بقلم ✏:wafa &Hadeel🌸
كالعاده قاعده في غرفتي وسرحانه..وعيوني مورمه من البكى 💔اساسا مستحيل يمر علي يوم وماابكي فيهو 💔مستحيل يمر يوم وابوي مايضربني فيهو😔احساس لمن اكون قاعده في البيت براي بكون مرتاحه وبمجرد ماابوي يجي داخل البيت انا بخاف!!اي بخاف😔💔مع انو مفروض العكس😔
انا نوره،،19 سنه عايشين انا وابوي برانا ،،اساسا مابعرف زول من اهلنا،،من وانا عمري 11 امي اتوفت 😭💔وفاه امي كانت صدمه كبيرة بالنسبه لي😔💔 بعد وفاة امي انا فقدت حاجات كتيره،وابوي المفروض يعوضني عن الفقد ده ،،ابوي المفروض يكون لي السند هو سبب عذابي في الدنيا دي!!هو سبب بكاي اليومي 😭انا مافي شي مصبرني على العيشه دي غير صحباتي الاء وريان ❤
الاء وريان صحباتي من الاساس هم اقرب اتنين لي ❤مع انو افترقنا في الجامعه لكن مافكرت اصاحب لي ناس في الجامعه ابدا،،كتير ناس بحاولو يتقربو مني ويتعرفو علي ،لكن انا بتجاهلهم 💔
اثناء ماانا قاعده وسرحانه تلفوني رن وكانت الاء صحبتي رديت عليها ❤اتونست معاها شويه فرقت علي❤قفلت منها ،عاينات للساعه كانت11 قفلت النور ورقدت في سريري وبقيت سرحانه وبفكر لحدي مانمت 😪
صحيت الصباح استحميت وصليت ولبست للجامعه طلعت من الغرفه ..لقيت ابوي نايم في كنبه في الهول ويشخر ..مااشتغلت بيهو كتير دخلت المطبخ عشان اعمل لي كبايه شاي عملت الشاي وشربتو..شلت قروشي طلعت مشيت الجامعه🚶♀️ لقيت المحاضره الاولى اتلغت والمحاضره التانيه بتبدا 12😪 ...يعني فضل 4 ساعات ،،قلت احسن اطلع وافرق على نفسي شويه ❤مشيت شارع النيل قعدت عند ست شاي شربت قهوه 3 مرات😂 قلت للخاله عايزة تاني كبايه قهوه 😂كان في ولد قاعد في المصطبه مركز معاي فجاه قال لي يابت كفاك 3 كبابي القهوة الكتيرة ماكويسه 🙄قلت ده مالو ده 😳عاينت ليهو كده 😒ابتسم لي ولااشتغلت بيهو 😂شماني طبعا 😂😂💔واتلفت لي خالتو وقلت ليها اديني كبايه قهوة 🙂شلت قهوتي عاينت ليهو لقيتو بحمر لي 😒ولااشتغلت بيهو شربت قهوتي عاينت للساعة لقيتها 10:30🙂 ،،صريت وشي وقلت ياالله لسه فضل ساعه ونص للمحاضرة 😪اتلفت لقيت الولد لسه قاعد 🙂لا وكمان سرحان فيني 🙂ابتسمت وقلت للخاله اديني تاني كبايه 😂😂مع انو ماقادرة اشرب لكن بس دايرة اغيظ الولد 🤣🤣شلت الكبايه وعاينت للولد 🐸هو عرفني عايزة استفزو ولااشتغل بي قام ركب عربيتو ومشى 😒
ختيت كبايه القهوة وقمت رجعت الجامعه حضرت محاضرتي ورجعت البيت ،،لقيت ابوي ماف اصلا هو نادر يكون قاعد طبيعي بره البيت ولمن يجي بجي سكران 🙂ولو اتناقشت معاهو في كلمه طوالي بضربني😣حمدت ربي انو ماف 😪مشيت غرفتي رقدت نمت
******
اصعب شعور ممكن يمر علي الانسان هو شعور الفقد💔
فقد الاهل فقد الاصحاب ،فقد الشغف فقد الامل فقد الزات فقد السند فقد الوطن...الخ
لو ركزنا شويه ح نلقي انو وراء كل حزن فقد وراء كل انكسار فقد 😕💔
نتلاقى💜
