انين الذكريات
بقلم ✏: وفاء و هديل
طلعنا من المستشفى مشيت مع الاء واحمد بيتهم ..من دخلنا البيت طوالي دخلت غرفة الاء نممممت 😴كنت تعبانه شديد 💔المساء كده ريان جات عشان تطمن علي لقتني نايمه.....طلعت من الغرفه وقفلت الغرفة ومشت قعدت مع الاء وخالتو مها لحدي المساء كده ورجعت ❤
الاء حاولت تصحيني عشان آكل لي حاجه لكن انا رفضت..قلت ليها مالي نفس آكل خليني انوم تعبانه شديد😪تاني يوم مامشيت الجامعه ...قضيت اليوم كلو بكى وسرحان ومابتكلم مع زول بس سرحانه وببكي بدون صوت 😔💔الاء حاولت كتير تطلعني من كومه الحزن الانا فيهو ❤وشهد كانت بتضرب لي تشوفني ليه ماجيت وانا ماكنت برد عليها اساسا مالي نفس اتكلم مع زول قمت عملت التلفون صامت 😪
الاء ضربت لي ريان وقالت ليها تجي بعد الجامعه عشان تحاول معاي 😔❤ريان جات البيت دقت البيت فتحت ليها الاء
الاء :كويس انك جيتي..كدي حاولي اتكلمي مع نورة دي خوفتني عليها 😣من الصباح مابتتكلم مع زول ولابتاكل بس قاعده وسرحانه 😔
ريان :خلاص انا حادخل ليها
ريان دخلت دقت الباب ودخلت لقتني قاعده وسرحانه وببكي بدون صوت قالت لي نورة تعالي معاي 😊مسكتني من يدي وقالت لي قومي البسي جريت منها يدي وقلت ليها خليني ماماشه 😞قالت لي لا لازم تمشي معاي صدقيني حترتاحي ☺قلت ليها طيب 😪قالت لي انا منتظراك في الهول البسي وتعالي لبست لي عباية من الاء وطلعت
ريان قالت لي الاء انا حاسوقها تشم هوا شوية ..الاء قالت ليها تمام
طلعنا انا وريان ركبنا لينا ركشه مشينا شارع النيل ❤قالت لي نورة ماتكتمي الجواك فضفضي....انا عارفه انك بقيتي انطوائية ومابتقعدي مع الناس..لكن كده ماكويس حاولي ادخلي في الناس وعيشي حياتك...اتفسحي كتير حتى لو براك ..عيشي حياتك..يانورة اي زول في الدنيا دي حياتو مابتخلى مابتخلو من المشاكل..اي نعم انا عارفه انك بتعاني كتير...... لكن انتي حارمة نفسك من حاجات كتيرة حلو في الدنيا دي 😊... كل ماتتضايقي من حاجه يانورة تعالي لي او امشي لي الاء وفضفضي لينا..احكي عن الجواك وصدقيني حترتاحي.....
كلام ريان ده ريحني كتير❤فعلا انا مافكرت ادخل في الناس ومافكرت افضفض عن الجواي 💔
ريان قالت لي انتي وقتك كلو مقضياهو سرحان وبكى 🙂والسبب الاساسي منو؟ابوك كالعادة 🙂يانورة انا عايزة اسالك..انتي ابوك اخر مرة ضربك ليه؟؟؟🙂عاينت ليها قلت ليها بدون سبب ياريان 😔هو دايما بجي سكران وزهجان...فبيجي يتفشى فيني كل يوم 🙂💔قالت لي طيب وانتي حتتحمليهو لمتين 🙂💔عاينت ليها وسكتت 😪قالت لي لحدي مايجي يوم ويقتلك صاح ☺قلت ليها كيف يعني انتي بتقولي في شنو؟؟
قالت لي يانورة الزول السكران بيعمل اي حاجه بدون مايوعى..يعني ماتستبعدي يوم يجي ويطعنك بي سكين 🙂انا عارفه انو كلامي قاسي لكن انا عايزة مصلحتك..انتي لو استمريتي مع ابوك حتدمري يانورة..شوفي هسه انتي جاك انهيار عصبي مامعروف بكرة يحصل ليك شنو بي سببو عشان كده نحن ماحنخليك ترجعي ليهو مهما كان ☺
إِلَى كُلٍّ كَتُوم أَرْهَقَتْهُ الدُّنْيَا وَمَا زَالَ رَاضِيًا 😊مَلَأَ اللهُ قَلْبَكَ فَرِحًا بِقَدْرِ مَا تَأَلَّمَتْ وَلَمَّ يُشْعِرُ بِكَ أَحَدَ.
#نتلاقى💜
