خذ بيدي

#خذبيدي

..........البارت التاسع والعشرين............

#بقلمي

#ضہٰ۪۫ي ﺂلقہٰ۪۫مہٰ۪۫ر

‏﮼اثاري‏﮼الدنيا﮼ماتسوة﮼بدون‏﮼عيونك‏﮼وملكاكً‏﮼❤️

احمد........قراب الشهر اني مانازل للبيت تعبت بدوامي وكرهت نفسي جنت انام على صوتهه والصبح من اكعد على صوتهه شتاقيتلهه كوومه كم مره اتصل ومتجاوب مره بليل كتبتلهه جاوبي حتى لو بس تفتحين خط
رغد.من يوم الخابرت بي ندى ورجعت حالتي تتعب وصار النوم عندي هروب من الواقع بيوم بليل ردت انام وتذكرت كلبي وعيوني شتاقله اتذكر قربه مني وصوته وشكله شتاقيت لكولشي بي بدت دموعي تستسلم تبقه مكانهه ضلت تنزل وحدهه بلصدفه دك جهازي غيرت اسمه جنت كاتبته أماني بس من بعد المشكله كتبته عذابي
رفضته بعدين دز مسج مكتوب جاوبي حتى لو بس تفتحين خط دك مره لاخ فتحت خط  بس ماحجيت اول مسمعت صوته الي كلي لهفه اله
احمد....الوو هاا يلنفس حاجيني يروح احمد
والكعبه تعبت رغد اريدج سامحيني يا روح وكلب احمد
رغد.....اسمعه يحجي ودموعي تنزل بسكته ومخليه ايدي على حلكي علمود ميسمع صوتي من ابجي حاولت اسمع صوته مبين شلون بي فلاونزه من يحجي يجر بلكلمه جر
احمد.....سمعني صوتج رغد خلي النار لبكلبي تطفه رغد بدونج بلا عايش بس بلا روح رغد انتي مدترين شدسوين بيه لتخلين وحده رخيصه مثل ندى تفرقنه رغد جاوبيني بروح امج حلفتج
رغد.....هوه كال هيج شهكاتي بدت تطلع اعلنت الاستسلام
احمد......وللج مااستاهل كل دمعه من عينج رغد لتبجين يروحي بس حاجيني
رغد......مكدرت احجي ولا كلمه بس اشهك وهوه يسمع اخر شي  سمعته صوت لبجي مالته هنا ستسلمت اله كوه طلعت مني كلمه احمد
احمد.....عذبتني ومن سمعت صوت شهكاتهه متحملت بعد من صدك حسيت بفقدهه سمعت صوتهه لتعبان من البجي وشبه مختفي نطقت بأسمي صرت كلي اذان صاغيه
روحه وكلبه وعيونه وكل قطره دم بأحمد
رغد......اكرهك
احمد......حقج يابا حقج اي عقاب تحبين تعاقبيني بي اله بعدج عني رغد داموت شويه شويه
رغد.....ماكدر كل مااريد انسه السويته مااكدر انت الهسه مامتعاقب اريد اشوفك تموت كدامي يلا ارتاح
احمد.....كلامهه كطع كلبي بس تبجي وتحجي
رغد كافي دموع ان جان تردين اموت حتى ترتاحين مستعد اموت بس توعديني وعد متتزوجين لان ماارتاح بكبري اذا واحد طخج لو حبيتي غيري
رغد.....لا موتموت وتخلص من العقاب تموت من الغيره هيج قصدي
احمد......كاافي رغد تعبت ولخلقج وثنينه تعبنه اعرف حبنه تعده حدوده ومستحيل لحب يتحول الى كراهيه
رغد.....صدك مشفت شي بس اوعدك ويه الوقت تشوف وهاا هاي الزباله مالتك خلي تفكر الف مره يلا تتقرب مني ماشي وكلهه بلعافيه عليهه انت لان ثنينكم زباله
احمد..... هاا رغد اني احمد تكولين عليه زباله نسيتيني رغد ترى والله روحي مفرفحه عليج
وهاي اني الهه بسيطه
رغد......بلعافيه عليكم احمد انت نهيتني بيدك سديته منه وكمت ابجي للصبح مانايمه
احمد...سدته وهيه تبجي اعرفهه بعدهه متعذبه بس مابيدي شي رحت لمصطفى كتله تروح لندى خلي تلزم حدودهه لا تحسب نفسهه من عداد الاموات واصير موخوش وياها 
مصطفى.....خير ياطير شمسويه صخام
احمد....لك بنت الكلب كل يوم رقم ودك على ذيج الخبله واني كوه اريد انسيهه الله يعلم شحاجيه وياها
مصطفى.....يصير خير ان شاء الله بس هدي وروح نام
احمد....يانوم هاذ متكولي طلعت منه مرن كم يوم رجعت للبيت تقريبا ب٧ونص الصبح لكيتهم يردون يطلعون سلمت على ابوي وامي ورنا بس هيه من شافتني حسيت دموع بعيونهه سألتهم وين كالت امي نجيب النتائج راحو ودخلت للبيت
رغد....خابرو على عمه وطلعن النتائج ثاني يوم رحنه نجيبهن من طلعنه شفته كبالنه بلبدله والشعر واللحيه شويه طولانه كوه تمالكت نفسي عفته ولا جن شفته مهتميت صعدت بلسياره ورحنه جبنه لنتائج ناجحه ودرجات مقبوله ورنا هم حتى مفرحت بنجاحي لان من شفته تذكرت شكد خاين كرهتك احمد بس ياريت هلكلمه تعبر عن البداخلي رجعنه شفته نفس شكله لامبدل ولا شي مخلي راسه بحضن بيبي ومغطي وجهه بيده الحجيه....هاا بشرو
رنا.......ناااجحه بيبي ههه
الحجيه.....بلعافي بيبي تعالي ابوسج
رنا.....رحت بستهه ونطتني ٢٥حمره ههه
الحجيه.....ونتي بيبي
رغد....هم ناجحه
الحجيه.....ياصلات محمد شو تعالي ابوسج وخذي بياضج
احمد.....اول مدخلت للبيت جان فارغ بيبي محاجه اكوللهه عرفتني من ذاك اليوم بس محاجيتهه او تهربت منهه بس هلمره منطتني مجال اول مدخلت جرتني كالتلي موعبالك مااعرف شصاير اني عرفت من ذيج الليله بس سكتت كتلهه ياليله كالت من يوم الحجه عمك وياك ومن تنام بحضن ابوهه وتشكيله عليك لك يابيبي ليش بليت نفسك هلبلوه هاي خسرت نفسك وخسرتهه وهم عمك شايل عليك كتلهه بيبي فدوه مدام تدرين بلسالفه ليش توجعين كلبي اني لبيه كافيني عفتهه وكعدت على القنفه اجت كالت ماجاي اني اثكل عليك اريد اشيل من حملك شو تعال حبيبي تمددت بحضنهه ارتاح احس اماني كله بحضنهه وخوفي كله بلمست اديهه يروح شويه بين النايم والصاحي اجوي اسمع بيبي تباركلهن بس من تقربت على بيبي تباركلهه اووف ياريحتج امووت والله حاولت اشبع من عطرهه بس بسرعه بتعدت عرفتهه هاذ عقابي لرسمته عليه هوه بعدهه عني وحرماني منهه
رنا.....علاقتنه اني وحسن اجمل واهدئ مايكون لحب لبيناتنه بنينا على الثقه والحب الداخلي صح مبتعدين جسد بس كافي قلوبنه وعيونه تتلاكا
رغد.....يعذبني وجوده اكثر من بعده اتوتر وانجن من اشوفه او اسمع صوته مر كم يوم بلبيت هوه موجود بس اروح للمدرسه وارجع للغرفه مااتواجد بلمكان لهوه بي مرت الايام من يروح صح اشتاقله وكلبي ينبض اله بس كارهته وموناسيه لسوا بيه خلصت كم شهر واجت امتحانات نهايه السنه ومصاير اي حدث مهم كوله روتين عادي هواي حاول يحجي وياي من يرجع بس مااسمحله وحتى يتصل ويدز مسج واني مارد ماريد انطي مجال يكسرني بعد كملنه امتحانات نهايه السنه وكلوبنه نار اني سادس ومنتضره معدل يعدل حياتي موبس دراستي عشت خوف وقلق ولبيت كوله توتر وياي حتى صحتي نزلت من الخوف كالو بعد ٣ايام للنتائج ويوم بألف سنه عليه لحد مانزلت صحتي بلزايد لان خوف وقلق اكل مااكدر اكل حتى نوم قليل انام بيومهه مرحت للمدرسه راحو عمو وعمه يجيبون النتائج بس شنو صار انذار البيت كوله وياي
احمد.....جنت نازل بأجازتي من اخر مكالمه بيناتنه قبل اشهر هواي حاولت اتقرب منهه وتصدني لحد مااني نفسي تعبت خليتهه براحتهه بس ماانكر اسأل عنهه من بعيد واعرف اخبارهه وكافي من انزل اشوفهه واحس بروحهه بلبيت حسيت من صدك خسرت هاي اجازتي ترقيت بيهه بس مفرحان لان هيه بعيده عني ولوحيده هيه مباركتلي اشوفهه شلون تعبانه والتفكير بلدراسهه متعبهه اكثر كعدت الصبح شفتهه تفتر بلبيت وقلقه ولكل يفتر وراها حتى عمو منتضره نتيجتهه
رغد.....بيبي قريلي قران فدوه دعيلي معدل زين
الحجيه.....بيبي تعبتي بس اكعدي موقلقتينه وياج
رغد.....مااكعد بيبي اكلك بابا شو تأخرو دخابر عمو
علي......يابنتي موخابرته ومايرد
رغد......على عمه
علي.....هم مترد
رغد.....اووف والله هلكت شويه سمعت صوت الهورن راح احمد يفتحلهم الباب بس اني رجلي بادت حتى مكدرت اروح اتلكاهم هنا من صدك حسيت محتاجه امي محتاجه احد يواسيني يصبرني يشجعني رغم الكل ممقصر اضافيري اكلتهم كلهم قريت كل السوره القصيره من القران دخلت عمه كلهم تلكوهه اله اني
اميمه.....هاا خير خلوني اكعد نطوني مي
رغد.....راحت رنا تجيبلهه مي بس عمه شكلهه عصبي
الحجيه......ها يمه جبتي درجات البنات
اميمه.....اي جبتهن شمحصله منهن ااني بس شلاع الكلب
رنا.......يمه صدك تحجي وينهن طلعين
رغد.....لكل قريب عليه اله اني حسيت بطني لوتني وجهي صخن
اميمه.....هاج هاي درجاتج
رنا....اخذتهن ناجحه بس شويه نازله درجاتي يلا اهم شي ناجحه باركولي كلهم حتى حسن اول مره يحضني كدامهم هههه بتعدت بسرعه
احمد.....يمه ولي يسلمج صدك تحجي هسه كلنه كبالج جنه مجاديه دطلعي لواله تلعبين باعصابنه
اميمه......اي مو متريد حبيبت الكلب ينشلع كلبهه حتى بهاي تخاف عليهه
رغد....صدك هنا نتهيت شفته متحمس اكثر مني جرهه بلكوه من امه وكام باوع عليهه وباوع عليه
اني من شفته اتقرب مني كمت وكفت اباوع بعيونه وهوه هم لاول مره احجي ويا من بعد ذاك اليوم
ااااحمد شنووو
مدلي ايده بس ايدي ترجف كوه رفعت ايدي اخذتهه منه بس من شفتهه لااا مصدكت اابد
رفعت عيوني اله شفت الفرحه بعيونه
احمد.....اعرفهه كاعده على نار اخذتهه من امي ورحت نطيتهه الهه من شافتهه مصدكت
رغد.....عفت الدرجات اباوع على المجموع وشكد المعدل شفته ه/٩٩ نزلت دموعي هيه صرخه وهيه حضنه اي حضنته من فرحتي حسيت فرحتي تخصنه ثنيناتنه بعدين عفته وكعدت على القنفه ابجي اجوي كلهم خطيه يمي وبابا خلاني بحضنه
علي.....كافي ولج هاي دموع الفرح كومي ركصي كومي هوسي ههههه
احمد.....اااخ ياحضنهه ردلي روحي اتمنه مولحضات كون عمر يطول بس بسرعه وبتعدت فرحت بيهه اكثر من فرحتي بترقيتي
حسن.....شوو باله المعدل
رغد.....لك حسوو ٩٩يعني يطلعلي طبيهه
حسن......هههه الف مبروك بس كافي دموع
رغد.....مسحت دموعي درت على بابا كتله خلي نروح للنجف
علي.....اي نروح حبيبي بس موهسه ارجعي صيري زينه ونروح
محمد......اي وهسه ياجامعه تصيرين
حسن.....غير ويانه بس هيه كليه التمريض لان جامعتنه زينه
رغد.....اي وياكم علمود اشوف هناك شتسوون هههه
محمد.....يبوو اجاك الموت ياتارك الصلاه هسه كل يوم دكتور طارق احصلي كفخه منه
طارق......هاا ولك يعني ماكاعد راحه موو
محمد.....اااخ يابا اذني شمسوي اني غير ابنك حلو ومن كل كليه مصادق ١٠ياهو كالك خليني حديقه زوجني وخلص مني
اميمه......ههههه هاا ولك تريد تتزوج
محمد.....غير اخوي الغبير يتزوج حتى يفتحلي باب
طارق......صدك ابو حسن شنو السالفه شوكت تنطينياها خلصت السادس خلي تصير بس خطوبه والله كريم للزواج
رغد.....من سمعت عمو هيج يكول تسارعت ضربات كلبي عصرت ايد بابا بكل قوتي ابد مامستعده افكر اصير اله مو يصير ارتباط
علي.....موهسه ياخويه بعد وكت
الحجيه.....لا مابعد وكت تصير خطوبه حسن ورنا ورغد واحمد سوه والله كريم للزواج مثل ماكال اخوك
علي.....يمه بكيف البنيه لدخلوني بلموضوع
طارق.....ياخويه غير انت ابوهه وكل اخوهه
اميمه.....هاا ابو حسن شو جنك ماراضي
رغد.....عفتهم ورحت فوك وصعدت رنا وراي
رنا.....لج شبيج غبيه لولد حتى تمرض بسببج شوفي حالته شلون
رغد....اسكتي رنا ماريده مااكدر افكر مجرد تفكير ارتبط بواحد خاين
احمد.....من بابا فتح الموضوع حسيت عمو متردد وبابا وبيبي لحو علي وشفته مكدر ينطيهم كلمه مولان هوه مقابل بس اعرفه لان هسه صار الامر خارج عن ارادته صار بكيف رغد وهيه هسه من سمعت عافتنه وصعدت واضحه المسأله كتلهم
لا موهسه ماريد شعندي خليهه تكمل
محمد....اي واني شنو ذنبي اضل منتضرك
اميمه.....صدك احمد شوكت بعد كافي عاد تره مصختهه
احمد....اني كلبي بس الله يدري بحركته وهمه لحو مدري شلون عطت بيهم كااافي عااد ماااتزوج هييه كووه
طارق.....للك كللب بكييفك ااحنه بنت عمك واجت يمك وحاجزهه بعد شتريد ترى والله اي واحد يجي انطيهه اله
رغد....سمعته بس العياط جوه خفت لابابا تعارك ويه احمد بسرعه نزلنه اني ورنا سمعت عمو يكله انطيهه وهوه عبالك بركان ونفجر بس شنو اول مره هيج مشكله تصير كدامي والاغب بسببي كمت ارجف رنا تباوع لحاله اخوهه وابوه يتعركون هم ضلت تبجي
احمد......اااي سووويه حتى ووووحق اللحق اكتله واكتله واكتل نفسي شرايد مني انته كل يوم فاتحيلي الموضوع
طارق ......لك انت شنو هاا متحترم لاجبير ولاصغير
الحجيه.....ياايمه سم بسم الله شبيكم عين وصابتكم
رغد....تقرب عمو وضربه بس ياريت الضربه بيه موبي اشوفه بعده يريد يضربه نزلت اركض ولكل تفارغ بي جريت عمو كتله فدوه عمو لا تعيط علي ليش مديت ايدك علي اني ممستعده ازوج هسه هوه ماله ذنب ليش هاي المشكله كلهه احجي وابجي
علي......خويه صدك جذب هاي انت هيج هاذ احمد لونسيت
طارق......مانسيت بس موتني ماعرفه شيريد
رغد.....كافي عمو لخاطري عوفه اني من اكون جاهزه اكله
طارق.....ماكو عوفوني ليوم ويا لواني لوهوه
لك احمد لوتتقدم لبنت عمك لو انطيهه
احمد.....موبكيفكم فهممتو وماامشي بشور ااحد اني
طارق.....لكم بس وخرو مني خلي اربي من جديد
اميمه....كافي طارق شسالفه
لك حسن طلعو اخوكم بره
علي.....دتعال شبيك شنو مزاعيط احنه صوتكم واصل راس الشارع على سالفه تعبانه
طارق......ابن الكلب بكيفه صار سنين نمشي نكول مريض ومنريد حالته ترجعله كافي تأذه وهوه صغير بس بعد اني الك احمد
رغد......جرو احمد وطلعو بلحديقه عصبي ناار يخوف ومنا عمو كل شويه وهد علي منا علما بابا عاط بيهم وسكت عموو عفتهم وطلعت للحديقه شفته نارر ويدخن ولولد يمه
احمد......رفعت راسي عليهه هه جاي تتشمتين موو
رغد....ابوعله تقربت منه انت شنو نوعك من البشر اتشمت على شنو هاا ليش ناسي كل هاذ الصار بسبي
حسن.....تعال محمد خلي نشوف عموو اخذت محمد ودخلت عفتهم يحجون براحتهم لان كل الصار اخر فتره اني اعرفه لان مره رجعنه اني واحمد من الشارع لكينه احمد بلحديقه بيهه دنيه ليل وكلهه نايمه كعدنه يمه نحاجي ماكو ميرد بس جان بيهه مبين وضعه موطبيعي بي شي حتى يمكن باجي لحيت علي كوه يطلع بلكلمه سطرهن كلهن كدامي حرت شسويه بوكته اجيت اتعارك ويا ومحمد فارغنه خطيه رغد علقهه بي وعافهه اني صح احب اخته ورايدهه زواج بس ابد متقربت منهه ومن شفتهه كدامي وختبرتهه كم مره حسيت فعلا هاي الانسانه الي اكدر اامن مستقبلي يمهه وصار كم سنه غير الصداقه معندي وشكد بنات حاولن وياي منطيتهن مجال اني صح جنه بلد منفتح بس مجان عندي هاي السوالف ابد حتى جنت اكره شي اسمه حب وماامن بي بس من شفتهه وبقينه كم يوم يمهم لا لكيت نفسي واكع بحبهه بس بيني وبين نفسي اكول هاي دنيا وكولشي بيهه ماريد اخذلهه ولا تخذلني بس تأكدنه من حبنه بتعدنه عن بعض من يجي ليوم لمناسب لا اكيد ننجمع ومحد يفرقنه بس عجبني احمد يحب رغد حب مجنون وهيه صح اختي فاهيه بلبدايه ويا بس كرجال اني حسيت بحبه الهه بعدين شفت بعيونهه وعيونه الحب نفسه عفته براحته وتعجبت بليلتهه من عرفته متزوج بس لهداني طلكهه وميريدهه وفهمني هيه لاطشتله ومجرد نزوه وراحت حتى هاذ الموضوع مااذه بس رغد وحدهه اذه الكل اشوفهه شلون تتعذب كدامي واغلس ماريد ازيد همهه واشوفه هوه من ينزل عيونه تلاحكهه وين متروح
رغد......عافونه الولد ودخلو
احمد.....شعليج انتي وتكولين بسببي
رغد.....باوعت علي خطيه خده احمر نقهرت علي حسيت اول مره اخاف علي موبس احبه كتله ليش هيج سويته كله مجان اله داعي تكدر تسد الموضوع بكلمه وحده وتكلهم اتفقنه بيناتنه موهسه تصير الخطوبه وخلاص
احمد....يعني حليتيهه انتي خطيه لج ابوي واعرفه يضل ينك عليه لحد ماانفجرت بوجهه
رغد.....بقيت بس اباوع علي كتله توجعت من ضربك
احمد.....رفعت راسي بسرعه من كالتلي هيج شفت بعيونهه خوف كتلهه
تخافين عليه لو مقهوره اصلا انتي هسه كون ترتاحين على الشي الصار لان لسويته وياج موشويه
رغد.....اي صح بس اني الوحيده الاتأذيت بلشي السويته واني الوحيده ليحقلي اعاقبلك واذيك بس ممسموح لغيري يأذيك
احمد.......وشيفرق هاا كوليلي كله عذاب واحد
رغد.....لااا عذابي غير عذابي لهسه مضايك منه شياحمد.....موكافي بعدج عني هاذ اكبر عذاب اليه رغد موكافي عاد لتنسين حبي الج ترى عايش عذاب محد حاس بي بس الله
رغد.....جر ايدي وباسهه سحبتهه منه خله ودنك
احمد.....تدرين اليوم رجعتلي الحياه احس حضنج هوه حياتي وطني يمج وبيج استقر وانسه الدنيا وتعبي وضيم الدنيا كلهه رغد احلفج بداعت امج كافي غلطت واخذت عقابي وزايد
رغد.....يحجي ودموعي تنزل اخذته من ايده كتله تعال اخذته جوه دخلنه لكيناهم كلهن نفس كعدتهم عمو من شاف احمد اجه علي وكفت بوجهه وكتله عمو كافي اذا تريد تأذي هاي اني كدامك اذيني الي بلاول وبلنسبه للخطوبه فأاني

يتبع
انتضروني في احداث اجمل
متابعه شقه❤