انين الذكريات
بقلم ✏:وفاء&هديل
20.12.2014 اليوم دا يوم جبت احلى بنوته وسميته فرح لانها كانت الحاجه المصبراني علي كل الأنا فيهو دا هي فرحتي ودنيتي جاء امين وكان فرحان بيها ورغده حامل في شهره ال7وتتدلع وامين م شغال بيها وهي كانت دايما بي تستغل حمله عشان تخلي امين يكون معاها بس انا م كان فارق معاى لأنو نسيت امين وبقي م فارق معاى والايام داوت لي جروحي وعندى احلي اسره وحسيت ربنا عوضني بي اخوى ومرت ابوى واهم حاجه في دا كلو بتي بالجد ربنا بعوض وعوضو كبير
بعد 5شهور جيت من الدكتور لأنو فروحه كانت عيانه واسمع ليك كواريك مرا في بيتنا
جينا انا وجهاد مخلوعين لقيت مرا وراجل بتشاكلو مع ابوى اول م جيت خاشه المرا تشيل و تحضن فيني
وشالت مني فروحه وتسلم عليها
ابوى دى منو
؟:انا امك ي بتي
:امي كيف يعني
؟:انا لمن.........
:م تحكي ابوى كلمني وعاوزه شنو
عايزاك انتي ي بتي انا ندمته خليتك لي الراجل دا
طيب اذا خلصتي ندمك ارجعي مكان م كنتي والراجل دا ابوى الرباني في الوقت الانتي كنتي عايشه حياتك فيهو الراجل دا هو حياتي كلها الراجل دا كان معاى في وقت انتي خليتيني
شلت بتي وطلعت وبكيت مع انى قررت م ابكي خالص بس عدت الأيام
ورجعت زى اول وأقوى كمان وبقي م فارق معاى زول بس عايشه عشان أفرح بتي م اخليها تعيش الأنا عشتو
1.7.2019فروحه بقي عمره 5سنين حبيتي كبرت وملت علي حياتي فرح
في وقعه بتخليك تقومى بتخليك تتغيرى بتخليك قويه بتخليك تبني مصيرك بي نفسك م دايما نضحي م دايما نسامح البني آدمين بيغلطو اي نعم بس م لازم نسامح عشان احنا م ملايكه
End🖤
نتلاقى💜لكن في روايه جديده 😂💜💜
آراءكم بتهمنا 💜وانتقاداتكم بتهمنا 💜
واخيرا ...#تمت بحمدالله💜
انين الذكريات 🌸
بقلم : 💜 Wafa Mjzoub
Hadeel Hawari💜
