💙🌚قمر.🖇. هلال🌜 💙 ~♥~كاملة~♥~

حلقة25

هلال:بابا واشييه اكرم
جمال:خوك بدا ينوض
هلال:صحح
جمال:اييه راهم معاه طُبا دوك يخرجو
هلال:و مرتو و فريال واش صرالها
جمال:مازال مابان عليها حتى خبر راهم لداخل
غير كمل هدرتو خرج طبيب من عندها و موراه فرمليا
راحت عندو قمر و شوق يجرو
قمر:واشبيها دوكتور واش صرالها ياك راهي مليحة
شوق:وعلاش بطيتو واش صرالها واش درتولها
وليد:اسكتوو خلوه يهدر
سكتو لبنات و كانوكامل يستناو فيه ينطق
طبيب:ابمريضة الاصابة تاعها كانت شوية خطيرة خاطرش جاتها قريبة للرحم تاعهما
ساجية شهقت :تسما ماتقدرش تجيب دراري
طبيب:ماعلابالناش مع لوقت تبان بصح كاين امل
ساجية و صفية قعدو يبكو
جمال:الحمدلله على سلامتهم
جوزو ليلة كحلة خرجو فريال ملبلوك و داوها لاشومبر تاعها بصح اكرم ماخرجوهش كانو خايفين يصراولو مضاعافات خاطرش الاصابة تاعو كانت فراصو
غدوة من ذاك ناضت شوقة رقبتها توجع فيها جات راح تنوض حست حاجة مزيرة عليها شافت لقاتو منير راقد و معنقها
شوق:منير منير نوض
منير:امممم صباح لخير
شوق:صباح نور ايا نوض خلينا نروحو لدار نوجدو حوايجهم
ناضو و راحو كيفكيف و بقا تما غير قمر و هلال و صفية
قمر:ماما صفية نجيبلك قهوة
صفية :مادابيك بنتي راصي راح يطرطق
قمر:شوفي دوك نعيط لمنير يجي يديك باش تريحي شوية و نبقا هنا انا و هلال
صفية:بصح يا بنتي
قمر:ماما صفية قتلك راكي عيانة و راكي غير تزيدي تمرضي كي تريحي هنا روحي للدار ارقدي و لعشية ولي
و هكداك كان لحال راحت و بقات قمر مع هلال
دخلت قمر عند فريال لقاتها مكسلة و من وجها تبان عيانة طاختلها دمعة بصح مسحتها بلخف و تبسمت و بدات تهدر
قمر:يا ندبة علاش راكي راقدة ملبارح و انا نستنا فجدك تنوضي و نتي ولا على بالك يا لحيوانة نوضي باش نزوجك باكرم و تولي سلفتي و نهبلوهم نوضي باش نولو كيما كنا حنا 3 نهربو ملمسيد و نروحو عند عمي سعيد نضربو كسكروط نوضي باش تلعبي مع تقوى ياك قلتيلي بلي تحبيها
يالخرا نوضي نبقا نحلل فيك يا زمر
وقعدت تهدر معاها و تسب فيها كي ماحبتش تنوض حتى تحل لباب دارت لقاتو هلال يعيطلها
قمر:راك عيان ارقد شوية
هلال:راهم خرجو اكرم و داوه لشومبرا نورمال
قمر:اااه الحمدلله  نقدر نشوفو
هلال:ماشي درك راهو راقد
قمر:هلال راك صفر واشبيك
هلال:والو بلاك كي مارقدتش
قمر:امشي ترقد
هلال:مانقدرش نرقد فوق لكرسي ضهري يوجعني
قمر:امممم خلاص مالا تبعني.
شداتو من يدو و كانت تمشي فيه و تشوف فلي شومبر حتى لقات وحدا فارغة
هلال:علاش جبتيني لهنا
قمر:باش ترقد
هلال:هبلتي و لوكان يفيقولنا
قمر:ساهلة ايدا فاقولنا نهربو
هلال:نتي بلاصتك فسبيطار تاع لمهابل
قمر:وي بعتوني لعندهم بصح هوما حاوزوني و قالولي بلي ماناش حابين طُبا يولي مراض ههههههه و ياا دوك ادخل
طبعاتو و قعداتو فوق لفراش و غطاتو و قاتلو بلي راهي عند لباب قعد شوية بصح ماقدرش يرقد عيطلها
قمر:واش تحتاج هلال علاش مارقدتش
هلال:ارواحي
دنات و كي لحقت عندو حكمها من يدها و جبدها ليه جات فوقو
سيات تنوض بصح هو ماطلقهاش
قمر:هلال واشبيك واش تحتاج
هلال:ماقدرتش نرقد
قمر:وانا علاش راك شادني هكا خليني نوض باش تقدر ترقد
هو بقا يشوف فعينيها لي سحروه و فلحظة عنقها و زير عليها كيشغول خايفها تهرب و هي كانت مستسلمة ليه ماحبتش تبوجي باش ماتقلقوش و مام هي عجبها لحال و لات عنقاتو و غطاها و قعدو هكاك يتنفسو فهوا واحد حتى رقدو