حكاايه داليدا(جنون الاذاعه) ...بقلمي/هاجر هشام

البارت 1

في شقه بسيطه حتي في اثاثها بسيط لكن تحس بالدفئ والسكينه رغم عدم وجود الام وحنانها لكن بوجود بطلتنا منوراه بضحكتها وشقاوتها
في غرفه داليدا رن المنبه وكانت داليدا نايمه وبكل حماس وضحكه ع وشها وتفائل بيوم جديد وجميل قامت وهي بتتمطع في نومتها وقفلت المنبه وكان فاضل ع اذان الفجر عشر دقايق قامت وخرجت برا الاوضه و دخلت اوضه باباها
داليدا بهدوء وحنان : بابا
مراد كان صحي وهو متعود يصحي دايما قبل الفجر بصلها وابتسم : صباح الخير ي حبيبتي
داليدا بابتسامه جميله ومتفائله:صباح النور ي حبيبي يلا قوم اتوضي عشان تلحق تصلي الفجر في المسجد
مراد :حاضر ي حبيبتي
باسته داليدا ع جبينه وخرجت ودخلت اوضتها
ودخلت الحمام وخدت شاور سريع واتوضت وكان الفجر اذن ادت فرضها وقرات قران شويه وخلصت وخرجت برا الاوضه ودخلت المطبخ عملت نسكافيه وكان باباها وصل وهو جايب الفطار خرجت وقربت منه
داليدا شمت ريحه الطعميه السخنه باستمتاع بريحتها :الله عليك ي بابا ي جامد
مراد ضحك:ههههه لقيتها سخنه وافتكرت انك بتحبيها سخنه روحت جبتلك
داليدا باسته ع خده :حبيبي ربنا ميحرمنيش منك ابدا
مراد بحب :ولا يحرمني منك ي حبيبتي
يلا بقاا حضري بسرعه قبل ماا الطعميه تبرد
داليدا :حالا
خدت منه داليدا الفطار ودخلت المطبخ حضرته بسرعه وحطت ع التربيزه وقعدوا يفطروا
مراد :امممم ناويه تعملي اي انهارده
داليدا بحماس وهي بتتكلم :لقيت شغل في محطه اذاعيه هقدم ويارب المرادي اتقبل
مراد ابتسم بحنان :ان شاء الله ي حبيبتي تتقبلي بس شغل اي بالظبط هتكوني مذيعه يعني
داليدا :ههههه لا مش ع طول كدا ي سي بابا لازم الاول متدربه وبعد كدا ابقاا مذيعه
مراد :ربنا معاكي ي حبيبتي المهم خلي بالك من نفسك و
قاطعته داليدا : ومكلمش حد وامشي وانا باصه في الارض ومقفش في الشارع مع حد ولو حد اداني شوكلاته اخدها واجري
مراد ضحك:هههههههه لا ع فكره انا مقولتش اخر واحده
داليدا :ههههههه عارفه عارفه دي بتاعتي انا ما هو مش معقوله هسيبلوا الشوكلاته هاخدها طبعا
مراد :ههههههه ماشي ي لمضه والله دا انا اخاف ع الي بيخطف منك
داليدا بثقه:طبعا عيب عليك انت مستقل بيا ولا اي
مراد عينيه دمعت من كتر الضحك :هههههههه بس خلاص مش قادر
داليدا :هههههههههه كبرت ولا اي ي حاج
مراد :مين دا الي كبر ي بت انتي ابوكي لسه شباب
داليدا غمزته :طبعا شباب ي حبيبي دا انا بفكر اتجوزك والله
مراد :هههههههه بس ي مصيبه يلا خلصي فطارك
داليدا :ههههه شبعت الحمدلله بالهنا والشفا
مراد قام من ع الكرسي :وانا كمان شبعت الحمدلله
داليدا :بالهنا والشفا ي حبيبي  يلا خد علاجك بقاا قبل مااتنسي
مراد :حاضر
شالت داليدا الاطباق ودخلتها المطبخ وغسلتها ودخلت اوضتها روقتها وظبطتها وقعدت ع اللاب شويه
ونزلت بوست ع الفيسبوك وكعادتها بوست كله كلام جميل و رضا ل ربنا
"♥️سلمت امري إليك يا الله وبك اكتفي لأكون بخير ♥️"
وهي كانت مسلمه امرها ل ربنا فعلا عمرها ما حسبتها ولا فكرت في اي حاجه سايباها ع ربنا دايما عشان كدا راضيه ومرتاحه وعايشه حياه هاديه
لكن ي تري الحياه دي هتستمر في هدوئها دا  ولا فيه حاجه هتعكر صفوها