Other Earth

Chapter 10 - Sophisticated Device

CELESTINE

Tumigil na sa harap ng bahay ang sasakyan ni Steve at katulad ng dati ay hindi niya na kailangan lumabas para buksan ang gate. With just one click at his phone, the gate opened.

Inanyayahan kaming umupo ni Steve. "I'll just go to my room and change. I'll be right out." Pagkatapos ay iniwan na kami nito at umakyat.

"Halika may ipapakita ako sa 'yo." Napatigil ako sa pagtitig sa maliliit na isda sa aquarium nang marinig si Vincent.

"Saan tayo pupunta?"

Hindi ito sumagot sa akin at tumayo lang mula sa kanyang kinauupuan. Dire-diretso itong nagtungo sa isang pintuan at binuksan iyon. Nang makapasok kami ay naglakad naman ito papunta sa isang shelf at may inikot na isang ng dog figurine doon. Napanganga ako sa gulat ng biglang umikot ang shelf. Then he grabbed my wrist to guide me into a tiny passage..

"Oh my gosh Vincent! Sa'n papunta 'to?"

"Basta malapit na tayo." Lumakad pa kami ng kaunti at pumasok sa isang narrow passage. Pagdating sa dulo ay muli siyang may binuksan na pinto. Medyo nangilabot ako nang makita na may hagdan doon pababa at napakadilim. Pilit kong hinihila ang braso ko mula sa pagkakahawak niya pero hindi niya ako binibitawan. Huwag niya lang pagtangkaang pagsamantalahan dito kundi yayariin ko talaga siya.

May binuksan siyang maliit na bombilya dahilan para magliwanag ang buong silid. Natulala naman ako sa isang nakatayong rectangular box, kulay gray ito. Ano kayang trip nitong lalaking 'to? Pumunta talaga kami dito para lang ipakita 'tong box na 'to sa 'kin?

"I know na nagtataka ka kung bakit nagagawa naming makapag-teleport sa mundo niyo as shadow people ng walang kahirap-hirap. Ito na ang sagot." Parang bata akong namangha sa sinabi niya. Lumakad ako ng paikot sa teleportation machine at hinawakan ito. Tiningnan ko ang bawat detalye nito. "That device is not sophisticated like Dr. Diaz invention but it allows you to travel to another dimension."

I halted from what I'm doing and gaze at Vincent with wide eyes. "So, ito talaga 'yong ginagamit niyo ni Steve para makapunta sa 'min?"

"Yes. And this is our top secret. No one knows that we have this sophisticated machine here."

"But why?"

"Of course, people are born to be selfish. And we don't want to have a vulture to set foot in your Earth."

"Sa'n naman galing 'to? Kayo ba ang gumawa nito?"

Napatawa at napailing si Vincent sa sinabi ko. "No. You know that's impossible. We can build a robot but you need to have an unusual knowledge to construct this thing. Nabili niya daw ito sa isang kaibigang professor."

Kung sabagay tama nga naman siya. Pareho-pareho lang naman kaming estudyante at masyadong kumplikado gumawa ng ganito ka-astig na bagay. Siguradong kapag dinala ko 'to sa Earth ay pagkakaguluhan ako ng mga tao. Baka ikamatay ko pa sa dami ng mag-kakainteres.

"Gusto ko sanang malaman kung bakit sa dami ng pwedeng lagusan sa mundo namin ay sa kwarto ko pa?"

"Oh! You have an exceptional curiosity Celestine, but I can't answer you. If you wanna really know, ask Steve to satisfy your curiosity." Vincent said while rubbing his chin. "Basta nang ipakita sa 'kin ni Steve ang machine na 'to ay at saka ka niya pinakilala sa 'kin. Kapag busy siya ay ako ang nagbabantay sa 'yo."

"Pwede ko rin bang i-try?" I made a wide smile asking Vincent.

"Of course you can." Lumapit si Vincent teleportation device at akmang pipindutin na ang mga button na nandito nang biglang bumukas ang pinto. We saw Steve step in with furrowed eyebrows.