💙🌚قمر.🖇. هلال🌜 💙 ~♥~كاملة~♥~

حلقة 31

زادو شوية و جا ليهم لطبيب
شاف لجرح تاعها و عاود داواها و قاللهم بلي لخياطة ترخات خاطرش بوجات بزاف عارد زيرها و عطاها دوا و لازم ماتبوجيش مبلاصتها كاامل
خرج و خلاهم وحدهم
اكرم:سمعتيه واش قال ريحي و دوك نجيب دوا و نولي
فريال:اممم نتا اجرح و اومبعد داوي
شاف فيها بنفس نظرة لي ماقدرتش تفهمها و خرج
و هي قعدت تندب فحناكها على فمها لي ماتحكمش فيه
عند قمر و هلال
ناضت قمر فليل جوايه 1 عينيها ونيفها حمووراا شعرها مكركب بدلت حوايجها و لبست شورت حمر مع تريكو بيض تقدرر تقولو حاها جلابا تالمو عريض هبطت للتحت بلعقل باش ماينوضش هلال دخلت للكوزينة شعلت ضو و جبدت فورماج و طون و لقات نص قرعة كوكا طلعت فوق طابلة و دارت كيتمان و زدمت على لماكلة كي لحلوف حتى اووب طفا ضو
ملخلعة خرجتلها لكوكا من نيفها (اااااحححح واعرة علابالكم)
قمر:ايماااا خيتي شتوالا ذا تريسيتي من وكتاه تروح هكا اووووففففف
شعلت لفلاش و شدت صوندويش تاعها و دات لكوكا و طلعت
راحت عند باب بيتو و تنفست مليح مليح و دخلت
هلال:ااام عمري مام انا نموت عليك
......
هلال:هه وي هاد ليامات نخرجو
.....
هلال:نعشقك نهبل عليك... اااا قمر هاد نتا
قمر كانت حامدة ربي لي مايقدرش يشوف عينيها فظلمة :اييه انا ايدا ديرونجيتك نروح
هلال:لالا ريحي علابالي تخافي
قمر:معليش باش تاخذ راحتك
و جات دايرة حتى جبدها ليه
هلال:قتلك ريحي
و داها معاه و حطها فوق لفراش و تكسل قدامها
قمر:هلال ماراكش خايفها تزعف
هلال:ايدا زعفت نعرف نراضيها
قمر:تحبها صح
هنا هلال عنق قمر بجيهة و تنهد:قد مانهدر عليها قليل
قمر مسكينة حست كلي واحد ضربها بموس لقلبها
دموعها غلبوها و بدات تبكي بسكات و شادا شهقتها بسيف
قمر:نعرفهاا
هلال :تعرفيها بلبزاف
قمر:وحدة مصحاباتي
هلال:معلاباليش و دوك ارقدي
هلال رقد و هي كانت تبكي بلا ما يفيق