💙🌚قمر.🖇. هلال🌜 💙 ~♥~كاملة~♥~

حلقة 33

قمر :توحشتك بيبي وين راك
هلال عينيه نشلخو من كلمت بيبي و وذنيه ولاو كي لبارابول
قمر:هههه خلاص مالا ليوم لعشية كي نخرجو مليسي نروحو ديركت و نديرو راينا
..........
قمر:ههههه وي هكا نحبك كي تكون معايا نتسى كلش
....................
قمر:ايا باي دوك شوية نحكو
كوبات عليه و شافت فهلال لي كان كي لحلوف وجهو حمر و عينيه كي تاع دراڨو و عروق‘ خارجين
نخلعت فيه
قمر:واش كاين علاه راك هكا
هلال:معامن كنتي تهدري
قمر:مع...اوب اوب اوب ديجا نتا واش دخلك
هلال:كيفاه واش دخلني راني راجلك ولا نسيتي
قمر ضحكت باش تقلقو:راجلي ههههه ونتا علاه نسيت بلا انا مرتك
هلال:ماشي كيفكيف
قمر:كيفكيف و دوك حطني هنا رانا قريب نلحقو
هلال ڨارا تم و قلع ديركت و هي بقات تمشي و تمتم وحدها
كي لحقت لباب ليسي شافتو واقف مع لعزازي زهرة و يحكو
قمر:هااادييي هييي لي راه معاها
.....:واش عمري صافا
قمر:واشمن صافا كيتصبح على زمر كيما هاداك
كانت تهدر و تشوف فهلال
رياض تكا يدو فوق كتفها:امممم تسما كاين حاجة بيناتهم
قمر:ماراكش تشوف يالعماا
رياض:بصح على حساب ما حكيتيلي كان يبان يحبك
قمر:ببببببف بلع بلع و يزيد دوك فطوموبيل ماعلاباليش واش صرالو كي سمعني نحكي معاك قريب ما قتلني
رياض:هههههههه امشي امشي
كانو يمشو كيفكيف و كي شافهم هلال رياض خبللها شعرها بلعاني و هي ضحكت بنيتها معلابالهاش واش يخمم رياض

بون نعرفكم برياض
هو تقدرو تقولو خو قمر لي تبحر فسبيطار يفهمها بلا ماتهدر بصح ماكانوش يهدرو بزاف خاطرش صحبتو كانت تغير تسما جبدو روحهم بصح دوك ولاو خاطرش هاديك صحبتو فهمت بلي ماكان والو بيناتهم

دخلو للكلاصة و بداو يقراو جات ساعة تاع رانية مادام لافرونص هي غير دخلت شافتها قاعدة حاوزتها ولات ناضت و تبعها رياض و شوق
خرجو و راحو لصال دو سبور لقاو كاين ماتش تاع فوت دخل رياض و قمر و شوق ريحت خاطرش ماتعرفش تلعب
لعبو حتى صونات تاع لعشرة خرجو لقاو هلال مع زهرة قمر ولات حمرة و رياض حكمو ضحك عليها
رياض:اممم غرتي يا لكلبونة
قمر:نغير على بغل كيما هاداك ايياااه شوف شوف راهي شاداتو من يدوو حابتني نجيفهااا
و راحت ليها ديركت وقفت قدامهم
زهرة:ببببلففف هلال واش جاب هادي دوك
قمر:نتي لي واش جابك لعندو
زهرة:ونتي واش دخلك
قمر:حابتني نخنقك هنا واقيل
هلال:حبسو دوك قبل ماتكبر لحيا زهرة روحي و نتي تبعيني
قمر:مانجيش راني رايحة عند رياض
هلال شاف فيها بنظرة تاع لموت بصخ هي دارت رايها و راحت و خلاتو حالف فيها و من زهرها شباب راهي رايحة تقرا عندو زوج سوايع
راحت عند رياض لي كان يخمم فخطة باش يسلك ختو و لقاها بصح ماحبش يقوللها خاطرش علابالو بلي تمرڨها و تفرش روحها
صونات دخلو كامل غير هادوك 3 لي كي لعادة كانو يلعبو كي لحقت و عشرة طلعو دخلو كامل و راحو يقعدو و قمر مستغربك من هلال لي ماهدر والو
راحت قعدت مع رياض و كانو يحكو و هلال يشوف فيهم بصح ماحبش يبين غيرتو حتى شافها قرصاتو من خدو ولا يغلي
هلال:قمر اخرجي استنايني برا
قمر:وعلاش
هلال:اخرجيي
قمر ناضت تمشي بلعقل و تكركر فرجليها بلعاني
خرجت و وقفت قدامو:وي كاش ماكاين شيخ
هلال:واش راكي ديري لداخل
قمر:نقرا
هلال:تقراي ولا تتمعشقي معاه
قمر:لزوج
هلال:قلتيلي لزووج مالا دوك ترفدي دوزانك و تجي تقعدي مع زهرة
قمر:راك حابني نقتلك حبيبتك
هلال:حبيبتي
قمر:امممم علابالي بلي هي لي راك تحبها
هلال ضحك عليها و على لغباء لي عندها:مالا روحي ريحي معاها و ماتخليهاش تضربك نعرفها مغيارة
قمر:ههههه بصح غير شوف فوجها مليح خاطرش راح تتوحشو
و دخلت راحت جابت دوزانها و قعدت معاها
زهرة:ببببف هادا متخصني
قمر:نونو خصاتك كف تلصقك فلحيط
زهرة:واقيل نتي لي راح تضربيني
قمر:عندك شك
زهرة:بلعي بلعي يا لحمارة
قمر:انا حمارة يا لجايحة يا يا لبهلولة لي يجي يلعب بيك... كانو يعيطو و هلال مخلوع كيفاش تحولت قمر ولات حمرة جامي شافوها هكاك  بصح شوق و رياض شافوها هكاك من قبل
زهرة:ماشي مربية صوفاج هههه اصلا كيفاه تترباي و نتي يتيمة بنت طريق اصلا واقيل والديك ماشي مربيين كيفاه حبيتيهم يربوك
قمر سمعت واش قالت ركبوها لجنون
خبببططط سسسسلللخ
نعم نعم ياسادة حكمتها من شعرها و قعدت تخبطلها فراصها على طابلة و تعيط
قمر:وحدة كيما نتي تهدر عليا هكا و تهدر على والديا ليوم ندفنك
هلال كان يجبد فيها بصح هي وااالللو كانت شادة فيها كيما لقطوطة و لوخرا غير تعيط بصح لكليكة تاعها تاع لمهابل مرغين بضحك و يستشفاو فيها
هلال قريب ما مات بلخلعة زهرة جبهتها تبلاطات و نيفها يسيل بدم و حناكها مندوب
رفدها و هي تعيط و تضرب فيه
قمر:خليني قسامي ليوم نقتلها بعدني هلال والله غير تخلصها ليوم تروح لدارهم فصندوق بعدنيي حطنييييي
مسكين وجهو تندب ظفارتيها تكسرو فخدودو شعرو تشنشف و هي تقول جونسينا  لحقها للبيرو تاع فوزية و رماها فوق لفوتاي قدام عمتها
فوزية كي شافت زهرة حست قلبها زلق ليسطومتها
بصح قمر غير شافت زهرة زادت كلبت و ناضت ليها بصح شوق دخلت فلوصط
شوق:قمرر حبسي خلاص
قمر:خليني قتلك بعدي شوق مازال مابرد قلبي ...كانت تهدر بلعقل و تلهث
شوق قربت ليها و شافت فعينيها:يا لحمارة شوفي فوجها بسبابك راح تبور و تحصل بيها يماها
قمر غلبتها ضحكة على كلام صحبتها :هههه بلعي بلعي ياو ليوم راح نبات فلبوصت بوليس لي يشوفها يقول اغتاصبوها حوايجها بششتهم
كانو يضحكو قدامهم و هلال مخلوع كيفاه فدقيقة كالماتها و رجعتها تضحك
ف‘زية:فهموني واش صراا
قمر حكاتلها كلش و فوزية ولات تشوف فزهرة بنص عين لوكان جات فبلاصة قمر راهي دارت دوبل
زهرة عيطت لباباها و مام هو جا و......