عند احمد كان في عربيته وهو سايق وبيتكلم في الفون
احمد :خلاص ي محمد قولت جاي في السكه اهو ي ابني قربت
والله قدامي خمس دقايق واوصل المستشفي
خلاص بقا بطل رغي دا انت صداع
يلا ياض امشي
قفل احمد وحط الفون جنبه ورفع راسه وفجاه ظهرت بنت قصاده داس ع الفرامل بسرعه وخرج من العربيه يطمن ع البنت واتصدم بنفس البنت الي قابلها في السوبر ماركت
احمد بدهشه:هو انتي
البنت كانت مغمضه عينيها من الخوف ان العربيه تخبطها وفاقت ع صوت احمد فتحت عينيها وبصتله بغضب غلب دهشتها انها قابلته للمره الثانيه :مش تفتح وانت بتسوق اي هو عشان ربنا رزقك ومعاك عربيه هتدوس ع خلق الله لما انتوا مبتعرفوش تسوقوا بتركبوها ليه
احمد :باااااس اي بلاعه فتحت في وشي ما تهدي هو الحق عليا اني نزلت اطمن عليكي
البنت :بجح كمان تقتل القتيل وتمشي في جنازته
احمد وهو بيكز ع اسنانه : ي بت هو انا لمستك اصلا ماانتي زي القرده اهو
البنت بغضب:قرده في عينك واحد قليل الذوق
الناس كانت متجمعه من اول الحوار وهما بيتفرجوا
احمد وهو بيكور قبضه ايديه بغضب :عارفه لولا انك بنت انا كنت دفنتك مطرحك انا اصلا مش عارف انتي بنت ولا واد روحي ي شاطره العبي بعيد مش فاضيلك
شخص من الي واقفين :عيب تغلط فيها كدا ي استاذ دي اد بنتك
البنت اتغاظت وبصت لشخص بغضب :بنتوا مين ي متخلف انت انا كبيره
احمد وهو بيغيظها :هههههه حتي الناس شايفينك طفله. يلا ي شاطره روحي للباص يفوتك
الشخص بغضب ووقاحه:تصدقي انك بنت قليله الذوق ومش محترمه
احمد وقف قصاده بشراسه وهو بيضربه ع خده بخفه:اي ي قنبله الرجوله هو مش كان من شويه ميصحش و. اد بنتك. اي اعتبرتها حفيدتك ولا اي
الشخص خبطه ع صدره وزقه :وانت مالك انت خليك في حالك
احمد باستهزاء :لا دا الكلام دا يتقالك انت. انت الي اتحشرت وادخلت واحنا مسمحنالكش يبقي تستاهل الي يجرالك
ضربه احمد بالبوكس بقوه وقع ع الارض
البنت رغم انها متعصبه منه لكن متنكرش انها اعجبت بموقف الرجوله الي عمله ورده ع الشخص
احمد رجع للبنت وبصلها بحده:وانتي ي انسه شوفي يلا كنتي رايحه فين
البنت بتلقائيه :حاضر
ركب احمد عربيته والبنت مشيت وهي مستغربه انها مردتش ع عصبيته عليها
البنت بينها وبين نفسها:انا ازاي سكت ومردتش عليه
بس بصراحه طلع چنتل ماان اووي رغم اني اتخانقت معاه وزعقت فيه بس مع ذلك دافع عني وضرب الراجل يخربيته فظيع ووسيم اووي معقوله فيه جمال كدا
اي الي انتي بتقوليه دا ي هنا. استغفر الله العظيم يارب. استغفر الله العظيم
في المستشفي وصل احمد ودخل مكتبه ودخل صديقه في نفس اللحظه وقرب منه وقعد قصاده
محمد :اي ي بني كل دا هما دول الي قدامك خمس دقايق
احمد بضيق:بس متفكرنيش دا انهارده كان يوم غريب
محمد بفضول :ليه اي الي حصل
احمد :صحيت متاخر وكمان كنت هخبط واحده بالعربيه ونازل عشان اطمن عليها القي بابور فتح في وشي وهي اد كدهه يعني طولها ميكملش نص سنتي ولسانها ماشاء الله عشره متر
محمد :هههههههه شكلك شايل منها اووي
احمد بغيظ:دا انا نفسي اخنقها بين ايديا اي البت دي
محمد غمزه :هي حلوه
احمد بصله بغيظ:شوف التاني. بقوله نفسي اقتلها ودا يقولي حلوه.
وانا مالي حلوه ولا زفته
محمد بتسرع :طول عمرك دبش وفصيل انا مش عارف داليدا كانت هتحبك ع اي
احمد بمجرد ذكر اسم داليدا قلبه وجعه وغمض عينيه بوجع وهو بيتحكم في اعصابه وبيكتم دموعه بالعافيه
محمد ندم انو اتسرع في الكلام ووجع صاحبه بالشكل دا خصوصا انو عارف الموضوع كله وتحدث بندم :احمد انا اسف والله مااقصد انا كنت بهزر
احمد بهدوء عكس العاصفه الي جواه :محصلش حاجه ي محمد
محمد :انا اسف والله طلعت مني غصب عني متزعلش مني ي صاحبي
احمد :ولا يهمك محصلش حاجه. المهم يلا نشوف المرضي مش عايز اتاخر اكتر من كدا
محمد بصله بتساؤل:يعني بجد مش زعلان مني
احمد قام وقف ولبس البالطوا الابيض :والله ما زعلان انت هتزعلني بالعافيه يعني قرب منه وحط ايده ع كتفه وابتسم . يلا بينا
محمد ابتسم :يلا
احمد كان بيلف ع المرضي وهو بيتابع حالتهم
احمد بابتسامه وكانت قدامه ست كبيره في السن لكن وجهها بشوش :ماشاء الله انا واخد بالي ان فيه تحسن كبير وخصوصا ان نفسيتك زي الفل
وبمزاح كمل. قوليلي بقاا مين بيضحكك غيري ي كوكو
كريمه :ههههههه والله انت دمك زي الشربات زي حفيدتي بالظبط
احمد بتمثيل الزعل :يبقي هي الي بتضحكك يعني خلاص استغنيتي عني. بقاا تعملي فياا كدا تخديني لحم وترميني عضم
كريمه من كتر الضحك عينيها دمعت :ههههههههههه انت عسل اووي ودمك خفيف
احمد غمزها بمزاح :اي دا انتي بتعاكسيني لا ع فكره انا ابويا قالي الي تعاكسك تتجوزك.
كريمه :ههههههه وانا موافقه هو حد يطول ياخد القمر دا
احمد بتمثيل الخجل :احم احم متكسفنيش بقاا
كريمه :هههههههههه تعرف القعده معاك بمليون دواء والله
احمد مسك ايديها وباسها بحنان وبصلها وابتسم :انتي الي حضرتك القعده معاكي ميتشبعش منها ربنا يحميكي ي امي
أنت تقرأ
حكاايه داليدا(جنون الاذاعه) ...بقلمي/هاجر هشام
Romanceحكايه ليها كذا معني وكذا شكل قصه بنت مجنونه وشقيه بتحب الحريه بتحب تكون زي الطيور ملهاش قفص تتحبس فيه
