لاتضل ملطلط وتركض وراها وتخليه تعزز عليك
هيه صغيره تانيهه كم سنه علما تصير الك
احمد....بيبي ومنو يكول تصير الي وتقبل بيه صرت مصدر خوفهه
الحجيه....والله يابيبي مشكلتك هاذ الشي يمك انتم جيل هلوكت اعرف مني
احمد.....كمت يلا بيبي اروح انام تصبحين على خير بس راسهه
الحجيه...وانت من اهل الخير يمه
احمد....صعدت ذبيت السويج والجكاير والجداحه على الميز
اخذتلي تراك ورحت للحمام
شفت رنا طلعت من الحمام سألتهه
رغد ليش جوه
رنا...مدري تنام جوه تريد
احمد....بيه شي لوهيج راحت
رنا...لا هيج نزلت بس تصيح ضايجه من الشي لصار
احمد.....ان شاء الله خير يلا حبيبتي روحي نامي
رنا......تصبح على خير
احمد.....تلاكي الخير حبيبتي
دخلت للحمام وطلعت نشفت شعر ودخنت
اني طبعي ماادخن بلبيت ابد
بس احسهه هيه التريحني وتنسيني همي
تمددت وتذكرت كلام بيبي فكرت هواي كوه نمت كعدت الصبح لكيت الساعه بل٦ كمت صليت ورجعت نمت احس نفسي تعبان ومشابع نوم
علي....كعدت الصبح اليوم لازم انروح للمحكمه نقدم اوراقنه علمود شغلنه
دك المنبه كعدت وفاء على كيف حتى متكعد رغد
وفاء كومي حبيبي
وفاء.....همم بيش الساعه
علي.....بل٦بين متبدلين وتسويلنه ريوك
وفاء....كايمه حبيبي
علي.....بدلت اباوع لعصفورتي نايمه ربي امانتك بنتي اموت بلاها
وفاء...يلا عيني الريوك جاهز
علي...جايج كلبي
طلعت للصاله
لكيت الحجيه كاعده صبحت عليهه 
الحجيه .....صبحك الله بالخير يمه
وفاء......رحت للمطبخ سويت بيض عيون والحجيه مخدره جاي وسالكه بيض
كعدت اميمه دكيت الباب عليهه هم عدهم دوام
اميمه يلا تعالو تريكو
اميمه......جايين لحضه
حضرت الاكل وخليته على الميز
وجبت الكلاصات جاي والحجيه شكرتهن
وخليت اجبان وكيمر
علي....جبت صمون لكيتهم حتى بيت طارق كاعدين
بسم الله ترى هاذ النه الريوك شبيكم سويتو هجمه مرتده
طارق....ليكعد يكول صباح الخير بس ليشوفك ميشوف الخير
الحجيه.....هوه الخير كله
علي....هههه يمه بس انتي ترفعين معنوياتي
اميمه...كملنه ريوك ورحت غسلت المواعين بسرعه ورحت بدلت اني وطارق
وفاء....اميمه مخلتني اغسل المواعين لان همه براحتهم يرحون طارق  ينتضرهه تكمل وياخذهه بطريقهه للمدرسه صارت مديره مال اعداديه بنات
يوصلهه ويروح للمستشفى
طبيت ابدل كملت بقه بس الحجاب
علي.....دخلت لكيتهه مكمله حضنتهه من وره ترى
قميصج كصيف شويه
وفاء...هاا مبي شي جنت لابسه قميص وتنوره
حبيبي سترى فوكا
علي....براحتج بس كملي بسرعه
رحت تمددت بصف طيرتي ابوس بيهه
هيه نزعجت وضلت تتكلب
وفاء.....يم عود عوفهه لتكعد ترعد علينه
وكلهه نايمه وين تروح نوب تريد ويانه تروح
علي....اي خليهه اخذهه وشنو يعني
وفاء...رحت جريته يلا حبيبي وعوفك من بنتك
تأخرنا
علي.....هههه اي كايم شبيج طلعنه سلمنه على الحجيه وطلعت مرتاح احس من سمعت دعائهه رجعتلي روحي وتذكرت كل شبابي
احمد.....نايم وفززني صوت الجهاز
الوو ها يابا صباح الخير
طارق....لك ياصباح كول مساء الخير
احمد....باوعت على الساعه ٢اله ربع
اووف مامنتبه جنت نايم
طارق...يلا حبيبي انزل وشوف شمسوين غده واذا ممسوين اني اجيب زياي خابرت عمك هم على الطريق
احمد....اوك نازل باي
سديته ونزلت لكيت رنا تغسل بلطرمه ولولد بلحديقه رحت لغرفه الحجيه اكيد هيج وكت تريح قيلوله لان تكعد من وكت
طلعت الهم
رنا.....مساء الخير عيوني
احمد...هلا بيج اطلج شطابخين
رنا....والله ممسويه شي بعدني لان بيبي نايمه ومردت اكعدهه
احمد...اوك خابرت بابا كتله مطابخين شي الحجيه نايمه ورنا هوش الله بأرض الله متعرف
طارق......يا حيوان لك لتحجي على اختك 
احمد....هههه يلا هسه بعد شكد تجون
طارق..... نص ساعه جايين
احمد....يلا بابا جاب من بره اكل بس حضري الميز
رنا...ماشي رايحه
احمد....وكفتهه اكلج رنا
رنا....نعم حبيبي
احمد.....اشو رغد ماكو
رنا ......بعدهه نايمه
احمد....هاا عود كعديهه حتى تتغده
رنا......ههه ماشي وغمزتله
رحت لغرفه عمو دخلت لكيته نايمه تقربت منهه رغد كعدي صار دنيه الضهر
رغد....اااه مابيه حيل راسي يوجعني
رنا....اي حقج اذا نايمه لهسه شلون متتكسرين وتصدعين
شغلت الضوه وطلعت يلا اروح احضر شغلات للغده اهلج راجعين
رغد.....كعدت بس متكسره وراسي يون عليه كوه كمت باوعت ستعه بل٢اووف شكد نايمه خرب ولا جنت هيج شجاني هسه
طلعت لكيت رنا تخلط لبن اخذت منهه بكلاص وخليت ملح وشربته
رنا.....ولج باعي حالج ام كفشه هههه
رغد....عابتلج غير هستوني كعدت
رنا...دروحي غسلي ومشطي كفشتج وتعالي
احمد....صعدت للغرفه لكيتهه طلعت من غرفتهه وبيدهه ملابس بس شنو مكفشه ولوجه احمر ولعيون ذبلانه
رغد....اهوو هم صبحت بوجهه استغفر الله
بس ردت ابين مااهتم اني طبعي اخفي للمقابيل بس كلبي مينسه حاولت ابينله اني ممهتمه
كتله صباح الخير
احمد....كولي مساء الخير
رغد...باوعتله صفح ورحت للحمام شكد مليق ياربي
احمد......طبت للحمام وركعت الباب بوجهي خلتني افور
ولج اني  هناك ضابط وعليه العتب وانتي تركعين الباب بوجهي بسيطه ادللي اردهه الج
خليت ونزلت اجو اهلي وبيت عمو لكيتهم مغسلين ومبدلين
معدنه على الاكل نزلت هيه
لعطرهه شبعني رفعت راسي اباعلهه ليش هيج كاتل نفسي وهيه حتى ممنتبهتلي شكد ملطلط اني علكولت بيبي دخلي البسهه فد شنو هيه
بس موبيدي عيوني تلاحكهه وين متروح نزلت لابسه تشيرت ربع ردن ازرك ولبرموده سوده ولشعر ضفيره صفح واصل لحافه لبرموده نكتلت كتل ومحمد كمت ابلعم مااعرف اكل اكل واغصغص الحجيه....شجاك بيبي هاك مي اشرب
رغد.....هااي بابا بوسته وبوست ماما
شلون يومكم اليوم
علي....قدمنه اوراقنه بس بعد بين ميوافقون عليهه والله كريم انتي شلون
رغد....ماعرف دايخه وراسي يوجعني
وفاء....شبيج ماما باله حرارتج
رغد...قاست حرارتي طبيعيه مبيه شي
وفاء ....مبيج شي حتى ممصخنه
علي .....كملي غده بابا واوديج دكتور
رغد.....مبيه شي احتمال لان هسه كعدت
حسن.....اذا انتي صالج يومين نايمه شلون بعد متكعدين متكسره عوفهه بابا تدلل عليك
طارق.....كملي عمو واني افحصج خاف هبوط عندج حبيبتي
رنا....كملنه غده وكلمن راح لغرفته يرتاح وبيبي هم راحت لغرفهه نضفت المطبخ ورغد وياي
محمد...رغد بابا يريدج
رغد....رحت دكيت الباب
طارق ...فوتي عمو
لكيت عمه متمدده
تباوعلي وتضحك
رغد.....نعم عمو
طارق...تعالي بعد عمج قاس حرارتي
طبيعيه
لعدين شاف بلاعيمي
وقاسلي الضغط طلع هابط درجتين
اميمه.....هسه اسويلج عصير يوازن ضغطج حبيبتي

طلعت للحديقه كعدت على المرجوعه
اميمه.....سويتلهه عصير برتقال ولكيته ماكو يم عمهه صعت على رنا رغد يمج فوك كالت لا تلكيهه بلحديقه
نزلت لكيت امي بيدهه لكلاص كالتي اذا طالع هاك اخذه ودي رغد عدهه هبوط خطيه اني شيطلعني للحديقه بدربك اخذه الهه
احمد.....طلعت لكيتهه كاعد على المرجوحه ومغمضه تقربت عليهه وهيه ماتحس ضليت صافن بوجهه شعرهه بلشمس ايصير لونه فاتح ولرمش والحاجب بلون الشعر بس عليهه عكده مال حاجب جنهه عمو اني اباوع وهيه فتحت

يتبع
انتضروني في احداث اجمل
متابعه شيقه❤
#بقلمي
#ضہٰ۪۫ي ﺂلقہٰ۪۫مہٰ۪۫ر