💙🌚قمر.🖇. هلال🌜 💙 ~♥~كاملة~♥~

حلقة 10

راحو لخطابة و هادوك زوح لحد هاد دقيقك ماشي مصدقين
قمر:اسمعي شقسق كاش ماكلينا موقبيل راني حاسة روحي زاطلة
شوق:ايه ايه كلينا لكروكي لي بعثاتو جارتكم
قمر:شفتي قتلك مالا سور كان فيه سحور لعمي منير باش تزوجلو بنتها لبايرة و حنا رحنا غلاط مع لعقاقير
شوق:زعما صح
عيشة:يخدعكم ايدا نتوما بنات انا لساني ناض فيه شعر و انا نهدر عليكم ذنوب ابا جهل دوبليتهوم تالمون كذبت على الناس حتى ضميري رفد كابتو و راح و نتوما هنا راكو قاعدين نوضو لي نوضك ربعكم على صبعكم
قمرو شوق يداو يغنو:ليش بتكذب يا وليد مابتعرف انو حرام و عيب و مش من الاخلاق و الكذاب ناراح يباالو اصحاب
و اووووبب و تاتيهم زوح فردات تاع بليغة تاغ نيلو تاع لحما السلاح الفتاك لخالتي عيشة افضل هدافة في كل المجرات
قمر:ااحححح
شوق:و ذهب ماتريالي في مهب الريح
عيشة :نحسب ل 3 نلقاكم رفدتو لميدة
قمر و شوق ماستناوهاش تبدا تحسب كانو ديجا لمو لماعن
جازت هاديك لعشية
فليل كانت قمر و شوق راح يرقد‘ حتى لحقهم ميساج
......لبنات راني مولية ليكم و نعاودو نرجعو كيما بكري
قمشوق(قمر و شوق) غير قراو لميساج شتفو فبعضهم و بداو يعيطو
قمر:وييييييي راح تولي
شوق:يويويويويووووويييي
عيشة زدكت مخلوعة فيدها مقلة و محمد موراها رافد لمونش تاع لبالي و منير داخل مابيناتهم رافد مخدة
عيشة:واش كاين
قمشوق شافو فيهم و دموع فعينيهم
قمر:راح يولو
محمد:شكون
شوق:دار عمي لماداني
منير:احلفو
قمشوق:واللله
عيشة:ياعمري راح تولي صحبتي و عشيرتي و نولو ليامات زمان..شافت فيهم... عندكم زهر لي فرحتوني و ماخضيتش هاديك لخلعة في 
باطل ‘ دوك ارقدو
خرجت هي و محمد و منير قعد غايس فشوق لي مازال مافاقتش بلي ماراحش
شوق و هي تصوطي فوق سرير:دزدق زدق زدق ايواا ايااا نوضي نوضي ماتقوليليش راح ترقدي صح منك
قمر:راني نعسانا
شوق:ارقدي و انا نبقا وحدي نزها
منير:نتي ارواحي نحتاجك
شوق:ايمااا سمالله منين خرجت نتا هكا يدخلو ناس راني حاسة قلبي راه يسلم على الامعاء زلقلي من لخلعة
منير:نقصي حسك و ارواحي
شوق:مانجيش معاك نتا و دوك تقدر تخرج و تخليني نديرونجي قمر براحتي
منير:مانخرجش بلا بيك
شوق:خلاص مالا بات هنا
منير شاف فيها و راح ليها ديركت رفدها كي شكارك تاع لباطاطا
قمر:طفو ضو و اغلقو لباب و مادابيكم تنقصو حسكم راني عيانا
شوق تهدر بلعقل و تضرب فظهرو:حطني لي يحطلك شكارة تاع سيمان فوق راصك
منير:زيدي دني يدك شوية اڨوش ادلكيها مليح
شوق:واش مافهمتش
منير كان لحق بيها للجاردان:نتي من نيتك راكي حاسبك روحك كنتي تضربي فيا
شوق:غير ماكاله تضحك خاطرش راهم لحمامات لكحولة يدورو فوق راصي مالا غير اهدر واش تهدر و خيليني نروحح
منير :راكي حابة تروحي باش تحكي معاه
شوق:ايه نحكي معاه.. بصح اصبر شكون هو هذا لي راح نحكي معاه
منير:هو نفسو لي كنتي تحكي معاه ديك لهدرك لخامجة
شوق:نتا هو لخامج ياخي و انا نقول قمر علاه تخمامها فاسد و دوك فهمت بلي هادي حاجة وراثية عندكم
منير:‘شوفي بلاما نكثر هدرك قولي شكون هو لي كنتي تح‘ي معاه و من وقتاش ترقدي عندو... قالها و عينيه حمارو و عروق تاع رقبتو بانو
شوق:اولا هاداك سالم ثانيا نرقد عندو ملي كنت صغيرة ماشي حاجة جديدة
منير:ماشي حاجة جديدة ياك نتي واقيل صح ماتحشميش تقوليها في وجهي... يحكي و يزير على سنانو خايف يعود يضربها
شوق:احي دوك نتا واشبيك و واش فيها كي نقولك راني نرقد عند جدي سالم قول
منير هنا عقلو بدا يصوني و يانديكيلو بلي ماركا ايرور:جدك؟؟
شوق:ومال واش راك حاسب... اااا ماتقوليش كنت دايرني من هادوك لبنات
و بدات تضرب فيه لصدرو
منير و هو غلبو ضحك على روحو و عليها :حبسي ياو حبسي
شوق:اصبر مازال ماكملت
منير سقم روحو و دار يديه فجنابو:صحا ابقاي تضربي ‘ كي تكملي قوليلي
شوق:اف لازم تتوجع شوية هكا كيشغول ماني ندير والو تقول شي راني نضرب في حطبة
. منير شدلها يديها:خلاص حبسي نقولك حاجة
شوق:واش كاين تاني 
منير:اسمحيلي كي فهمتك غالط و قتلك داك لكلام
شوق:اممم اوكي سيبون راك مسامح خو ديرها كيشغول ماكاش
منير:بلاكي تعاوديلي هادي تاع خو ودوك طيري لبيتك ترقدي
شوق:راني عيانة لوكان غير دير بليزير و تطلعني كيما هبطتني
منير:نوضي ماشي كل يوم لعيد
شوق:يصح كاين شحال من عيد ههن. قاتلو و هي تمد فيديها باش يرفدها
منير راح و هو يضحك عليها خلاها هكاك و طلع
شوق تمشي و تخبط فلرض:حمار معوق مايعرفش يتعامل مع الانثى
و طلعت لبيتها و لبل كامل و هوما يخمو فبعضهم و يضحكو
غدوا من داك ناضو على صوت لحس برا
قمر:شوووقق نوضو نوضي واقيل جاو
شوق ناضت ديركت:امشي امشي نشوفو
طلو من لبالكو لقاو لخدامين يهبطو فدوزان و محمد و منير معاهم هبطو يجرو بحوايج زقاد
كانو لابسين