💙🌚قمر.🖇. هلال🌜 💙 ~♥~كاملة~♥~

حلقة 34

جا بابات زهرة و قعد يعيط و يطير حتى نطق هلال
هلال:موسيو لعزازي اعتبر صفقة تاعك مع شركة بن العربي ماكاش و تحمل لخسارة تاعك و نقدر نقولك لازمك تعلن افلاسك غدوة نشالله
باباها:كيفاش واش دخل صفقة لهنا
هلال:لوكان ماتطلبش نتا و بنتك سماح دوك بتلفون واحد تخسر كلشي
باباها:ككييفااش ممافهمتش
زهرة:واش راك تهدر تهددنا بسباب وحدة رخيصة كيما هادي لمتشردة
قمر:اناا رخيصة!!! ياو انا لوكان نبيع فردة تاع تقاشري نشري منك زوج
هلال:انا هدرت لي عندي و دوك عندكم 30 ثانية
و جبد تليفونو
باباها:اسمحولنا و دوك اعطوني لي بابيي باش نبدلها
هلال: وبنتك
زهرة و هي تشوف في قمر كيشغول حابك تدفنها:اسمحيلي
و خرجت و خبطت موراها لباب

بعد ما راحو ولاو لخرين للكلاصة و قمر ريحت فبلاصتها و جات شوق معاها يعني لولين
هلال كان يشرح بصح تركيزو كامل مع قمر لي ملي دخلو و هي حاطة راصها فطابلة و شوق تمسحلها على شعرها
خلاصو سوايع ليوم ثلاثة تسما يقراو نص نهار برك
خرجو و قمر هي لولة لي خرجت و هاد لمرة شوق ماحبتش تبعها عيطت لفريال و حكاتلها كلش
عند قمر
خرجت مليسي و دارت كيتمان و تمشي و مهبطة راصها شادة دمعة فوصط شفارتيها
لحقت وقفت قدام واحد لفيلا  جبدت مفتاح من تحت وحد لحجرة و دخلت لقات كل حاجة كيما خلاوها حوايجهم شمبرتهم و حتى ريحتهم مازالها
عندها شحال ماجاتش لهنا مالڨري جدها كل سمانة يبعث خدامين يسڨموها بصح هي صعيبة عليها باش تجي من جيهة ترتاح من لهم بصح كي تتفكرهم تحس روحها وحدها
كانت واقفة و تشوف فيها تتفكر كامل طفولتها مع والديها رمات كرطابها و قعدت فكوانة تبكي و تعيط
توحشتهم بزاف مالڨري ما تبينش بصح بلاصتهم باينة
قعدت شحال و هي هكاك و دموعها يسيلو حتى شافت رجلين عند راصها
قمر:ااااااااااااااااااااااااااا جنوووونننن سملللههررحمممنننرحححييمممم. الانس و جن خاوة خاوة طلع لبدر عليناا
....:قمر اسكتي راكي ديرونجيتي لموتا بعياطك
قمر:نتااااا يا لحمااارر تفوووو بغل طحان كلب
....:........