فريال بقات غير تشوف و نصدمت بعد ما شافت طفلة صغيرة داخل طوموبيل لي غير شافت تارت مسحت دموعها و بدات تاكل و تضحك
فريال راحت ديركت عندها
فريال:ياعمريي مينوشة وسمك
تقوى:هههه تكوى
فريال:هههههه هاكي هادي اشربيها شطورة ياك
تقوى شافت فباباها لقاتو يهدر فتليفون
شدت عليها لابوات تاع جو
تقوى:ثحا طاطا
فريال:هههه قوليلي فريال ماشي طاطا مازالني صغيرة
تقوى:هههه نكولك فيفي
فريال:هههه اوكي ايا دوك اعطيني بوسة خليني نروح
تقوى باستها فخدها
وكي كانت رايحة شافت فاكرم لقاتو يهدر فتيليفون مشات شوية حتى سمعت صوت تاع بكا
دارت ديركت لقات تقوى فلرض و تبكي
فريال راحت تجري لقاتها معنقا باباها و تبكي
فريال:وشبيها كاش ما صرالها
اكرم شاف فيها و بدا يعيط
اكرم:واش مديتيلها اهدريي
فريال:مممددديييتتلهاا باطة تاع جو
اكرم:جو تاع شيناااا
فريال:اييه قوليي واشبيها
اكرم مارجعلهاش و رفد بنتو لي كانت تغاشات و حطها فطوموبيل
فريال غير شافتو رايح راحت تجري للطوموبيل ركبت معاها
اكرم:اهيطي واش راكي ديري
فريال:تعييش ماتكثرش هدرة و ايدينا للسبيطار مانقدرش نخليها وحدها
اكرم ديمارا حارق طريق و لحقوللصبيطار دخل يعيط.
اكرم:جيبوليي طبيب خفوو
فريال:ارواح تبعني
اكرم:جيبو طبيب
فريال شداتو من يدو و جراتو حتى لوحد لاشومبر فتحتها و دخلت
فريال:حطها هنا دوك انا ندبر راصي
اكرم مالصاب مايدير ولى حط تقوى فوق هاداك لبونك و دار لفريال
اكرم:شوفي دوك ماراح نهدر معاك والو بصح كي تفطن عندي خدمة معاك. فريال مارجعتلوش عكرت فيه و خرجت تلفونها
الوو
.......
راني فصبيطار ارواح راني فلاشومبر تاعك اورجون
.......
ماشي انا ارواح ازرب راني خايفة بزااف
وكوبات زادت دقيقو تفتح لباب
.....:واشبيك كاش ماصرالك
فريال:معلاباليش شوف واشبيها
اكرم:عندها حساسية من تشينا و هي شربت جو و لحساسية تاعها بزاف قوية
فريال دارت يدها على فمها
فريال:تعيش وليد سلكها ياك تقدر ياك... كانت تحكي و دموع في عينيها وتعيط
وليد:ماتخافيش ماشي بزاف
اكرم:تعيش دوكتور مانقدرش بلا بيها
فريال ماقدرتش ولات خرجت و هدرت مع لبنات و طمنتهم عليها
زادت شوية خرج وليد و فهمها بلي ماشي حاجة ڨراف و هي تما قلبها رتاح
فريال:يعطيك صحا نموت عليك
وليد:فدار نتفاهم معاك خاطرش باينة بلي نتي سبة
فريال:ااااههه اومبعد باي باي
هربت منو و دخلت لاشومبر تاع تقوى
فريال جات راح تحط يدها عليها حتى شدهالها اكرم
اكرم:شوفي مرسي كي جبتي هاد طبيب بصح بنتي بلاكي تزيدي دوري بيها فهمتي... قالها و هو يزير على يدها وعينيه تقول نار
فريال حست حكمتها لافيبلاس
فريال في مخها
يييماا سوف اموت خوفا.. ايما قلبي هبطلي سكر و طلعتلي لاطونسيو
فريال.. تهدر بلعقل:نحي يدك راك وجعتني و نقص صوتك قبل ما تنوض
اكرم: شوفي غير نحي يدي تخرجي
فريال:اوكي دوك نخرج
خرجت فريال و اكرم بقا يشوف فبنتو و قلبو وجعو عليها حتى شافها تحل فعينيها
تقوى:بابا واث كاين
اكرم بلخف تبدل صوتو و ولا حنين:ماتخافيش حبوبتي نتي برك مرضتي شوية جبتك ديري دوا و دوك نروحو
تقوى دارتلو براصها ايه و قعدت ساكتة وحد ساعة جا ليهم وليد و قاللهم يقدرو يخرجوها
اكرم:يعطيك صحة
وليد:بلامزية هادي خدمتي
اكرم رفد بنتو و حطها فوق كتافو و جا خارج
حتى شاف فريال واقفة قدامو
تقوى :فيفي راكي هنا
فريال راحت وقفت مقابلاتو و مطلعا راصها تهدر مع تقوى
فريال:راني هنا سمحيلي حبوبتي ماكانش علابالي بلي نتي عندك حساسية
تقوى:بابيتو هبطني عند فيفي
اكرم شاف فيها و طلع حاجبو و هبطها
وهي راحت ديركت عند فريال.
تقوى رمات يديها لفريال:فيفي ارفديني نثيا
فريال تبسمت معاها و رفدتها و تقوى حطت راثها على كتفها و غمضت عينيها.
اكرم:تبعيني
فريال مشات موراه و هي تلعب بشعر تقوى لي كانت ديجا رقدت
لحقو للطوموبيل
اكرم:اعطيهالي
فريال جات راح تمدهالو لقاتها مزيرة عليها بزاف و ماقدرتش تنحيها
اكرم:واشبيها تقوى مالفة ماتحبش تهدر مع ناش ماتعرفهمش
فريال دارتلو براصها تاع معلاباليش
اكرم:اركي فطوموبيل
فريال:اسمحلي مانقدرش دوم لازم نروح للدار
اكرم:اركبي نحطها فدار و نوصلك
فريال شافت فتقوىيفاش مكرشة فيها و حست بحنانة من جيهتها
فريال:اوكي بصح تعيش مانبطاوش
اكرم ركب فطوموبيل و مارجعلهاش مامباو لات مام هي ركبت ملور و تقوى في حجرها راقدة
طريق كامل و هوما ساكتين حتى لحقو
هبط اكرم و فتحلها لباب
اكرم:اهبطي
فريال هبطت و جات راح تمدلو تقوى لقاتو راح يمشي داخل لوحد دار تهبل جاية كبيرة تقول قصر و متحوفة
فريال بقات تبع فيه حتى دخل للدار و هي بقات عند لباب
اكرم:ادخلي
فريال دخلت حتى شافت وحد لمرا جاية ليها.
صفية:اكرم شكون هادي ويفاش تقوى راهي عندها
اكرم:مانعرف و ماعلاباليش و نتي تبعيني. فريال بقات تبع فيه كي داندو
حتى لقاتو دخل لشومبرا تاع دراري صغار كيوت
اكرم:حطيها هنا
فريال حطتها بسيف باش طلقتها و اكرم ديركت حط ببون قدامها و طفا ضو و خرجو.
فريال:اسمحلي بصح لازم نولي للدار تلفوني من مقبيل و هو يفيبري
صفية:بووه بنتي وين راكي رايحة هاداوين جيتي
فريال:اسمحولي بصح والله لازم نروح راهي ماما ليوم تديرلي لقصاص
صفية:هههه معليش بنتي بثح عاوديها.
اكرم:امشي
فريال راحت موراه و هي تمتم
نمننن تبعيني منمن تبعيني منن اودي مانيش داندو يخي سامط متكبر واش حاسب روحو
كانت تمشي و تهدر. عينيها فلرض حتى زدمت فحاجة
فريال:ايما راصييي مانشفاش بلي شفت صور هناا
اكرم:وصلتيلي بنتي للصبيطار قلتي عليا سامط و تكبر و حاسب روحيي و فوق هادا قلتي صوور
فريال:ااامااااشششييي هكاااكك اصلا انا ماكانش علابالي بلي مريضة و ماكانش علابالي
اكرم كان راح وخلاها
فريال راحت تجري لحقاتو و ركبت فطوموبيل طريق كامل و هوما يهدرو ولا نقول فريال لي كانت تهدر و توريلو فطريق
فريال :وي هادي دارنا كبيت نقولك ديزولي على مقبيل ماكانش علابالي و كي تنوض تقوى سلم عليها اوكي... دارتلو بيديها 👍🏻👍🏻👍🏻👍🏻
اكرم شاف فيها و ديمارا ديركت بلامايربوندي و خلاها تاكل فلحمها موراه
حمار متكبر جايح سامطط ااااااععععع
وبسبابو راني داخلة دوك لفيلم تاع رعب
هي غير دخلت حست بحاجة تحرق في خدها
فريال:ااااحححححح
ساجية:وين كنتي يالهاملة موطرق
فريال:جا وليد ولامازال
ساجية :مازال
فريال غير سمعت قالتلها مازال كرشها تزيرت ملخوف و هربت تحري لبيتها و غلفت لباب بلمفتاح
ساجية :ياك راح تخرجي تخرجي دوكا ولا اومبعد
فريال:لالا هنا يموت قاسي و هنا يبنولو قبرو
ساجية :غدوة صباح نتفاهمو
فريال كي شافتها راحت قدرت تولي تتنفس نورمال و كرشها ترخات
فريال:ياخي نهار مسود كي وجه هاداك لمتكبر
وراحت رمات روحها فوق سرير و رقدت كيما لبقرة#حاشاكم#
أنت تقرأ
💙🌚قمر.🖇. هلال🌜 💙 ~♥~كاملة~♥~
Nouvellesسلام هاد دوزيام رواية ليا راح نحطها هادو لياماا ايدا لقيت تفاعل نكملها
