انين الذكريات
بقلم ✏: وفاء و هديل
طلعت من مجاهد مشيت البيت لقيت ابوى جاء بس الخلعه انو م سكران
بيني وبين نفسي قلت دى فرصه اتكلم معاهو دخلت حضرت شنطتي بتاعت ضهر كبيره كدا ختيت فيها الملابس البحتاجه في بيت ناس شهد جيت مشيت لي ابوى في غرفتو
وطالع طبعا عشان يزفت يسكر
احمد:مشيتي لي مجاهد
:حي من الولد دا الفوله م بتتبلى في خشمو سجمك ي نوره الليله وقعتي وم سمو عليك بتك جاتك ي ايمان
الليله اوب على اوب
احمد:ي بتي انتي كنتي بي تصرفي من وين لأنو مجاهد قال لي اول مره تجيهو
: كنت بشيل كنت بشيل من الخزنه
احمد:ايوا
انا طالع
:ابوى انا ماشه اقعد مع صحبتي لأنو الأمتحانات جات
احمد :ربنا يوفقك ي بتي
وطلع
لى لحظه حسيت أني بحلم دا ابوى
لالا اكيد فيهو شي ي ربي ابوى ح يتغير حسيت روحي مبسوطه رغم انو الحوار كان بسيط بس حسيت بي دفئ بقيت اتخيل لو ابوى اتغير عن كميه السعاده الح نعيشا ح اكون زى زى كل اسره ح انوم بدون م ابكي ح اكون مطمنه وم خايفه من شي لأنو وعندى ابوى سندى قطع تفكيرى صوت تلفوني لقيت شهد بتتصل
:الو
شهد:الو شنو ي زفته انا في شارع بيتكم اطلعي لي سريع
:طيب طيب طالعه
مشيت لي شهد وكان معاها امين
نزل عاوز يشيل الشنطه قلت ليهو لا بشيله
شهد: جعانه نفسي في كرسبي
امين :حسبي الله عليك ي شيخه انتي ال25ساعه جعانه
شهد :متين بقوهم 25😒نننن ح تاكلني ولا كيف
امين :معقوله لكن الحلو زعل اكلك ي روحي عندى غيرك كمان😂
شهد :بطل بكش😂
:ي بختها شهد بحسده على راجل زى دا ي ريت لو القى زيو
شهد:نوره رأيك ناكل وين
:اممم اي مكان
شهد :انا اصلا غبيه بسألك لي
امين :طيب بعرف مكان عندهم مطعم وكافي حلوو
ناكل ونشرب قهوه لأنو واضح نوره بتحبها
: سجمي دا عرف من وين
شهد:تمام
: طول الطريق وانا سرحانه
شهد:نوره انتي كويسه؟
: اي كويسه😊
امين :طيب وصلنا
: دا مطعم ابوى اول م جيت خاشه لقيت مجاهد في وشي
مجاهد :نوره هو جانى وانا كلمتو انتي عارفاني م بقدر على ابوك دا وانا عندى مستقبل
:بسم الله جيت اكل انا😂
مجاهد : احلفى الحمدلله لكن انا اصلا ح تكون نهايتي على يدك انتي وابوك
واووو معاك ضيوف اسف اتفضلو اخدو راحتكم عادل
عادل :نعم
مجاهد :ظبط لي الناس ديل
شهد:نوره بتعرفيهم من وين
: دا مطعم ابوى😅
شهد:ابوك عندو مطعم ي معفنه وم بتاكليني
:😂😂
لقيت امين مضايق وبعاين لي مجاهد بي طريقه غريبه
اكلنا ورجعنا
سلمت على خالتو سلمي وحضنتي بي حب كدا
شهد:تعالى
:طيب
شهد:دي غرفتي تعالى ختي شنطتي
:سجمي البت دي مجنونه كيف تدخلني غرفته
انا مالي وين م يختوني بتخت
لآيهم أي درجة من الطمأنينة أصل إليها ، ثمة جزء مني دائما في قلق من كل شيء !
نتلاقي🖤
