القدر دايما بلعب لعبتو💔من البداية بديك ويمدك ويخليك كانك عايش في الجنه كل احلامك تكون ماشة وكانها خلاص هتكون دايمة وهتتحقق كلها💕بس فجاءة ومن غير اي مقدمات يجيك ويسلب كل شي اتسبب ليك بي ضحكة في حياتك😭يخليك كده عايش من غير تفكير و حياتك اللي كنت عايشها بكل فرح وسعادة تنقلب وتبقى اكعب من اول 💔💔لانو دي لعبة القدر ودايما بلعبها وهو البكون فايز وفي الاخر انت تطلع منها يا اما مكسور الخاطر او مجروح يعني مستحيل تكون الفايز او المبسوط😭💔لي كده يا قدر حن علينا شوية وزي م مديتنا بالفرح خليهو يعم يرد القدر قائلاً انا بفرحك فترة وبعديها بسلبك كل شي حلو عندك 😽 لازم اكسرك في الاخر وترد انت بكل بئس ايوة يا قدر عرفت خلاص اني م مكتوب لي اعيش مبسوط او سعيد اعتزلت كل شي خلاص شكراً واسف يا قدر ع حلمي وتفاؤلي😿😿.
قصي : م عارف اشكر ربي ولا انتب حظي
نهلة : م تقول كده كل شي لي خير والخير اني عرفتك
قصي : وين الخير في معرفة م ليها نهاية سعيدة
نهلة : كلو عند ربنا مكتوب بس نحنا علينا الرضا
قصي : وربي عارف بس.......
نهلة : كتر عليك وكسرني بس نصبر ونشوف حكمة ربنا
قصي : ونعم بالله نصبر ونشوف
طبعا بعد المقدمة دي اكيد عايزين تعرفو الحاصل معاي والسبب الخلاني ابداء روايتي بالشكل ده🐸😭😂طيب تابعو الاحداث عشان تعرفو.
اسمي قصي طالب في جامعة السودان هندسة معمار المستوى الثالث يعني top Senior وكده😂😂 الاسرة بتتكون من 5 اخوي الكبير واسمو مجد هو مغترب وعندو شركة بتاعت ادوية طبية واختي اكبر مني اسمها ريم (البايرة🐸م تكون سمعتني) امي حاجة مروة وابوي حاج الصادق دي اسرتنا الصغيرة مبسوطين وعايشين حياة حلوة شديد ساكنين في العمارات طبعا اخوي عازيني عزة مشتري لي عربية وكده وعندي صحبي نسيتو😂😂😂من انا صغير معاي ياخ وبقرا معاي سوه اسمو سيف.
بعد اجازة طويل بتاعت تانية نتايج الامتحانات طلعت في الجامعة
سيف دقايق يا اتصل ع الزفت ده وين هو يااااخ النتيجة الليلة واكيد هيكون نايم الكلب👺 والتلفون هنا يرن ويرن وانا م جايب خبر اتصل علي اكتر من 7 مكالمات بعد داك قال يتصل ع امي اتصل عليها وكلمها انو النتيجة الليلة ومفروض اكون معاهم في الجامعة وانا هنا نايم نوم الحمير😹😹😹😹😹
حاجة مروة شالت كباية الموية وملتها من التلاجة وفي عز البرد اتخيلو😭😭(م كده يا نبع الحنان)
ياود يا قصي قوم سيف ده عايزك انا كويس يمه قايم واتغطيت بعد شوية بس احس بي حاجة بارد فيني وقمت مخلوع وامي تضحك فيني وقالت لي انت اصلا لو م كده م بتقوم طير يلا حصل سيف ده مستنيك وقال الليلة نتيجتكم قمت سريع وجري الحمام شغلت السخان استحميت سريع وطلعت لبست لي بنطلون اسود وجزمة سوداء وقميص اسود رتبت اللحية بتاعتي😂😂😂😂ياخ الواحد م يكزب يعني😹🐸 والله عندي بس نسيت م رتبتها وجيت طالع لاقتني امي في الباب قالت لي طالع وين بي خلقتك دي الدقن بتاعك طير امشي رتبو
جري خشيت الغرفة رتبت نفسي وجيت طالع اعا كده كيف يمه قالت لي ايوة خليك كده ياااخ انا اتكسرت فيك قلت ليها هوي شوفي راجلك وين😂😂😂وقمت جاري ركبت العربية وطوالي ع الجامعة🐸اول م نزلت لقيت ليك سيف منتظرني ليك في الباب اول م شافني صرف لي وقتي😂😹😂😹😂😹😂😹😂😹😂وانا بي كل برود سلمته عليو ودخلنا مشينا البورد لقينا النتيجة طلعت والناس كتيرة متلمية وسيف يشيل ويقابض ويعجبكم برودي قعدت وبقيت اتفرج تاني سيف اتلفت وصرف لي 😭😭😭😹😹😹😹اصلو مستحيل اكون معاو وم يصرف قلت ليو استكين يا مان واقعد خلي الناس دي تفر وبعداك بي رواق كده نشوف النتيجة بتاعتنا حتى عمك هدى وقعد؛شوية كده قمنا ع البورد انا شفت نتيجة سيف وكانت نضيفة وبقيت افتش بتاعتي وم لقيتها وخلاص اعصابي باظت😱😱بعد شوية اشوف ليك سيف قبل علي وزعلان والدموع جارية في وشو😵😵خلاص انا بقيت م قادر استنى م فاضل الا اكفتو مالك يا بشر قول في شنو قال لي نتيجتك يا قصي نتيجتك قلت ليو ماله ياااخ قول طمني قال لي repeat يا قصي repeat انا خلاص هبطت وقعدت في الارض بعد شوية اشوف ليك الوسخ بضحك باعلى صوتو وبقول عملتها فيك😹😹😹😹ياخ قمت ناطي وجاري وراو بقينا زي الشفع في الحوش الكبير داك وانا جاري وراو بس زاغ مني كده وانا طقشت لي بت 😡😡وهجت فيها قبل م اشوفها بس بعد قمت عاينت ليها كده سكته وم قدرت اتكلم تاني وهي تعجبكم رداحة ردح ولسانها طويل🐸صفقت لي وقالت لي انت حيوان ومتخلف وم بتشوف وبعدين انت الضربتني م انا فشنو المرة الجاية اعمل حسابك.وشوف قدامك دي شنو العالم الجزم دي يااااخ👺👺انا مع الغضب والبهرة الفيني بقيت واقف بعد شوية بقت ماشة قلت ليها الجامعة حقت ابوك هي لما تتلامي كده ومشيت خليتها اخر اليوم طلعت مع سيف بالعربية ونحنا ماشين بس جاي طالع من البوابة بس اضرب ليك زول قدامي وطلعت نفس البت نزلت من العربية وكويس انها م اتعوقت شاكلتها ليك انت متخلفة م شايفة العربية ماشة وجاية قاطعة كده دي شنو الرمه دي يااااخ عاينت لي من فوق لي تحت وم ردت علي مسكت يد صحبتها ومشو.
بقينا انا وسيف لافين بالعربية ع اساس النتيحة نضيفة لازم ننبسط وكده وفي عز الجوطة ديك تلفوني اتصل كانت اختي ريم عملت نفسي مطنش وم رديت وتاني اتصل وطنشت بعد شوية جاتني رسالة منها مكتوب فيها.................
#يتبع 😉
