💙🌚قمر.🖇. هلال🌜 💙 ~♥~كاملة~♥~

حلقة 3

قمر:انا نروح سلمي علا لفرطاس ثاع راجلك
فوزية:نعل راصة تاعك تفوو
قمر 🤣🤣🤣🤣
قمر مع روحها:ايا خممي واش ديري دوك عنزك مات و ماكاش بروف هههه امم بصح يجي فاتح يعسنا اوووف سامط
مخها:بصح ماتنسابش بلي فاتح يموتتت على..
قمر:شوققق هههه ااه يا مخي شحال نحبك
مخي:بصح انا مانحبكش
قمر:ديفو فيا لي جيت نحكي معاك
راحت دارت حتا شبعت كي لحقت لعشرة ونص
قمر خلاص هادا هو لوقت نروح للكلاصة
كي كانت داخلة للكولوار شافت فاتح
قمر... هاذا واش راه يدير هنا
ماعليش زادت دنات للكلاصة و طلت بالتخبيا لبات تلاميذ يتبسمو ولبنات غايسيين ‘ سكاات
قمر :واس بيهم هادوو..مايهمش
حلت لباب و دخلت تعيط
قمر:واش بيكم ساكتين ماشي عوايدكم
تهدر و تمشب و مهبطا راصها تشوف فباسكاتها
راحت لبلاصتها لخرا قدام تاقة وحدها تقعد و شوق قبلها مع رامي وليد خالها
جات راح تقعد حتا
قمر:ااااييييي شكون هادا لي راه قاعد حنا... ااايوووووو نتااا نووووض... تهدر وتعيط
تلميذة:اييي خلبه راقد دوك تنوضيه مسكين
قمر:ايدا ماناضش صح راح يولي مسكين و من ذوي الحالات الخاصة
تلميذة :خليه راقد يا لمتوحشة
قمر:يرقد ماينوض نشالله هادا دب راه راقد... اااييي نتا نوووض لي تنوضلك حبة في نيفك
تلميذة:بعييد شرر
قمر:شوفي نتي يا تبلعي يا تسكتي يا تغلقي فمك
......:واش هاد لعياط
قمر:نوض يا دب خليني نقعد فبلاصتي
.....:راكي معايا واقيل
قمر:وعلاه كاين دب من غيرك... تهدر و تشوف فيدها زعما ماشي سامعة بيه
.....:كي نكون نهدر معاك شوفي فيا....شدها من يدها
قمر رفدت راصها شافت فيه و عينيها حمورا:جاك لموت يا تارك صلاة
.....:واش راكي تخوفي فيا
قمر ماريبونداتش عليه و ترفد رجلها و تضربو لكرشو
.....:اااا هبلتي
قمر:انا من بكري مهبولة
.....:ايا اخرجي برا
قمر:وشكون نتا باس تحاوزني
.....:انا هلال الدين بن العربي
قمر: و اومبعد.. منعرفكش
هلال: لبروف تاعك تاع لمات
قمر:اڨلب ..احم صحا ماتقوليش بلب انا دوم ضربت لبروف تاعي تاع لمات
هلال:وي هادا واش درتي
قمر:عادي انا اصلا مانحبش نقرا مات
هلال:عاديي امم
قمر:وييي
هلال:صحا تبعيني... يهدر و عينيه حمورا و سنانو مزيرين راح يكسرهم
قمر شافتو هكاك سكتت ماحبتش تهردها كتر
خرجت معاه
هلال:شوفي نتي راكي غلطتي معايا و حمدي ربي لي جيتي طفلة
قمر: الحمدلله مام نتا حمد ربي لي جيت طفل
هلال:علاه
قمر:خاطرش نتا طفل و ضربتك و لوكان جيت طفلة خمم واس يصرالك
هلال:امم دوك فهمت تسما نتي جاية من هاداك نوع تاع مسترجلة
قمر:نن انا ماشي مسترجلة شوية بزاف مهبولة هادا ماكان
و ذير في بالك بلي هاد لمهبولة ضرباتك و بهدلاتك
هنا هلال ولا يشوف فلوو شدها من كتفها وزير عليها
هلال:امم باينة بلي لوكان نديك للمديرة ماراح ديرلك والو.. املا انا نديرلك
قمر: اولا راك توجع فيا. ثانيا واش ديرلي تضربني تولي ماشي راجل تغتصبني تولي رخيص تقتلني تولي كريمينال
هلال:راح نربيك
قمر:علاه نتا نوريست
هلال:لسنك نقصولك
قمر:لاه نتا مقص
هلال:راح نكسرك
قمر:لاه نتا مارطو
هلال:شوفي ب
يا تسكتي يا دوك نخسرك
قمر شافتو بلي طارلو القرمود و ولا يزبر عليها كتفها راح ينحيه و هي من لخوف ولات صفرااا
قمر:راك وجعتني يا ندب
هلال طلقها:اوكي راني طلقتك بصح راح تخلصيها غاليا
قمر كي شافتو دار باش يروح:يا ماكس دراهم ماركي فلحيط
هو كان راح يدور و هي عطات ريح لرجليها