انين الذكريات
بقلم ✏: وفاء و هديل
طلعو مننا وامين داير ينفجر من الغضب ...طبعا انبسطت من نفسي شديد عشان قهرتو يستاهل ...جهاد قال لي رغده دي شكلها خايفه قلت ليهو اي الحيوانه ...
شويه كده الاء جاتي في البيت وطبعا كنا بنتناقش في موضوع القضيه ...قعدت معاي لحدي 10 ورجعت ..
مشيت غرفتي نمت وكنت منتظرة يوم بكرة يجي
تاني يوم الصباح طلعنا انا وجهاد غشينا الاء سقناها ضربت لي شهد اشوفها لقيتها طلعت من البيت وفي الطريق
في جهة ناس امين طبعا رغده كانت متوترة وخايفه من التحقيق ...وبتفكر في طريقه عشان تتهرب من القضيه ...قالت لي امين انا ماماشه التحقيق ده ...
امين :ليه ماماشه
رغده :انا مامجبورة امشي لاني ماعملت حاجه اصلا وبعدين هي ليه ترفع فيني قضيه قايله نفسها منو .
امين :لا لازم تمشي ..لانو لو مامشيتي حيقولو انك بتتهربي وانتي كده خسرانه ....عشان كده لازم تمشي..
رغده اقتنعت بي كلام امين لانو فعلا لو مامشت مافي صالحه وكده حتثبت على نفسها فقررت انها تمشي وتكون شجاعه لمن يسالوها ...اتصلت على رزه واتفقو على الحاجات الحيقولوها واخترعو احداث يقولو انها حصلت في اليوم داك
بهناك نحن وصلنا وكنا قاعدين انا والاء وشهد في نصنا وجهاد كان واقف جنبنا .. وكنا منتظرين حضره سيادتهم يجو ..شويه كده وشرفو ..عاينت ليهم لقيت امين بحمر لينا انا وجهاد ...ولااشتغلت بيهو عاينت لي رغد لقيتها بتفكر وظاهر عليها متوترة ...قعدو قصادنا ..طبعا بقيت اعاين ليها في عيونها عشان تتوتر اكتر😂😂...وهي بتحاول تعمل فيها ماخايفه....تاني جات صحبتها الاسمها رزة وقعدت جنبها ...
شويه كده رزه قالت لي شهد :سبحان الله بعتينا عشان وحده تافهه زي دي😏
شهد كانت عايزة ترد لكن انا منعتها .
وطبعا امين ساكت ولا سالها
جهاد قال ليها اوعك تقولي كلام عن نورة والا حتندمي فاهمه
امين اتضايق في اللحظه دي وماقدر يفتح خشمو ..
شويه كده والتحقيق بدا ودخلت. انا اول .
سالني عن تفاصيل يوم 23/5 وحكيت ليهو انو انا طلعت مع شهد يلي هي اخت زوجي ومشينا لي صحبتي في بيتهم ..المهم حكيت ليهو عن اليوم ده بالتفصيل .....
علاقات عظيمه بقت تنتهي بي شكل تافه 💔فعلا البقاء لله.
#نتلاقى💜
