💙🌚قمر.🖇. هلال🌜 💙 ~♥~كاملة~♥~

حلقة 16

و واحد كان راح يشد فريال حتى شاف يدو تتعوج
اكرم:يدك تتقطع😠
وبوووووومم👊👊 خخخببببط💪🏻 ششلاااخ✋✋ طرننن💫💫💫
شوق:فرررر ليوم تخلاص علينا فلمقبرة تاع سيدي محمد⚰️⚰️⚰️😭
فريال:يا علا حساب شوفة راح تخلاص علينا فشكاير تاع زبل هادوك لكحولة☠️☠️☠️
شوق ‘ فريال بداو يجبدو فرواحهم بلعقل بعد ما شافو اكرم و منير يعذبو فهادوك زوج 👊👊👊
منير:تزيدو تبوجو خطوة تتهرد عليكم كتر من راهي مهرودة☠️☠️💀
هنا مساكن جمدو فبلاصتهم
فريال:اييمماااا راح نديرها تحتي ملخوف(حاشاكم)
و عنقو بعضاهم و قعدو يتنادبو😨😨
شوق:يااا ربي نوعدك لوكان نخرج منا حية نتعلم نطيب و نولي نغسل لماعن كل يوم يااارربييي🤞🤞
منير:امشي 😬
و شدها من يدها و ركبها فطوموبيل و ديمارا
فريال:ايماا شوق راح تموت😢
اكرم:ما تخافيش دوك تلحقيها😤
و شدها من يدها و زير عليها
فريال تمتم بين شفايفها:ايما هادا راه معول ينصلي يدي😵😤
عند منير وشوق

منير يسوق فطوموبيل و. عينيه حمورا و يتنفس بزرب و يبان عليه قادر فاي دقيقة يصوطي عليها يذبحها
شوق:ووين رراك دايني هادي ماشي طريق دار
منير.....😦😦
شوق هنا زادت خافت خاطرش راه يجري كيشغول راح يطير
غمضت عينيها و قاعدة تشهد حتى حبست طوموبيل بزور مسكينة راحت و ولات فهاداك لكرسي
شوق:واشبيك كنت راح تقتلنا😖😖
منير ما هدر والو هبط و جبد قارو و يدا يتكيف كمل لول و زاد زاوج و جبد ثالث هنا شوق هبطت و نحاتهولو من فمو
شوق:واش هاد خسارة لي راك فيها ضربت لباطة كامل😠
منير شاف فيها و عينيه راح يخرجو مزعاف😠😠
منير:ر.#$&ماشي قلت لق€₹##**. ماتخرجيش من الدار
شوق:واش دخلك فيا😡..... تهدر و في قلبها تسب فروحها و فلسانها لي مايحكمش روحو😢😖😖😖
منير شدها من شعرها و زير عليه😠
منير:ندخل روحي كيما نحب و فواش نحب
شوق ضحكت ضحكة من فوق لقلب
شوق:دخل روحك فوحدة خامجة و لا نسيت واش قلت 🤔😐😎
منير هنا رخف يدو عليها
شوق:ههههه قولي واش دخلك ندير واش نحب نتا ماراك والو بنسبة ليا نتا برك عم صحبتي  😡
منير:ندخل روحي ماتسالينيش😠
شوق:نسالك خاطرش راك دخل روحك فيا 😡
و راحت طلعت فطوموبيل و خبطت لباب قريب ما كسرتها و قعدت شادة دمعة بين 😢 ماشي حابة تبكي قدامو زاد شوية و ركب هو ريحت دخان تصرع 😷😷🤧
شوق تخنقت فتحت تاقة و دخلت نسمت باردة بصح هو عاود طلعها
شوق ما حبتش تهدر معاه بقات مستحملة ريحة و مرة على مرة تسعل
عند اكرم و فريال
قعد يمشي و يكركر فيها موراه حتى تقلقت
فريال نحات يدها بزعا😬😬ف و شافت فيه عينيه حمورا و عروقو خارجين
فريال تهدر بغش و خوف فنفس لوقت
فريال:وين راك تجرجر فيا موراك😡
اكرم ما ردش عليها و عاود شدها من يدها و زير عليها حتى ولات ما تحسش بيها و قعد يجر فيها و هي تسيي تنحي فيدها عليه بصح ما قدرتش
حتى حبس قدام طوموبيل
اكرم:اركبي😒
فريال ستناتو حتى ركب و راحت تجري
قعدت تجري فوصط طريق فارغة
فريال :اووف اووف اااه عمري خرجت من لجري ليوم و دارت شافت موراها لقات روحها بعدت
فريال:مزية سلكتلها 😥😥
هي غير كملت هدرتها قطعت عليها طوموبيل طريق و تفتح لباب لي من جيهتها
شافت شكون صابتو هو
اكرم:شوفي يا تركبي يا ندير واش كنت راح ندير داك نهار😡
فريال حست رجليها فشلو من جيهة عيات و من جيهة خايفة منو 😨😱😱
ولات ركبت و بلا حتى كلمة بدا يسوق طريق حارقها
فريال:نقص شوية مانيش حابة نموت فاكسيدون 😨😨😨😭
اكرم شاف فيها و زاد فلافيتاس و فريال قاعدة تدعي و تشهد
اكرم يهدر و هو يعيط.
اكرم:نتييي من نهار ديسيديت نتزوج بيك وليتيي تحت رحمتييي ماديري حتى حااجة بلا ما تشاوريني
ويزيد لخرجة بلا بيا ماكاش تولي حياتك فيها غير تقوى و انا و قرايتك 😠😠😠
فريال نخلعت:ههههه ضحكتني 🤣🤣علابالك تسما هكا راك حاب تقول بلي نتا لي تتحكم بيا ههه منك سيريو😎🙄
اكرم شاف فيها و لوكان جاو عينيه رصاص راهي ولات في عداد لموتى
اكرم يهدر بلعقل و صوتو يشبه لصوت لحنش خلا فريال تذوب من خوف
اكرم:انا قلت لي عندي و ايدا راكي حابة نتعامل معاك بوجهي دوزيام ماكاش مشكل😐😬
كان يهدر و يقرب ليها حتى مابقاش بزاف و يلصق فيها
فريال حست حاجة تجذبها ليه لدرجة انو ما قدرتش تنحي عينيها من عينيه و مام هو💙💙💙
كانت تشوف فعينيه لي كحوولة و مكحلين و شفارتيه طوال و تحس فعينيه بلي عانا بزاف
حتى فاقت لروحها و جبدت عليه
فريال:اححم اديني لدارنا😳😢
اكرم ما هدر حتى كلمة شاف فيها كيفاه خدودها حمورا و عينيها يلمعو و قادرة تبكي فاي دقيقة
ديمارا و ديريكسيون للدار
عند قمر و هلال
قمر:اوووفف منيتو هادا من بارح ماولاش للدارههههه باين راهي زاهيتلو معاها.. بصح مايعرفش يهدر يقول بلي راح يبات برا لبارح ليل كامل ما رقدتش من خوف كل مانسمع حس نوض نتخبى تحت لفراش 😨😨😭😭😡
After one h
قمر:اووووف لحقت 9 و هو ماكاش وين راه هادا لهم مايعرفش يقول خليت مخلوقة فدار وحدها ماخافش عليا ههه ديجا اصلا يكون ناسي بلي راني عايشة معاه فدار وحدة هههه باينة هادي ديجا علاش راني نخمم فيه🤔 و هو ماراهش سامع بيا ماعندناش سمانة ملي تزوجنا راح ليها بلا ما يخمم فيا اووووووووووففف خليني منو😒😒😒
و راحت تتفرج
قعدت زوج سوايع و هي تتفرج بصح مافهمت والو من فيلم هاداك بالها كامل و هي تخمم فيه
قمر:اارب لعالي دوك علاه راني نخمم فيه هو راه مع مدام لافرونص و انا هنا نعيي فروحي
جازت 10..11...12..1..2
2.30
كانت قمر قاعد فصالون تاكل فظفارتيها متقلاق يمعت لحس برا
قمر:اايممااا جاري ليااا.😓😓😨. احوجي واش هاداا😨
حتى سمعت لباب تتفتح لقاتو هو
قمر:هلاال واش هاد لحالة لي راك فيها
هلال شاف فيها و هو يتمايل
قمر:علاش راك تريح هكا🤧🤒🤕
هلال قعد غير يضحك🤣
قمر:راك سكراان
هلال:اييه ههههه راني خابط هههه
قمر هنا قلبها حساتو سوسيدا
قمر راحت ليه باش تعاونو يمشي بصح هو قعد يبعد فيها
هلال:روحيي عليا مانحتاجكش
قمر:اصبر هلال نعاونك
هلال:هههه رانية راكي خدعتيني و حرقتيني💔.... هنا نبرة تاعو تبدلت
نتي عمرك ماحبيتيني و ماكنتيش معايا بنيتك كنتي تخدعي فياا
....و بدا يعيط و حكمها من رقبتها
هلال:علاااااششش وااش درتللكك قوولللييي فواش غلطت معاك❗❗
قمر بدا نفس يضيق فيها و هي مريضة بدات تخبطلو فيدو
قمر:اوح اح هلاال هادي اناا قمر ماشي ررانية
هلال نحا يدو عليها و بدا يضرب فيها بكل قوتو👊👊✋ و يعيط و يسب فرانية وقمر غير تبكي و داق فيها نفس وهي عندها لازم و لبومبا تاعها كانت فبيتها
سيات تهرب بصح ماقدرتش قعد غير يضرب فيها كي لمهبول حتى تغشات ☠️☠️
غدوا منذاك ناض راصو راح يتقسم على زوج عينيه يسطرو ركز شوية لقا دنيا مقلبة كلشي مكسر قعد يشوف حتى لقاها مرمية فلرض و لحمها كلو زرق و دم خارج من تحتها فلحظة فات عليه كلشي دارو😵😵
راح ليها يجري رفد راصها و يديه يرعشو
هلال:قمر قمر نوضي قمر😰😰... ويخبط فيها لوجها
ماحبتش تنوض راخ رفدها ركبها فطوموبيل و طار بيها للسبيطار
فاتت ساعة و هوما معاها و هو كان على عصابو عيط لاكرم لي كان فلخدمة و خرج يجري
لحقو ليه غير خرج طبيب
هلال:ياك ماصرالها والو😢
طبيب:ماشي حاجة قراف بصح باينة بلي تعرضت لاعتداء و هي عندها لازم و تمشي بلبومبة
هلال هنا حس بندامة وقلبو وجعو عليها
اكرم:وقتاش 😞
طبيب:وحد ساعة تقدرو تشوفوها
راح طبيب و اكرم دار لهلال و عينيه راح يطرطقو
اكرم:واش درت للطفلة ناس هكا يديرو للامانة هكا علمناك اهدر
هلال و راصو بين يديه:ماكنتش صاحي ماكانش حسابتلي بلي هي
اكرم:تسما كنت شارب و علاحساب مافهمت بسباب هاديك لبروف لي كنت معاها
هلال حط عينيه فلرض
اكرم:اسمع نهدر معاك هاد لهدرة و مانعاودهاش بنت ناس ماشي لعبة بين يديك راهي امانة في رقبتك و دير فبالك بلي راهي صغيرة و عقلها تاع ذراري لوكان تحب تقدر تربيها كيما تحب و على عقليتك كبر مخك شوية راك راجل ماشي نتا خويا راك تبدلت
هلال شاف فيه و عنقو و طلب منو سماح
اكرم:مانسامحكش حتى تسامحك هي
هلال دخل لبيتها و شافها كيفاه راقدة و تعابير تاع وجها تبين بلي راهي عيانة زاد ندم على واش دار
قعد يشوف فيها حتى بدات تفطن
هلال:قمر راكي فطنتيي
قمر غير شافتو عينيها لمعو بدموع و بعدت وجها عليه و قعدو لزوج ساكتين حتى
قمر:اعطيني نشرب
هلال ناض يجوي عمرلها كاس و شربها و هي ماشي قادرة تشوف فيه
قمر:واش درتلك
هلال هبط عينيه و يحكي بنرة تاع ندامة:نتي مادرتي والو لافوت فيا انا.. انا لي غلطت فحقك و ظلمتك اسمحيلي ماشي بلعاني اصلا ماكنتش فوعيي
قمر شافت فيه و بقات ساكتة و هو ماقدرش يزيد كلمة خاطرش فحياتو ما طلب سماح من بنادم مهما يكون غالط كان يسڨم عملتو بدراهمو بصح فهاد لحالة ماقدرش و جاتو صعيبة بزاف... و عاود ولا سكات لي كان بيناتهم كل واحد يخمم فلوخر

اما اكرم هو راح لدار هلال يجيبلها حوايجها
دخل للبيت فتح لخزانة جبد سروال و تريكو لمرتو ولخوه وكي كان خارج سمع تلفون تبع صوت لقاه  تاع قمر ساف شكون لقاها مكتوب.. فرر 💩💕💕...
عرفها بلي هي ريبوندا
فريال:الووو يا لحمارة يديا عياو و انا نعيطلك وين كنتي شاخة وذنيك داخل لبير نعل والديك قلبي قريب ماحبس و يزيد تقلقت كي قتيلي راكي وحدك علاش ماكيش تهدري يا ندبة راني نهدر معاك يا وجه لبق تفوو في وجهك حمارة اهدري .....حكات هادا كامل في دفعة وحدة
اكرم:يالاطييف شحال ترحي ونتي تخلي لبنادم يحكي تقول كاسيطة تاع بكري
فريال:شكون نتا و وين راهي قمر وواش درتلها ماتقوليش خطفتها و غتاصبتها و تاجرت باعضاءها. ايما على ختي مسكينة حرام عليك والله غير نرشيك فلحبس
اكرم:اسمعي بركاي ماجياحتك انا اكرم
فريال:شكون اكرم
اكرم:وجدي روحك راني جاي ندطك عند صحبتك راهي فصبيطار
فريال:صبيطار
طيييط طييط ططييط
و كوبا بلا حتى هدرة و خلاها تموت بتقلاق خرجت ديركت لبرا تستنا
وحد نص ساعة لحق ليها ركبت ديركت
فريال:وشبيها قمر واش صرالها.... تحكي بنبرة تاع بكا
اكرم:راهي فصبيطار كي تروحي تفهمي
فريال :طريق كامل و هي تفيبري و تسقسي وقتاش يلحقو بصح اكرم تقول جبل تاع لاڨلاص كلي ماهيش قدامو
غير حبس طوموبيل هبطت و دخلت تجري لاريسبيو
فريال:جات لهنا وحدة اسمها قمر.. اما شومبر راهي
اكرم :تبعيني
فريال شافت و راحت موراه
غير دخلت شافت صحبتها قلبها تحرق  بصح مابينتش
قمر:فرر هادي نتي
فريال:واش راكي تشوفي كيفاه راكي مليحة عمري
قمر:لحمدلله .. وهي تشوف فهلال
هلال:نخليكم وحدكم رد بالك عليها فريال
غير خرج قمر تنهدت
فريال:شكون ردم فهاد لحالة
قمر:ماكاش زدمو سراقين للدار و انا كنت وحدي
فريال:اخااه🤤🤤
قمر:ماتنخلعيش مادارولي والو🙃🙃
فريال:كيفاه مادارولك والو راكي كامل زرقة
قمر:اووف فرر قتلك والو و تعيشي هاد لحكاية بيناتنا مانيش حابا ندير وجاع راص للوالديا
فريال:كيفاه بيناتنا و سراقين هادوك
قمر:هادوك ماداو والو ديجا دوك يهتم بيهم هلال و اكرم
فريال حست بلي راهي تكذب عليها بصح خلاتها فقلبها😳😳 زادت وحد دقيقة
فريال:نروح نجيبلك حاجة تاكليها نعرفك ما تحبش ماكلة سبيطارات دوك نولي😩
هي غير خرجت لاقاها اكرم
اكرم:كاش ما بيها
فريال ماقدرتش تهدر و غلبتها لبكية ولات هرجت تجري و هو موراها
فريال:قولي هو لي دارللها هكا
اكرم:اصبري نفهمك
فريال:تسما هو هو لي عذبها هكا😦
اكرم:هو بصح ماشي بلعاني
فريال:و هي كي لبهلولة ماحبتش تهدر و كذبت عليا و قاتلي بلي سراقين 😭
اكرم:هكا قاتلك
فريال ‘ هي تمسح بدموعها😢
فريال:هي لي قالت بسح وعلاش دارلها هكا علابالي بلي مايحبهاش بصح ماشي لهاد درجة
اكرم شدها من يدها وقعدها و بدا يحكيلها واش حكالو هلال
فريال: تسما هادا كامل بسباب هاديك لفعة تاع فرانسا😡
اكرم:وي تقدري تقولي
فريال:انا من بكري مانحبهاش بصح دوك نعتلها والله غير ندمها😈😈
اكرم شاف فبها كيفاه تبدلو ملامحها فثانية كانت تبكي و تشهق ولات تتبسم تبسيمة تاع الاشرار و تضحك ضحكة تاع الاشرار لي فلميكيات
اكرم:اححم ياك ماكيش ناوية تدبحي لمخلوقة
فريال شافت فيه:ههههه كابابل و ناضت رايحة عند صحبتها و خلاتو مشوكي كيفاه تحب صحبتها لهاد درجة 🙄🤐