خذ بيدي

#خذبيدي

........البارت الثلاثون...........

#بقلمي

#ضہٰ۪۫ي ﺂلقہٰ۪۫مہٰ۪۫ر

كذنبٍ كلَّما تبتُ منه..عُدت بلهفةٌ إليه!🔥

احمد.....موكافي بعدج عني هاذ اكبر عذاب اليه رغد موكافي عاد لتنسين حبي الج ترى عايش عذاب محد حاس بي بس الله
رغد.....جر ايدي وباسهه سحبتهه منه خله ودنك
احمد.....تدرين اليوم رجعتلي الحياه احس حضنج هوه حياتي وطني يمج وبيج استقر وانسه الدنيا وتعبي وضيم الدنيا كلهه رغد احلفج بداعت امج كافي غلطت واخذت عقابي وزايد
رغد.....يحجي ودموعي تنزل اخذته من ايده كتله تعال اخذته جوه دخلنه لكيناهم كلهن نفس كعدتهم عمو من شاف احمد اجه علي وكفت بوجهه وكتله عمو كافي اذا تريد تأذي هاي اني كدامك اذيني الي بلاول وبلنسبه للخطوبه فأاني
مستعده للخطوبه من كلت هيج باوعت على بابا عيونه تسألني الف سؤال والصدمه بوجوه الكل اباوع عمه ورنا وبيبي الضحكه ماليه وجهن وعلامات الصدمه على احمد ولولد بس عمو جرني لحضنه
طارق......لج بنت الغالي شو تعالي بحضني ههه الف مبروك ياعمو بس ولو هاذ المطي مايستاهلج الارعن
الحجيه....الف مبروك يمه وكلللليش

كل الأمان في حُبك فأعتذر لسوء ماحدث ودعنا نتعانق 💛🌻

احمد......صدمت عمري من انطت موافقتهه كدام لكل اباوع اريد واحد يكرصني خاف حلم وافز منه غمضت عيوني وكلت يارب اذا حلم لتفززني منه ابد وان جان حقيقه يارب الف الحمد لله فززني صوت بيبي من هلهلت  اباوع لكل يباركلهه وبابا كلي هاا حتى بعد ماعندك عذر اني لهسه ممستوعب مدري افرح مدري احزن لان الشي الصار صدمني الصراحه اباوع جنهه ورده ذبلانه عافتهم وصعدت بس تتصنع الابتسامه كدامهم
كعدت يمهم على اعصابي وعمو كلي تعال سلم على ابوك وبعد لتعيدونهه سلمت عليبس احس اكو نقص بداخلي اشوف عمو قلق واعرف على شنو رغد بموافقتهه صدمتنه كولنه وحتى عمو معرفهه ليش هيج سوت هوه ممعارض على الخطوبه بس الي هوه يدري بي انو هيه متقبل ورافضتني تمام كعدت بس لك يحجي ويسولف والفرحه لامي ولبيبي من هسه بدن يجهزن ويخططن واني محتار وخايف منهه لان شكلهه ميطمن او احس شي ناقص
رغد.....من شفتهم شلون يتعاركون كدامي والسبب اني وكل هاذ جان بابا بلنص ردت انقذه من كل هلمشكله وشفت شلون عمو ميعرف بأحمد شمسوي لذالك يلح علي ومكدر يحجي خلانه كولنه بموقف صعب هوه يرفض وبابا يرفض علما علكت بيناتهم حسيت بتأنيب الضمير من شفته نضرب واشوفه جنه اسد مجروح احبه اي احبه وماكدر اشوفه يتعذب كدامي قررت واصلا شفت نفسي مقرره انو اوافق بلخطوبه هاذ الشي مومعنا نسيت السوا بيه ولا سامحته بس يكفي لصار تعبت واني اتخيله واحلم بي مره حلمت بأمي تمشي وكامشه ايدي اجه احمد من بعيد تقرب علينه اخذت ايده وخلتهه بأيدي عافتني وراح اني اصيح بصوت عاليه ماما لترحين وتعوفيني ماما اسمع صوتهه تكلي مرايحه بس عفتج يم احمد ابقي يمه ولاترحين من كعدت حسيت هيه تريدني اله ومن بعد هاي المشكله نطيت موافقتي كافي انسه الصار
رنا.....لج هلا مرت اخي
رحت عليهه ونمت فوكاها
رغد.....لج غبيه خنكتيني وخررري
رنا.....ولج غير راح تعوفيني وترحين اريد اشبع منج حيوانه
رغد....والله بطرانه وين عايفتج متكوليلي
رنا.....اي عيني هاي من شوكت التطورات
رغد.....ياتطورات
رنا.....لج انتو مو متزاعلين شوكت تصالحتو وشوكت قررتو الخطوبه
رغد....متصالحنه وبلنسبه للخطوبه متشوفين صارت مشكله شكبرهه شكدهه مردت بابا يتخلا بلامر الواقع فقررت تصير الخطوبه
رنا.....ااممم صدكتج عاد ضربتهه على راسهه دكولي كلبي وجعني من شفته نضرب
رغد.....لاااا
رنا......ايي مبين شلون وكفتي بوجه بابا وخليتي وره ضهرج
رغد.....كافي رنا
رنا.....والله ولا كافي اعترفي يلا تحبينه لاخويه ومتكدرين بلا كمت اكركر بيهه ونايمه عليهه
رغد....لج حيوانه وخرري اااه بابا حسوو وخر هايشتك خنكتني
رنا......محد يسمعج كلهم جوه يلا اعترفي كولي احبه وماكدر من دونه بسرررعه
رغد.....اااه ااااي بس وخرري
رنا.....اي شنو هااا
رغد.....احببه لاخوج والله احبه بس وخري
رنا......هااا شبيج ولج ليش هلدموع
احمد......شويه وصعدت ردت اطلع بس صعدت ابدل واسمعهن يحجن وكل كلمه سمعتهه منهه ردتلي  روحي ورنا زودتهه وياها بلشقه وهاي مختنكه من وصلت كلمه احبه لاخوج والله احبه هل كلمه رجعتلي الدم بيه بس من شفتهه بجت اعرف اني لسبب فتحت لباب وكمت اباوع عليهه
رغد....خلتني اعترف بحبي اله ومدري شلون طلعت الكلمات من كل كلبي بس احس خنكه بصدري من حجيته بسرعه نزلت دموعي ورنا كالت ليش هلدموع عاد هنا متحملت نفجرت بلبجي احس اريد احجي وابجي واشكي كافي شايله هلحمل بصدري تعبته اريده وماريده بس من رفعت راسي لكيته واكف بلباب وعيونه تباوعلي بحزن مكدرت اسكت واتقوه مثل كله مره اصير قويه كدامه هلمره لا اريد اشكيله منه اله ضميت راسي بين رجلي وكمت اشهك
احمد.....اشرت الرنا طلعت خطيه عافتني وحدي وياها تقربت منهه كعدت على الجربايه قريب منهه
كتلهه حقج مالومج طلعيهه وارتاحي
رغد.....هوه كلي هيج ونهديت بلبجي رفعت راسي وكمت اضرب بي واكله اااااكرهك كلللله منك
احمد.....احسه مثل لفقدت عليه كامت تضرب بيه وتبجي ثبتت اديهه ولجريتهه لحضني بس اهديهه احسهه متكدر تصيطر على نفسهه 
كافي رغد كافي بس اهدي خلي نتفاهم
رغد......وخر ايدك ابد لتحاول طخني اني اصلا كارهتك ومطايقه شكلك وووخررر
احمد.....بس باعي لتريدي يجرالج انتي الوحيده اليحقلج توافقين وترفضين
رغد.....اااه احمد كللبي يووجعني بسببك لييش هيييج هاا بشنو اذيتك اني ابد مجنت اعرف الحب شلونه ولا حبيت من قبل من فتحت عيوني عرفت الحب الك وبس وهوايه شغلات تخليت عنهه بسببك صرت منبوذه من الجميع بسببك صرت اليريد يتقربلي حتى ولو بكلمه يحسب الف حساب الك الناس كولهه تعرف اني اخصك محد تجرأ بكلمه وياي وهسه شنو احمد هاا انت هيج قتلتني واني بعدني عايشه تعرف احمد شنو شدحس هسه احس اني انخذلت من اقرب شخص لكلبي احمد انت بفعلتك هاي كتلت شكو حب الك بداخلي
احمد.....اسمع كل كلمه تكولهه تزرف كلبي هيه تحجي وتبجي واني اسمع ودموعي تنزل بدون مااسمحلهه هيج مكدرت اقاوم كتلهه كافي رغد وليرحم والديج انسي الصار كله وفكري بحياتنه بس احنه الاثنين هاا وانسي الناس كلهه فكري بيه وبحبي الج فكري من نكون شخص واحد ومحد يكدر يفاركنه فكري بشغلات حلوه وين اخذج شهر عسل وين تردين ترحين فكري يادكتوره كلبي كافي ترى والله اذيتيني وبعد ماكدر اتحمل
رغد.....هه بلعافيه عليك جسدي اما روحي فأنت قتلتهه بيدك
احمد.....لج اني اريد روحج وبرائتج وحبج وحنانج الي صدكي ماريد غير شي
رغد....وذني كولهن معندي مستعد ترتبط بوحده متبادلك نفس المشاعر
احمد....ااي اقبل بكولشي تدرين صوتج كافي عليه اوعدج ارجع حبي بكلبج
رغد......خلاص بس لتنتضري مني شي اني موافقه
وحدد موعد للخطوبه واني جاهزه
احمد.....رغد اريد موافقت روحج موالسانج
رغد....احمد خلاص لعندي كلته
احمد....ماشي رغد براحتج
طلعت منهه معرف فرحان لان حتصير الي او حزنان لان كلبي قابضني نزلت جوه ردت اطلع وكفني صوت عموو بلحديقه
علي.....احمد تعال عمو
احمد....هلا عموو خير
علي....فهمني ترى كولشي مفهمت
احمد.....عمو اني هم مفهمت اي شي بنتك انطت الموافقه ولهسه هيه ممتقبله الصار
علي.....هاا يعني انتو ممتفقين
احمد....لا عمو مثلك تفاجأت اصلا هسه جنت احجي وياها الفهمتهه منهه تريد هيه الخطوبه تصير بس ممتقبلتني
علي.....ان شاء الله خير بس اسألك سؤال انت بعدك رايدهه
احمد.....عمو صدك تحجي اني اريدهه حتى لو اخر نفس بيهه اريدهه ماريد غيرهه
علي.....انت كلت وافقت على الخطوبه بس ممتقبلتني تعرف معنى هلكلام
احمد....عموو اعرف بيهه بس اوعدك هاذ مجرد مشاعر مؤقته لومامتأكد منهه تريدني اني مااكدر اضلمهه وياي
علي.....الله كريم اني هسه هم احجي وياهه ولشوف ردهه
احمد.....براحتك عمو
علي....صعدت الهه شفتهه كاعده بس مبينه بنتي حزينه لواعرف هيج تتأذه مجبتهه لهنا بنتي ورده وداشوفهه تذبل كدامي واعرف احمد هم مابيده شي بس شسوي ثنينهم اعزاز واحد يحب لاخ
هاا يابا حتى ملحكتي تفرحين يادكتورتنه
رغد.....ههه شوفتك عندي بلدنيا كلهه
علي.....خاف بعد تصيرين دكتوره ومتتحاجين
رغد....ههه لا ابد الفضل الك
علي.....والفخر الي
رغد....اني الي افتخر بيك لعدهه هيج اب متفكر بأي شي ربي يحفظك ويخليك الي
علي.....لعد شبيج يابنتي ليش هيج شاغلتلي بالي
رغد.....دنكت احس اي واحد يحجي وياي بهلموضوع عبالك جرح وينفتح
علي......باعي حبيبتي اني عندي سعادتج بلدنيه كلهه بس كليلي احمد شنو بلنسبه الج قبل وهسه
رغد.....جان بلنسبه الي اماني ومأمني قبل حبي عرفت الخوف والحب منه اول بدايه مجنت متفهمه هاذ الخوف الي بداخلي شنو بس من عرفت خوفه عليه وغيرته وحبه عرفت بنفسي اني احبه واريده بابا اني لشي لصار لوكايلي ومعترف بي جان تخطينه هلمرحله بسهوله
علي.....بس يابا احمد ماانكر غلطه بس سبق وكتلج هوه متندم وبعدن مشكله ونحلت لبنيه هوه ميحبهه اصلا وزواجه منهه هيج مجرد الحاح منهه ولتنسين هاذ لشي صار قبل لاانتي تجين وهاذ يسموو ماضي ومالج حق تحاسبينه بس يابا لبنيه راحت اسالي اذا جان يحبهه اني اكلج عوفي بس هوه يحبج الج وحدج
رغد.....يعني قصدك حريجع كولشي لمكانه
علي....بلضبط وراكم ايام حلوه بس حاولي كل متشوفينه لاتتذكرين انتي ولا تذكرينه بلشي لصار
لان ايمل الولد صار كم شهر وهوه يتمنه كلمه منج
رغد....هاذ هو خلاص بابا معندي مانع للخطوبه بس الزواج ممستعده اله هسه
علي.....خلاص ياحبيبتي ولتنسين اني واخوج وياج وشتقررين احنه وياج
رغد....الله يخليكم الي
من بعد كلام بابا نسيت كرهي اله وبلشت استعيد حبه بكلبي
احمد......من بعد ماطلعت رحت يم الولد خطيه فرحولي بس ضلو يحششون عليه واني مالي خلكهم عفتهم ورجعت لكيتهم مخلين العشه ويتعشون وهيه وياهم شفت بعيونهه لمعه مومثل قبل حتى متباوع بوجهي من ادخل
الحجيه ......كومي بيبي جيبي لزوجج ماعون خلي ياكل
رغد....كمت اباوع على بيبي كتلهه بيبي انتي بس لا تسبقين الاحداث
الحجيه.....ها ولج لصفيره شو تردين بوجهي
احمد.....بيبي خليهه اني اجيبلي ماعون بعدين ليش تكولين عليهه صفيره
طارق......اي يمه صدك ليش هيج تكولون
الحجيه.....اكلتوني وشربتوني بعدهه مصايره الكم وهيج دافعولهه
محمد.....اي بيبي غير مرت اخونه جم احمد عدنه
الحجيه.....خاب نجب انت ميت على احمد غير تريده بس يتزوج علمود يلوحك السره
رنا.....صدك احمد تتذكر لبنيه ام علج ليش منجيبهه لمحمد
رغد.....وانتي ملكيتي غير هاي اهمداج اكوم احسن
اميمه.....هههه تعالي ماما اكلي
رغد.....هسه عمه بس اجيب ماعون لا ست زهره تشغل المضرب مالتهه
احمد.....هههه اضحك عليهه من بعد مده مشايفهه تشاقه وتضحك احس جو البيت اليوم حلو جابتلي ماعون وخلته كدامي بس عود تمثل الثكل كدامي ههه
رغد.....كعد ياكل بس كل مااباوع علي الكا يباوع هه كملنه العشه ورحنه للمطبخ اني ورنا كملنه وجبنالهم جاي وكعدنه بلصاله كلنه
طارق.....اي ابو حسن شوكت تريد الخطوبه
رغد.....من حجو بهاذ الموضوع لاارادين باوعت علي شو هاذ غمزلي ويباوعلي بنضره الانتصار
ههه عايش لحضه خطيه
علي....كيفكم مدام عطله انتو حددو
الحجيه.....السبوع الجاي احسن
احمد.....لا موهسه لان عندي انذار باجر اروح وارجع بعد سبوعين  نحدد
طارق......خلاص انت من ترجع تلكه كولشي جاهز
رنا.....عفيه ترى اني اخت العريس جيبولي بدله ويه العروس
حسن.....وشعندج بدله قابل خطوبتج
علي....صدك ليش متخطبون سوه
ومن تكمل السادس تتزوجون
حسن......لا تصير محلوه خلي تكمل سادس والله كريم
رغد.....باعولهه للهايشه انتي وين تصير بدله وياج نوب مسويه نفسهه خجلانه
رنا.....هااا هاي عليمن شو تعالي
رغد.....رنا كاافي موجنج ثور هايج
رنا....دتعالي باله منو الثور كمت اركض وراها ويه بس تتختل كلهم يضحكون علينه
رغد.....باباا
علي.....اني مدخلني منو كلج تتحارشين
حسن.....اي تستاهلين هههه
رغد.....هيج موو شفتهه صدك هاي تحجي مو تشاقه ماكو غيره رحت ورى حميت بضره اجت تتقرب مني هيه وصلت يمي ونجرت
احمد.....اعرفهه فاهيه اذا هجمت رنا عليهه تضل بس تعيط شفت لكل يضحك عليهه وميحاميهه ختلت وراي واجتهه رنا عبالهه اخليهه جريت رنا من اذنهه شو تعالي شتردين تسوين هاا
رنا.....هااا هه دااشاقه وياها شبك جنك لبوه اخذو جهالهه
احمد.....عفيه هوه اني هيج اني اسد ولوراي لبوه مالتي انتي مره روحي طخيهه
رنا.....هددني واعرفه خبل اباوع عليهه تعيب عليه من ورى كتله ماشي ماطخهه بس عود بليل بالج على نفسج
احمد.....هااا رنااا
رنا......ماشي درينه درينه
حسن......رناوي ايدج الج
رغد.....هاا حسو صدك
حسن......اي موالاسد كدامج وتخافين
رغد.....لا مااخاف اني من هايشتك
رنا......بااابااا
الحجيه.......وتالي وياجن شلوون باله صرتن عرايس وزلمجن كدامج
رنا.....بيبي غير هيه تكلي الهايشه
رغد.....يووو اسفه يلرقيقه يلرشيقه اسفه
رنا.....غصب عنج رقيقه ورشيقه خوما مثلج ليل كله تونين على حبيبج
رغد......من كالت هيج اعرفهه بلا قصد بس حسيت لكل يباوعلي منتضر مني ارد عليهه
عفتهم وصعدت
احمد.....باوعت على رناا خزرتهه
رنا.....هاا هاي شبيهه لخبله اشااقه وياها
احمد.......رنااا نتبهي على كلامج مفهوم
عفتهه وصعدت اباوع الهه ضايجه
هههه شبيج ولج تشاقه متقصد
رغد.....هاي اقرب صديقه الي عيرتني بيك احمد هاي اختك عود لغريب شلون
احمد.....كتلج متقصد بعدين مدامني اشتم الهوه محد يكدر يعيرج ويلا انسي بعدين شتحب اجيبلهه خطيبتي بمناسبه نجاح حضرت الدكتوره
رغد....هه ماريد
احمد....ماريد ابتسامهه اريد ضحكه عريضه كافي دموع كاشي
رغد....هزيت راسي معنى اي
احمد.....انتضريني هنه سبوعين وتصيرين الي مابيهه مجال
رغد......يلا انزل ماريد اشوفك هواي
احمد......هاا هيج صارت شوفتي ملل بلنسبه الج
رغد.....لتفسر بكيفك بس اريد ارجع ذكرياتي لحلوه وياك ومن اشوفك اتذكر سلبياتك
احمد.....اوك رغد اني رايح وباجر ملتحق من ارجع اريد رغد لقديمه وهاا من اتصل عليج ردي
رغد.....الله كريم
احمد.....رغد احبج والكعبه
رغد......ادري
احمد.....ياضالمه تدرين وهيج تتصرفين وياي لوماتدرين شتسوين
رغد......مجان شفتني كدامك
احمد.....اخذت اديهه بستهه وكتلهه ديري بالج على نفسج وتذكري لولفيتي لعالم كله متلكين شخص يحبج مثلي عفتهه وطلعت درت عليهه قبل لااطلع كتلهه باجر اذا تكدرين الفجر تكعدين خلي اشوفج قبل لاالتحق
رغد.....باوعتلهه كتله الله كريم
احمد....رحت للغرفه لكيت امي تحضرلي الجنطه
اميمه.....شوف شنو ناقصك واخلي الك
احمد....تسلم ايدج ست الكل
اميمه.......اكول احمد وين جنت
احمد......هههه واذا تعرفين ليش تسألين
اميمه.......يمه اثكل شويه بعد سبوعين وتصير الك
احمد.....ههه اي شيصبرني راح يصيرن سنتين موسبوعين
اميمه.......يلا نام لتضل تفتر علمود تكعد من وكت
احمد......الله كريم ههه يلا نزلي لدكتور طارق
اميمه.......يمه ابوك ويريد مصلحتك لتشيل علي
احمد......يمه يمد ايده عليه اني طفل كدامه
اميمه.......يمه غير انت عصبي ياحبيبي يلا هسه هانت وصفينه
احمد......هاذ هو لتضوجين نفسج
اميمه....محتاج شي بعد
احمد....لا يمه تصبحين على خير
اميمه.......وانتي بخير حبيبي بالك على نفسك
احمد.....اخذت الجهاز كتبتلهه كاعده لو نايمه
رغد.....من طلع اجتي رنا تبوس بيه منا ومنا كتلهه بس وخري مني خجلتيني كدامهم كلهم
رنا.....لج والله موقصدي
رغد......اي ادري احجي وياهه واجاني مسج قريته بتسمت شتاقيت لايامنه ذيج كتبتله نايمه
احمد......اي ومنو ديكتب ابوي
رغد......اي بس بالك لا تتحارش بي لان صاير يوزع راشديات
احمد.....هاا لازم فرحانه مو..
رغد.......ابد تمنيته بيه
احمد......ااخ اروح فدوه لجدي لان خلف عمي وعمي خلفج
رغد......هههه
احمد.....ضحكي يابعد كلبي انتي
رغد......يلا نام وراك طريق
احمد.....ماشي وانتي نامي هم
رغد.....تمام بيش ساعه تطلع
احمد......اكعد بل٥واطلع بل٦بين ماابدل
رغد......تصبح على خير
احمد.....وانتي لخير كله احبج والكعبه
رغد......هههه شكد احبه من يكول هلكلمه احبج والكعبه ضليت مانايمه بداخلي فرح خوف هيج احساس متضارب ضليت منمت للفجر بس اقره مسجاتنه واباوع على صورنه صارت ٤ونص كلت خلي اكعده رحت مكدرت ادك الباب اول مخليت ايدي نفتح الباب بي طبيعه ميقفل الباب من ينام مرات بلشته بارده يعوف الباب مفتوح نصه دخلت اباوع ضلام بس داخل ضوه من البالكون على الشباك تقربت منه اكثر همستله احمد
احمد.....مدري شكد نمت حسيتهه يمي عبالك حلم هلكد ماقريبه عليه بس من كررت اسمي واديهه الناعمه نخلت على شعري فزيت بعيوني النعاس اباوع عليهه هيه
رغد.....صباحوو
احمد......ياصباح العسل ياريت الصباح كله هيج مو لو مصيفيان لو عزيزان الكاهم كبالي
رغد.......هههههه خطيه
احمد.......اضحكي يبعد كلبي يرحولج فدوه
رغد.......كافي ويلا كوم صار من نص ساعه اكعد بيك شكد نومك ثكيل
احمد......ههه لا بس عبالي حلم وانتي يمي كلت ابقه نايم واشبع منج لوادري بي حقيقه جان كعدت من البدايه
رغد.......صارت بل ٥هم يلا تكول تغسل وتبدل
احمد.....واذا فد كلاص جاي من ايدج الحلوه وبيضات عيون
رغد......هاي شنو موجنك كثرانه طلباتك
احمد.......اي غير اعلمج من هسه تكعدين وتسويلي ريوك
رغد......لا لعد هاذ طيحان حض اني اريد واحد يكعدني للدوام
احمد......هههه لا هاي هيه ربحنه شو وخري كمت رحت للحمام رجعت ملكيتهه
رغد.....احنه عدنه مطبخ فوك بس للشغلات الخفيفه بس بي كولشي رحت خليت قوري صغير على الطباخ خليت بي جاي ونزلت جبت بيض وصمون جان بلثلاجه  وصعدت سويتله صينيه طببتهه لغرفته لكيته لابس البدله يمشط بقيت صافنه علي البدله والرتب زايدته هيبه وشخصيه
احمد......هلاا والله معدله بنيتي باوعتلهه شبيج صافنه
رغد.....هاا لاا ممصافنه
احمد.....جيبيلج كلاص وتعالي تريكي
رغد.....لا ماريد ماحب اكل الصبح
احمد....شبيج بس تعالي سويلي واهس
رغد......جبت كلاص وخليت بي حليب وجاي وجيت كعد يمه اشرب
احمد......كعدتج هاي كدامي تسوه لدنيا عندي
رغد......هه لتخليني اكوم
احمد......يلا سكتت هههه اروح فدوه للتخجل
رغد.....اااحمد هاا
احمد.....روحه وكلبه وعيونه كلهن كدامج
رغد.......يلا كاافي
احمد.......لج غير اعيشج الحضه هاي من نتزوج كل يوم هيج
رغد......هه انتو لرياجيل معدكم امان تملون بسرعه
احمد ......ااافه اكو واحد يمل من روحه
يلا حبيبي لواكدر جان بقيت وياج بس هم ياله اوصل
رغد......كام لبس ساعته ومشط وخله عطر اني بس صافنه عليه
احمد.....لتفتت عليهه تصفن هواي تقربت منهه
شبيج رغد همم
رغد......مدري بس كلبي يدك بسرعه وخايفه وبالي ممطمن
احمد........جريتهه لحضني لتخافين هاي اني يمج وانتي بين اديه محد يكدر يفرقنه بس الموت
رغد......صدك حسيت بأمان فاقدته من زمان بي من حضني حسيت رجعلي اماني ومأمني بقيت بحضنه دقايق مليت ريتي بعطره رفعت راسي كتله بالك على نفسك
احمد......رغد راح ادير بالي على نفسي بس علمودج رغد ابد لتشكين بحبي الج
رغد.......استمع لكلماته بس عيوني مغمضتهن ماكدر اباوع بعيونه وهوه يحجي هيج وياي

💛🌻عانقني حتى افقد نفسي داخلك.

احمد........اشتياقي الهه شي عجيب بهاذ اليله ملكتني الدنيا كلهه اخذت وجهه بين ايدي اباعلهه مغمضه ماعرف شلون تجرأت وبستهه
رغد.......فتحت عيوني تفاجأت بلشي لسوى
احمد......درت وجهي منهه ااسفه مجان قصدي
رغد......عفته وطلعت بس احس كلبي يريد يطلع من مكانه كمت اضرب على راسي كله مني شوداني اله وبهيج وقت خليته يطلع دخلت لغرفته اخذت الصينيه بس سمعت صوت باب الكراج ينفتح عفت الصينيه ورحت لباب البالكون طلعت اشوفه مطلع السياره وراجع للباب يسده
احمد....تندمت بلشي لسويته بس بوكتهه مدري شجاني ماقاومت نزلت بسرعه طلعت السياره ورجعت اسد الباب مدري شلون شفتهه طلعه من البالكونه ولصبح طالع خفت ليشوفهه احد اشرتلهه بيدي باي
رغد.......رفع راسه لوحلي بيده باي هم رفعتله ايدي سويتله باي اشرلي بمعنه طبي ضحكت على عقله هزيت كتفي بمعنه ماادكل
احمد......ههه باع بنت الكلب شلون تحرك كلبي
اخذت لجهاز تصلت عليهه
رغد......جهازي من اجيت اكعده جان بيدي يعني بقه بغرفته رحت بسرعه جبته لان عام خفت يكعدون شفته هوه فتحت خط وطلعت للبالكون
اسمع صوته ابو طبع ميغير طبعه بس صياح
احمد......لج مواكولج طبي جوه شنو تعاندين 
رغد........متمل من العياط معندك شي اسمه تفاهم
احمد......ااااااخ منج ليش تشلعين كلبي يلا طبي موحتى اخرتيني
رغد.......واذا مطبيت
احمد.......ساعتهه الله كتبهه عليج
رغد......ههه يلا تأخرت روح
احمد......بداعتي رجعي لغرفتج
رغد.........والله ارجع بس روح توكل بعد حتى نوم ميجيني
احمد........ههه يلا اني رايح وانتي روحي نامي واذا تحبين نضل نحجي علما تنامين
رغد.........لا مالي خلك تكعد لهايشه وابتلي
احمد.......هههههه ليش متجوزين من السانج مواني ماكو منو يحاميج ابقي نامي بمكانج بلغرفه
رغد.......لا هاي هيه حليتهه
احمد.......ههههههه موحيرتيني وياج
رغد......يلا بالك على نفسك
احمد......احبج رغد كوليهه خلي اسمعهه
رغد.......اأاااحببببببببك
حجيتهه وسديت الخط بسرعه بس النار ضلت تطلع من وجهي من الخجل مدري الخوف ههههه
احمد........هههههه ااااخ ربي شلون احبك احله كلمه احبك رحت وبقيت سبوع عبالك شهر عسل عشت احله ايامي وياهه انام على صوتهه واصبح على صوتهه لحد ما اجانه الامر كال عدكم واجب وانت احمد تطلع وياهم صدك رحنه بلطريق خابرتهه
رغد.......صار كم يوم رتاحت نفسيتي ورجع حبه بكلبي واكثر من قبل بيوم بليل قبل العشه اتصل عليه حجينه هوايه وكلي طالع واجب احتمال ماكدر اخابرج اليوم كتله عادي بس من ترجع طمني عنك سديته منه ونزلت سوينه عشه ونضفنه المطبخ لليل هوه ماكو اتصلت علي اكثر من مره ميرفعه ورى كمساعه من اتصل يطلعلي مغلق ضليت اليل كوله اني قلقه كعدت رنا
رنا......هاا خير شبيج جنج خفاش اليل بس تفترين
رغد.......اكلج احمد كال عندي واجب من المغرب لهسه اتصل يطلعلي مغلق
رنا......اي غير واجب اكيد يغلقه دنامي باجر الصبح يخابرج
رغد.......كلبي يوجعني حتى معندي ارقام أصدقائه مليت اخر شي غفيت محسيت على نفسي اله صوت صرخه جوه نزلت اني ورنا مرعوبين ولولد طلو من غرفتهم نزلنه لكينه عمه دك على راسهه وبيبي كاعده ولازمه راسهه خفت حتى اسأل بس من سمعت بيبي تكول مابي شي يمه احمد مامات طاارق وينك جيبلي حبيبي بعد محسيت بنفسي

يتبع
انتضروني في احداث اجمل
متابعه شيقه ❤