💙🌚قمر.🖇. هلال🌜 💙 ~♥~كاملة~♥~

حلقة19

صباح ناضت قمر و هي تحس جسمها كامل مكسر
قمر:ايمااا راح نموت
وناضت دخلت تغسل... خرجت تنشف فوجها
هلال:نضتي صباح لخير
قمر شافت فيه و ماحبتش تهدر معاه
هلال راه ياكل لحمو و معرفش واش يدير
قمر :اييي راصي
هلال:وشبيك
قمر :راني حاسة روحي بايتة نزطل فليل راه يووججع
هلال شاف فيها و خرج
قمر:جايح مايعرفش يمدلي دووا
هي غير كملت هدرتها تحل لباب و كان هلال فيدو باطة تاع دوا
قمر:ان بعض الظن اثم.... قالتها بين شفافها
هلال:كيفاش
قمر:والووو
هلال:معليش نحكي معاك
قمر:مامعليهش و دوك تقدر تخرج
هلال:مانخرجش
قمر:تخرج
هلال:مانخرجش حتى تسمعيني
قمر:ياك حكيتلي
هلال:و نتي ماسامحتينيش
قمر بقات ساكتة
هلال:علابالي بلي غلطت فحقك بصح صدقيني ماشي قصدي ماكنتش فوعيي و كنت بزاف مغشش لدرجة اني شفتك رانية
قمر بقات تشوف فيه
هلال:سامحتيني
قمر:اخرج
هلال هبط راصو و حس كلي كبرياؤو تحطم
قمر قعدت فوق لبونك و هي منارفيا كيفاش هي مادخلها فوالو يصرالها هكا
رفدت تلفونها شافت لادات
قمر:اييمماا ليوم خلات و خولات و خيلات ليوم تزاڨات ليوم ماتفراش
و صوطات من فوق سرير ديركت للخزانة لبست

و دارت كيلعادة طوماطيشة مخبلة و نواظر و
خرجت تجري باسكاتها رجل لابستها ورجل بلحفا
هلال:وين راكي رايحة هكا
قمر شافت فيه بنص عين و دورت رجلها كملت تتعافر مع لباسكات
هلال وقف قدامها و يسي يتمالك اعصابو ماشي حاب يدير حاجة و يندم عليها
هلال:قتلك وين راكي رايحة
قمر:اووف خارجة
هلال:لوين
قمر:ماكان ما دخلك
هلال:دخلني
قمر:ههه ‘ شكون نتا باش تقول بلي دخلك فيا
هلال:راجلك و دوك وين راكي رايحة
قمر:اوووف رايحة نشري دوزان لعيد ميلاد فريال و دوك راك عطلتني
هلال:انا نوصلك
قمر:يعطيك الصحيت نروح وحدي
هلال:روحي للطوموبيل دوك نجي
و دار بلا ما يستنا جوابها خلاها تخبط فرجليها فلرض
راحت هي قدام طوموبيل و قاعدة تستنا زادت شويك ضربتها ريحة لنيفها دوختها
رفدت راصها شافتو يهبل لابس كيشغول كيما هي سورفات فلكحل و باسكات بيضة يهبل
هلال راح ركب فطوموبيل و ستناها تركب بصح هي بقات فبلاصتها حتى صونالها
فاقت وركبت ديركت
دارت نواضرها و مام هو وديماراو
هلال:وين نديك
قمر:راك سور بلي راك حاب تجي معايا
هلال:هي علابالي بلي راح نندم بصح راني سور بلي حاب نجي معاك
قمر:مزية كي راك عارف و دوك اديني للمول هاداك نبدا نشري
هلال راح ديركت و هبطو لزوج و دخلو قمر كانت دور تحوس تشري كادو لصحبتها و خوها خاطرش توام و تحوس تشري لبسة ليها بقات تدور من بوتيك لبوتيك و كل ماتشري حاجة تمدها لهلال يشدها
هلال:كملتي
قمر:واش بديت تندم
هلال في قلبو... انا ندمت كي خليتك تلبسي هاد لبسة...  ااوووو علاش راه يشوف هاداك فيها
قمر و هي تبوجي فيدها قدام وجهو
قمر:الوووووو راك هنااا
هلال:واش بيك
قمر:مصبح و انا نرحي هنا و نتا ماشي سامع بيا
هلال:واش بقالك
قمر:بقات لبسة تاعي و لكادو
هلال:و واش هادو
قمر:احيييي واقيل جاوك تقال علاحساب الشوفة عريض بلا فايدة.
هلال:هههه كيما راني درك قادر نرفدك و نجري
قمر:ههههه لالا ارفد لقضيان يكفي
هلال شاف معاها و غاص مع ذحكتها و داب فليفوصات تاوعها بصح فاق كيشافها راحت تجري
هلال:ايي وين رايحة
قمر:ارواح اجري
راح موراها حتى لقاها حبست عند واحد لبيجوتري
هلال:علاش رحتي تجري
قمر:مزيا تفكرتو
هلال:واش تفكرتي
قمر:دوك تشوف
و دخلت للبوتيك هاداك
قمر:سمسوميييي بشبوشييي ميينووشييي.   كانت تهدر و تضحك و تعيط
.....:قمروووششششتيييي
و راحو يتعانقو و فهاديك لحظة هلال ولا كي لكلب لمكلوب
قمر :واش زويون تاعي صافا شوية بزاف
سامي:لحمدلله سوال عليك عمري هادي غيبة
قمر و هي دير روحها تبكي:واش نحكي واش نخلي زوجوني بواحد بوكرش بسيف و جبت معاه توام و دوك راني حاصلة حابة نطلق
سامي:خلاص لفيلم وين راهم لبنات
قمر:واش ماصدقتش بلي تزوجت قبلك
سامي:ياك تفاهمنا نتزوجو كيفكيف
و هنا تصبح وذنين هلال كيما لكيكوطة تثفر
هلال:هاديك بكري قبل ما نتزوجو... حكاها و هو نزير عل6سنيه و حاط يدو فخصر قمر و زير عليه
قمر حست برعشة فلكور ديالها و حست كيشغول امعاءها راهم يشطحو قبايلي داخلها
سامي:هههه نتا ههههه لازم نقولك حاجة
هلال:واش
سامي:واش درت فحياتك باش حصلت مع وحدة كيما هادي
هلال:واقيل كنت نسكر فلعواشير
قمر:اايييييوووووووو je suis laaaaaaa
سامي:يالبيناااازةةة متكيش تباني
هلال:ايا خلاص نتا ماتطلقش جياحتك
سامي:كيفاش كيفاش
و تتدخل قمر في اللحظة المناسبة لكي تحمي العالم من حرب عالمية 3
قمر:سامي ما قتلكش علاش جيت
سامي:علاش
قمر:حابة كادو لهاديك لفارة طويلة
سامي:ههههه لفريال
قمر:هههه ايه
سامي ارواحو نوريلكم
جبدلهم مناڨش و ماعجبوهاش
سناسل و ماعجبوهاش
مسايس و ماعجبوهاش
خواتم و ماعجبوهاش.
قمر:اووووففف علاه هكا باسل ماعندك حتى حاجة شابة
سامي:نتي لي خرا مايعجبك لعجب.
هلال:واش رايك فهادا
قمر:وريلييي ...واااااووو يهبببلللللل
سامي:لحمدلله
قمر:ندي منو 3
سامي و هلال:علاش
قمر:انا و فريال و شوق حابة. نخليه سوفونير
وخلصو و راحو
قمر:مابقاش لحال لازم نشري لبسة و كادو للياس
هلال:دوك نكملو بلخف
قمر:لالا روح جيب نتا كادو للياس خاطرش نتا كيما هو راجل
هلال:اوكي ما تطوليش برك
قمر دارتلو براصها تاع بربي نشالله و راحت
دخلت تشري من عند شحال من حانوت بصح ما طولتش كي كملت راحت تستنا هلال وين تفاهمو
كانت قاعدة حتى تحس بواحد قدامها رفدت راصها شافت فيه و رفدت حاجبها
قمر:كاش ما تحتاج
.....:اممم نحتاجك نتي
قمر:اوووف روح بعدني ربي يهديك
....:مانروحش واش ديري
هلال:ماشي هي لي دير انا لي ندير
و 👊👊👊💥💥✊✊✊✊💪🏻💪🏻💪🏻💫💫💫💫💫🤕🤕😵😵
هلال شاف فقمر و عينيه حمورا
هلال:امشي قدامي
قمر:دقيقة برك
و راحت عند هاداك راجل ضرباتو للمركز الرئيسي تاعو خلاتو يتلوا
هلال:و هكا يولي يحس بمعنى كلمة طفل
قمر:امشي لازم انا كل ما نخرج نتلاقا بندب كيفو
راحو و ركبو و هلال تنحالو زعافو بعد ماشافها واش دارت
هلال:ياك فريتيها
قمر:فريتها بصح ماكاش لوقت
هلال :نلحقو.. و غمزلها و زاد فلفيتاس تاعو
قمر:راني حابة نروح لعند فريال ماشي لعند عزرائيل
هلال ماسمعلهاش و بقا يسوق هكاك حتى لحقو للدار
هبطت و خلاتو يتعافر مع لقضيان
هلال:اسمعي انا ماشيلحمال تاعك
قمر دارت ليه و هي تتبسم
قمر:ياك نتا راجلي
و كملت طريقها للدار
دخلت راحت لبيتها دوشت و خرجت لقات دوزان كامل فبيتها
بدات توجد فروحها و مام هلال
صونا تلفونها
قمر:شوق ياك كلش واجد
شوق:ايه كلش وكاين حاجات هايلين راني موجدتهم وشالله برك عمك يدير كيما تفاهمنا
قمر:مادام منير راه فلوسط مانخافش ايا بايي اومبعد شوية نجي
و كملت خدمتها حتى سمعت هلال يعيط ولات دارت ريحة ولا نقول دوشت بيها و هبطت شادة صباط طالون فيدها
هلال يحكي
مور ماولينا للدار رحت بدلت حوايجي و خرجت ستنيتها شوية ماجتش وليت عيطتلها حتى شفتها هابطة اووووو هادا كامل زين راه نهبل ‘ ريحتها سابقتها
قمر و هي دور قدامو
قمر:شابة ياك
هلال:تشبهي لبراهيم سورفايو
قمر:علابالي شابة
هلال:اسمعي هاداك طالون ياك علابالك بلي يلبسوه فرجليهم ماشي فيدهم
قمر:هادوك هوما ماشي انا
هلال:ايه نسيت نتي براهيم
قمر:هاا هاااا هاااااا تفشل لكلاوي علابالك
هلال:امشي قدامي و نحي هاداك زبل لي راه في فمك
قمر:مانحيهش و ماكان ما دخلك و هنا يتغلق سوجي
هلال:كاش نهار واحد خبطك بمفتاح للراص
قمر:ماخبطونيش بصح انا خبطت شحال من واحد بطالون
هلال شاف فيها ولعصب يطاير :ربي يجيب لي فيه لخير
قمر:اييه نشالله
و راحو ركبو فطوموبيل و ديمارا
قمر:اييه مام نتا راك شباب
قمرفقلبها.... اوووف علاش قتلو هكاك دوك يديها فروحو كتر من موالف اوووف بصح صح راه تيتيز خرج عليه كلاسيك اووووففف قمر فيقي فيقي هادا راه مايشوفش فيك اصلا
هلال:امم صحيتي
قمر شافت فيه و دورت راصها حتى لحقو هبطت هي و ياه و كي دارلها يدو باش تشدو شافت هي فيه و نبسمت و شداتو و دخلو لقاو لغاشييي دنيا
قمر:احيييي شوق عرضت دنيا كامل
منير:بصح فاميلتي تان راهي هنا
قمر :اييه صح هايليك ريتاج
دخلو و بداو يسلمو على لغاشي و قمر نصهم ماتعرفهمش
هلال:انا نروح عند صحابي
قمر:روح روح
تفارقو و هي راحت لوحد طابلة لقات فيها عيشة و محمد و ساجية و لماداني و صفية و ةمال سلمت عليهم بلواحد و طلعت لعند لبنات
قمر:شوق هاد انيفارسار ولا عرس
شوق :سكري فمك و ارواحي نفهمك قبل ما تجي فريال من دوش
شوق بدات تووت فوذن قمر
قمر:قولييي والله
شوق:اسكتي راهي جاية
فريال:جيتي يا طومبا بطيتي
قمر:ههههه راني هنا
و قعدو يحكو و يتبهلو حتى دخل لياس
لياس:ايا نهبطو
فريال:ايا نڨاويو
و هبطو شادين فيد بعضاهم و موراهم قمشوق و قمر كانت لبست طالون وشادة فيد شوق باش ما طيحش
كانو كامل يهبلو