انين الذكريات
بقلم ✏: وفاء و هديل
امين :انا عارف اني ظلمتك وماوثقت فيك بس بترجاك سامحيني .
نورا: يعني انت هسي عرفت انو انا مظلومة .....لكن بعد شنو ؟؟؟وكمان جاي تقول لي اسامحك؟
جهاد ارح نرجع البيت انا قررت اتنازل خلاص
رجعنا البيت بعد مااتنازلت عن القضيه ....لكن ده مابيعني اني سامحت رغده على العملتو ..
لكن طالما انها اعترفت بالعملتو فخلاص ..
مرت فتره شهر...امين بحاول يعتذر لكن انا بتجاهلو ...ماقادرة اسامحو ....لمن يضرب مابرد ولمن يرسل بقرا الرسايل ومابرد ..مع انو مرات قلبي بقول لي اسامحو لكن تاني بتذكر اهانتو لي .
وإِياك أن تنسى تلك الردود القاتلة تذكرها دائما كي لا تحن 🖤
الاء كانت بتقول لي مااسامحو وانو اهم شي الثقه ...كلامها صاح هو مفروض يثق فيني ومايصدق رغده ....
امين قرر انو يطلق رغده بس قال حيطلقها بعد كم شهر عشان كلام الناس ...لكن هو قاعد مع ناس امو وهي مع اهلها
في فترة الشهر دي علاقتي مع خالتو عفاف قوت شديد ..بقيت احس انها امي...وهي بتحبني زي بتها ..حرفيا ماقادرة اصدق انو بقى عندي اسرة حلوة ام واب واخ ....ابوي اتغير شديد تقدرو تقولو بقى مابسكر ...علاقتي مع جهاد حلوة شديد ...صحبي واخوي واي حاجه ..هو الوحيد العارف بي موضوع حملي ..حتى الاء ماوريتها...طيب انا ليه ماوريت الاء ؟؟؟ مش هي اقرب واحده لي وانا مابدس منها حاجه ؟؟؟
مرات قلبي بقول لي اوريها لكن تاني بتراجع لاني متاكده انها لو عرفت حتخليني ارجع لي امين ...
يوم مشيت لي الاء في بيتها كنا قاعدين ...شهد ضربت لي ...مارديت ..
الاء:ردي يابت
:ماعايزة ارد ياخ
الاء:ليه ماعايزة تردي عليها اجي
:لاني عارفاها عايزة تقول شنو ....عايزة تقنعني ارجع لي امين
الاء: ايوااا.. كلميها عديل قولي ليها الزول ده انا ماحارجع ليهو
انتي مش قررتي انك ماترجعي ليهو لو شنو داك ؟؟؟
:طيب لو قلت ليك انو انا حامل ..؟؟
الاء:نوره انتي جاده ؟؟؟
نحنا مـا #زعلانين ! ع غياب زول !
ولا #مشتاقين لي زول🙂🖤 ، ولا عايزين زول يرجع ، نحنا بس #بنشتاق للأيام الحلوة ≈ " وللذكريات #الانخدعنا 🖤" فيها معاهم .. وبسسس ✨🖤🙂
نتلاقى💜
نتلاقى❤
