💙🌚قمر.🖇. هلال🌜 💙 ~♥~كاملة~♥~

حلقة 24

راحو كل واخد فطموبيلتو
هلال:نتي ماشي خليتك فليسي
قمر:ايه
هلال:و ماشي نورمالمو تخرجو على 5
قمر:ايه
هلال:و ماشي دوك لازم تكوني فدار
قمر:ايه
هلال بعياط و يخبط فلفولون:مالا واش جاب ربك لهنا اهدري حابا تهبليني و بلا ماتشاوري و لا تسقسي
قمر:بصح
هلال:ماكاين لا بصح لا والو مليوم ماكاش مدار لليسي مليسي لدار و ايدا رحتي لكاش باصا رجلي على رجلك
قمر:ربي يهديك
هلال :صدقيني كي مازال ماضربتكش راه هاديني و بلبزااف
قمر تفكرت نهار لي لحقها لصبيطار فخاطر خاجة ماكان مادخلها فيها
قمر بصوت تاع بكا وتعيط:اييه علاش لالا راك درتها مقبل ديجا نقولك موسيو هلال بن العربي مليوم نتا لي خلااص تولي فليسي بروف تاع لمات و خارج ليسي كيفك كيف واحد مانعرفوش.... رفدت صبعها فوجهو و تحذر فيه... و بالاك تزيد تدخل روحك فيا و ماتزيدش تحوس عليا راهم بقاو قريب 7 شهور و خلاص نطلقو و كل واحد يروح فطريقو
هلال كانو عينيه حمورااا و دم يغلي فعروقو زاد فلافيتاس طريق حارقها لحقو لدار هيط و خبط لباب قريب ماكسرها و خلاها موراه

عند اكرم و فريال
اكرم يحكي....
كنت مع هلال نسيي نكالمي فيه ختطرش مرتو خرجت مليسي و مابانتش حتى عيطلي منير و قالي بلي راه رايح عند شوق و لبنات راهم فلبارك هو غير قالي لبنات فهمت بلي فريال راهي تم قلت لهلال و رحنا ديركت لتما قعدنا نقلبو عليهم حتى شفناهم مع وحد زوج دراري
انا تم مخي طار واش راهي دير معاهم و كيفاه تجي بلاما تهدر
رحنا ديركت عطيناهم طريحا تاع لكلاب و كركرتها مورايا.
اكرم بعياط:واش جاب قسامك لتما
فريال ماردتلوش و وجها كان بارد
اكرم:قولييي وعلاش ماسقسيتينيش
فريال......
اكرم :راصتك راني نهدر مع قسامك.
فريال.... 
اكرم حكملها وجها و دورها لعندو و زير عليها
اكرم:كي نكون نهدر معاك ماديرينيش فوذنك
فريال:شووف فطرييق.
اكرم:دوك نفحتلك تهدرلي مانشوفش
وزاد لافيتاس و قعد يشوف فعينيها و هي ولات صفرا ملخوف
فريال:شوف فطرييق مانيش حابة نموت قدامك
اكرم:واش دا راصتك لتما و اش كنتي ديري معا هادوك..   و علاش ما.
فريال:ااااااااااا

قمر:الو وي شكون معايا
....
قمر:وي انا هي
......
قمر:مماافهممتشش ككيففاش
.......
قمر:فرياللللل
و بدات تعيط حتى دخل ليها هلال شافها طايحة فلرض تبكي و تعيط باسم فريال
هلال :قمر واش كاين واشبيك واش بيها فريال
قمر:فرييال و اكرمم ددارو اكسيدو
كانت تبكي بشهقة هلال تما مافهمش ولا نقولو ما صدقش واش راهي تحكي
قمر:ققاالي. هاداك لي عيطلي دوك راهم فسبيطار
هلال نوضها و راحو ديركت لسبيطار و فطريق عيط لوليد و قالو
لحقو لتما سقساو عليهم لقاو فريال دخلوها دير عملية و اكرم كان فلعناية لمركزة و لحالة تاعو ماشي مليحة
وقفت قمر قدام لباب تاع لبلوك تبكي  حتى حست بحاجة تزير عليها مسحت دموعها لقتو هلال معنقها بكل قوتو زادت ششوية حست كتفها تشمخ.
رفدت يديها و عنقاتو هي تاني و زيرت عليه
رفدتلو راصو لقات عينيه حمورا و خدودو يلمعو بدموع
قمر:هلال مالازمش تبكي دوك ينوضو لزوج و يولو يضاربو كيما موالف لازم نكونو حنا قوايا باش ندعموهم و ندعو ربي يخرجهم منها على خير
كانت تحكي معاه و تمسحلو فدموعو و هي شادك دمعتها بسيف

هلال بقا يشوف فيها ماشي حاب يبعد زاد عنقها خاطرش حس بلي هي لي راهي تمدلو فلقوك باش يصبر اكرم كان بنسبة ليه كلشي خوه صاحبو باباه مربي على يدو كل حاجة مليحة فحياتو كانت بسباب اكرم مايقدرش يتخيل حياتو بلا بيه
اما قمر كانت خايفة بزاف من جيهة صحبتها لي كيف ختها و من جيهة اكرم لي هو خوها كانت تعرفو من قبل خاطرش كان يجي عند منير
قمر ماتقدرش بلا فريال و متستحملش حياتها بلا بيها هي و شوق روحها خواتاتها لي ماجابتهمش يماها فريال كانت هي رزينة فيهم هي لوحيدة لي تخمم كانت تحامي عليهم و يحامو عليها توقف معاهم و يوقفو معاها
زيرت على هلال حابة تغمض عينها و تفتحها تلقا روحها كانت تنوم ماشي صح واش راه يصرا
حست بهلال هو الحاجة لي تقويها مالڨري كان يبكي بصح مادامو معاها خلاها تحس بلقوة
وحد نص ساعة لحق وليد و ساجية و ماداني و صفية و جمال و شوق و منير و عيشة و محمد
دنيا تعمرت
قمر كانت قاعدة و حاطا راصها على كتف شوق و شادة فيدها و يدعو ربي و ساجية و صفية و عيشة كان. يسبحو و يستغفرو و يبكو
و رجال كانو واقفين كل واحد فيهم فواش يخمم
هلال كان حاكم صور و قاعد فلرض حاط راصو على يديه
عندهم 3 سوايع و ماكاين حتى خبر فريال مازال ماخرجت و اكرم حالتو ماتحسنت
كان قاعد حتى حس حاجة على راصو رفدو صابها قمر و تبسيمة فوجها
قمر:ارواح معايا
و شداتو من يدو و نوضاتو و داتو للجاردا تاع صبيطار
قمر:علابالك راني كاستهم بلي راح يرجعو لينا  و مايخلوناش
هلال:و ايدا خلاونا
قمر شافت فيه و حطت راصها على كتفو.
قمر:مالازمش تحكي هكا خاطرش علابالي بلي مايخلوناش اكرم يحب بنتو و يحبك و يحب فريال و يحبنا كامل ماراحش يخلينا و فريال مستحيل تمشي و تخلينا ماطرش علابالها بلي نخربو دنيا بلا بيها و يزيد هي تتوحشنا و ماتقدرش بلا تقوى لي راهي كيما بنتها  و حتى اكرم خوك مالڨري كامل واش دار حباتو و هو حبها بصح مازال مافاقوش
علابيها لازم يفيقو باش يعيشو مع بعضهم لحلوة و لمرة  و يفرحو و يزعفو مع بعض يتنايفو يرجعو لبعضهم ياك
كانت تهدر بصوت رقيق و بسمة دافيا فوجها خلا هلال يروح لعالم وحدوخر فيه غير هو و قمر
قعدو شوية و عاودو دخلو
شافوهم كامل واقفين و ساجية و صفية معنقين بعضهم و يبكو و جمال واقف فلاشومبر عند لاشومبر تاع اكرم
هلال حس قلبو حبس شد فقمر و زير عليها يمشو كيفكيف و خايفين ملي جاي
هلال:بابا وواش كاين
جمال:خووك ...و راح ليه عنقو و بدا يبكي.
هلال:وشبيه بابا وشبييه اكرم
جمال:خووك......