انين الذكريات
بقلم ✏: وفاء و هديل
بعداك نده لي شهد وحكت ليهو نفس الشي تاني دخلت الاء وحكت ليهو انو نحن جيناها ....يعداك جا دور رغده اول مانده اسمها اتوترت شديد ..رزة طبطبت ليها على كتفها نظام بتشجع فيها وكده 😒...اتشجعت ودخلت
سالها عن تفاصيل يوم 23 ..قالت ليهو انها كانت في البيت وماطلعت الا لمن جاتها صحبتها يلي هي رزة عشان يطلعو يتغدو برة سوا ...طلعو ومشو مطعم سوا وهناك لقوني انا قاعده في المطعم ومعاي اولاد بس وكنت بضحك باعلى صوت معاهم ... قمت صورتها عشان اوري امين راجلها .
قام سالها :طيب الاولاد عددهم كم ؟؟
قالت ليهو تلاته
قال ليها طيب هي ماشافتك ؟؟
قالت:لا ماشافتني
:طيب وريني اسم المحل
:اسمو...
:الوقت الشفتيها فيهو
:زي 4 كده يلي هو وقت الغدا
:الصور صورتيها بي تلفونك انتي ؟؟؟ولاتلفون صحبتك
هنا رغده اتوترت وخافت يطلب منها يشوف الصور في الكاميرا
قالت: اي بي تلفوني لكن انا مسحت الصور من تلفوني .
:لكن انا ماسالتك اذا مسحتيها ولا لا وبعدين مالك اتوترتي كده خايفاني اسالك من الصور صاح؟؟
:ابدا ماخايفه
:طيب انتي وريتي الصور لي امين كيف يعني رسلتيها ليهو في الواتس ولا كيف ؟؟؟
:اي رسلتها ليهو في الواتس وحكيت ليهو اي شي
:طيب انتي علاقتك بي شهد شنو ؟؟يعني بتعرفيها من وين
:دفعتي في الجامعه .
:طيب وامين ؟؟يلي هو راجل نوره جبتي رقمو من وين
:انا اصلا صحبه شهد من زمان حتى قبل ماتصاحب نوره...وكنت بمشي ليها في البيت عشان كده بعرف امين ومتواصله معاهو من زمان .
:تمام اتفضلي
رغده طلعت وكانت خايفه لانو في اساله ماكانت متوقعاها وخايفه رزه تقول كلام غير..
بعداك نده على رزة ...سالها وكانت بترد بي نفس كلام رغده وكانت واثقه من نفسها مازي رغده ...بقى يحاول يصعب عليها عشان تتوتر :قال ليها تمام يازوله ..نحن حنمشي للمحل القلتوهو ونشوف كاميرات المراقبه الفيهو وكل شي حيتضح لينا
هنا رزة اتوترت قالت ليهو :يمكن المحل مافيهو كاميرات لكن
:لالا فيهو انا بعرف المحل ده ....خلاص اتفضلي تاني ماف سؤال
""طبعا هم فعلا مشو المطعم القالوهو ده في اليوم داك ولقو بت قاعده مع اولاد وصوروها وفبركو الصور""
" نحنُ فُقراء المُفردات، ضعيفي التّعبير، أصحـابُ النُّصوص الركيكة، كيفَ لنا أن نشرح إلى أيِّ حدٍ قد هُلكنا؟ "
💔💔
#نتلاقى💜
