انين الذكريات
بقلم ✏: وفاء و هديل
قمت من المصلايه قعدت في السرير شلت تلفوني لقيت مكالمات من الاء.عرفتها عايزة تسالني اذا ابوي ضربني
رجعتليها ردت لي
الاء:مالك يابت مابتردي بضرب ليك من قبيل 😒
_تلفوني صامت والله ياداب شفت المكالمات
الاء حست صوتي متغير طوالي عرفتني ببكي واكيد بسبب ابوي قالت لي :نورة انتي لمتين حتتحملي ابوكي ده!! انا لو محلك مابقعد معاو في البيت ولاثانية 😤
قلت ليها يالاء مهما كان ده ابوي وانا مستحيل اكرهو مهما كان 😔ايوه صاح هو بضربني بسبب وبدون سبب 💔لكن انتي عارفة يالاء ابوي ده زمان ماكان كده 😔ابوي من لمن امي ماتت اتغير وبقى بسكر وبقى قاسي علي وبضربني بالذات لوسالتو انو ليه بسكر،،
الاء :انتي ماتساليهو يانورة اوعك تساليهو
_حتى لو ماسالتو يالاء بضربني 😭
الاء :خلاص ماتبكي يانورة بكرة من الجامعه تعالي لي عايزاك تمام؟؟
_تمام
قفلت منها ونمت طوالي اساسا كنت مرهقه شديد..تاني يوم الصباح صحيت استحميت وصليت ولبست طلعت لقيت ابوي ماف عملت لي كبايه شاي شربتها ومشيت الجامعه 🚶♀️
دخلت القاعه لقيت المحاضرة لسه مابدت وكان في ناس بسيطين في القاعة...مشيت ورا اخر بينش قعدت وبقيت شغالة في التلفون .. فجاه الدكتور دخل وقفل الباب وراهو 😒وبقى يدي في المحاضرة 😪
في جهة تانيه كان قاعد في غرفتو وبلبس في هدوم الشغل..لبس هدومو وطلع سلم علي امو كبت ليهو الشاي
امين :شهد مشت الجامعه؟؟
سلمى:ااي مشت قالت عندها محاضرة بدري
امين : خلاص انا بضرب ليها اشوفها بتخلص متين عشان امشي اجيبها اصلا الليلة حارجع بدري
سلمى :تمام
امين ..24 سنه خريج صيدله..شغال في صيدليه في مستشفى..ابوهو متوفي.. امو سلمى 42 واختو شهد 19سنة واخوهو امجد 22 سنه وده بقرا في مصر فضل ليهو اخر سنه
عند نورة
خلصت محاضراتي ضربت لي الاء قالت لي :خلصتي محاضرات؟؟قلت ليها ااي وجايه عليك قالت لي خلاص انا بغشاك بي ترحيلي نمشي سوا بلاقيك في البوابه الشرقيه قلت ليها تمام
مشيت الكافتريا اشتريت لي عصير ومشيت جمب البوابه في زي بينشات قعدت فيها ..شويه كده الاء ضربت لي..عايزة اخت العصير ختيتو قام اتكشح في البت الجنبي 🙂💔اتلفت عليها لقيتها واحده من دفعتنا وكانت بتتكلم بالتلفون فجاه اتلفتت علي وهاجت فيني 😤اعتزرت ليها وقلت ليها ماقاصده 🙂حمرت لي وتاني قالت لي مامشكله😒 ورجعت تتكلم بالتلفون قالت للزول اها وين انت وبقت تتلفت عشان تشوفو شافتو..قالت ليها اها خلاص شفتك قامت مشت ركبت
امين :مالك صارة وشك ده كده
شهد :دي البت الروشه دي دفقت فيني العصير 😒
امين بقى يضحك 😂😂
طبعا انا كنت بعاين في الزول الراكبه معاهو شهد ..حسيت شكلو ماغريب علي ياربي شفتو وين 🤔
صوتك قبل العياط ده لو الحجر سمعه ح يلين ويلعن اللي بكاك 💔
#نتلاقى💜
