انين الذكريات
بقلم ✏: وفاء و هديل
انا والاء بعد صلينا المغرب غفينا زي ساعتين لانو من جينا من الجامعه مانمنا خالتو مها صحتنا شربنا الشاي بقينا نتونس ونحضر لحدي 11 تاني رجعنا نمنا
تاني يوم لبست من الاء مشيت الجامعه حضرت المحاضرة في البريك نزلت مشيت الكفتريا اشتريت الفطور والعصير وبقيت بفطر
بهناك شهد كانت مع شلتها طالعين من الكفتريا ..شافتني قاعدة لي في بينش وكالعاده براي قالت لي صحباتها انتو امشو وانا بلحقكم
علا صحبتها :ماشه وين 🙄
شهد :بحكي ليكم بعدين انتو امشو 🌚
قالو ليها تمام
شهد جات علي وقعدت جنبي اتلفت عاينت ليها ابتسمت لي ابتسمت ليها🌚حاولت تفتح موضوع قالت لي قالت لي اها كيف استعدادك للامتحانات القربت دي 🙂قلت ليها والله يعني نص نص وسكتت قالت لي كويس والله اخير مني انا ماناقشه ولاشي 🙂ابتسمت ليها 🙂تاني حاولت تفتح موضوع قالت لي يانورة انتي فاهمه الحسبان؟؟وهي عارفاني فاهماهو لانو بجيب فيها درجه عاليه قلت ليها اي فاهماهو 🙂قالت لي طيب ممكن تشرحي لي؟؟ قلت ليها ماعندي مشكله لكن معاك شيت هسي؟؟قالت لي مامعاي لكن مامشكله بكرة بجيبو وتشرحي لي طيب؟؟ قلت ليها تمام 😊ابتسمت لي وقالت لي شكرا 🌚قلت ليها عفوا 🙂قالت لي عن اذنك قلت ليها اذنك معاك ومشت 🚶♀️
تاني يوم جابت الشيت شرحت ليها في البريك قالت لي ممكن تديني رقمك عشان لو في حاجه غلبتني اضرب ليك؟؟قلت ليها طوالي واديتو ليها ..
مرو تلاته يوم وانا طبعا الفترة دي كلها مامشيت البيت...شهد بتحاول تتقرب مني وطوالي بترسل لي في الواتس وانا كنت باردة معاها الصراحه..لكن شوية شويه بديت ارتاح ليها بالذات لانها ماحاولت تسالني عن سبب انطوائي ..
في يوم قلت لي الاء بعد كده انا حارجع البيت 🙂قالت لي طيب لكن ارجعي بكرة قلت ليها تمام
تاني يوم مشيت الجامعه حضرت المحاضرة طلعت البريك شلت فطوري وقعدت في بينش جاتني شهد قعدت.جنبي وبقت تونسني وتحكي لي مواقف حصلت معاها صحكتني الصراحه...قلت ليها الساعه 12 بعد كده المحاضرة....قالت لي المحاضرة اتلغت انتي ماعارفة 😂😂قلت ليها بالجد؟؟قالت لي اي 😂وقلنا انا والشله نطلع مشوار ارحكي معانا قلت ليها ماعندي مزاج والله امشو انتو 🙂قالت لي ولا على كيفك تمشي معانا 🌚بقت تحنس فيني لحدي مافي النهايه اقتنعت😪
**جوانا حاجات ككتيره مكتومة ما قادرين ننساها ، ولا عارفين نحكيها لزول
بس هيي بتحكي نفسها على هيئة صداع ، سرحان ، توتر ، قلة نوم ، وجع قلب ، وحزن من غير سبب😪💔
#نتلاقى💜
