💙🌚قمر.🖇. هلال🌜 💙 ~♥~كاملة~♥~

حلقة27

جازت سمانة و فريال فسبيطار قمر ماخطاتهاش دقيقة هي و شوق و مام هلال و منير كانو يضالو عندها و مايخلوهاش تحتاج حاجة
لحق نهار لي تخرج فيه
فريال كانت تضحك من فوق قلبها خاطرش كانت مقلقة على اكرم لي ملي ناضت شافتو خطرة و مازادش بان خرج بلا مايقول لحتى واحد دارهم راهي هابلة عليه بصح هو يادرا وين راح
فريال لبست روب فولار بلوسيال مع باسكات بيضة و دارت نواضر و طلقت شعرها و جات خارجة مع قمر و وليد و لياس و هلال و شوق و منير يعني كاامل حتى تحل لباب و دخل منو......

اكرم كان لابس كي لعادة كلاسيك و كي لعادة كحل فكحل
فريال شافتو ماقدرتش تبعد عينيها كانت حابة تروح تصوطي عليه و تعنقو و تشبع من ريحتو و ماعلابالهاش علاه بصح فلحظة تبدل كلش كي تفكرت بلي بسبابو قادرة تنحرم و ماتجيبش دراري
كان هو يشوف فيها بنظرة ماقدرتش تفسرها
راح ليها و شدها من يدها و حا رايح
وليد:واش وين بيها نحي يدك
اكرم:اوال راني عاقد عليها تسما راهي مرتي و يزيد راني دايها عند تقوى راهي مريضة و حابة تشوفها
فريال كانت تتعاود فمخها غير كلمة مرتي بصح كي سمعت واش قال شهقت ملخلعة
فريال:واش بيها تقوى واش صرالها و كيفاه و وقتاش و وعلاش.... كانت تهدر بزرب وهو كان يشوف فيها
اكرم:امشي
و جرها من يدها. فريال:اييي بلعقل مانقدرش
اكرم تفكر بلي راهي مريضة ولا راح ليها و رفدها كي لعرايس و مشى بيها و كامل يشوفو فيهم و لفرمليات وحدة تحسد و لوخرا تتمنا واحد كيفو
لحقو للطوموبيل ركبها و ديمارا بيها  و هاد لمرك كان يسوق نورمال
فريال ماحبتش تهدر معاه و مام هو كان ساكت
كانو يمشو فطريق فريال ماتعرفهاش بصح تفكرت بلي هي نفسها طريق لي دارو فيها لاكسيدون.
فريال فقلبها:وين راه دايني هاد لمهبول ماشي بنتو راهي مريضة و يزيد علاش راهو ساكت و كالم هكا واقيل هادا لي يسموه الهدوء ماقبل العاصفة

كانت تهدر فقلبها و تشور بيديها كي لمهابل ووهو كان يشوف فيها و تبسم بلا ما يفيق
حبست طوموبيل فبلاصة خالية
فريال بقات تشوف فيه و لفضول ياكل فيها بصح هو كي لحجرة كلمة مانطقها و هي زعما زعفانة ماشي حابة تهدر و كل تلقاه يشوف فيها تشنفة خبط مطوموبيل و تبعاتو حتى شافتو داخل وصط شجر حبست ماقدرتش تمشي ولا ليها و بقا يشوف فيها حابسة
اكرم:ماتقدريش تمشي.  كان راح يرفدها بصح هي بعدت عليه
فريال:نقدر
اكرم:مالا علاه حبستي
فريال:ااااع هادي غابة و لغابة فيها شجر و شجر فيهم لحشرات و انا عندي فوبيا منهم سورتوو لڨرلوو
اكرم ضحك ضحكة من قلبو عليها و هي غاثت فضحكتو.
فريال:اييه تعرف تضحك قول والله..
اكرم زبط وجهو و رفدها
فريال:قتلك قادرة نمشي
هو مارةعلهاش و دخل بيها وصط شجر و هي كل ماتشوف حاجة تبوجي تعيط
اكرم:بلعي فمك ودني ثقبتيها
فريال:ماتعيطش عليا ديجا واحد ماقالك جيبني للامازون تاع دزاير و يزيد اديني عند تقوى راهي مريضة
اكرم:تقوى راهي مع قمر و هلال لاباس بيها
فريال حست بيدون تاع ما بارد طح عليها