انين الذكريات
بقلم ✏: وفاء و هديل
مرت فترة الامتحانات الحمدلله اشتغلنا كويس ❤اخر يوم شهد اصرت اني امشي معاها البيت ابيت معاها ...امين جاساقنا وعزمنا ميلك شيك نفس حق المرة الفاتت🤤وصلنا البيت سلمت على خالتو سلمى سالتنا من الامتحان قلنا ليها الحمدلله ❤
قعدنا اتغدينا وبقينا نتونس ...طلعنا انا وشهد الغرفه ...جاها اتصال من امجد اخوها :
شهد :واخيرا اتذكرت انو عندك اخت اسمها شهد 😒
امجد :اااي🌚
شهد :ياعواليق مشتاقين 😒👊
امجد :كلها اقل من شهر وحاجي السودان..حاعمل ليكم وجع وش 🌚
شهد :واي ماقادره اصدق انك حتتخرج خلاص 😂😂😂لي هسي بتذكر لمن سافرت اول مرة للجامعه
امجد :بالله 🌚
شهد :امجد ياخ 😒بطل عوارة
امجد:طيب طيب 😂😂😂خلاص يلا حاقفل باي 😂😂
شهد:يلا قد 😒
قلت ليها ده اخوك صاح...قالت لي اي طبعا نسيت احكي ليك عنو...اسمو امجد بقرا الجامعه في مصر خريج السنه دي 😂😂😂
:واو حلو 😍انا كان نفسي اكون عندي اخوان😢
شهد:فعلا الاخوان نعمه ❤
شويه كده امين دق لينا الباب ..اقترح علينا نحضر فيلم ❤جهزنا الفشار وامين مشى جاب شيبس ليون وتسالي ..خالتو سلمى قالت ماعايزة مشت نامت...قعدنا نحن التلاته طفينا الانوار وشغلنا الفيلم..شويه كده الا لقينا ليك شهد تشخرر😂😂😂والفيلم ممل وبايخ لها حق تنوم 😂😂💔قلت لي امين الفيلم ده بايخ تمو براك ...قال لي انا زاتي ماداير احضر...قفل التلفزيون وفتح النور....قعد ..بقينا ساكتين وماف واحد داير يفتح خشمو..حسيت بيهو داير يفتح موضوع ومالاقي موضوع 😂😂شويه كده قمت وقلت ليهو انا ماشه انوم قال لي طيب...صحينا شهد عشان تنوم في سريرها
تاني يوم الصباح قلت لي شهد انا راجعه البيت..قالت لي اقعدي لمن امين يجي يوصلك...اصريت ارجع براي...رجعت لقيت ابوي ماف ..جبت لي اندومي فطرت بيها....الضهريه كده اخدت لي نومه صحيت ضربت لي الاء قلت ليها تجيني...شويه كده جات وقعدنا نتونس...فجاه قلت ليها الاء عايزة اقول ليك حاجه
الاء :اها قولي
:لو مثلا حبيتي واحد تمام....والواحد ده ماليكي
الاء:كيف يعني
:يعني مثلا متزوج
الاء:لحظه لحظة ليه فجاه خطر على بالك الكلام ده 😂😂😂وبعدين انا البخليني احب لي راجل مره شنو كمان اجي 😂😂😂
:خلاص غيري الموضوع
الاء:دقيقه دقيقه اوعى تكوني دي انتي...😨
:يابت انتي انتي مجنونه ولاشنو حب شنو وكلام فاضي شنو 😒انتي عارفه انا مالي في الحاجات دي
الاء:نورة احكي لي ده منو الحبيتيهو ده ولاقيتيهو وين
:يابت قلت ليك ماف كلام زي ده
الاء :نورة احكي لي 😒
طيب حاحكي ليك...انا عندي صحبتي في الجامعه اسمها شهد يلا هي متزوجه
*الاء في نفسها قالت دي شهد اللاقيتها المرة الفاتت الغريبه ماظاهر عليها متزوجه
زوجها اسمو امين ...فجاه اتذكرت انو شهد قالت لي انو هي عندها بت طيب وين بتهم ليه ماشفتها وماقاعده تجيب سيرتها نهائي 🤔
الاء:اها واصلي مالك سكتتي
:قلت ليها لحظه في حاجه غريبه
الاء:شنو🙄
حكيت ليها بالتفصيل الممل لحدي لمن حضرنا الفيلم البايخ🌚
الاء:حاجه غريبه بالجد +يعني شهد دي امها عايشه معاهم في البيت
:اي...ابوهم متوفي عشان كده وهي ماعندها ف
غير شهد بس عندها امجد وبقرا في مصر
الاء :ايواا..لكن بالجد حاجه غريبه ..كدي خلينا من دا كلو وخلينا في الموضوع الاساسي...حاولي انسي امين ده لانو ماليك....
وَحْدَهُ فِنْجَان القَهْوَة منْ يَمْلُك القُدرّة علىَ إحْتوَاءِ الوَجَعْ ! ~ ♥
#نتلاقى💜
