حكاايه داليدا(جنون الاذاعه) ...بقلمي/هاجر هشام

البارت 13

عدي ايام وكانت داليدا لسه في المستشفي لحد ما يطمنوا ع البيبي والحمل يثبت

احمد وهنا
قدرت هنا باهتمامها وحبها ليه انها تجذب انتباه ليها ومبقاش يفكر غير فيها هي وبس وبرغم انها كانت بتتعذب من جواها لكن اتحملت وميأستش ابدا

في مكتب احمد كان بيتابع ملفات المرضي وسمع خبط ع الباب
احمد :ادخل
اتفتح الباب ودخلت هنا وفي ايديها عمود اكل قربت منه بابتسامه جميله
هنا :صباح الخير
احمد ابتسم لما سمع صوتها وبصلها :صباح النور
غريبه اول مره تجيلي المستشفي
هنا قعدت الكرسي :اصل انت انهارده نزلت من غير ما تفطر فا حضرتلك الفطار وقولت لازم اجبهولك
احمد :اممممم طب وانتي اشعرفك اني مفطرتش
هنا :طبيعي ي حبيبي انا عارفه انك مش بتحب اكل المطاعم وانت مفطرتش في البيت يبقي اكيد مكلتش لسه
احمد :لا ناصحه فعلا
طب وانتي فطرتي ولا لسه
هنا :مانا هروح افطر قولت اجبلك دا وارجع
احمد :لا اقعدي افطري معايا
هنا ابتسمت وطلعت الاكل وحطته قصاده :ماشي
احمد ابتسم وهو جواه شعور غريب ناحيتها و مبسوط باهتمامها بيه كان احساس غريب لما تلاقي حد بيحبك وبيهتم بيك الاهتمام الي اساس اي علاقه هو الي بيبني الحب لكن مش هو المصدر الاساسي  زي ما فيه اهتمام لازم يكون فيه ثقه فيه حنيه فيه حب
احمد كان بيبصلها وهو بياكل ومبتسم ومستمتع بوجودها المرادي كان حاسس بوجودها فعلا فهم كل حاجه وفهم نظراتها
هنا كانت بتبص بطرف عينيها وشافته وهو باصصلها واتكسفت وبصت في الارض
خلصوا اكل وشالت هنا الاكل وقامت وقفت :انا همشي بقاا
هستناك ع الغداء انا الي طابخه بايدي المرادي
احمد قام وقف وقرب منها ومسك ايديها وباسها برقه :لا طالما انتي الي طابخه يبقي هاجي
هنا ابتسمت:ماشي هستناك متتاخرش
احمد :مش هتاخر
هنا :سلام
حاولت هنا تمشي لكن احمد كان ماسك ايديها ومسابهاش
احمد :استني هتمشي كدا من غير اي حاجه
هنا باستغراب :اي حاجه اي
احمد مردش وقرب من شفايفها
هنا لاخر لحظه كانت هتضعف لكن فتحت عينيها وضربته في بطنه وبعدت بسرعه
احمد بغيظ وهو ماسك بطنه : ي بنت ال .... والله ما هسيبك ي هنا
هنا بتشفي :احسن عشان انت قليل الادب احنا في مكان شغل ي دكتور عيب
احمد :ماشي ي هنا هنتحاسب في البيت
هنا وهي بتطلع لسانها :الحساب وقت الحساب ي حبيبي
خرجت هنا واحمد ضحك ع طفولتها وجنانه وهو اول مره يكون مبسوط بالشكل دا ورجع لشغله

في مكتب معتز كان قاعد هو وصديقه زياد
زياد :مقولتليش بقاا داليدا عامله اي
معتز بلامبالاه :طب وانا مالي ما تروح تسالها هي
زياد بخبث:مانا روحت فعلا حتي باماره لقيت عندها بوكيه ورد وشوكلاته شكل كدا حد بيحبها اووي بعتهولها
معتز بصله بقوه وهو بيغلي من الغيره الي مش قادر يسيطر عليها :قصدك اي. مين يعني الي هيجبلها الحاجات دي
زياد بلامبالاه وهو بيلعب في هاتفه :وانا اشعرفني ي عم ما تروح تسالها
معتز قام وقف وقرب منه ومسكه من لياقه قميصه وبصله بغضب :انت ي زفت انت عمال تيجي تقولي كلام يحرق دمي وتمشي
قول واخلص مين الي جاب الورد ل داليدا
زياد ببرود :طب وانت عايز تعرف ليه انت مش بتقول مبقتش تهمك خلاص سيبها للي تهمه
معتز بغيره ضربه بالبوكس:مفيش حد هيقرب منها فاهم داليدا ملكي انا وبس
زياد حط ايده ع عينيه وبصله بغيظ:الله يحرقك ي شيخ
طب انا مالي ما تولعوا مع بعض انتوا الاتنين انا مالي اضرب كل شويه ليه
معتز بغضب:انت الي بتستفزني
والست هانم التانيه دي انا هوريها عشان تقبل ورد وشوكلاته من حد