💙🌚قمر.🖇. هلال🌜 💙 ~♥~كاملة~♥~

حلقة 20

فريال كانت واقفة قدام قمر و 🤐
قمر:فررر واشبيك عيتي😯
فريال:مورالي راه يسلم على لرض 😣😣
قمر:وعلاش هبطلك لمورال 😐
فريال:لغاشي كااااملللل جابولي كادوات غير سلفك لي ماجابلي والو😤😤
قمر:امممم تسما هادا واش قلقك🙄🙄
فريال😶😶:ديجا شوفيه مصبح و هو مع هاديك طفلة و يضحك معاها و انا كل ما يحكي معايا يقولي تبعيني اسكتي اركبي بلعي😬😬😬
كانت تعكي فيه
قمر:امم فرر اصبري 😟😟
فريال:مانصبرش 😡راح نموت هادا زعما راح يولي راجلي زمر جايح متكبر حاسب روحو ماي.... 😨😨😨😨
اكرم:حاسب روحي واش😒... قالها قدام وذنها
فريال:امم حححااااسسسببب😓😓😓😓😟
اكرم دورها ليه بزرب شاف فيها و عينيه راح يخرجو فلحظة غاس فوجها كيفاش تبان صغيرة و بهلولة بصح هي لسانها كتر منها😝
دارو عليهم كامل لغاشي بصح هوما مافاقوش كانو يشوفو فبعضهم و ناسيين ناس😍😍😍
قمر جات راح تهدر بصح هلال شدلها فمها
هلال:شدي بلاصتك و ما تهدري حتى كلمة😒😒
ولات قعدت تشوف فيهم
تقوى:ماما فيفي علاث راكم تثوفو هكا😛
قمر:ههههههه هادي نورمالمو تكون بنتي🤣🤣
هلال:ادا راكي حابة نقدر نخدملك وحدة😎
قمر ضرباتو بطالون لرجلو
هلال:نعل راصا تاعك😲😲
قمر:باش تتربى يا لمنحرف😤
اكرم:احمم امم😳  ..
جات ريتاج و فيدها سنيوة مشبحة كامل و في وسطها كاين زوج باطات صغار
ريتاج:تفضلوو🤗
اكرم رفد وحدة و شاف في فريال
فريال:واش هادا🙃
اكرم:لكادو تاعك😁
فريال:صحح.....لمعو هينيها و تبسمت تبسيمة تهبل
اكرم فتح لباطة كانت خاتم يهبل😍
شدلها يدها و دارهولها فصباعها
اكرم:بصحتك☺
فريال:ههه يسلمك
اكرم:ودك دالتي😄
فريال:كيفاش دالتك🤔
ريتاج:فريال ديريلو لخاتم😐
فريال:و منين نجيب خاتم🤔
اكرم:لعمى هاوليك😐
فريال شافتو ضحكت و دارتهولو و لي كانو تما كامل يصفقو غير فريال و لياس لي كانو يصفرو
هلال:تقول تزوجت بصاحبي😐😐
قمر:تزوجت بختك😑
هلال:ببعي و حبسي تبهديل لي راكي ديري فيه
اكرم و فريال خرجو للساحة باش يحكو شوية
فريال:تسما هكا نتا لي خططت لهادا كامل☺
اكرم:ماشي وحدي انا و صحاباتك و منير و هلال
فريال:اممم مرسيي🤗
اكرم:و دوك نهدرو فصح😑
فريال:واش كاين
اكرم:كاين شروط تبعيهم ولا تصرا حاجة ماراحش تعجبك
فريال نخلعت كيفاه فدقيقة وحدة تبدل
فريال بخوف:واش هادو شروط
اكرم:اولا لبسة خادي ماتزيديش تلبسيها
فريال:وعلاه كامل قالولي شابة
اكرم:ثانيا ماكاش لهدرة مع رجال من غيري
فريال:و هلال و منير و سامي و ادم و رامي و...
اكرم:ماكاش ديحا هلال و منير غير كي تحتم
فريال:بربي نشالله🙄
اكرم:انا قلت
فريال:خلاصو😬😡😡
اكرم:مازال و هادي تاع تشطحي قدام لي كان ماكاش و ماتضحكيش مع عيباد ماتعرفيهمش و تخرجيش بلا ماتقولي و ماتهدريش مع لي مانعرفهمش وما
فريال:وما تتنفسيش ياك😠😠😠
اكرم:حسابتلك راني نحرش
فريال:واش درتلك باش راك تعاملني هكا
اكرم:اسمعي انا هدرت واش عندي و نتي ديري لي تحبيه
و جا رايح حتى سمعها تهدر بشهقة
فريال:نتا واحد اناني متكبر مخلوع بروحك ماتعرفش قيمة نتس لي راهم حداك لي همك هو روحك حتى بنتك و ماتهتمش بيها كيما لازم
اكرم راح ليها و شدها من فمها
اكرم:هاد لهدرة راح تستقاملك غالية
فريال:علابالك نتا واحد مهبول و متكبر
اكرم هنا ضربها بكف حتى قريب ما طاحت
رفدت راصها و دارت يدها على خدها و دموعها غسلو وجها
فريال:فحياتي ماراح نسامحك و ماراح نحبك و هاد جاست راح تندم عليه
و راحت تجري و خلاتو تما يغلي وحدو
كي دخلت لقاتهم راحو بقاو غير قمشوق و هلال و منير
فريال شافت فيهم و طلعت تجري
لحقوها لبنات حكاتلهم واش صرا و هوما قعدو يصبرو فيها
رقدت فريال اما قمر و شوق هبطو لتحت لقاو اكرم معاهم
قمر:خويا اكرم ارواح معايا
اكرم فهمها واش حابة راح معاه بلاما يهدر
قمر:شوف علابالك بلي نقادرك.  و نحبك و دايراتك كي خويا و كي سمعت بواش درت لفريال باش تقبل ماهدرت والو بصح باش تلحق وين تمد يدك عليها هنا مانسمحلكش واش دارتلك باش تضربها
اكرم:نورمالمو حكاتلك
قمر:اييه حكاتلي لي دارتو انو قابلاتك بحقيقتك
اكرم علابالي بلي عانيت فحياتك بصح ماشي غير نتا حسابتلك فريال كانت هكا حسابتلك ضحكة لي راهي تضحك فيها من قلبها راك غالط هي بزاف قاسات فحياتها و شي لي درتو نتا عاود رجعها ضعيفة و صدقني ماراحش تولي تتعامل معاك كيما كانت
اكرم كان يشوف فيها و مخلوع ماشي عارف واش صرالها
اكرم:وهلاه واش صرالها
قمر:ماشي انا لي نقولك واش صرالها هي لي لازم تخبرك
‘ راحت و خلاتو