انين الذكريات
بقلم ✏: وفاء و هديل
دخلت البيت مشيت غرفه ابوي اشوفو قاعد ولا لا.. فتحت الباب براحه لقيتو مافيش..مشيت غيرت هدومي ...فكرت في نفسي وقلت احسن امشي غرفه ابوي واشيل لي قروش لانو العندي قربو يخلصو 🌚ولو قلت لي ابوي عايزة قروش يمكن يضربني....دخلت غرفه ابوي فتحت الدولاب.طبعا عارفاهو بخت قروشو وين اصلا طوالي بجي بشيل بالدس🌚شلت القروش قفلت الدولاب...فجاه سمعت صوت الباب فتح...واي ابوي جاء هسي اطلع كيف..سامعه صوت خطواتو جاي على الغرفة 😨طوالي اتدسيت تحت السرير...ابوي دخل الغرفة وكان سكران بترنح كالعاده...قعد في الواطه وراسو في السرير
...وبقى يبكي..كان ببكي بي وجع وبحاول يكتم صوت بكاهو💔 ...انا للحظه حسيت نفسي احضنو واواسيهو ..حسيتو موجوع 😭فجاه لقيت دموعي نازلة 😭ماقدرت اتحمل اشوفو بيبكي كده 💔ودي تاني مرة 😢شويه كده سكت ..عرفتو نام ..طلعت من تحت السرير بالجهة التانية غير الهو فيها...وفعلا لقيتو نام...مشيت عليهو بدون تردد ❤سندتو وخليتو يرقد في السرير عديل❤....طلعت مشيت غرفتي وبقيت قاعده في غرفتي وبقيت افكر ياربي الحاصل على ابوي شنو؟؟دي تاني مرة اشوفو ببكي بالطريقه دي .....فكرت لحدي مانمت😴
تاني يوم من الصباح مشيت الجامعه ...بعد المحاضرة شهد قالت لي يلا نفطر مشينا الكافتريا اشتربنا ومشينا قعدنا تحت شجرة....شهد جاها اتصال من رغده...
رغده:وين انتي
شهد :قاعده في......ومعاي شهد
رغده:طيب جايه عليكم 😒
شويه كده رغدة جات قعدت معانا..قالت لي شهد ارحكي معاي اشتري فطور ماعايزة امشي براي 🙂شهد: طيب
قالت لي ارح يانورة معانا...
رغده :لالا خليها تقعد عشان تحجزلينا الشجرة عشان مايقعدو فيها..تاني مابنلقى حتى سمحة 😒
*مشو على الكفتريا وانا بقيت قاعده براي
رغده :انتي البت دي مصاحباها كيف 🙄لابتتكلم ولابتتفاعل...متوحده عديل 😒
شهد :انتي بتحسيها كده لكن لمن تدخلي فيها حتلقيها ظريفهة..وبعدين اتي مالك شاماها كده
رغده : بري مابطيقها 😒
اشترت وجو راجعين قعدو....بقو يتونسو ويعلقو على الماشي والجاي..انا بس ساكته ومرات بسرح
وقت المحاضرة دخلنا وقعدنا التلاته جنب بعض ..بعد خلصت طلعنا مع بعض برضو ...رغده عندها بتاع ركشه ضربت ليهو عشان يجيها...شهد قالت انتظروني ماتمشو اقعدو معاي لحد ماامين يجيني...
رغده :واي من امين 🤤
استغربت في نفسي قلت البت دي عينها قويه لي درجه 😒
طلعنا وبقينا قاعدين تحت شجرة..شويه كده رغده بتاع الركشة جاها...بقينا قاعدين لحدي امين ضرب لي شهد...طلعنا قلت ليها يلا مع السلامه.....قالت لي تعالي حنوصلك..رفضت....لكن اصرت علي قمت ركبت ...امين بقى يسال يومكم كان كيف...شويه كده وقف في محل نزل جاب لينا ميلك شيك 🤤اتكيفت كيف...وصلوني لحدي البيت ومشو.....
مرت فترة اسبوعين ...والفترة دي كلها كنت بقعد مع شهد مرات برانا مرات معانا رغده وباقي الشله...وكنت حاسه انو رغده دي بتكرهني ماعارفه ليه وبحس بيها بتضايق من وجودي معاهم عشان كده كنت ببعد وبقعد براي💔.لكن شهد مابتخليني اقعد براي❤..ياجات قعدت معاي ❤❤..ياجات طلبت مني اقعد مع شلتهم 😒وخلال الاسبوعين دي ابوي ماحصل ضربني!!!!.....وزي تلاته مرات كده بلقاهو ببكي 😢لكن ماعارفه سبب بكاهو شنو...الاء وريان كانو بضربو يطمنو علي ❤❤
**في ناس بدخلو حياتنا متأخرين لكن بقعدو قدام♥✨
#نتلاقى💜
