انين الذكريات
بقلم ✏: وفاء و هديل
كدي خلينا من دا كلو وخلينا في الموضوع
الاساسي...حاولي انسي امين ده لانو ماليك....
كلامها كان قاسي علي 💔مع انو كلامها منطقي وصاح....بس انا لي زعلت من كلامها ....قلت ليها كلامك صاح وانا اصلا قررت انساهو ومقتنعه انو مالي
الاء :ايواا..طالما مقتنعه كويس..وصدقيني حتقدري تشيليهو من بالك...يلا انا حامشي بعد ده.
الاء مشت...طلعت مع الاء قدمتها وجيت راجعه لقيت تلفوني بضرب لقيتو امين...انبسطت شديد ورديت سرعه قبل مايفصل 😂😂💔
امين :الو
:اهلين امين كيفك..
امين :ليه رجعتي كان تنتظريني اوصلك..
:اي شهد قالت لي لكن انا كنت مستعجله عشان كده
امين:تمام..اها امسيتي كيف؟؟
:الحمدلله
امين:الحمدلله ..طيب يلا باي
:باي
عاينت للساعه لقيتها 9 وابوي ماجاء..... مشيت صليت العشاء..رقدت نمت صحيت بي صوت ابوي لمن جاء فتحت باب غرفتي براحه عشان اشوفو سكران ولالا لقيتو ماسكران الحمدلله..دخل غرفتو طلعت مشيت وقفت جنب باب غرفتو وفتحتو بسيط تاوقت براحه لقيتو راقد وخاتي يدو فوق راسو وبفكر ...رجعت غرفتي ونمت
تاني يوم كنت قاعده براي وزهجانه....مشيت شارع النيل قعدت عند ست شاي شربت قهوة..فجاه اتذكرت لمن لاقيت امين اول مرة...بقيت بتبسم.. فجاه اتصل علي امين انبسطت طبعا...في نفس الوقت استغربت من اتصالاتو دي..رديت ....سلم علي..اصبحتي كيف والكلام ده..شويه كده قال لي ممكن طلب...
:اتفضل
امين :عازمك الليله عشاء وياريت توافقي..وبعدين ده اول طلب اكيد ماحتخزليني
استغربت شديد...كيف يعني عازمني عشاء؟؟؟يعني انا وهو برانا وشهد مامعانا!!
اترددت وماعرفت اقول ليهو شنو....هو حسى بي متردده قام قال لي ياريت توافقي عايز اتكلم معاك في موضوع ضروري ....قلت ليهو طيب
امين :بعدين حاجي اسوقك تمام؟؟؟
:تمام وقفلت
ياربي داير اقول لي شنو؟؟ ...ده موضوع شنو الداير يلاقيني عشانو ده...
شهد :اها قالت ليك شنو
امين :وافقت
شهد :الحمدلله.
امين :بي رايك حتوافق
شهد :وليه ماتوافق....هي تلقى زيك وين كمان 😂😂😂
امين :ماعارف بس خايف ماتوافق 😪
شهد :لالا انشاءالله خير
انا رجعت البيت وبقيت افكر في موضوع امين...ياربي عايز يقول لي شنو...وشهد عارفه انو عايز يقابلني وعازمني عشاء؟؟..لالا اكيد ماعارفه....اعمل شنو انا هسي..فكرت اضرب لي الاء واكلمها...تاني غيرت رايي لاني متاكده انها حتقول لي اتحجج ومااقابلو..وبعدين انا عايزة اعرف الموضوع ...
**اللهم قوة ❤❤
#نتلاقى💜
