انين الذكريات
بقلم ✏: وفاء و هديل
:اي يالاء من ايام القضيه عرفت ...وماف زول عارف بالموضوع ده غير جهاد
الاء لمن عرفت كانت رده فعلها زي مااتوقعت .. قالت لي ارجع لي امين ...
ماكنت عايزة ارجع ليهو ماعارفه ليه ... انا ماكرهتو لكن ماقادرة اديهو فرصه ....بقيت افكر ..في النهايه قررت ارجع ليهو واديهو فرصه ...
رجعت البيت ...المساء كده شهد جاتني وطبعا فتحت الموضوع ...قلت ليها اديني فرصه افكر ...وقفلنا الموضوع على كده .
تاني يوم الصباح صحيت صليت وقريت قران واستخرت .... لحدي العصريه كده الاء ضربت لي
الاء :كلمتي امين انك قررتي ترجعي ليهو ؟؟
:لسه ماكلمتو لكن حاكلمو الليله
الاء:اي كلميهو
قفلت منها وقلت اضرب لي امين ...ضربت ليهو مابرد ..تاني ضربت برضو مارد ...قلت خلاص شويه كده اضرب ليهو تاني ..
دخلت المطبخ اساعد خالتي عفاف ..جاني اتصال من رقم غريب رديت
_الو نورا
:رغده ؟؟
_نورة انا اسفه 😭😭
:على شنو 😀
_نورا بالجد انا اسفه انتي فاهمه انا قاصده شنو ..صدقيني انا عملت كده عشان بحب امين ...لكن ربنا عاقبني على العملتو فيك 😭😭
:كيف ؟؟
_يانورا امين حيطلقني ..وهسي اكتشفت اني حامل ...وامين مستحيل يرضى يسامحني حتى لو عرف اني حامل...يعني ولدي حيتربى من غير اب 😭😭
:ماتبكي اهدي...وماتخافي ولدك ماحيكون بعيد من ابوهو ..وامين حيرجع ليك
قلت ليها الكلام ده وقفلت الخط طوالي ....ماانتظرت ردها اصلا..مع انها غلطت فيني ...بس حنيت عليها ....
على قدر اخلاصك ستكون اوجاعك 💔
#نتلاقى❤
