انين الذكريات
بقلم ✏: وفاء و هديل
دخلت غرفتي نمممت 😴صحيت لقيت مكالمات كتيرة من شهد.. رجعت ليها..
شهد : وينك يابت مالك مابتردي .
:😭😭
شهد:يابت مالك بتبكي بسم لله😳
:شهد امين ماعارفاهو مالو 😭
:شهد: نورا تعالي لي في البيت هسي عشان نتفاهم
:نتفاهم في شنو وريني ....كل الحاصل انو انا ماعملت حاجه وهو جاضربني ونبذني وطلعني واحده تافهه💔😭
شهد :يانورا انا متاكده انو في سوء تفاهم حاصل
:سوء تفاهم شنو ياخ... مهما كان مافي سبب بخليهو يضربني مهما كان ولا عشان شايفني مقطوعه من شجرة وماعندي زول يدافع عني ..معناها حاتحملو!!
شهد:نورا انتي بتقولي في شنو.. انتي عارفه انو امين بحبك ومابرضى فيك وبعدين المشاكل دي بتحصل عادي .... كدي فهمني الحصل شنو بالضبط لانو انا مافاهمه اي شي..
حكيت ليها الحصل كلو .. استغربت. قالت لي حارجع ليك بعدين تمام...
قفلت منها طلعت من غرفتي مشيت المطبخ اول مادخلت كده لقيت لي مرة وقفه في المطبخ وبتعمل في شاي 😳استغربت ياربي دي منو والجابها بيتنا شنو... فجاه اتذكرت الولد الفتح لي الباب قبيل 😐ياربي ديل منو؟؟؟
طوالي مشيت غرفه ابوي اشوفو.. لقيتو نايم صحى بي قفلتي للباب
اتخلع لمن شافني قال لي انتي جيتي متين 😳
قلت ليهو ابوي المره والولد الفي بيتنا ديل منو؟؟انت بتعرفهم من وين ومن متين فهمني حاجه..
سكت ما رد لي
:يعني ماعايز توريني ولا كيف
طلعت من غرفتو وانا معصبه وراسي جايط ... ابوي جا وراي
اهدي يابتي وانا حاشرح ليك
:تشرح لي شنو ياابوي... يعني الموضوع عايز شرح كمان؟؟
انتي اهدي بس وانا حافهمك...
المرة جات طالعه من المطبخ.. ابوي عاين ليها واشر ليها عشان ترجع وتخلينا برانا
:ابوي حتفهمني ولا اسالها هي!؟
فجاه الباب فتح وجا داخل الولد القبيل... لا وكمان عندو نسخه من المفتاح 😳يعني ساكنين في بيتنا رسمي ولا كيف 😃
الولد :في شنو ياابوي ؟ والبت دي منو.... وهايجين مالكم ؟؟
:لحظه لحظه... ابوك؟؟؟ ابوك بي وين؟؟ فهموني حاجه 😳
ابوي :طيب حاوريك يابتي.. بس انتي اهدي .. واقعدي
مسكينه تحلم بالمطر وسمااهاا عدمان السحابة😴😴😴
نتلاقى 💙
