💙🌚قمر.🖇. هلال🌜 💙 ~♥~كاملة~♥~

حلقة 15

اكرم:تبعيني ..قالها بكل برود
فريال ناضت بلا ما تهدر حتى كلمة كانت خايفك تنوض تقوى
تبعاتو حتى خرجو مدار  وراح ركي فطوموبيل
فريال:ايدا راك راح توصلني يعطيك صحة بصح دوك يجي وليد يديني راح نعيطلو 😄
اكرم ولا لعندها و جرها من يدها بكل عنف و طبعها داخل طوموبيل
هنا فريال ولات تشطح بلا محارم😡
فريال:ااييي نتا واش هادا عليك قتلك يعطيك صحا ماتوصلنيش😠... كانت تهدر بلعصب بصح هو كلي ماراحش يسمع فيها ديمارا طوموبيل وبقا ساكت و فريال كانت تدعي لربي باش ماتفقدش اعصابها و تشد لسانها لي متبري منها
فريال:اصبر اصبر هادي ماشي طريق تاع دارنا😲 وين راك دايني😵... ايييييووووووو......ااااووو راني نهدر معاك😤.... ايييّه راك خاطفني واقيل حبسس حبسسس😠😠
و بدات تعيط حتى فريني اكرم و هي خبطت راصها
فريال:ااايييي راصيي 🤕
اكرم:ماتعرفيش تسكتيي😠😠.... عينيه حمورا و لعروق تاع رقبتو راح يطرطقو
فريال:كيفاه هادي نسكت و انا راكبة مع بنادم مانعرف كيفاه يخمم و يزيد دايني مانعرف ويين و يزيد..
اكرم:تتزوجيني
فريال:اه😨😱
اكرم:تتزوجيني😬 ..يحكي و مزير على لفولون راح يكسرو
فريال:ااووهه ماي سيدي ربيي😨😨 اولد ناس كاش ماراك خابط😖
اكرم شاف فيها تاع راح نذبحك
فريال:اممم بهاد شوفة عرفت بلي منك سيريو مالا ديزولي مانتزوحش☺ و جات فاتحة لباب باش تهبط حتى جبدها اكرم خبطت فيه
فريال:احح راصيي 🤕🤕
اكرم شاف فيها
اكرم:مانقبلش رفض تاعك😡
فريال:كيفاش كيفاش هادي ماتقبلش😲
اكرم:كيما سمعتي
فريال:ربي ما يحرم بنادم من عقلو😕😕
اكرم شدلها كتفها و زير عليه
فريال:اااححح راك توجعني ماكفاكش راصي حبيت تديلي كتفي 😟😤
اكرم:شوفي عندك منا لغدوة لوكان ما تقبليش صدقيني حياتك نكرهالك😠
فريال بضحكة :واش راح دير تقتلني😒🙄
اكرم :دوك تشوفي😎
ورفد تلفونو
اكرم:اسمع كاين واحد اسمو وليد بلقاسم راني حابك تديه و تخليه عندك حتى  نقولك
و كوبا 😎😎
فريال:ههه زعما راك حابني ناامن لمسرحية لي درتها دوك صدقني انا هادي لهدة درتها قبلك جيب جديد
اكرم:تحوسي على جديد اوكي😋😋
بنضرة تاع تحدي و ضحكة خلات فريال تبدا تخاف بصح مابينتش😓😓
عطالها تلفونو و ورالها وحد تصويرة
فريال تهدر و ترجف:ههههااادداا ووليد😓😓😯
اكرم:في مزيك نتي كنت نتمسخر😒
و زاد ورالها تصويرة وحدوخرا تاع خوها وليد و هو مغاشي فطوموبيل
فريال و دموع بداو يسيحو:تعييش اطلقوو تعيش عندو طفلك كيما نتا ماتقدرش ترقد بلا ما تشوفو تعييش😭😭😭😭
اكرم:بصح هي عندها يماها ماشي كيما بنتي
فريال:تعييييششش حرام عليك واش درتلك انا و هو واش دارلك قولي نديرلك واش تحبب😭😭😭😭
اكرم: انا طلبت منك بلملاحة بصح نتي ماتحبيش لبنادم يكون ساهل معاك 😌😒
فريال:خلاص قابلة خلاص.... و تترشق بلبكا
فريال:تعيش خليه يروح و نوعدك ندير لي تحبها برك ماديرلو والو
اكرم تبسم ابتسامة تاع انتصار و ديمارا طوموبيل
فريال طريق كاملة و هي تشهق حتى لقات روحها ولات لدار اكرم
فريال:علاش جبتني لهنا... كانت تهدر بسيف بسباب شهقات تاوعها
اكرم:اهبطي و ديري واش نقولك
هبطت موراه و غير لحقو للباب شدلها يدها و زير عليها
فريال:يديي
اكرم:واش راح نقول للداخل نتي تقبلي بيه و ايدا خممتي برك تعصيني تقدري تودعي خوك و دوك امسحي دموعك
فريال عينيها توسعو و ولات ترجف قدامو و هو علامات تاع لبرود فوجهو
دخلو لقاو صفية و جمال  قاعدين يشربو فلاتاي
صفية:عسلامة اوو واش كاين هنا
جمال:اكرم واش راك دير
اكرم:نتوما ملي ماتت منال حابين تزوجوني هاني جبتلكم مرتي... كمل هدرتو بابتسامة و زير على يد فريال لي حستها راح تتنحا
فريال هبطت راصها خايفة دموعها يهبطو
جمال:هادي ماشي بنت سي ماداني
صفية:لي عندك معاه صفقة جديدة
اكرم:هي
صفية:وهي لي كانت تبكي عليها تقوى ليل و نهار
اكرم:هي
جمال:حنا رانا قابلين
اكرم:علابالي
و راح بلا ما يزيد حتى كلمة و غير خرجو فريال نترت يدها منو
فريال :وصلني لدارنا
اكرم :شوفي من هاد لحظة و جي رايح وليتي تحت رحمتي و رحمت بنتي فهمتي
فريال خلاتو هكاك و راحت ركبت فطوموبيل
وصلها لدارهم و راح
هي غير دخلت لقات خوها وليد مع بنتو مرتو قاعد لاباس بيه
فريال غير شافتو راكت عندو عنقاتو و قعدت تبكي حتى رقدت و ماحكات حتى كلمة
فدوة من داك ناضت و هدرت مع لبنات تفاهمو تلاقاو فدار قمر هه
خرجت من بيتها قابلتها ساجية و لياس خوها
ساجية:صابح لخير عروستنا
فريال:اه
لياس:مسكين غاضني علابالك بصح لمهيم هناني منك
فريال:واش راكو تحكو
ساجية:ديري روحك ما تفهميش دوك خلاص راكي دبرتي راجل
فريال تفكرت واش صرا لبارح :تسما راكو تقولولي بلي لي صرا لبارح ماشي منام
ساجية و لياس:واش صرا
فريال:اصبرو و نتوما كيفاه عرفتو
هنا جا لماداني:جا صبح عندي هو و جامل و خطبوك و انا مديتك
فريال:كيييفاااششش
وليد :بصح كيفاه قبلتي و نتي مازالك صغيرة و هو عندو طفلة
ساجية:قالو بلي كانو يحبو بعضاهم و بنتو تلعقت بيها و ماراهيش تقدر ترقد بلابيها.
فريال كي سمعت هكاك الامل الاخير لي كان عندها راح و لات دخلت لبيتها و خلاتهم عند لباب يحكو بدلت و لبست تريكو عرييض حمر مع سرول جين و باسكات حمرة و شعرها طلقاتو و دارت قلمونة تاع تريكو و خرجت بلا حتى كلمة
ساجية:هادي وشبيها هكا واقيل زعفت كي سمعنا
وليد:اوااه هادي ماراهيش حابتنا نسمعو و دطجا مازال ماحكاتلي علاش بكات هكاك لبارح
ساجية:وليد تعيش ماتهدرش معاها مارانيش حابتها تولي كيما كانت
وليد تنهد :بصح ايدا بقات هكا راح تعاني كترمن قبل
عند شوق
ناضت صبح كارهة حياتها ملي راحت قمر وهي وحدها حتى فريال راهي حاسة بيها حاجة
هدرت معاهم فتلفون و تفاهمو يتلاقاو ولات لبست تريكو بيض مع سروال جين تاي اووت وزادتلو فاست جين و باسكات بيضة و دارت طوماطيشة مخربة كامل و خرجت من بيتها لقات عيشة و منير فلكوزينة
شوق:خالتوو راني رايحة عند لبنات
منير:ماكاش مروح
شوق دارتو في وذنها
شوق:ايا اومبعد باي
و جات رايحة حتى شدها من يدها
منير:واش واقيل ماسمعتيش واش قتلك
شوق:سمعتك و درتك فوذني
و جبدت يدها منو
شوق:مادابيك تبعد عليا و ماتزيدش تهدر معايا و نولو كيما كنا واحد ماسامع بلوخر وراحت تزرب خرجت للطريق لقات فريال سبمو على بعضهم و مشاو ساكتين على غير لعادة  ركبو فلبوس و راحو
راحو لعندها و غير فتحتلهم لباب عنقوها و ترشقو بلبكا
قمر تخلعت و هي تشوف فيهم
قمر:واش بيكم واش كاين
شوق:منير
فريال:اكرم
قمر:الله اكبر
دخلتهم للصالون
قمر :اصبرو دوك نجي
راحت و ولات فيدها باطة تاع بابيي موشوار و صاشي معمرة شيكولا
قمر:هاني جيت و دوك نبداو لجلسة تاعنا
حكاو كلش لبعضاهم وكلاو كامل شيكولا هايدك و لباطة تاع لمشوار فرغت و صالون ولا زوبيا
قمر:ههههههه صح واش قتلكم
فريال:ههههه تفوو كلبة
شوق:يااا لفيرااان لازم نروحو ايا فرر
قمر:لوكان جيت نعرف نطيب راني عرضتكم ويزيد خالتي وردة ليوم عندها عرس ماجاتش
فريال :تستاهلو نتوما زوج انا كي كنت نقوللكم راني نطيب كنتو تضحكو و دوك شحح باتي بلا عشا
قمر:تفوو
شوق:بصح من حيهة عندها لحق هي اوموا كي تتزوج ماتجوعش راجلها كيفنا
قمر:واش راكي تمعني
شوق:والو ايا باي
و راحو بعد ما قعدو ساعة عند لباب يضحكو
خرجو من عندها
فريال:راني حابة نمشي
شوق:مام انا بصح ماشي راح لحال راه قريب يبدا لمسلسل
فريال:امشي فليل باتي عندي نعاودوه
شوق:امالا ايا نروحو ا رجلين
فريال:ههه امشي
و بقاو يمشو حتى قاطعولهم زوج دراري
فريال:اوووف والله ما وقتهم
شوق :امشي بدلي طريق حتى طريق ‘ راهي فارغة
راحو للجيهة لوخرا للطريق بصح تبعوهم
فريال:شقشق و الله ماني حابة نتنارفا
شوق:شوفي يزيدو كلمة وحدة نبدا نطبقو لخطة
فريال:ههه اوكي.
👱🏿: واش رايكم تجو عندنا نلعبو حاجة شابة
👱🏿:اييه تهبلل
شوق:جاتك لموت يا تارك صلاة
و يدورو لزوج ي ضربوهم بركلة لحبيب قلبهم
فريال:هكا نكونو قطعنا نسل تاعكم من الجذور
و هربو يجرو كي حسيبة بولمرقة و يضحكو كي لمهابل
شوق :ههههه مساكن 🤣🤣
فريال:يستاهلوو 😂
و حبسو و شادين فكرشهم راهي توجع فيهم ملجريا لي داوها 😥
حتى شافو طوموبيل حبست قدامهم و هبطو منها زوج خلاوهم يندمو لي جاو يمشو
فريال:راكي تشوفي واش راني نشوف 😵
شوق:راني نشوف واش راني نشوف ماشي واش راكي تشوفي😓  ايا دوري خلينا نلعبوها ماشفناهمش🙃
هوما غير دارو شافو هادوك زوج تاع دراري جايين😲😲
فريال:يا زهري يا وليد لحرام علاه هكا ديرلي قتلتلك باباك😭
شوق:زهري زهري وار اار يوووو😦
👱🏿:رانا لحقناكم دوك ماعندكم وين تروحو 😼
و جاو لعندهم و واحد كان راح يشد فريال حتى.....