💙🌚قمر.🖇. هلال🌜 💙 ~♥~كاملة~♥~

حلقة 14

صفية بقات تحكي مع قمر بصح هي ماكانتش سامعة بيها عقلها كان فواش قالو درك😯😯
صفية:بنتي قمر وشبيك😦 ساهية ماكيش معايا كامل😬
قمر تبسمت😄 :اسمحيلي ماما راني عيانة شوية برك😟
صفية:معليش بنتي روحي تريحي🙂
قمر:ماما كنتو صح فواش قلتو مقبيل🤞🤞🤞💔
صفية:وي كنا صح خاطرش علابالي بلي ماراحش تلحقو للدار ولقراية 😏😏
قمر تبسمت مم فوق لقلب😯😯:والله صح خير مادرتو و ماام انا مانحبش نبقا وحدي😁😁
صفية:اييه عندك لحق نتوانسو‘ شوية🤗
قمر:صح ايا ماما اسمحيلي نطلع نرقد شوية
طلعت قمر و خلات صفية رايحة لبيتها
بدلت حوايجها و لبست بيجاما كحلة فيها قلوب بكامل الالوان و شورت تاعها و تكسلت فلفراش و رقدت بعد ما حكات مع لبنات شوية
هي غير بدات تشوف في فارس احلامها 💜💜💜تسمع صوت
...:نوضييي نوضي
قمر:اممممم خلوني نتزوج💤💤
هلال:نوضي لي تنوضك زلزلة💀☠️☠️😾
قمر و تهدر و عينيها مغمضين😩😩:انا هاد صوت نعرفوو هادا صوت مستر تشناف. 😨😨
هلال:نوضي حبيتي تباصيني نوضييي😡
قمر :واش كاين لي يعطيك حبة في فمك😠😠😠
هلال:نقصي حسك و نوضي ترقدي في شومبرتي
قمر هنا مخها كان ديبلاصا لوحد لجيهة خاطية 🔞
قمر حطت يدها على قلبها
قمر:بعدني بعدني منحررففف😲😲😱😱 راك حاب تغتاصبنيي
هلال حط يدو على  راصو😨
هلال:ياااا ربييي واش درت فحياتي باش تبليني بموصيبة كيما هادي و علاااششش 😭😭😭😭
شوفي نتي بركاي ما تعيطي دوك تسمعك يما و ارواحي سينون تشك فينا😡
قمر هنا تفكرت بلي صفية راهي عندهم
ضربت جبهتها بيدها😅
قمر:في اغلب الاوقات نحس عندي طاسة تاع حمام💫💫 فراصي ماشي عقل😖
هلال :شوفي اخرجي بلعقل خاطرش راهي تصلي لتحت 🔕🔇
قمر راحت  هي و هلال يمشو على  طروف صباعتيهم حتى  لاشومبر
غير دخلو قمر صوطات فوق سرير
رمات روحها و فتحت يديها و رجليها كيشغول تعوم على  كرشها😂
هلال شاف فيها و دار يديه فجنابو😐
هلال:و انا وين نرقد يا لالا مولاتي😑😑
قمربلا ما تشوف فيه
قمر: ارض ربي واسعة😎😎
هلال راح ليها ديركت و رماها للجيهة لوخرا
قمر:ااااو واش هادا راك ناوي ترقد معايا واقيل😲😲
هلال:شوفي بلعي فمك و رقدي راصي راح يطرطق😬😬
قمر:اوااااه موحال نرقد مع منحرف كيفك لوكان نوص صبح و نلقا روحي بلا عذرية😨😨😵 شكون ينفعني😱😱😱
هلال و هو مخلوع من خيالها لواسع😨😨😨
هلال ضربها لراصها :مخك هو لمنحرف🙀🙀 ديجا ارقدييي غدوة عندي شغالات بزاف
هو غير كمل هدرتو سمع تلفونو يصوني شاف شكون تبسم و كوبا و عاود عيط
هلال بصوت حنين:الوو عمري
قمر هنا دارت ليه
هلال:ههههه مام انا و بزااف
.......
هلال:الله غالب لازم نصبرو هاد شهور و نتهناو
.........
هلال:لوكان ماجيتيش نتي فحياتي نهبل بلابيك
.........
هلال:تعرفي كنت حابك نتي لي تكوني مرة لولة لي نتزوجها
.......
هلال:امممم كنت نتخايل فيك كي تك‘ني راقدك معايا و كي تكوني تحتي
قمر:اححححيييي عليا ما خليت لا قدر لاكصرونة
هلال شاف فيها نضرة تاع لموت
هلال:ايا غدوة حبي باي
.......
هلال:ما تخافيش غير هي لي ماندناش ليها اصلا ما نحسهاش طفلة
قمر :اصبر اصبر راك عليا واقيل
هلال كوبا لابال
هلال:راني عليك
قمر:انا مانبانش طفلة
هلال:و عندك شك فهاداا
قمر:اممم ابقااا شاد فهدرتك هادي يجي نهار و نفكرك فيها و ندمك عليها دوك ارقد غدوة عندك شغالات بزاف
و غمزتلو و دورت وجها و هي مقنوطة ملهدرك لي قالها و هادي لمرة تانيا لي يستخف بانوثتها
رقدت قمر بلخف هاطرش كانت عيانا اما هلال بقا غايس و يخمم  حتى  حس بحاجة فوق صدرو شاف فيها لقاها قمر لي حطت راصها فوق صدرو و عنقاتو بيدها
هلال بقا يشوف فيها كيفاش راقدة كي لملايكة شعرها كان مغطي نص وجها حاجة فيه خلاتو ينيحولها و بقا يلعب بيه و يشوف فشفافها لي مليانين لي خلاوه يتشهاهم تفكر كي قاللها بلي ماتبانش طفلة و تفكر كي قاتلو بلي راح يندم عليها تما تفكر رانية و كي وصاتو باش مايقربش منها ولا دناها علبه و جبد روحو منها ورقد و هو يشم فريحتها قدامو
غدوة منداك فطنت قمر لقات روحها رقبتها توجع فيها
قمر:ايمااا رقبتي راهي توجع تقل شي رقدت فوق حطبة
هبطت راصها لقاتو راقد
قمر:خلااص دوك فهمت علاش وجعتني رقبتيي
و فلحظة شافت فيه كيفاه راقد
قمر:ييييي شحاال كيووت يهبل كي يكون راقد تقول بيبي بصح غير ينوض يولي بغل لابس حوايج
هي غير كملت هدرتها تفتحو عينيه
قمر:صملرحيم  عينيك تقول تاع تنين علاش راهم حمورا.
هلال:ماشي تاع تنين تاع بغل
قمر:احححممم انا نوض ندير قهوة
هلال هي كانت نايضة هو جبدها و طلع فوقها.
هلال:علابالك عندك زهر لي مورالي راه طالع
قمر:الحمدلله مزية جا عندي زهر
هلال:شوفي دوك تبدلي و تهبطي بسكات ما تهدري معايا حتى كلمة باش ما نكلاطيش
قمر:اخخاه و كي تكلاطي ليمن تخلي مادام لا فرونص(رانية)
هلال زير على يدها
قمر:نحيي يدك وروح تتمعشق مع صبح ربي راك وجعتنيي.
هلال نحا يدو
قمر ناضت من فوق لبونك  و هي تحك فيدها و تشوف فهلال تتمنى تيري علبه بعشر رصاصات
قمر:ياا زحح يدم تقول تاع ماصو ماشي كامل تاع بروف
هلال:روحي خيرمن نكسرلك بيها راصك
قمر:اييه ارواح و كسر
هلال:ربك لسانك نقطعهولك و نرميه للكلاب
و جا رايح ليها بصح هي خرجت تجري راحت لبيتها و لبست جبة غوز سامبل و هبطت دارت قهوة و تقهواو كامل كيفكيف و صفية ولات لدارها و هلال راح
كي كان خارج عيطتلو قمر
قمر:هلال رد بالك راك نيةبزااف و بالاك كاش مادير حاجة و تباصي بيها...
قعدت قمر مع وردة
قمرو هي تلبس فطابلية:اييه خالتي وريييدة واش تعلميني ليووم
وردة:ههههه ارواحي نديرو حريرة
قمر راحت معاها و قاعدة مركزة فكل خطوة ديرها
عند هلال و مدام لافرونص
هلال:بونجور عمري ..و راح ليها يعنقها قد ما يقدر
بصح هي جبدت عليه
رانية:بونجور اييه ماتدينيش نشري
هلال:هههه امشي و شدها من يدها و ركبو ف طوموبيل
هلال مع روحو
هادي علاش راهي لابسك هكا لمعري كترمن مغطي و يزيد علاش راهي تجبد فروحها عليا و ماسقساتنيش اصلا على حوالي

رانية:اييه ندي هادي و هادي و هاديك و زيدلي هادوك لي لهيك
هلال:ياك ماراكيش راح تشري لمول كامل
رانية:اممم ماشي حاجة
هلال:ماشي خصارة فيك عمري.
رانية:علابالي
قعدو يدورو و كي كملت راح هو يخلص وهي قعدت برا
كي ولا شاف لي ما توقعووش
رانية لي حبها من كل قلبو تبوس فواحد فطريق في وسط لغاشي
هلال ولا مايشوفش قدامو كان رايح يقتلهم بصح حاجة فداخلو هداتو و هي كي تفكر قمر واش قاتلو و واش وصاتو
راح وقف قدامهم و حط لقضيان تاعها عند رجليها
و بدا يصفق و يصفر
راجل:شكون نتا
هلال:معرفة قديمة للمدام
و دار وخلاها تعيطلو حتى حسها جبداتو من يدو
رانية:راني نعيطلك علاش ما درتش
هلال بكل دم بارد عكس النار لي راهي داخلو
هلال:ما حبيتش نديرونجيك
رانية:فهمتني غالط
هلال:هههه واش واقيل راه تقوليلي بلي فمو جا على فمك صدفة ياك من عند ربي
رانية:ممااشييي
هلال:خلاص روحي كملي لي كنتي فيه اديووس
و راح و خلاها بلا ما يشوف وراه
هلال هنا تحطم حس روحو خسر كلش و حس روحو بهلول و تمنى لوكان واش شاف يكون منامة خايبة بثح لوجيعك لي راه حاس بيها مستحيل تكون مانمة
راح ركب فطوموبيل و ديمارا ماعلابالوش وين
في جيهة و حدوخرا.
فريال:شوق كي نخرجو تجي معايا نشري شوية دوزان
شوق :يا فرر والله ما نقدر لازم نروح عند جدي راه عيان شوية
فريال:اوكي ماكاش مشكل روحي مايكون غير لخير
كي خلاصت لقرايك خرجو لزوج و تفارقو فنص طريق.
فريال كانت دايرة كيتمان و تسمع فلغنا و ماشي دايرة بال للواش راه يستنا فيها
حتى حست حاجة فوق كتفها حبست و دم جمد فيها دارت غير بلعقل
فريال:هادا نتاااا
اكرم:ارواحي معايا
فريال:مانجيش
اكرم:شوفي مانيش حاب ندابز معاك اصلا انا ما نحملكش بصح لازم تجي.
فريال :كي ما تحملنيش علاش نجي معاك ديجا خليني نروح عندي شغل
و دارت باش تروح حتى سمعت حاجة فشلتها
اكرم:تقوى راهي مريضة و راهي تحوس عليك
هو غير كمل هدرتها لقاها ولات ديركت عندو😲😲😲😲

فريال:واش بيها😲 و واش صرالها 😰و منوقتاش هي هكا😢 و وعلاش ماقتليش😭
اكرم ما جاوبهاش و راح ركب فطوموبيل و لات هي تان ركبت معاه و قلع ديركت.
غير وصلو هبطت هي لولة و راحت طبطبت فتحتلها صفية
فريال:مسلخير طاطا وين راهي تقوي
صفية:جوزي بنتي راهي فبيتها
فريال طلعت ديركت عندها خاطرش تعرف لاشومبر تاعها غير دخلت لقاتها راقدة و تقطر بلعرق
فريال راحت عندها و حطت يدها على جبهتها
فريال:تقوى عمري واش بيك حبوبة قوليلي راني جيت عندك😢💔
تقوى فتحت عينيها غير شوية
تقوى :ماما فيفي علاش ما جيتيش لبارح كنت مريضة فليل 🤒
فريال:اسمحيلي حبيبتي💙
تقوى عنقتها و ولات رقدت💔
فريال ناضت من قدامها و جات خارجة لقات اكرم يشوف فيها. 👀
فرريال كانت راح تهدر حتى سبقها هو
اكرم:.....